-
قبل ان اكتب هذه الاسطر القليله احب اقدم شكري وتقديري لموقع عين كاوه المحترم والجدير بالاحترام لسماعة الاصوات العراقييه التي تتكلم بكل حب للوطن والانسانيه والسلام والمحبه
وكما اقدم اعتذاري لقسم من اهالينا المحترمين ب ولايه مشكن الامريكيه وكلامي يخص بعض وليس كل الناس
الموجودين بامريكا.................. وياريت نصل لحاله التفاهم بيننا اكيـــــد يوجد عراقيين وابناء الجاليه نجحوا وانا فخــــــور بهم تماما
اخترت لكم موضوع وارجوكم ان تساهمون ايظا لو كان لكم الوقت الكافي لسماع مشاكل العراقيين والجاليه العراقييه القادمه حديثاً والقادمه سابقا ولكنني احب قبل كل شي ان اتعرف عليكم لانكم ستقروان اشياء من واقع حياتنا وامورنا التي تهم كل انسان يبحث عن الانسانيه ويبحث عن ازاحة هموم العراقيين قي ولاية مشيكان وقي العراق بصوره عامه
لذا اخترت هذا الموقع الكبير والمحترم للبدايه واتمنى ان لاتكون النهايه لكي تصل اصوات العراقيين اللذين يهمهم امور اخوانهم بصوره صحيحه وفعاله
كمـــــا اشكر كل اعضاء المتابعه ومصمم الموقع لانه فسح المجال لبروز الديمقراطيه الحاليه الرائعه بايصال اصوات العراقيين لبعضهم البعض بهدف الانسانه والانتقاد البناء
فاشكركم لو وافقتكم بالموضوع وتبداون بالكتابه لعل قسم من كتاباتكم تداوي جروح الاخرين او تساهم بحل قسم من الالامهم ................................ والرب يبارك الجميع
ماجد يلدو
-
wal ane ahle usa ykolon usa 7yataha 93ba bas hya hwya jmelal usa
-
شكرا الى اللذين قراوا او ساهموا بالرد
اليكم بعض ما يعانوه العراقيين من هموم واحزان وخصوصا ببدايه حياتهم الجديده بامريكا فارجو منكم اعزائي ان تكونوا صريحيين باجاباتكم
1- ياتي العراقي اللاجيء او المهاجر ويصطدم باشياء لم يكن يحلم بها اساسا
ا- منها العمل الصعب مع اللعة الجديده( بس هم ميخالف )
2- يرى اقرب الناس اليه هم بعيدين عنه وكانه غريب( بس هم ميخالف )
3 يبداء بالبحث عن عمل شريف مع ناس يسكنون البلد قبله لكنه يكتشف انه يسال نفسه لا
الناس اللذين يسكنون قبله هنا ( ايظا ميخالف لنقل انهم مشغولين)
4- يبداء بالبحث عن الجو الاجتماعي والانساني بين المقربين فلا يراه اساسا موجود ويبــــــدأ
بشرح الانسان والانسانيه ولكنه مع الاسف لايرى حتى جوابا يريح قلبه( نقبلها ميخالف )
5- يشاهد الناس اصبحوا اكثر من ماديين وهمهم الدولار بينما هو قادم من بلد شرقي كان
بامكان من جاءوا قبله هنا شرح بعض الامور له( هم ميخالف نكول مشغولين)
6- لكن الاسوء هو انه يرى بعد فتره قصيره جدا انه يبداون بالتلميح له بالخروح من دارهم
بطرق دبلوماسيه امريكيه رائعه وهنا تبداء الحرب النفسيه لهذا القادم الجديد مما يضطره
بالبحث عن الاصاله العراقييه التي سيحلم ان يراها( ولو خُليت قُلبت..)
السوال هو.......... ما رايكم بشي اسمه الضمير+ الانسانيه وهل نحن مقنعين ام نحن ممثلين
كثيرا من الاشياء علمها لنا الرب ولكنها مجرد صارت كلمات عند البعض
ارجوكم سامحوني بصراحتي او قول جزء من الحقيقه وانا من الممكن ان يتم
اقصائي من هذا الموقع الرائع..... ولكن قلم العراقي الحقيقي سيستمر بالكتابه
والرب يكون معاكم ومع كل من عنده ضمير ويحس بالاخرين واشكركم
-
تحيه عراقيه اخرى
اشكر الى اللذين دخلوا وقراوا الكلمات البسيطه وكما اتفقنا الكتابه بالصراحه
من خلال معايشتي بقسم وليس الكل بدات ارى ان اغلب سكان مشيكان بداوا يتاثرون
بانهيار امريكا اقتصاديا وحتى قسم منهم تحول لمريض نفسي متحطم لانه تعلم على الماده
وعلى الصرف.
والمحير ان سكان مشيكان واقصد ربعنا العراقيين ابتعدوا عن اولادهم طبعا الام والاب
فارجو من هو اب او ام ان لا تكون الفلوس هي ديتهم بل الرب والاولاد اهم من الفلوس
اكيد زعلتوا ميخالف اتحملونا بس الاولاد لازم ما نتركهم لانه شمعة حياتنا
واشكركم اليوم كان الموضوع اهمال الاولاد
ماجد يلدو
-
موضوع رائع عاشت الايادي ورده
-
wowwww its great thing mr majid yaldo
matho3 raheeb wa kol al 3ira8eyeen yahmhoom yaret taktob ba3ad 3an al 7a8ae8
shokran
-
موضوع حلو دوم نحو التميز
عاشق الرومانسية
-
موضوع رائع وفعلا العراقيين القادمين لمشيكان حالهم حال الضيم مع الاسف واخوانهم الباقيين متفرجين عليهم مع الاسف
انا اعرف عراقيين عوائل الان رموا اغراضهم بالشارع وهم اتعس حياه الان مع الاسف
عاشت يداك اخي على نقل الحقائق لمن لايعرف امريكا
-
شكرا يا اخ ماجد على الموضوع القيم واتمنى لو يتكلم الذين هاجروا عن حقيقة ما واجههوه لتجنبت الكثيرين الالم والذل
-
موضوع جميل يا ماجد أني بس حبيت أقول مقولة مشهورة(الي يطلع من بيته يقل مقداره)وشكرا....
تحياتي Angel_F.
-
تحيه طيبه لكل من يقرا او يكتب عن جزء من معاناته هنا او هناك ليكون هذا المنتدى هو صوت للعراقيين جميعهم وكي يكون درس لمن يتصور ان حياه الغرب ستكون حلم من احلامه الطفوليه..... واكرر شكري لمدير منتدى عين كاوه ومراقبي المنتدى وكل مواطن مخلص يكتب بضمير حي وبصوره واضحه بعيده عن الرتوش والمجاملات....
انا لستُ بارعاَ بالكتابه او فنانا بالوصف ولكنني حينما تواجدتُ بامريكا وجدت اشياء من الصعب حتى وصفها للقاريء او المتصفح واكيد كل منا مر بهذا الموضوع ولكن المي الوحيد هو انه العراقيين وخصوصا اللاجئيين الجدد يعانون اشياء لو تكتبها الاقلام لبكت العيون لهم وخصوصا عندما كانوا يحلمون بالهجره بسبب الحروب ولا الومهم لان اغلشعب المسيحي عانى معاناة كبيره جدا
ولكن معاناته تزداد عندما يلمس القسوه من هم اقرب الناس اليه بهجرته من بلده وتبدا معاناته
بالبحث عن العمل وهو خريج ومثقف وتعبان على شهادته. وتبدا دموعه تنحبس بين عبونه عندما يرى ان تعبه او صبره ببلده راح سداَ...... لااحب ان ازعجكم بقدر ما احب ان اسالكم وياريت لو تتفضلوا وان تكتبوا او تنصحوا القادمين الجدد ما يفعلونه كي لا يصطدموا بالواقع الخيالي
انا زرت امريكا وشاهتُ( العراقيين بامريكا ولكنني.... لم اشاهد امريكا بالعراقيين) ولازالوا يبحثون ويحنون لماضيهم الي سحقوه الطٌغاة ويقولون اااااه والف اااااه علينا وعلى اطفالنا
فارجو من هم قُدماء بالمهجر ان يكتبوا ويكتبوا وان كانت كتاباتهم تتعب اصابع يدهم فالعراقين يستحقون ان يقراوا ويرون وقائع ابناء بلدهم بالمهجر وحينما ستخف جزء من الالامهم.......
وانا كل يوم ساكتب قصه من واقع زيارتي لاامريكا فارجو فقط تعليقكم البسط عليها لو تفضلتم ليس اكثر...............
القصه............. عنوانها........................الثلج
لاتستغربوا من العنوان فهو مثير هناك طفل عمره عشر سنوات وصل مشيكان -17 مايل وكان هذا الطفل يحب شرب الماء بالثلج وتخيلوا ان جده قال له بالحرف الواحد( اثول انت خلصت الثلج)
مع العلم الجد هو بمثابه اب ولا اقدر ان اكمل لكم اكثر وهذا الطفل وصل كلاجيء بعد مضي خمس سنوات بالاردن فضيعه المهم من الموضوع.............لماذا؟؟؟؟؟ ماتت الانسانيه وحتى مع من هم اطفال
اشكركم وانشاء الله ستقروان المزيد وانا متاكد انتم لمستم اشياء اصعب منها
تحياتي لكم ياعراقين ياشجعان والرب يباركم
ماجد يلدو
-
كما وعدتكم ان اكتب لكم عن هموم العراقيين في مشيكان وخصوصا القادمين حديثا
ومن المؤلم والموسف ان اقلامنا العراقيين لن تسكت ابدا عن ذكر الحفائف وخصوصا
حقائق اللاجئيين الذين وصلوا حديثا لاامريكا خصوصا
قصة اليوم اسمها................... البايسكل..... والانشورنس( التامين)
عائله وصلت لمشيكان حديثا وصدفه الجيران اهدوا لطفلهم عمره عشر سنوات بايسكل
ولكن الطفل المسكين لم تكمل فرحته بهذا البايسكل البسيط التي كان محروم منه بسبب
ظروف الحرب والهجره ووو الخ واذا باصحاب البيت الذي يسكن عندهم يرمون بالبايسكل
الذي يخص الطفل بالشارع مدعين انه خطر عليه ولو تاذي الطفل وليس له انشورنس صعب
هم يعالجوه علما هم من لحمه ودمه وبكى الطفل وحزن وبقت طموحاته الطفوليه احلام
من العراق الى ان وصل امريكا
ايس القصد هو البايسكل ..... بل القصد هي الانسانيه مع من هم قادمون حديثا
فياترى لماذا يا اهالي العراقيين القدماء قسم منكم تقسون على زواركم اللاجئيين وتعاملونهم
معاملة الاسرى..................................... بالمناسبه انا لااعمم وانما قسم منهم
وهناك الكثير والكثير من القص المؤلمه
ماجد يلدو
-
عاشت الايادي على الموضوع الرائع
اني من هسا ما اطلع من بلدي ههههههههههههههههه
يسلووووووووووووو يا اخ ماجد
-
شكرا لمن قرا او شكرا لمن اتعب عينه بالنظر الى جزء من الالام ابناء شعبه بالمهجر
انا لااكتب كي استميل كرهكم او انتقص من دوله او شعب ولكن الغرض من الكتابه هو ان تحملوا
الصور الحقيقيه لمن يفكر يوما بترك بلده ولو اوضاع البلد الان صعبه حرب وقتل وخطف وو الخ
ولكن الحقيقه يجب قولها مئه مئه وخصوصا للعراقيين الذين ينتظرون بسوريا والاردن ومصر واي
دوله اخرى كي يصلوا لاامريكا ويرون احلامهم كيف ستكون خائبه والله يكون بعونهم
اليكم القصه الاخرى
---------------------
صديقي طبيب وكان يداوم بمستشفى مدينه الطب وله خصوصياته واصدقائه وراى اوضاع البلد صعبه
فقرر اللجوء للاردن وشاءت الصدف التقيت به بالاردن وكانت حياته اصعب مما ان اصفها لانه ممنوع العمل هناك وهذا الشي كل عراقي يعرفه ومر به يوما ما وان اعطوه عمل فالله يكون بعونه يوم الراتب............
المهم حصل هذا الطبيب على اللجوء بامريكا وطار من الفرح وعمل حفله لا توصف لانه خلص تحققت امنياته...... وسافر الى امريكا وانقطعت اخباره عني فتصورت انه هذا الطبيب صار من المتقدمين هناك وحاله احسن حال............... اكيد متشوقين لقراءه الباقي صح
1
2
3
4
5
وسافرت لاامريكا واثناء تجوالي باحد شوارع امريكا واقصد مشيكان لااحب احد المكان سمعت صوت من بعيد ماجد ............ماجد............ تقربت الى الشخص وكان صاعد اخر موديل سياره جدا راقيثه وملابسه رائعه وعرفته وفرحت جدا جدا له وقلت له الحمد لله دكتـــــــــــــــــــــــــور
انت حققت امنيتك واذا بالطبيب يبكي امامي واقسم برب الكون بكى امامي بقوه وحضنني
فانا ايظا لم اتحمل لانه صديق العراق والوطن والمهجر وبكيت معه وقلت ماذا حصل هل مات احد من اقرباك امك ابوك وقال لالالالالالالالالالالالالالالالالالالالالالالالالالالالالالالالالالالالالالالالالالالالالالا
وسالته ماذا حصل لماذا دموع الحزن فاجــــــــــــــــــــــــــــــــاب.....
انا الان ميت ولكنني امشي............... وقلت له لماذا؟ فاجاب لانني الان اعمل بفندق وقلت له العمل ليس عيب انه شرف لك.وان كنت تحمل ماجستير طب ؟ ولكنه بكى بحزن بصوت صوت مؤلم
واذا بهذا الطبيب ابن بغداد - الكراده المدلل يعمل في حمامات الفندق ومسؤؤل شراشف الفندق ونظافتها ولكنه يقول للناس انا مدير اداره................ فلم استطيع ان اتحرك من مكاني سوى
انني قلت له كلمتين.........................( الحمد لله انت عايش) ولكن يوجد ناس كان مصير ابنائها اتعس وافضع وانتم تفهمون قصدي .........اسف لقول الصراحه ولكنها حقيقه مؤلمه
هذا حال اللاجي الذي عمل حفله لدخوله امريكا ضن انها الجنه له ولكن يله ميخالف اقلها طبيب ومدير فندق امام الناس
ماجد يلدو
-
لا تعلق
لانه ماعرف شكول
يســلموو
-
الموضوع رائع
والله يكـــــون بعـــــون العراقييــــــــــــــــن
ومع الاسف عشائرتا او اهالينا او ابناء طائفتنا يعاملون هكذا
مساكين اللاجئيين تركوا دارهم بالقوه وجاءوا الى المهجر مغصوبين
الله ينتقم من المسبب
-
موضوع رائع وهذا الشي المكتوب اخ ماجد هو حقيقه مئه مئه ويوجد الكثير من الضحايا العراقيين بعد اللجوء وقسم عوائل عادو لبلدهم
ومع الاسف العراقي هاي نهايته من قبل ابناء بلدهِ
-
الاخ المحترم ماجد يلدو.....
شكرا لطرحك لهذا الموضوع المحزن والذي يشرح معاناةاحبةو اصحاب لنا الله يكون بعونهم واحب ان اعلق على الموضوع* الحال عندنا باستراليا ليست بهذا السوء بل بالعس كثير من العوائل عروفو طعم الهناء والفرح هنا بعد ماكانوا قدحرمو منه في وطنهم الام.... اما بالنسبة لاصحاب الشهادات الذين تنازلو وعملو بمهنة لاتليق بهم فالذنب ذنبهم كان باستطاعتهم عدم الجري وراءالدولارات وقيادة سيارات فارهةكماذكرت عالسريع والتحمل ومعادلة شهاداتهم والعمل بمركز يليق بهم وهذا مافعله كثيرين من الاهل والاحبة الذين نعرفهم.....تحملو صبرو ونالو ... نسمع كثيرا عن امريكا لكن لم نتصورها بهذه القسوة صدقني يااخي العزيز العلاقات الاجتماعية عندناليست بهذه القسوة وشكرا مرةثانية على الموضوع المميز وربي يساعد الكل ارجو ان لاينزعج احد من كلامي ولكن هذا واقع الحال عندنا والله شاهد على كلامي وعاشت الايادي وردة.......
-
تحيه طيبه لكل اخواننا العراقيين وخصوصا اخواننا المسيحيين بدون استثناء او تمييز
شكرا للكاتب shakar اولا ولكل من ساهم بكتاباته...... الغرض من الكتابه بخصوص مثل هكذا
مواضيع هو ان يعرف قسم من الناس او الاقرباء او الاهل البعيدين اوضاع اخوانهم وخصوصا
القادمين حديثا من بلدان بعيده عن بلدهم وماهي معاناة اخوانهم اللاجئيين
انا متاكد يوجد قسم من اللاجئيين ارتاحو اول ايام ولكن بصراحه الوضع بامريكا مختلف تماما
لكثرة الاعداد وعدم استقرار اقتصاد امريكا ثانيا وخصوصا اغلب القادمين لغتهم ليست امريكيه
وانما انكليزيه ولكن الالالم الاكبر هو انهم بداوا يصابون بامراض الكابه وهذا شي واقع وملموس
هذا المرض اللعين يصيب الانسان العراقي وكل انسان حساس بسهوله لكون المعاناة والتشرد
والضياع اصبحت من واقعه الشعب العراقي المسكين....
فكلنا نصلي الى الرب ليل نهار ان يخفف الالام العراقيين اينما كانو ومهما كانوا سواء بالوطن
ام خارج الوطن...........
القصه اللحقيقيه الاخرى
----------------------------
شاب خريج كليه الهندسه ؟؟؟؟؟؟ لااحب كتابه اسمه ولقبه لانه صديق لي وساكتفي بكتابه
قصته... تصورو طلب اللجوء لاامريكا لانه تم تهجيره من بيته ومع الاسف لكونه مسيحي الجنسيه
المهم تم تهجيره من قبل جهات معينه متطرفه ووصل امريكا وفرح ولكنه المسكين اراد ان
يعادل شهادته وليس معه فلوس لمعادله شهادته فقرر العمل فبحث اكثر من شهرين لم يجد
عمل لااوضاع اقتصاد مشيكان وشاءت الصدف وجدوا عمل له بمطعم كباب وقبل به كي يجمع
فلوس ويقرا لمعادله شهادته والمصيبه صاحب المطعم عرف به مهندس وابن بغداد ومحترم
وقادم حديث لاامريكا طلب منه صاحب المطعم يوميا يمسح المرافق قبل ان يدخل المطبخ
فوافق المسكين والدمعــــــــــــــــــــــــــــــــه بعيونــــــــــــــــــــــــــــــــه والله كنت اراه يبكي
يبكي لبلده............لشهادته............لبيته............لاامه واخوانه وخواته ويبكي اكثر لنفسه
التي بدات تتحطم تدريجيا .................. ولا استطيع اكمال الباقي حفاظا على صديقي من ان
يتالم لدى القراءه والباقي متروك لكم
اهكذا ينتهي العراقي المدلل....................
اهكذا يُعامل الانسان البسيط المحترم.................
اهكذا ننظر للناس المجروحين..........................
كنت اتصور صاحب المطعم سيساعده او يسلفه كم فلس لاكمال شهادته لانه مهندس وابن
بلده ومن طائفته ولكن مع الاسف وضعه بالحمامات بدلا من مساعدته ولا اعلم ماسيكون مصيره
ولكنني ساتابعه وانقل تطورات حياة البؤساء التي كنت اقراها بقصص وكتب وكنا نبكي على
\
قصص البؤؤساء اما اليوم فعلى من نبكي؟؟؟؟؟؟؟؟؟؟؟؟؟؟؟؟؟؟؟؟؟ على من نبكي
المزيد..... موجود....... والعراقي بطل صامد
-
اخي ماجد سيتم نقل الموضوع الى منتدى الهجرة ليستفاد منه اكبر عدد ممكن من الاعضاء
-
اخويه ماجد ..
اولا مشكور على هاي المعلومات و القصص
ثانيا اشو انته سودتها بوجه العالم
ثالثا اريد اسألك سؤال وارجوا ان تكون اجابتك صريحه : انت بالقصص مالتك ذكرت ناس محطمين نفسيا و فاشلين في حياتهم العمليه والعمليه بس بشرفك معقوله ما تعرف ناس عراقيين هناك ناجحين بحياتهم و يعتبرون مثال يحتذي به الجميع من كل النواحي العلميه والعمليه والعائليه .. انا شخصيا اعرف هوايه عراقيين الله سبحانه و تعالى موفقهم لانه تعبوا بالبدايه ولعبوا بعدين مو العكس ...
رابعا لا تزعل من ردي بس اني ما اريدك تنقل الجانب المظلم من حياه العراقيين بس اريدك تكون حقاني و تغطي كل الحالات
وبعدين تعال اكلك ... هاي المشاكل الاجتماعيه موجوده بس عند العراقيين ؟؟ و بس اللي بامريكا ؟؟
يعني العراقيين اللي بالعراق كلهم مرتاحين ماديا و اجتماعيا ؟؟؟
-
الاخ العزيز عاشت ايدك عالموضوع وبارك الله بيك على هاية الصور الحقيقية الي تنقلهة بس فقط رجائي لا اتحدد مسلمين او مسيحين احنة كلنة عراقيين وان شاء الله رب العالميين يلعن وينتقم من كلمن اذى مسيحي او مسلم او اي انسان بريء واعطى ال ا نفسة ذريعة للاجرام باسم الدين او باي اسم اخر ...وشكرا مرةلخ على هاية القصص الواقعية والله يا اخي احنة احد ترددنة عالسفر هاية الوضعية الاقتصادية يعني تجي تفكر بيهة بالعراق محد يموت من الجوع بس امريكا عالم مادي بحت .....الله يكون بعون كل المهاجرين
-
الاخ العزيز ماجد يلدو...
مع كامل احترامي لك و لموضوعك...بس احب اكلك اني بعدني موصلت امريكا لحد و ان شاء الله راح اوصل بالطريق...عندي اخوتي 2 و خالي و و و و و و و
الحمد لله على كل حال يعملون و محترمين و احنة النعرفة و تربينا علية العيب فقط اليمد ايده و يطلب المال بس من يشتغل اي شغلة هذا مو عيب
و صدكني اليريد شي يوصل و يكدر يحققه بالاخص امريكا بس بالعراق بعد مليار سنة متحقق نص حلمك.....هذا منغير ذكر التراب و الكهرباء الماكو و الماء و غير و غير و غير و غير
اخي العزيز اني اعتقد اليريد يعيش يكدر يعيش
اتعب تلعب
و بالاول و الاخير هذا راي فقط بالموضوع
تقبل مروري
اخوك ابو داليا
-
و حبيت اضيف شي ثاني اخوية العزيز
هو سؤال لحضرتك اخي الكريم
ليش باقي في امريكا على الاوضاع التعبانة؟!!! ليش مترجع للعراق بلد الخير؟؟؟
-
اخي ماجد الوضع الاقتصادي بكل العالم مو بس بامريكا او مشكن والاشياء الي ذكرتها كلها اشياء مالها اي معنى وشنو يعني الجد كال لابن ابنه او بنته اثول ولا اخذوا الباسكل هي هاي تسميها معانات وشبيهم العراقيين بمشكن منو عايش احسن منهم اشو الرواتب من الحكومة مستمر حتى بعد انتهاء 8 اشهر
وبيوتهم احسن من بيوت الامريكان وسياراتهم ارقى من سيارات الامريكان واكلهم وشربهم محد يوصل الهم
شنو النقص عندهم واصحاب محلات وستورات ونوادي وبانزين خانات كلهم عراقيين مشكن حاليا اعلى نسبه بيها من العراقيين من دون كل الولايات 0 اللا جئيين من يجون هنا يريدون يساون نفسهم مثل الي قبلهم بسنيين طبعا يشوفون امريكا او مشكن مو زينه لازم اولا يوم يريدون بيوت وسيارات ومحلات تكون باسمهم والا امريكا مو زينه صحيح ماكو شغل بس الحكومة مستمرة تنطيهم رواتب واكبر كذاب الي يكول انه الحكومة ما تساعده مستحيل ومن سابع المستحيل اني كاعد بلا شغل بس دينطوني راتب كل اسبوعين 280 دولار لانه اذا تشتغل باي عمل وصاحب العمل بطلك او كعدت فترة وترجع راح يصرفون راتب الى ان ترجع للشغل وكلهم نفس الحالة يروحون على( بليمن افس ) والي تكول هو طبيب ويشتغل بالفندق مدير او مشرف على الحمامات وهو يسوق اغلى سيارة ولابسه كشخى ليش ما فتح اي مشروع او شارك اي شخص عنده مشروع مو احسن ما يسوق اغلى سيارة وهو مشرف على الحمامات يعني مظاهر كذابة طبعا من ورى هيجي مظاهر والتعالي ما راح يصير براسهم خير 0 العراقيين بمشكن اكولها الك بصراحة وامام الكل
ياخذون جك الحكومة ويرحون يصرفوه على القمار وعلى لعب الكازهونات والسكر والشرب ويخلون عوائلهم بدون مصرف من ورى سوالفهم حتى بيوتهم اخذوها منهم وبعد بعد لانه ما يعرفون يتصرفون الاب مشغول بلقمار والام نفس الحالة والاولاد متونسين على الحرية بدون رقيب خليني ساكت امريكا ومشكن تريد ناس يعرفون يتصرفون بيها مو ناس ليل نهار بالقمار 0000 اسفة للكلام هذا حال العراقيين هنا 00000
-
مع كل احترامي للناس الي تعبت وكونت نفسها الكلام الي كتبته للناس الي تشكي من حال امريكا ومشكن بالذات اسفة اخواني اعتقد الصراحة ما تزعل
-
عاشت ايدك على نقل صوره من واقع الحياه في امريكا بما يحتويه من سلبيات ولكن كما يقول المثل
ما بليد الحيله
وكما قال القائد التاريخي طارق ابن زياد كلمته المشهوره في فتح الاندلس
البحر من ورائكم والعدو من امامكم
وادعو من الله ان موضوعك يستمر بدون مشاكل لان بعدنا مفاهمين لغه الحوار والنقاش
وكي نستفيد من التجارب ولو يوجد عندي بعض المأخذ على بعض النقاط التي اشرت لها ولكن لن اعلق عليها واكتفي بالقراءه فقط
تحياتي
-
اخوية باريا
اتوكل على الله عيوني ....ولو اني بعدني مو صلت امريكا بس اخي عندي اقاربي و اصدقائي في معظم ولايات امريكا.....اخي اليريد يسوي براسه خير يكدر و يوصل الى اي شي يريد......و اذا العكس يكدر يوصل الى اسوا المراحل
و ان شاء الله هسة الاخوان الموجودين في امريكا راح يجاوبوك
اخوك ابو داليا
-
يمعودين شنووووووووووووو هااااااااااااي شو ظلمة حيل !!!!!!!!!! كولو يا الله و هية تتسهل
-
اخي مروان حتى وانت تدرس راح الحكومة تصرف راتب الك اعتقد 180 دولار لغاية ان تكمل تعليمك وانت هم تكدر تشتغل وتدرس مثلا تشتغل او صباحا وداوم مساء او العكس وتكدر تشتغل محل تسجيلات او اي عمل بدون تكسات الى ان تكمل دراستك مثل هواي ناس هنا والي يريد شي يقاوم المستحيل بس الي ينتظر مساعدات الحكومة عمره ما راح يصير براسه خير امريكا يااخي تريد الانسان المكافح الانسان الي يكون ملتزم بقوانينها اكو عراقيين هنا اغنى اغنياء العالم من بيوت ومحلات ومشاريع وحتى اعضاء باعظم الجمعيات وهم يحكمون مدينة كاملة الي يريد شي يضحى بشي واهم من كل هذا 00 الامان 0 الامان 0 الامان 0 يكفي هذا
-
و الله صحيح اختي العزيزة انجي
اهم شي الامان الامان الامان.....
زين الانسان يعيش معزز مكرم لو دير بالك من الشرطة دير بالك من الجيش دير بالك من الجيران دير بالك من صديقك دير بالك من ابنك لا يحجي يم احد شنو عملك دير بالك من زملائك بالعمل لا تنعلس دير بالك من و من و من و من و من......يعني شوكت واحد يرتاح بالعراق 3009
و اني اريد بس الاخ ماجد يجاوبني على سؤالي اذا الوضع موزين في امريكا ليش هو باقي و ينصح الاعضاء اليردون يسافرون بعدم السفر ليششششششششش؟؟؟؟؟!!!!!!!!!!!!!!!
هم امريكا مال ابو احد صارت؟؟
اسف بس و الله اضوج من هيج كلام
يعني و الله شي عجيب
-
اخي ان اشكرك على صراحتك بس لي سؤال انت اكثر من مرة قلت عند زيارتي لامريكا ليش انت وين وشلون زرت امريكا ثانيا كان كلامك موجه للمسيحين ممكن توضح السبب علما اني مسلمة
ثالثا هذه الوضعية موجودة في كل الدول امريكا كندا اوربا استراليا وحتى بالعراق جانت عندنا دكتورة تعمل سكرتيرة بمكتب ودكتور استاذ جامعي فاتح قهوة واحوال اللاجئين في دول الجوار ليست باحسن حال الجميع تعبان وكآبة عالية وشغل ماكو ومحارب على الاقامة .واولادهم ضاعوا ..وووووو
اخي الله سبحانه وتعالى موزع الارزاق ولكن لكل انسان ما سعى وان شاء الله الكل يوصلون ويشتغلون وخلي نتعب بالبداية حتى نرتاح ويرتاح اولادنا بالمستقبل والموفقية من الله ...اختكم ايات
-
صاحب الموضوع ....
ركزت كثيرا على الناس الي ما توفقت و ما نجحت و أعتبرته مثال سيء للاجيء و المهاجر ..
و كتحصيل حاصل أمريكا هي البلد الأسوأ و أقتصادهه تعبان و هذا مصير الي يلجأ و يهاجر لأمريكا ..
ماشي و على عيني و راسي ....
ممكن تنطينه أمثله للاجئين و مهاجرين عراقيين ناجحيين و نجحوا بحياتهم و تفوقوا ووصلوا مرحله عاليه جدا و هسه عايشيين حياة سعيده.........لو ماكو .....اذا ممكن مثال و احد .....
أخي الكريم ..لازم تنظر للأمور و الحياة من جميع النواحي ....و لا تكيل للأمور بمكيالين حسب رغبتك و مزاجك ...
و كلمن يرى الأمور حسب منظاره هو ....اذا كان ناجح بحياته أو فاشل ....
تقبل مروري
-
اييييييييييييييييييييييييييي
هاية المواضيع اللي اموووووت عليهه
اشكر الاداري اللي جابه يمنه
اولا هو ابو الموضوع اشو اختفه
يمكن من انقل الموضوع يمنه
او يمكن هو ميحب الهجره واللاجئين واعضاءه
وطبعا من حقه
بس احنه نحبه ونموت عليه
شكد قاسي
المهم اني من جنت زغير جنت متابع كارتون كلكم مملحكين عليهه
اسمهه شوية طويل: "البؤساء في ولاية مشيكان الامريكية اللي ما عدهم بايسكلات وينضفون الحمامات"
واصلا حتى اذا انتو ملحكين واعماركم بكدي فهم هي جانوا يطلعونهه بتلاثة الفجر
يعني منو اله واهس يبقة لتلاثة يباوع كارتون متابعهه
المهم
اني حالف اذا الله وفقني وخلاني اروح لاي دولة بيهه الكهرباء متنكطع
ومبيهه عاصفة تراب يخنك تطول شهرين (لعد شبقه بالسنه)
ومبيهه يومية انفجارات بحيث حتى اذا اروح اراجع الجوازات اضل شهر متردد خاف اروح واموت بفد انفجار معدل
بهاية الدولة حالف اسوي اعلان بكل الجرايد والمجلات والانترنت والموبايلات
على حسابي
انه انضف كل حمامات هاي الدوله
ومجانا (علما انه اني عندي ماجستير هندسه وانشاء الله اسوي هذا الشي واني ادرس الدكتوراه)
فمن هسه اللي عنده حمام يرادله تنضيف خلي يحجز
بس لا بمشيكان
لان اتشائم منهه
ومبيهه بايسكلات
ادري لو مو عدنا اعضاء مثل انجي واركان وغيرهم بنص مشيكان
وكل الاعضاء مال الهجرة واللجوء عدهم اصدقاء وكرايب بديترويت وديربورن
يعني هيه مال دروب
بالمناسبة ارقى بايسكلات بساحة عنتر اللي يريد نصدرله
-
الاخ ماجد شكرا على الموضوع الصريح ..عاشت ايدك بس شوية صير متفائل ...يعني هو المتعارف عليه بانه اول سنة اكيد راح تكون صعبة لان انت راح تغير جلدك و شوية من طباعك ..الخ
بس بالنهاية تتعود..انا اتفق معاك بانه الوقت الحالي اصعب وقت بسبب الوضع الاقتصادي المتردي و لكن خلي ببالك بان العراقيين الي مقدمين ترة اغلبهم ما يريدون يعيشون طول عمرهم ..لديهم هدف و الهدف هو الحصول على الجنسية لان ملوا من تجاهل العالم لهم بالاضافة قلة فرصهم بالعمل ببلدان اخرى..
اتفق معك بشغلة مهمة الي ما عنده عرف او اقارب يسندوه صعب علية ان يشق طريقه لجهله القوانين و السستم الخ..ادعوا لهم اخي لان تره الكل قافل وراح يسافر حتى ياخذ فرصته و يجرب بنفسه
بالنسبة لجواب انجي..يا عزيزتنا انجي ترة العراقيين الذين تتحدثين عنهم من الاغنياء هؤلاء قدموا من السبعينات مو هسه..يعني الوقت غير وقت
بالنسبة الي قدموا بالتسعينات من ورة حرب الخليج الثانية هذولة يعني السبع مالتهم سوالة محل كصابه لو محل اكل حلال ..اكيد تعلمين عن اي منطقة اتكلم بدترويت..و مع هذا الفرصة كانت اكبر من الان
لكن الان فعلا الوضع صعب للغاية و ما نكول انشاء الله تفرج لان العراقيين القادمين جايين لجوء و اغلبهم بدون راس مال فالواحد لا يقيس على نفسه او وضعه ..تحياتي لك..و شكرا للصراحة يا اخونا ماجد اتمنى ان تجمع العراقيين بكلمة واحدة مو مسيحي لو مسلم..... على الخصوص ...
تحياتي لك
اخوك قرش بغداد
-
اخي قرش كلامك على العين والراس بس يااخي العزيز اكو ناس من تاريخ الي ذكرت لحد الان هما واللة ثم واللة ماعندهم حتى سيارة يسوقون ولي هسى هما كاعدين ايجار ويعيشون عاله على الحكومة واللة وربي شاهد على كلامي وعلى معرفتي بيهم هاي كم سنة وكلكم تعرفون شكد اني صارلي بامريكا موشرط يااخي الي يجي هسى والي من زمان الزمان هنا
-
اخي صاحب الموضوع الشيق الي بية مصير ناس
احلفك بجميع الديانات اني حاليا بلبنان وعشت بلدول العربية الي هي سوريا ولبنان سواء بهذا الوقت
وبوقت النظام السابق الي شفت العراقين عانوا وشافو الويل والذلة بهذي الدول من الاخوة الي اسمهم عرب
احلفك شفت بامريكا عراقي اخذو من تعبه الامريكان مثل الي ديصير بلدول العربية
وبعدين شنو الي ديصير وشنو الي ديشتغلوا العراقين بالدول العربية وبعدين شنو الي ديشتغلون اصحاب الشهادات بالعراق نفسة اااااا اشتغلوا العراقين اصحاب الشهادات العليا باسوء الاشغال سوء الان او قبل
بدفاعك عن الاطفال هو شيى جدا رائع لكن احلفك بالله شنو الي حصل علية اطفال العراق بجميع الازمنة الي مضت ولحد الان غير الذل والمهانة والحسرة
غير العراقين بذكائهم وتعبهم حصلوا على الشهادات
-
عاشت ايدج انجي عالشرح اليخبل وذكر هاية الامور مال بعض الناس المخربطين
بس اشو ابو الموضوع بعده ما بين
والله الكعده متكمل بدونه
-
اني اول من انقل الموضوع قريته وكلت اشو كل اللي يجاوبون مو ربعنة بعدين من قريت رد الاداري بنقل الموضوع يمنه كلت ها هاي السالفة هسه ربعنة يبينون وبالفعل نزلوا على الرجال بغض النظر عن منطقية كلامة او تناقضاتة والنقاش كان حلو
بس حبيت اوضح نقطة ممفتهميهه الاخوة حول منتدى عين كاوة وليس قسم الهجرة واللاجئين
مثل متعرفون اكو منتديات رياضية منو يكتب بيهة اللي مهتمين بشؤون الرياضة واكو فنية واكو ثقافية واكو الاف المنتديات اللي يكتب بيها العضو حسب ميولة واتجاهاته ورباط السالفة انه لو تطبون للصفحة الرئيسية لمنتدى عين كاوة فرح تكتشف انه الموقع يمثل طائفة او ديانة معينة و99% او ربما كل المشرفين هم من هذه الطائفة و90% من اللي يكتبون هم ايضا من هذه الطائفة وهذا الشي مو من عندي هذا واقع وارجو ان محد يكلي طائفية ومدري شنو لأن اني دا اذكر حقائق مو من جيبي
الأختلاف الوحيد في كل منتديات عين كاوة هو منتدى الهجرة واللاجئين الذي يمثل بالفعل كل اطياف الشعب العراقي من مترجم او عامل مع القوات الامريكية او بقية دول التحالف او الاحتلال الى المهجر الى المهدد الى الفايخ اللي يريد بس يطلع علمود تصير فلوس وراحة حتى لو يكضيهه كذب بكذب وياخذ فرص المستحقين
لذلك اني متاكد الاخ لو يدري رح الموضوع ينقل للهجرة كان ماخاطب فئة محددة واني اذب كل اللوم على المشرف اللي نقل الموضوع على الاقل يحذف بعض الكلمات اللي تكررت بدون قصد من الاخ الكاتب لأن منتدى الهجرة واللاجئين هو انشط منتدى بمنتديات عين كاوة وبدة يتقدم شوية شوية من 2007 لليوم وصعد على كتاف كل العراقيين وحتى مرات هم اشوف عرب يستنجدون بيه
يللة مشرفهم ماانتبه وهسة اخوتنة بيرج والنمر ينتبهون ويمسحون الكلام الزايد وتفض.......
-
اختي العزيزة انجي شكرا الج على توضيح بعض النقاط السلبيه ونقل واقع الحال الفعلي ....
الاخ صاحب الموضوع اذا امكن لتحدد مسيحي او مسلم لان احنه كلنه عراقين !!!!!!!!!!!!!!!
تقبل مروري
اخوكم عمار
-
ياجماعة علكيفكم وية الرجال ترة هو كلشي مكال غلط والجماعة سووها طائفية واسلام ومسيحيين هو محجة فد شي جابة من جيبة حجة الواقع المرير اللي ديواجهوو العراقيين بامريكا لانه اللاجئ الجديد من ديجي امريكا مع الاسف مديلكي دعم معنوي من العراقيين القدامى منريد دعم مادي نريد واحد يساعد بايجاد شغل واللي يشغلك يمة مو معناها يذلك يعني خلي العراقيين القدامى بامريكا يتذكرون ايامهم من اجوي لامريكا شلون كانو لو يريدون يشوفون الذل اللي شافو بالبداية لغيرهم من الجدد اللي ديوصلون وثانيا منو كان دكتور بالعراق ويشتغل سكرتير ما اعرف شنو لو مهندس يشتغل عامل اشو احنا درسنا هندسة مشتغلنا فد يوم عمالة لو سكرتارية هو لو مو الوضع الامني تعبان منو عندة شهادة يطلع من العراق اني مع الاخ ماجد واايدة بكل اللي كالة واهنيه علة اهتمامة بالموضوع ونقل الصورة الحقيقية لللاجئين الموجودين في امريكا
-
عيني اخونا الذكي
اذا انت متعرف دكاتره و مهندسين اشتغلوا بغير شهايدهم بالعراق فاني اعرف وشايف و هسه غيري من الاخوان اللي راح يجاوبون ورايه هم راح يخبروك نفس الكلام ... ياما صاعد بتكسي بالعراق و يطلع ابو التكسي يا مهندس يا استاذ جامعي يا .... عزيزي انته يأما ناسي او انته من كاعك الله فاتحها عليك و ما اضطريت تشتغل بغير شغلتك ( الله يوفقك ان شاء الله )
حبيبي الشغل مو عيب بس حبيت اوضحلك هاي النقطه يمكن الجو حار يمك شويه وناسيها
تحياتي لك و لصديقك المتشائم ماجد اللي كتب موضوع نص واقعي مو واقعي كامل
-
الاخ صاحب الموضوع:
مع كل احترامي لما نقلته من امثلة الا انك سقطت في بعض الاخطاء القاتلة كما اغفلت حقائق اخرى. ادناه احدى الاخطاء القاتلة و هي منقولة من احدى قصصك التي لا اريد ان اقول عنها مفبركة او من الخيال:
"لقصه اللحقيقيه الاخرى
----------------------------
شاب خريج كليه الهندسه ؟؟؟؟؟؟ لااحب كتابه اسمه ولقبه لانه صديق لي وساكتفي بكتابه
قصته... تصورو طلب اللجوء لاامريكا لانه تم تهجيره من بيته ومع الاسف لكونه مسيحي الجنسيه
المهم تم تهجيره من قبل جهات معينه متطرفه ووصل امريكا وفرح ....."
لاحظ اخي ما كتبته (مسيحي الجنسية) فانا لم اسمع من قبل ان المسيحية قد تحولت من دين الى جنسية الذي اعرفه عراقي او سوري او بريطاني الجنسية. هذا خطأ غير مقبول مطلقا و لو كنت كاتبا احترم نفسي لاصدرت فرمانا امنع فيه نفسي من الكتابة مرة اخرى لانه خطا ليس كمثله.
و الشيء الاخر الذي اود التعليق عليه هو هل انتهت الحالات الايجابية في ميشيكان بالنسبة للاجئين او المهاجرين العراقيين؟ و اعتقد ان الاخت انجي اجابت عن ذلك بوضوح. لكن هل تلغي مثل الحالات التي ذكرتها بالتاكيد لا لانها واقع موجود و لكنه ليس واقع مطلق كما الحالات الايجابية و لكني اعتقد و كذلك يؤيدني الكثير من الاخوة ان نسبة الحالات الايجابية اكثر و اكثر بكثير مما تتوقع، يمكن هنا في جاكسن فييل من خلال الفترة القصيرة التي عشتها في هذه المدينة و علاقتي بالمجتمع العراقي الموجود رغم محدودية هذه العلاقة التي لا تشمل كل الموجودين و ليس كما في حالة الاخت انجي التي قضت اكثر من 17 سنة من عمرها في الغربة (الله ينطيكي طولة العمر اختنا العزيزة). صحيح انك لم تنشر هذا الموضوع هنا في منتدى الهجرة و اللاجئين (و هذا ليس عذرا) لكن كان يحب عليك الكتابة بشكل حيادي و نقل كل الوقائع عن كل الحالات وليس الجزء و كذلك اتمنى عليك عدم الكتابة الى طائفة معينة بمسالة عامة تخص كل العراقيين فنحن كلنا ننتمي الى ارض واحدة. تكلم الى طائفة معينة عندما تتكلم عن موضوع خاص كشرح لفقرة في احد الاناجيل او شرح لاحدى اعمال الرسل فجائز ان يكون الشرح موجه الى فئة معينة لكن موضوع عام الرجاء ان تكون كتابتك عامة. مرة اخرى نحن ننتمي الى بلد واحد. ليباركك الرب و يصفح عن زلاتك.
-
نشكر جهودك اخ ماجد لنقل الحالة السلبية لبعض العراقيين في امريكا ونتمنى لو تكحل الموضوع ببعض الحالات
الايجابية ونشكر الله لان منتدانا بيه من امثال الاخت انجي اللي توضحنا السلبيات والايجابيات هذا والا جان الناس بطلت تجي لامريكا.
الاخوة المتابعين لتجلبون بكلمة عنصري ترى الرجل نيته صافية وهاي الحالة موجودة وضحاياها من جميع الاديان
والطوائف .انتو اخذو الزبدة ولا تلحكون قشور الموضوع.الزبدة هي العيشة هناك مو لويش سافرت.افيدونا على غرار اختنا انجي ولا تودونا بمتاهات.
-
السلام عليكم و رحمة الله و بركاته اخي العزيز بعد التحية
احب ان افهمك يا اخوية انه معظم العراقيين مع الأسف لمن يسافرون للخارج و خصوصا الدول الغير عربية تتغير اطباعهم و لكن انت همين لازم تعذرهم ربما بسبب صعوبة الحياة و المعيشة اما السكن من اقارب في الخارج هذا الشيء اني ابدا ما اوافق عليه اخي العزيز الي يريد يروح خصوصا الى امريكا لازم يفكر يعتمد على نفسه بالدرجة الأولى و ليعتمد على احد لأن ترة الناس اصلا بعد محد يتحمل الثاني و اذا الله سبحانه و تعالى معافينا و منطينا صحة جيدة نكدر نعتمد على نفسنا زين انت شتتصور الي يترك وطنه كلشي يشوف و لازم يتحمل و خصوصا اذا رايح دولة اجنبية و اني اعرف ناس اطباء اشتغلوا في مكانات لتنظيف المراحيض اكركم الله فيا اخي العزيز انرد و انكول الحياة تحتاج الي اقوى منها الى ان تستقر وراها عاد لو اتكمل دراسة لو اتشوفلك شغلة بشهادتك و مع هذا لازم اتقوي لغتك و تبدع بيها حتى من اتسوي اي مقابلة اتكون عد حسن ظنهم و دعواتي الك اخي بالموفقية و لو اسف على الأطالة بس اتحملوني و اهلا و سهلا بيك مرة ثانية هنا
-
عيني اخونا العفرس علة كيفك بالحجي ولتبدي تتجاوز حدودك احنا دنتناقش مو دنتعارك وبلة تصنيف ما الة معنة مثل حضرتك وثانيا اكو شي احب اكلة الك اولا تعال امريكا وبعدين شوف الوضع شلونة مو كاعد ما اعرف وين وتصرح بكيفك لو انتة يمكن بامريكا ومتعرف اصلا شنو ديصير لانه يمكن الجو بارد يمك وماثرة علة ذاكرتك تحياتي الك
-
واحب اضيف شي للاخ العفرس يمكن حضرتك اصلا ممخلص هاي سكول بحياتك وميهمك من هيجي تكول الشغل مو عيب لانه ماعندك اي اختصاص بس لو كان عندك شهادة بيها خير كان استحيفت عليها ومكلت هاذا الكلام لانه اكو ناس تستحيف علة شهاداتها ومتريد تشتغل حالها حال اللي ممخلص اعدادية مع تحياتي للعفارسة كلهم
-
السلام عليكم شباب ادعوكم الى ضبط النفس و استخدموا الحوار المبني على التفاهم و ابتعدوا المشاحنات و شكرا ترة الدنيا متسوى
-
شكرا..........والف شكر لما ساهم بالجواب
وانا احترم اراء الكل ولهم الحق وانا نصحني احد رواد ومسؤؤلي المنتدى بان اتحمل ردود الكل وحتى لو سبوني او شتمو هذا من حقهم لانني لست هنا الا لذكر قصص وانا بنفسي زرت العوائل ولكنني لن اذكر اسم واحد منهم
جوابي لكم هل تريدون اكمال القصص الحقيقيه التي تبكي القاري ام انسحب من الموضوع
ارجوكم لاتزعلون كلنا عراقيين واخوه واسف لو سببت احراج لكم او اساءه واعتذر
-
الاخ كاتب الموضوع ماجد يلد نشكرك على بدايه الموضوع ولو انت تعرضت لهجوم كاسح لكن انا متاكد انت اكبر من هذه الردود وان ما كتبته هو صح وموجود واكثر منه ولو كل يوزر يكتب قصه مر بها اثناء دخوله لاامريكا شوف ترى الاسوء من قصصك.
ما ذكرته عن معاناة اللاجي شي مؤلم وانا واحدا منهم الذي افكر بالرجوع ببلد شبه ميت اقتصاده
ومن ناحيه ردود الباقين اعتقد ان امريكا ليست بلدنا واكيد مراح يحترمونا لولا القانون لكان اذونا العراقيين بس القانون يحكمهم
اما من ناحيه ماذكرته انجلا فاعتقد انتي لستي ضليعه بالسياسه لانك امراه ونحن نحترم رايك بس امانة الله موضوعكم حلو ومريح واني متونس بيه هوايه وياريت يحتل المقدمه لانه هذا اساس مشكلة العراقيين
-
الاخ المحترم ماجد يلدو.....shakar
شكرا لطرحك لهذا الموضوع المحزن والذي يشرح معاناةاحبةو اصحاب لنا الله يكون بعونهم واحب ان اعلق على الموضوع* الحال عندنا باستراليا ليست بهذا السوء بل بالعس كثير من العوائل عروفو طعم الهناء والفرح هنا بعد ماكانوا قدحرمو منه في وطنهم الام.... اما بالنسبة لاصحاب الشهادات الذين تنازلو وعملو بمهنة لاتليق بهم فالذنب ذنبهم كان باستطاعتهم عدم الجري وراءالدولارات وقيادة سيارات فارهةكماذكرت عالسريع والتحمل ومعادلة شهاداتهم والعمل بمركز يليق بهم وهذا مافعله كثيرين من الاهل والاحبة الذين نعرفهم.....تحملو صبرو ونالو ... نسمع كثيرا عن امريكا لكن لم نتصورها بهذه القسوة صدقني يااخي العزيز العلاقات الاجتماعية عندناليست بهذه القسوة وشكرا مرةثانية على الموضوع المميز وربي يساعد الكل ارجو ان لاينزعج احد من كلامي ولكن هذا واقع الحال عندنا والله شاهد على كلامي وعاشت الايادي وردة.......
-------------------------------------shakar هذا هو شي طبيعي الاخت شكر وسوف نمر باصعب من هذا
-
ما ذكرته عن معاناة اللاجي شي مؤلم وانا واحدا منهم الذي افكر بالرجوع ببلد شبه ميت اقتصاده
ومن ناحيه ردود الباقين اعتقد ان امريكا ليست بلدنا واكيد مراح يحترمونا لولا القانون لكان اذونا العراقيين بس القانون يحكمهم
ردي على جواب الاخي لاجي عراقي
اذا امريكا ما تحترمك وما احترمتك لعد منو احترمك بلدك لو البلاد العربية ممكن جواب
-
اما من ناحيه ماذكرته انجلا فاعتقد انتي لستي ضليعه بالسياسه لانك امراه ونحن نحترم رايك بس امانة الله موضوعكم حلو ومريح واني متونس بيه هوايه وياريت يحتل المقدمه لانه هذا اساس مشكلة العراقيين
000000000000000000000000000000000000000000000000000000000000000000000000
وردا اخرى لك اخي هذة الاشياء ليست لها علاقة بالسياسة وياريت تتشرف بموقعنا بالهجرة والاجئيين حتى تقراه مواضيعي وردودي قبل لا تحكم عليه
-
شوف حبيبي العضو الحزين
لتتجاوز على اصدقائك الاعضاء المرموقين بالمنتدى لتروح ترفع مستوى الحزن عندك ويتحول الى بواجي
اوكي صديقي؟؟؟ ;D
وانته على شغلة "امراه متفتهم بالسياسة" لو اني اللي مدخلك بامريكا جان طردتك منهه من زماااااااااااااااان
هاي اذا انته اصلا هناك
لان بالتلاثين سنه الاخيره جان فد ثمانين بالمية من الوقت وزيرة خارجية امريكة امراه
واللا شوية جان صارت رئيسة الولايات المتحدة هم امراة
ومريم العذراء وفاطمة الزهراء والخ كلهم نساء
شنو هالعنصرية
وشلون افكار رجعية
مو تزعل ها!!! ???
-
تحيه طيبه لكل العراقيين
يجوز صار سوء فهم بالموضوع من قبل البعض لانه اكيد راح نشوف من يقول امريكا جنه وراح نشوف من يقول امريكا نار ليس من السهل اطفائها.........
انا اقصد انه نحن كعراقيين حنينين ولازم نكون كتله واحده عندما ياتيكم لاجيء عراقي شايف الضيم بسوريا او الاردن ولا اقصد ان تخدروه بالبيت او او.؟؟؟...........الخ ولكن انتم تعرفون هولاء الناس تم تهميشهم ببلدهم الكل لااقصد مسيحي او مسلم او او .........الخ
المهم نحن بهذا المنتدى لكتابه بعض الامور السلبيه والايجابيه للعراقي التي يعانيها اثناء دخوله بلد جديد ولغة جديده وتقاليد جديده
اكيد لكل بلد سلبيات وايجابيات وامريكا لاينكر احد انها بلد القانون ولكن بنفس الوقت هناك ضحايا لهذا القانون
اشكر كل الموجودين وانا عندما اكتب عن قسم من قصص العراقيين اللاجئيين ليس الغرض منها الشهره او نيل اعجاب القاري وانما لشرح بعض الامور لمن سيدخل او دخل هناك لكي تكون له صوره واضحه عن حلم امريكا التي مصيره يجوز يكون الحزن والكابه ولكن ليس له مفر بعد تدمير بلده
-
سلام الرب عليكم
ماشاء الله هذا الموضوع ناري واكيد الاخ ماجد يلدو اختار الموضوع من اجل فائده ال يقراون عندما يصلون امريكا وثم موضوع المسيحي او المسلم هو حقيقي ليش تزعلون مو كل كنائسكم اتدمرت
منو دمرها ابونا لو المطران ---الرجل ما قال الا عن ربع ما يدور بامريكا وخصوصا الى اللاجيء العراقي
المخدوع بامريكا بس غير ماكو حل قبلنا بهذا البلد بعد ان طاح حظنا ببلدنا--
شكرا اخ ماجد يلدو وارجو عدم الانقطاع لانه نحن لازم نقرا ونسمع قصص ومعاناة العراقيين الكل
تحياتي والرب يباركم وقللوا الهجوم لانه الكاتب لحد الان ماجاوبكم سويتوها معركه موحوار بس كلللللللللللللللللللللللللللللللللللللللللللش حلوووووووووووووووووووووووووووووووووووووووووووووو النقاش
وخصوصا مع المختلفين
-
أحلى تحية للجميع
في البداية أحب أن أقول أن النقاش كان جميل حول الموضوع
بس كنت أتمنى الأبتعاد عن الألفاظ السيئة التي ذكرت مع أحترامي للجميع
وأتصور أن كل شيء في الحياة فيه الحلو وفيه والمر
فالهجرة فيها أيجابيات وسلبيات في مختلف بلدان العالم أينما كانت
وهنالك أسباب عديدة تعرفونها أضطرو من خلالها العديد من العوائل العراقية " المسيحية والمسلمة واليزيدية والصابئة " الى الهجرة خارج الوطن
ومن يخرج من داره يقل مقداره
فالذي يريد شي يعوف شي
علماً أنني أنا أسكن في العراق " تحديداً في بغداد" وأغلب أقاربي خارج البلاد ويودون أن نهاجر ولكن الحنين الى الوطن الذي ولدنا وتربينا وتعلمنا فيه كبير
وأتصور أن القسم الأكبر من كلام الأخ ماجد صحيح
ليس في أمريكا فقط وأنما في السويد وغيرها هنالك معاناة للعراقيين لكن يجب أن يتحملو " بالحلوة والمرة "
ولكن هنالك أيجابيات ليس فقط السلبيات أهمها يا عزيزي ماجد " الأمان وراحة البال " التي نفتقدها بالعراق"
تقبلو مروري يا أخواني
أخوكم : المهندس البيئي
-
الاخ الذكي
انا يا اخي لم اصرح بما لا اعرف واكيد انته بامريكا وتعرف الوضع احسن من غيرك و لكن انا ايضا عندي اصدقاء واقارب واخوه في امريكا وهم ينقلون لي الاخبار الجيده والغير جيده هناك وانا اتفهم سبب اندفاعك بالدفاع عن الوضع السيئ بامريكا ولانك حاليا تعيش ضروف صعبه مثل ما فهمت من مشاركاتك والله يفتحها بوجهك ويسهل عليك ان شاء الله ..
اما بالنسبه لشهاداتي فانا اعترف لك انها شهاده متواضعه بنظري وكلي امل ان اكمل دراستي عند وصولي لامريكا ان شاء الله ...
بالمناسبه انا احمل شهاده البكلوريوس بالطب والجراحه العامه مع شهاده MRCP part1 ( الكليه الطبيه الملكيه البريطانيه )
تحياتي لك
-
شباب هذا الموضوع نزل بالاستراحة حتى يستفاد منه الاعضاء واكيد لكل عضو حق ابداء رايه بالموضوع لكن رجاءنا ان يرتقي الجميع عن التجريح والاستخفاف بالاخر
واللي عنده راي مخالف او قصص اخرى سواء ايجابية او سلبية خلي يشارك الاخرين بيها
لان الهدف الاول والاخير من الموضوع هو ان يرى الجميع الحقيقة ولان للحقيقة هنا لها عدة اوجه فمن الجيد ان نراها من خلال خبراتكم انتم
مع التقدير
-
السلام عليكم ..............
بالحقيقه الموضوع جميل وانا اقراه اكثر من ساعتين ووجدت فيه اصاله عراقييه وحب للعراق
ولو العراقيين تدمروا
شكرا للاخ ماجد يلدو واتمنى منك ان تكتب اكثر القصص التي مرت بك لانها اكيد ستكون بمثابه
درس للاخوان واكيد توجد سلبيات كثيره وايجابيات وخصوصا هذا الموضوع الحساس
وارجو من اخواننا المحترميين ان يقراوا ويبداو رايهم بما يقراوه دون المساس بالاخرين وكاتب الموضوع
تحيات سقراط العراق
-
تحيهه مره ثانيه لكل الموجودين من اخوكم ماجد يلدو
لو تلاحظون باعلى الصفحه الان واقصد ارجعوا الى فوق بالجانب الايسر من بدايه هذه الصفحه ستشاهدون عباره
اجعل حلمك يتحقق!!!!
اسكن واعمل في امريكا!!!!!!
اكيد الكل له حلم بالدخول لواليات امريكا وطبعا اكثر اللاجئيين الان يتم قبولهم هناك باعتبار امريكا لها الصداره باحتواء العراقيين واكيد لها اسباب ستراتيجيه لااحب الكلام بالسياسه لانها عباره عن وجع راس ليس اكثر.....
لكن الغريب والمؤسف انه عندما ياتي اللاجي العراقي او حتى المهاجر او حتى العراقي الذي سكن امريكا منذ سنوات يعاني من المشاكل الاجتماعيه والنفسيه وخصوصا الترابط الاجتماعي والاسري
اكيد سوف تقولون ( مو ملتهين بالشغل ليل نهار.......) كنت اسمع هذه الكلمه وانا صغير وكان يرددها ابي وخالي بامريكا ليل نهار يشتغلون....... وحينما وصلت هناك لم اجد لا ليل ولا نهار ووجدت عملهم عباره عن ساعات لربح9 او 8 او 10 دولارات بالساعه من اجل دفع القوائم التي تاتي بالبريد ليل نهار ولا يقدر يحك راسه وهذا شي جيد يحس الانسان بقيمة عمله عندما يبدا بدفع فواتير الماء والكهرباء ووووو الخ.............. ولهذا السبب تجد اغلب المواطنيين سواء كانو عراقيين او امريكا متعبين من الناحيه النفسيه والتي توثر عليهم من الناحيه الاجتماعيه.....
واليكم قصة بسيطه رواها لي احد الاصدقاء واخذت موافقته بكتابتها هنا دون الاشاره لااسمه او لقبه
زواج من اجل دخول امريكا..................عنوان القصه
=============================
انتم سمعتم او مريتم او شاهدتم الالاف الزواجات من اجل الدخول لاامريكا فتاتي المراه من امريكا
وتتفق مع شاب في احد الدول العربيه من اجل عشرين الف دولار او اقل او اكثر فتتم مراسيم الزواج وقد يكون الشــــــــــــاب او العكس احد اقارب الزائر العراقي-الامريكي..........حلوه مال عراقي -امريكي مو ههههههه) المهم تتم عمليه الزواج المصلحي وبقناعة الطرفان والغريب هذا الشاب عمل مقابله بالسفاره الامريكيه وكانت اوراقه سليمه مئه مئه ونجح بالمقابله ووصل امريكا سلامات وهلهلوا اهل العريس تالوقتي بوصول ابنهم لانهم ( شويه زناكين) بس المصيبه وين كان متفق مع البنت انه زواج مصلحة صح.....
ولكنه نسى ان العراقيه- الامريكيه العفو اقصد الزوجه كانت مخططه انه لو طلب الطلاق لها نصف ما يملك وانتو تعرفون حقوق المراه هناك لانه اهله كانو كاتبين باسمه بالبنك ومسجلين املاك باسمه
فالمسكين انصدم واتهستر وتوسل بيها كل اني ماعدي هاي املاك اقربائي وهي قالت من تطلقني
لازم تعرف القانون معي اذن( بوري) لن اطيل القصه بدات المساومه مع هذا الشاب البريء وتوصلوا الى اتفاق خمسين الاف دولار كاش خمسيييييييييييييييييييييييييييييييييييييييييييييييييييين الف من قبل اقربائه الذي كان يتصور انها عون مو فرعون... ليس الغرض هو من القصه بل.............
الغرض هو ان يتنورون قسم من الشباب او الشابات او خواتنا واخواننا بانه ليس من السهل الوثوق باحد هذه الايام وانا كاخ زائر قاريء انصح فقط ان لانضع ثقه بالاخرين بسهوله لانك لاتعرف ان المجتمع الامريكي كيف يفكر............لانه لايخجلون مرات باعتبار القانون معاهم طبعا يوجد الالاف المحترمين والشرفاء والمؤدبين علمود لاتزعلون مني لانني احترم كل الموجودين هنا
وانتهى هذا الشاب بدفع خمسين الف دولار كاش ولا قدر يتنفس لانه كان يحب فتاه ببلده ومتفق للزواجد منها بعد ما يوصل وياخذ الكرين كارد ( محد دمرنا غير هل الكرين كارد ) هههههههه
الف شكر لكم اخواني وخواتي .....لاتثقوا بسهوله بالناس هذه الايام
ماجد يلدو
[/size]
[/color] [/size] [/font]
-
تم حذف الرد لان الاسلوب لايليق بالمنتدى وغير مسموح الاستهزاء بالعراقيين و السخرية من معاناتهم
واتمنى ان لا يتكرر مرة ثانية احتراما لشخصك اولا واحتراما للاعضاء ثانيا
اداري المنتدى
هيوي
-
حضرة الاخ المحترمvincenzo
تحيه طيبه لك من عراقي لعراقي
جوابي لك فقط ان تراجع جوابك المحترم واعتقد انت عضو متميز ومن اختاروك عضو متميز اكيد لتميزك باختيار العبارات والالفاظ واكيد المشرف من اختارك عضو متميز كان على ثقه بانه انت اسلوبك رائع بالكتابه وانا جدا مشكور لجوابك اللائق وطريقه حوارك الحضاريه الغريبه
vincenzo بارك الرب بيك وانت فعلا متميز بهذا المنتدى ومن يقرا كتاباتك راح يحكم مئه مئه عليك
تحياتيvincenzo
-
vincenzo حاولي ان تكوني هادئه بكتابتك ولو لحد الان ما قرانا سطر الا بيه مشاكل منك اختنا العزيز وكوني عادله بجواباتك لاننا هنا لكي نقرا الجيد والسيء فقط وليس الانتقادات الشخصيه
اسفه للصراحه وممكن نعرف شنو تحصيلك العلمي
-
الرجاء من الاعضاء جميعا
اتمنى ان تتذكروا ان اختلافكم بالاراء شي عادي لان لكل منا حياته وخبراته الخاصة واي شخص خبرته لا تتناسب مع الموضوع ارجو ان يطرحها بموضوعيه ودون التقليل من شأن احد
واي رد لا يتناسب مع المنتدى او يقلل من شان الاخرين سيتم حذفه
-
اخي العزيز ماجد يلدا المحترم
بعد التحية
اني صارلي ساعتين دااقرا هذا الموضوع وما اعرف ليش الاعضاء منك زعلانين
اني اجيت لامريكا بولاية نيفادا وبالمدينة الي اسكن بيها بيها فقط 5 عوائل عراقيين
واني وزوجي اجينا اهنا كنا اول اثنين لاجئين يدخلون بهاية المدينة ومن دنروح انقدم
على حقوقنا مثل باقي الاجئين انكللهم احنا جينا عن طريق منظمة ال i.o.m.
يكولولنا يعني شنو هاي المنظمة والمهم بالتوسلات علما حصلنا كارت فود ستام مال
مال الاكل لمدة 6 اشهر اشتغل زوجي وصار راتبة تكسات ودزولنا رسالة وكالو انكطع
الفود ستام حتى مكملنا 6 اشهر وظليت كاعدة بيت خالي لان هو كفيلنا ومقصر الى
ان كدرت اطلع بوحدي واجر شقة وطبعا براتب واحد منكدر انسوي شي يادوب ندفع
البلات مالتنا يعني الفاتورات بس الحمد لله عايشين على الاقل اكو امان والطبيعة حلوة
وماكو صوت الانفجارات ونكدر نطلع نتمشى ونلبس براحتنا والحمد لله على كلشي بس
اني صار بي موقف اني هم خريجة وعندي شهادة بكلوريوس بالعلوم التجارية حبيت ادور
على شغل علمود اساعد بي زوجي حتى نكدر انكمل الحياة سويا وقررت اقدم على شغل
بمطعم واي شي يكون كلت ميخالف فطبعا رحنا على فد كازينو بي مطاعم طالبين بي عمال
ولما دا امليء الاستمارة كلتلي هاية البنية ام الاستعلامات انتي منين كتلها اني عراقية ولو
جنتو موجودين من كتلها اني عراقية شلون انكلب وجهها دكول عبالك كتلها اني عزرائيل جيت
دا اخذ روحج عقجت وشمرت الاستمارة مالتي جوة الميز مالتها وكالت اني اخابرج انتظري اتصال
ومن هذاك اليوم ولا دك التليفون من هاية الحقيرة فاريد اكول احنا العراقيين وين منروح مضلومين
بس ارفع راسك انت عراقي
واني احب هاي الجملة لان العراقي هو ابو الغيرة والحنية والكرم وان شاءالله يكون الله ويانا بكل مكان
وشكرا
-
اختي العزيزة ريتا بعد التحية
طبعا يأسفني ان اسمع هذا الشء و هذا التصرف من قبل هاي المرأة الي كنتي تمليت استمارة العمل عندها بس ارجع و اقول لك انه العنصرية لا توجد فقط في بعض الأمريكان ذوي النفوس الضعيفة و انما تجديها حتى عند العرب الجرب اجله الله قدرك و لكن اعتقد اني سمعت هنالك بعض المنظمات التي تساعد المواطنين على ايجاد فرص عمل, فهل جربتي ذلك يا اختي العزيزة؟ و شكرا لك و تقبلي مروري
-
اخي العزيز .صاحب الموضوع ..المفروض نبتعد عن المواضيع السياسية ..ولا نخلط بين السياسة ... وموضوع الهجرة ...
واتصور كلام الاخت انجي مايزعل وولا بيه شي بس الضاهر انتة حبيت تسوي مشكلة لا اكثر ولا اقل والهدف منهة معروف من لدن الجميع
-
يابه
اصدقائنه
اني اعتذر اذا اختاريت كلمات معجبتكم
كل معنى ردي كان..ان الموضوع 70% منه عن مشاكل كمالية مو اساسية
وين الاستهزاء!!!
وطلبت بس ان يسولفونه امثله من الجانب الاخر المضئ
وذكرت امثله عن اصدقاء اليه واحد دياخذ راتب 22 دولار بالساعة وواحد دياخذ 45 بالساعة
لان عدهم شهايد حقيقية وجانو متفوقين من درسوا واخذوهه وهسه عايشين بجنه ونعيم
(هذا الوصف الاخير ذاتي وليس موضوعي ويعتمد بالدرجة الاولى على ردة فعل العراقي وعمله هناك)
واذا هذا الكلام هم ما عاجبكم ..امسحوه او كولولي امسحه واني الممنون
-
لا بالعكس ما نمسح الرد مادام اسلوبه مناسب والطرح موضوعي
-
تحيه طيبه لكل القارئيين او الزائرين او المنتقدين
اخوان ارجو منكم رجاء اخوي ان نستفاد من قصص العراقيين لا ان ننتقد الكاتب وانا عندما كتبت الموضوع وصلني رد من احد مسؤؤالي المنتدى بانك ستلاقي تاييد وموافقين وهذا شي طبيعي بالحوارات........................ وهدف الموضوع هو
1- ان يقرا قسم من العراقيين ( اللاجئيين) الموجودين بسوريا- اردن- مصر - العراق انه
عندما يصل لاامريكا ان لايصطدم بالحياه او بالاخرين او اقربائه
2- ان نكتب جزء من معاناة العراقي بامريكا وخصوصا مشيكان بالذااااااااااااااااااااااااااااااااااااااااااااات
فارجو من الذي يقرا الموضوع والعنوان انا كاتب( مشيكان ) فقط للايضاح وليس كاليفورنيا
او كنتاكي- او نيويورك اوووووووووووووووووووو....................زالخ
3- وكثير من العراقيين كما كتبت احد الاخوات يواجهون المذله وانا فقط اريد ان اعرف لماذا
العراقي معذب اينما ذهب او تواجد
4- انا بصراحة موضوعي هو ( معاناة العراقي اللاجيء) اذن ليس رفاهيه العراقي فمن يريد
ان يكتب موضوع خاص عن رفاهيه العراقي اللاجيء سنكون له ممنونين
اليكم القصه البسيطه لا ام صاحبه ثلاثة بنات قاصرات تم قتل زوجها بالعراق وبقت هي وبناتها لوحدها............................................
ام صاحبه ثلاث بنات قاصرات حصلت لجوء لاامريكا وطااااااااااااااااااااااااااااااااارت من الفرح والدنيا صارت جنه الها.................. واول مره ركبت طياره وطارت من الفرحه اكثر وحقها لاتلوموها
ووصلت لاامريكا وشافت الخضار والطبيعه ولو مشيكان عباره عن بيوت مرتبه وخضار والناس مختفين
وما اريد اسولفلكم عن ( 7-mile-----------8-mile ..............الخ بعد اربعه شهور من المساعده
وقفوا لفود ستام و الراتب وبداو باستقطاع ثمن الطائره منها والمسكينه عدها قاصرين وحتى قسم من اقربائها سحبوا ايدهم منها.............. وطبعا ما بقت مكان ما راحت تريد تعمل بيه بس ما توفقت خطيه...............المهم انسدت الابواب بوجها والان هذه المسكينه بدهوك تعيش وبناتها
ساتره عليهم وتحمد الرب وتشكره
الهدف ليس كتابه القصه..... بل قد يجوز يوجد الكثير منها مروا بها لكن الهدف ان يعرف القسم انه ليست امريكا حلم ولا بلد الراحه.... صحيح لاننكر انها بلد القانون وهذا شي رائع ولكن بعد 2009 تغيرت كثيرا من الامور وتعقدت الحياه والعراقي اللاجي لاحوله ولا قوه
والله يكون بعوننا وانشاء الله يرتاح العراقي ويرتاح كل انسان يبحث عن السلم والامان
-
اولا مشيكان ميحق للاجئ يدخلهه (وهي اسوا ولاية من هواي نوحي حسب احصائيات رسمية كثيره نشرت في منتدانا) اللا اذا عنده اقارب درجه اولى وهاي شبه مستحيله لمعضم اللاجئين او جماعة ال SIV
ثم ماكو شي اسمه "ستام" وانما هو "ستامب " من food stamp
تكدر تكلنه اخي وزميلي ماجد شكد نسبة العراقيين اللي ما توفقوا في امريكا (نتيجة تقصيرهم او لعوامل خارجة عن سيطرتهم) نسبة لكل العراقيين اللي دخلو امريكا عالبرنامجين؟؟؟
اني بس اذكرلك مثل لا يعني ان اي مما ذكرته غير صحيح او غير دقيق:
عشرلت الاعضاء من منتدى الهجره واللاجئين في عينكاوا كوم وصلو لامريكا خلال السنه الاخيره....محد شاف هيجي حالات وسولفلنه عنهه (او عالاقل ما انتبهوا الهه لانها نادره جدا) شمعنى بس حضرتك اللي دتشوف كل هالمااسي؟؟
واشكرك عالقصص اللطيفة اللي ما بيهه ولا قصة نجاح!!!!!
-
سلام الرب عليكم
شكرا لكاتب الموضوع الاخ ملجد يلدو ويوجد الالاف القصص ال اكثر مما كتبت وحالات كثيره
انا شخصيا وصلت هنا مشيكان وكنت اتصورها امريكا الخلاص ولكنني وجدت اشياء تشيب الراس
انا خريجه علوم ولغتي الامريكيه ضعيفه فقررت العمل في احد الشركات من اجل تحسين لغتي
واساعد بابا الكبير السن وتصوروا اخوان بمشكان ليس لهم الا ستور وكاز ستيشن او يتحارشون
بالبنات ومع الاسف قسم منهم بدون ضمير ولا غيره على بنات بلد\هم
اما الاخ vincenzo فاعتقد كلامك ليس صح لاننا هنا بامريكا وصلنا لاجئيين وشاهدنا اصعب مما
يكتبه صاحب المقالات لكن يجوز انت تعيش مع ماما وبابا ويصرفون عليك مع احترامي لك
انا كراي خاص اتعس ولايه موجوده بامريكا هي هذه مشيكان وضحاياها اكثر مما تكتبون
ارجو ان تكون صريح بكتاباتك لا منتقد لكتابه الاخرين ولو الظاهر انت وريث لااملاك اجدادك ولهذا
السبب عاجبتك مشيكان او بالاحرى انت خريج سفن مايل
من خرج من دارو قل مقدارو و شكرا للاخت انجلا الصريحه وكل الموجودين
-
تحيه مره اخرى وشكرا لمن ساهمو بالموضوع لا انتقدو الكاتب او غلطه املائيه
vincenzo -------------------vincenzo
اخي الفاضل انت تقرا عنوان الموضوع( ماهي هموم العراقيين قي امريكا- مشيكانUSA- MI)
فقط ركز على الموضوع.......... انه حول هموم وليس حول نجاحات صح لو لا اذن موضوعي
حول هموم العراقين فكيف تريد ان يكون عنوان الموضوع هموم واكتب عن نجاحات وحفلات!!!!!!!!
انا معك يوجد الكثير والالاف من نجحوا ولكننا هنا نتكلم عن هموم الالاجيء واعتقد لو تذهب
من ( 7-8-9-10) مايل او مكانات اللاجئيين ستسمع نفس الكلمات اما انت لو تريد ان تكتب
عن النجاحات فلحد الان لم يقراوا الزوار عن نجاحات التي تتكلم عنها؟؟؟؟؟؟؟
واعتقد اخي الكريم وصلت الفكره لانني اساسا مختار موضوع هموم اللاجي ولخاطرك اريد
منك ان تكتب ان موضوع اسمه( حفلات اللاجيء وافراح اللاجيء العراقي في مشيكان لكن لاتنسا مشيكـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــان
تقبل تحياتي وتاكد انا جدا ممنون منك لتصحيح الغلطات الاملائيه لانه هذا يدل على اهتمامك
بالموضوع واهتمامك بي كاخ وصديق هنا(________)وبارك الله بيك وبجهودك
-
الموضوع جميل
والحوارات ساخنه جدا ورائعه وتهم العراقيين
لكن اخوان انتو ما تكلمتوا عن اللاجي العراقي داخل العــــراق
تعالوا شوفوا العراقي اللاجيء داخل العراق وراها تتخبلون وتنجنون وتنهارون
الاخ ماجد يلد ما كتبته مؤلم ولو متاكد يوجد الكثير منه بس اتمنى لو تتكلمون علينا هنا
تقبلوا تحياتي لاجي عراقي
محكوم بالموت البطيء
-
اولا اشكركم اخي ماجد واختي ساندي على مشاركة تجاربكم ويانه ببيتكم الثاني
بالنسبة لردي الاخير ما جاوبتني عليه وراح الخصه بنقاط حتى تسهل عليك:
1- شنو الجابركم على هالولاية التعبانه من كل النواحي(برايكم وحسب الاحصائيات الرسمية) وخصوصا انه امريكا هي تقريبا قاره كامله بيهه 51 ولاية وتكدرون ورى ما تخلص مساعداتكم تفترون بكل الولايات وتختارون اللي تناسبكم او اختصارا للكلفه اتصلوا بكل الناس اللي تعرفوهم بغير ولايات وحولوا انتو واصحاب هالمااسي
2-عدنا عضوين بالمنتدى مرموقين ومحترمين جدا هما الاخت انجي والاخ اركان (عراقي اليمن) هو وعائلته واهله واتمنى هم يجاوبوكم مو اني لان اني عندي بغداد بترابهه وانفجاراتهه افضل من مشيكانستان (وهذا تفضيل شخصي وكلمن حر برايه) ومستحيل اوصللهه لو تبقه بس هيه
3- هاية الولاية اصلا ميودون اللاجئ الهه اللا اذا عنده قريب درجه اولى واللا يلح ملحه مو طبيعية يلله يروحلهه فاللي يعانون هناك فمن اديهم ومحد جابرهم
4- اللاجئين العراقيين بامريكا انواع:
ا- اللي عدهم كلش هواي فلوس وعاجبهم يغيرون جو وينتقلون الى مكان متنكطع بيه الكهرباء وجوه حلو ومن حقهم وهذوله ما اعتقد عدهم مشاكل لان فلوسهم تحللهم اي مشكله
ب- اللي عدهم شهايد قوية جدا وجانو كلش متفوقين بدراستهم وعدهم تزكيات ولغة مو طبيعيه وكلش طاكه واحتمال حتى ما عدهم عوائل وهذوله الاذكياء فوق العاده والتعبانين حيل على نفسهم(مع احتراماتي لكل الباقين) الامريكان والجامعات الامريكية تلكفهم لكف وما عدهم مشكله اذا عرفوا شلون يتصرفون
ج- اللي ما عدهم الاشياء اللي ذكرتهه بالنوعين السابقين ومطلعين على هواي من مواضيع منتدانا مثلا بالارشيف وبقوا مصرين على اللجوء لامريكا و وصلوا وذبحوا روحهم شغل وانتقال بين الولايات ورتبوا امورهم بس كون ميرجعون لدول العالم النايمه لو يظلون يلومون بارواحهم فهم ما عدهم مشكله
اما اللي مو ضمن هالحالات التلاثة فكان المفروض يفكر مليون مرة قبل ميقرر الانتقال للعيش في امريكا وما صار شي هسه يكدر يرجع ويعوفهه للناس اللي تتقبل هاي المااسي وتشكر الله على مجرد وجودهه هناك ولو راح شوية يخسرون فلوس بسبب محاولتهم الانتقال لامريكا الفاشله
ارجو الرد على كل نقطه على حده لاي واحد من الزملاء اللي ما عاجبه كلامي
ودمتم سالمين
-
السلام عليكم
الموضوع مشوق وبيه مشاركات رائعه واختلافات وانتقادات وهذا شي جميل جدا ونشكر كاتب المقال
لتحمله المستمر من الهجمات الكتابيه ههههههههه
الاخت ساندي الله يعينك ويساعدك ومثل ما كتبلك احد الاخوان اسمه فينوس او اسمها فينوس
مشيكان فعلا من الولايات التعبانه لكن العراقيين بيها مليونين عراقي او بالاخرى كانه كاعدين احنا
بالثوره هناك هذا ملخص الموضوع وقليل منهم حاصلين على شهادات يعملون بيها ومثل ما كتب
صاحب المفال ولا واحد يعترف بالشهاده هناك
vincenzo اخي او اختي مو كل اصابعك سوا لكن المشاكل ال دا اقراها موجوده هناك ثق واكثر
لكن اتجاوزها القسم بس خوفك من الدايجي جديد
انا اعرف طبيب اسنان الان دا يدور شغل وما لكا هناك وعلما ابوه وامه يمه كالوله اطلع من الشقه
لانه ما نتحملك عمي انت كلامك صح وكلام ماجد يلد صح وهذا هو مصير العراقي حرامات والله
بالنسبه لصاحب المقال مشكور اخي لانك تشرح وقائع الحاله الاجتماعيه والانسانيه هناك وبارك الله
بيك وشكرا للكل الدا يوضحون الصور هناك
ولو انا شهدت الانهيارات الاجتماعيه بمشيكان والفساد اكثر من النجاح بس اكو ناس تالقوا
الاخ
-
مرحبا اعزائي والاصدقاء المحترمين من جديد
قبل التحيه...... احب ان اشكر الاخ vincenzo على الكلمات الرائعه ال كتبها بحق بغداد وحقيقة
كانت كلمات رائعه لانه لايوجد اجمل من تراب الوطن وان كانوا قيادي الوطن قاسيين علينا ولكن
وطننا يبقى عزيز ونحن فقط نتالم لفراقه واكيد الكل مر بهذا...............
@@@@@@@@@@@@@@@@@@@@@@@@@@@@@@@@@@@@@@@@
لان اني عندي بغداد بترابهه وانفجاراتهه افضل من مشيكانستان (وهذا تفضيل شخصي وكلمن حر برايه) ومستحيل اوصللهه لو تبقه بس هيه
@@@@@@@@@@@@@@@@@@@@@@@@@@@@@@@@@@@@@@@@@@
كانت كلمات رائعه خطتها اصابع الاخ او الاخت vincenzo وهذه هي صلب الموضوع بانه هموم العراقي سواء كان مسيحي او مسلم او صبي او او .........الخ ليست سهله وحتى القديم هناك لازال يتالم ويحن لوطنه وذكرياته وماضيه والالامه وافراحه ...........
اخوان انا اعرف اكثر من عشرين عائله وخصوصا من عندهم بنات قاصرات دون ال 18 وقريبا للمراهقه رجعوا لشمال العراق ليس هربا من امريكا او مشيكان او او ......زالخ ولكن حفاظا على بعض القيم والتقاليد وخصوصا نحن الشرقيين نحب تقاليدنا وعاداتنا وتمسكنا بقيم الشرف والمباديء
وعندما نراها سنفقدها نهرب ليس من مواجهة الحياه بامريكا بالعكس نحن العراقيين شجعان ومن النوع الذي يتاقلم اينما تواجد وبقوه واكيد انتم واحد منهم ولكن انا اقصد القسم من ليست ضروفه الماديه صحيحه وخصوصا الاقتصاد منهار الان............
[color=brown]لااحب ان اطيل كتاباتي واحول الموضوع لدراما.......... لانه دموع الحزين لايراها الاخرين ودموع
خريجي الكليات ويحس بها الا من تنزل من عينه وتتساقط على خده ويمسحها هو لا غيره فرايت كثيرا من دموع عراقيين اصحاب كليات يبكون على شهاداتهم وخصوصا عندما تصل المس بكراماتهم
ولكن الانســـــــــــــــــــــــان هو من يصتع القرار...............وهو من يصل للقمه وان كانت صعبه هذه االايام..................................... .................
........................................................ المهم ان يحافظ الانسان على كرامته اينما كان
ماجد يلـــــــــــدو
[/size][/font][/color]
-
اشكرك صديقي
ولو انت ما جاوبت على ولا نقطة من نقاطي
بالمناسبة الاختلاف بوجهات النضر بيني وبينك كلله يرجع لمساله وحده
وهي:
انه انت تعتقد (ازعم) ان هذه المااسي هي بسبب امريكا او مشيكان او وجودهم بيهه
بينما اني اعتقد انه السبب بيهم همه
وانه امريكا مو لاي واحد
يعني اكو ناس هي مو مؤهله لان تعيش بارقى دوله بالعالم...وفوكاهه ما عدهه استعداد تغير نفسهه وتطور (والتطور مرادف للتواضع هنا) وتتعلم على هالمجتمع الراقي
هم اصلا ما مهياءين نفسيا للوجود بهيجي وسط راقي يحكمه القانون والنظام
مو؟؟
اما هاية سالفة البنات المراهقات وسالفة "يتحرشون" اللي ذكرتهه الزميله ساندي فهي صارت قديمه
لان اذا انته سامع بال prostitution وال sexual harassment فهاي الاشياء ممنوعة بكل الولايات الامريكية وعقوباتهه كلش عنيفة بينما بدولنه "الشرقية=المتخلفة" هي موجوده بكل مكان
احتراماتي
-
شكرا اخي العزيز على الموضوع و الرسالة الخاصة ...
دائمن الانسان يحجي بل سلبيات و يترك الايجابيات اخي انتا دا تحجي على مشكان و المعروف عن مشكان هية الولاية الوحدية الي اظم اكثر نسبة عرب بيها و اكثر نسبة فقر بيها .... ليش مجرب نصيبك بمكان ثاني او ولاية ثانية اني بل نسبة الي عايش في كلفورنيا .. ساندياغو بل نسبة الهذي الولاية الي اني بيها مرتاح و يمكن غيري بيها لا ما مرتاح .... انتا دتقيس المعاناة الي ديعيشوها العراقيين بس مو بس بمريكا وحدها و انما بل دول الاوربية و الدول العربية و كل مكان .. معناة العراقي بكل الدول مو بس بمريكا نفسها ... بس اكو شي واحد انو من تطلع الدولة عربية متحتضنك ولا تصرف عليك ولا تنطيك ولفر ولا تنطيك تامين صحي ولا تعلم اطفالك مجانا ولا تنطي للاعمار الكبيرة بل سن راتب ... بس امريكا الي دا تحجي عليها وفرت كل هذا للاجئيين زين تعال كلي انتا تعرف العدد الكبير الي دخل من الاجئيين المنو تساعد علمود تساعد خلي نتكلم على الايجابيات شوية مو بس السلبيات اكو هواية ناس انضررو من المعيشة بس امريكا مضربت احد على ايدة انو يعيش بيها اخي العزيز ..... اكو مثل معرف ... من ترك دارة قل مقدارة ... احنا منكدر نحكم على شعب احنا اجينة الة ليش منكول الله يحاسب الناس الي كانو السبب الي تركنا بيها وطنا هذا المفروض نكولة ... الناس الي عايشة بمريكا و انتا تعرف كلش زين اليوم الي ميشتغلون بي يتئثرون لان كلهم مطلوبين من سيارات و بيوت و اشغال للبنوك يعني ما اتصور يكون عندة الوكت الكافي للقائات الي كنا نعرفها بل عراق ... فا يا اخي العزيز اني وياك بلي دتكولة بس مو من المنطق نحجي على الدولة الي احتضنت اكبر عدد من العراقيين الاجئيين ...
الحياة في امريكا صعبة و صعبة الدرجة كبيرة و خصوصا الوضع الاقتصادي المنهار بيها ... بس نرجع و انكول الحمدالله و الشكر و انشاءالله تفرج و خلي عينك بعين الله و انشاءالله تنفتح بوجهك اخي العزيز ... و شي ثاني مو كل اصابعك سوة مو كل قريب مو زين ولا كل قريب زين و كل شخص الة ظروفة و منكدر نحكم علية ... اني دا احجي واقع الحال الي دنعيشها بولاية كلفورنيا ...
احب اضيف شي ثاني انو العراقيين الي يمريكا مع الاسف بزعوها للحكومة من كلاواتهم و نصبهم و ضحكهم واحد على الثاني ...
الي اعرفة هواية ديشتغلون و مرتاحين و مو يعني اكو نسبة ما عدها شغل يعني انتهت اكو هواية مواطنين امريكان بطلوهم من اشغالهم هذولة شيكولون كل انسان و قضيتة اني الي دا اشوفة الي ديجون لجوء من اول شهر طلعلة سيارة 2008 و هوة ياخذ راتب من الحكومة كلي شلون من وين من 359 دولار الي ياخذها لو من 140 دولار مال فود ستام يعني ميصير هيجي شي لازم نكون قنوعين يعني احنا العراقيين وين منكون نتبطر شوف حالك و شوف حال المساكين الي عايشين بل عراق بين القهر و الفقر كلي هسة بل عراق اكو شغل اشو كلها كاعدا ببيوتها انتا هم تفكر من تطلع من بيتك راح تموت بسيارة مفخخة لو تنخطف لو من هذي الاشياء خلي نكون قنوعين شوية بس بطبيعة الانسان طماع شكد منطاة رب العالمين اكو ناس دفت دم قلبها بس تخلص من العذاب الي هية بي يعني الشخص متوفق بمكان يجرب حضة بمكان ثاني .. اشو كنت اشوف العراقيين من كانو بسوريا و الاردن و مصر و تركيا و لبنان يتمنون اي دولة بس يخلصون من اجتيهم الفرصة ليمهم هسة بدو ينكروها هم هيجي حرام ,,,,,
و من ناحية التفرقة اني مشفت تفرقة بين الامريكان اني شفت تفرقة وحدة بين الامريكان و المسلمين مو الامريكان و مسيحيين بل عكس الامريكان من يعرفون مسيحيين يتعاطفون عن الوضع التعيس الي ديمرون بي بس ما اعرف بغير ولاية شلون يكون التعامل بل نسبة للولاية الي اني بيها العراقيين مرتاحين و ماخذين كل حقوقهم ....
احب اذكر شي الاخت العزيزة rita derany كالتة انو من اشتغل زوجها قطعو الفوت ستام .. اكيد هذا الشي و معروف انو يساعدون الشخص و يصرفون عيلة بس من يشتغل يكولون هوة صار عندة محل رزق ننطي الغيرة يكون اولا بيها لان هوة اشتغل و هذا شي معروف عن نطاق كل الولايات مو بس نيفادا ... فا شنو الغلط بل موضوع و انتي بل منظة الي تجين بيها تعتمد حسب المكتب الي انتي تابعة الة .... اذا ينطيج حقوقج لو لا بس اكو دوائر حكومية تكدرين اتابعيها و تاخذين حقوقج مثل مديسون هواية عالم عايشة هنا .......
بس و اخر شي نرجع و نكول الله يجازي الكان السبب الس بهذل العراقيين و طلعهم من بلدهم و مع تصوري و قبل سقوط العراق 90% من الشعب العراقي كان يحلم انو يخلي رجلة بلاراضي الامريكية ,,,,,,,, و هاي هية الحقيقة الي هواية يناقضون نفسهم بيها ,,,,,,,
تحياتي للجميــــــــــــــــــــع
تحياتي الك و شكرا على الموضوع ,,,
-
عاشت ايدك هذا الكلام المعقول والموزون مااعرف وين يودوكم لعد اذا امريكا الي هي الوحيدة الي احتضنتنا ما عاجبتكم لعد وين يعجبكم بس فهموني إإإإإإإإإ
-
السلام عليكم
اخوان بصراحة الموضوع رائع لحد الان والعركات بيه حلوه والحوارات اجمل ههههههه والعراقي اللاجيء بعد 2005 طايح حظه هذا ملخص الموضوع
يلدا!!!!!!!! اخي انت كلامك صح مو غلك وعلى العين والراس بس بصراحه المسيحيين لاعبين بيه لعب بامريكا من كل الجوانب ومتونسين بس بعدين يشوقون العيطه ههههههههه
وبالنسبه للحياه امريكا بلد القانون ولو العراقي ما يحب القانون
شكرا لمواضيعك الساخنه هههههههه
-
كما وعدتكم ساظل اكتب القصص الحقيقيه للعراقي بعد حصوله على اللجوء بامريكا وخصوصا
ولايه مشيكان وارجوكم ان تتفهموا ان الموضوع اسمه( هموم العراقي بمشيكان ) واكيد اكو افراح للعراقي هناك بس ماشفتها مئه مئه
قصة اليوم الحزينه
عندما ينصب العراقي ( المتأمرك) لاتزعلون .......... على العراقي القادم الجديد
سالخص القصه
وصل العراقي(__________) وهو مسيحي بالتحديد ولي غرض بكتابه مسيحي واستقبله اخوه
لانه كان كفيله المهم وصل المسكين وغشيم بامريكا ووووووو نوايا قســـــــــــــــــــــم منهم فقنعه
اخوه ان يبيع بيته بالعراق علمود يتخلص من صعوبه العيش فالمسكين نفذ وباع وطلب منه ان يشغلوله فلوسه وانتو تعرفون بامريكا دينهم الدولار فالمبلغ كان مغري وطلع اخو الضحيه ضاحك على اخوه بحجه مشاريع ويسوون كافتريا وزوووووووو الخ وبالاخير الاخ يلعب قمار بفلوس اخوه وكان يظن من يلعب يربح............... رباح تكولون صوج الاخ مو؟ لعد بيمن نثق بعد الان
المهم من القصه لمن لم يصل لاامريكا لحد الان اخاف عنده كم فلس لايثق بسهوله حتى بكفيله
لو كان اخوه او عمه او او او الخ وللمعلومات هذا الشخص حتى ما قدر يقم شكوى على اخوه لانه الامريكي العراقي القديم يكون قاري القانون ودارخه قبل ما يخطو خطوه والاخ ماعنده اي اوراق وياه
غير الضمير............................ وهل الضمير يحمي الانسان؟ هذا هو السؤال
ماجد يلدو
-
بارك الله بيك اخي العزيز و الله يا ماجد ترة ما ظلت ثقة بكل احد ولو الدنيا متخلى من الناس الطيبيين عليه العوظ و منه العوظ يا ستار استر
-
هاي هم قصه مال عائله واحد غشيم جدا وبطريقه مضحكه وواحد متحلل اخلاقيا ويقفص حتى على اخوه
شكد نسبة العراقيين اللي هيج؟؟؟
صديقي معضم العراقيين مفتحين باللبن وبنفس الوقت ناي مبدايين وعصاميين
ليش متغير منطقتك لان الظاهر مليانه هيجي نماذج حتى تبدي تشوف العراقيين المرتبين واولاد العوائل وتحجينه على قصص نجاحهم مو القرويين اللي حتى الموصل ما شايفيهه مو بغداد وميحسون بنفسهم اللا بامريكا هههههههه
-
مارأح أعلق غير عاشت أيدج أتجي على الكلام ومع الأسف واتمنى أشوف المواضبع الهادفة الي بيها رقي للأفكار وتحدي المستحيل والصعوبات والأمال الحلوة وليست المواضيع الهادمة وتشويه صورة البشر والمكان والأنسانية كفانا
-
اخوي ماجد انا راح اسولفلك سالفه ...اكو ثلاثة اشخاص سافرو الى دوله معينه خلي نفترض سوريا فمن رجعو سألهم رجل كبير عن اخلاق واهل المدينه فالاول جاوبه انهم جميعهم نصابين قال الرجل الكبير صدقت والثاني قال جميعهم يغنون ويرقصون وهم قاله صدقت والثالث قاله جميعهم طيبين ومصلين وهم جاوبه صدقت ...فتعجبو الناس الموجودين قالو له شنو سالفتك ثلاثتهم جوابهم يختلف وانت جميعهم قلت لهم صدقت ...قال الرجل نعم لان هذا الي شاف المدينه جميعهم نصابين التقى بالنصابين والي شاف المدينه يغنون ويرقصون التقى بالناس الي تغني وترقص وهذا الي شاف المدينه طيبين ويصلون التقى بالناس المصلين والطيبين ...فمغزى القصه يااخي ماجد انك انت التقيت بالناس الفاشلين ومالتقيت بالناس الناجحين والتقيت بالناس الي ماعندهم اخلاق بحيث ينصب على اخيه وياخذ فلوسه بس مالتقيت بالناس الي تمد العون الى اخوانهم فنقول لك صدقت صدقت..
بس انت اكتب كل يوم عن معانات اللاجىء العراقي بامريكا وانا راح اكتبلك عن معانات العراقي ببلده وخلي نشوف ونسوي مقارنه ياكفه الي ترجح وتقبل مروري
-
لا لا لا
عزيزي ابو خالد
تره زميلنا صاحب الموضوع ديشوف هواي حالات جيده جدا
اصلا الاغلبيه العضمى من الحالات اللي ديشوفهه تخبل
بس هو مصر على ان يدور على الحالات المو حلوة والشاذة ويسولفلنياهه !!!!
للفائده ;D ;D ;D
-
موضوع رائع
-
شكرا الاخ ابو خالد ل اسلوبك الجميل بالكتابه وانت رائع
اما بالنسبه للاخت vincenzo فاعتقد انتي بدات تشخصنين الموضوع واعتقد ايظا انتي كتبت اكثر من عشر مرات رايك
vincenzo ياريت لاتكررين رايك لانه اكثر اليوزريه هنا قروه وشكرا لك وانا لم اطلب رايك خمس مرات بل مره واحده والحليم تكفيه الاشاره
-
حبيبي اني مو اخت اني انسه ;D ;D
وما اعتقد موضوعك حكر على ناس معينين يكتبون ويقرون بيه واللا جان سويته عالخاص
وانما هو موضوع عام للنقاش بين الاعضاء
واعتقد المفروض حضرتك ترتاح لهذا الشي من يستمر النقاش ونوصل لنتائج وافكار
يا هلا بالبطل
-
اول شي تحيه و سلام للكل
وتحياتي الك اخ ماجد
طبعن الكل يعرف امريكا و هيا اول دوله لعالم بكل النواحي
بس المشكله بي الجماعه الي تكتب عليهم
طبعن متكدر اترضي العراقي ابي شغل لين العراقي تنبل و ايريد الدوله تصرف علي مثل ...استراليا
و الدارس و عنده شهاده يكدر يشتغل ويدرس و يكدر يدرس مجانا او شي بسيط
و اني اعيش في مشكن و اتوقع اذا واحد يشتغل مايشوف هاي الصعوبات الي ذكرتها حضرتكك
ملاحضه صغيره
انته لاجئ جديد على مشيكن و دشوف عندك كل هاذا الوكت حتى كل يوم تكتب قصه
اذا الضروف هلكد تعبانه بدل مه تكتب اشتغل وشوف مشيكن شكيد حلوه
و اني اسف اذا كلامي معجبك
بس الحقيقه هيه الناس الي دتحجي عليهم ايدورون حيات سهله بدون تعب
xx7otxx
MI USA
-
xx7otxx ................ز هل انت عضو فعال فعلآ!!!!!!!!!!!!!!
واعتقد لو تقرا الموضوع وكتاباتي علمود تعرف اني لاجيء اولا
مع كل شكرا لكتاباتك المتميزه بطرح افكارك وارائك
-
شكرا لكاتب الموضوع ولااختياره العراقيين بمشيكان بالذات لانه اعدادهم كبيره جدا
واعتقد ان الاقتصاد الامريكي الان شبه ميت وهذا سبب مباشر ومن الصعب فعلا البحث عن العمل
اما الاخوان من كتبوا العراقيين تمبل فاعتقد انتم غلطانين جدا ووصفتم ابناء بلدكم بابشع وصف
xx7otxx اعتقد كلامك خالي من الصحه لانه اغلب العراقيين اوضاعهم النفسيه تعسه هناك
اما انت تاخذ مصرفك او فلوس من ماما وبابا فهذا بحث اخر والحقيقه توجد ايجابيات لاامريكا لكن ليس
اول الايام وانما بعد عشرات السنوات
-
الرجااااااااااااااااااااااااااااااااااااااء يا فنزو والحوت وباقي الاعضاء
ان تحترموا اراء الاخرين ولا داعي للسخرية
الاخ ماجد روى ما رأه وتعايش معه
وعوض التهكم والسخرية اولى بكم ان تعرضوا لنا قصص موثقة عن عراقيين حالهم افضل مما ذكر الاخ ماجد
وافضل ان تكون ردودكم ذو فائدة اكثر للاعضاء
-
hewy
اني بس انطيت رايي و الي دشوفه
-
اخي الحوت انا لست ضد ابداء الاراء لكني اقصد طريقتك التي تتبعها في ابداء الرأي
وبما ان لك خبرات اخرى غير التي ذكرها الاخ ماجد وهذا شيء مبشر بالخير فنحن متشوقون لقراءتها بعد ان تتكرم علينا وتكتبها فلا تبخل علينا
-
سلام عليكم
بصراحة لازالت مشاكل العراقيين مستمره اخ يلدا والعراقيين المهاجرين بداوا يحسون بقيمة بلدهم ولو تشردوا منه واقصد الكل المسيحي والمسلم ومع الاسف هذه نهايتنا
واليك هذه القصه اخ يلدا........... عراقي وصل كندا وانت تقول كندا احسن واجمل وصاحب خمس اطفال
وفرح باللجوء وصار سنه يدور عمل وين ما يروح بس يكول اني عراقي الكل يهرب منه
ليش ليش يهربون منه ومن تشغيله والله مع الاسف
-
بل بدايه اشكر اخي العزيز ماجد على هذا الموضوع الجميل
انا لقد وصلت الى مشيكان قادم من تركيا قبل فتره .طبعا وانا بعدني بطريق المطار الى البيت قلت الى اهلى امريكا مو حلوى بعد الدقائق الاول من وصولي الها.لان شفت قبل يوم بعيني بمطار نيويورك الناس مالتهم ونمت يوم بل فندق وشفت شلونها هاى الدوله الاولى بل عالم.وشفت تركيا وقارنت في نفسي طبعا تركيا هم بيها جوانب ماحلوى.بس بعد كل ذلك كلت وياه نفسي شلون اجبر نفسي تعجبني ولازم تعجبني قابل ارجع .
واول شي انا احسن من غيري الذين وصلوا قبلي لان الاولى ان اهلى واخوتى واخوانى موجودين هناك قبلي بسنين ومستقرين وسكنهم باحسن منطقه والعمل ايضا والنقطه الثانيه هي التى ساعدتنى اللغه انا كنت متمارس عليها واتقنها على رغم من ذلك هنا الكلام يختلف كثيرا لان نصف الكلامات تنعلس بل لفظ. وثالثه انا مااحتاريت على اي شي كلشي اهلى واخوتى تعاونوا وكملوا الى من اوراق ومعاملة.لان هذ الشي مهم جدا جدا اول ماتوصل وكالاجى لان اتحيري منوا يوصلك الى فلان دائره لان كل مشغولين فى اشغالهم واذا عنده عطله يحير بنفسه لو بيك .
اهنا اول ماتجي تتفاجاء بل اهل كلهم من يشوفوك متعلمين كلمه وكلهم يرددوها والا وهى( انشاء الله تعجبك امريكا ).هاى بل بدايه اتحس من هل كلمه انوا امريكا ما حلوى ابدا والناس هنا كلهم محبطين من هيج يرددون هل كلمه. بس شي يسون يرجعون للعراق وياكلون الويل ها من الظروف الامنيه وها من الكهرباء والماء والغاز وها من فلان حزب وفلان كتله سياسيه ومن شيخ فلان وهل مره طلعتنا شغله جديده الا وهى العواصف الرمليه الي الله هدنا النا هديه يعنى انا بس اتذكر هل موافق اكول لنفسي لا ابقى اهنا احسن من كل تلك النقاط السيئه واتعلم لان داه اشوف اهنا ناس شلون كانوا بل عراق وهس شلونهم وشلون صاروا لازم يردلها صبر وخاصا بل الضروف الاقتصادية التى يعيشها العالم وانا جنت اعرفهم كلش زين اكول لنفسي لا انا جنت احسن واصير هس هم احسن.
اما الي شفته اهنا حلوى الامان والنظام شي كلش حلوى هوايا دول كثيره محرومه منها مو بس العراق وماموجود عدهم ولا يكدرون يوصلون الهم.
والاهم من هذا الشي صار عدنا مناسبه والتقيت برجل كبير السن واصل بل حزب الديموقراطي ومتفاءل بل حزب ويمدح بيا هوايا ويكول ابويا وصل امريكا سنه 1929 واناوالد اهنا في سنه 1938ويتكلم الغه الكلدانيه والانكليزيه خبط بصراح اتفاءلت كلت العراقين واصلين وبلكت انا لو ولدي هم نوصل بل مستقبل.,
ملاحظه: اهنا الظروف اتخليك تفرض مصلحتك الشخصيه فوق كل اعتبار ناهيك عن العلاقات الاجتماعيه والانسانيه.
اما المساوى وهى كثيره شفتها
واهمها هوايا ناس ناسين لغتهم العربيه والأراميه(الكدانيه السريانيه الاشوريه) بشكل خاص التى هى لغه الام للبشريه لغه التى اتكلم بيها المسيح هاى منسيه عند هوايا عوائل وحتى لو يعرفوها من نجتمع مايحجي بيها وهي معناتها بعد سنين تنسي لغة الام..
وثاني شي هو الي هي اذتني الشباب(وليس الكل) ملتهين بلعب القمار والذهاب الى الكازينو ولعبه اللوتري وغيرها من الشغلات الاكبر كا الحشيشه والمخدرات.وبعدين كلت انا شعليه قابل انا منهم وعلى كولت المثل العراقي(كل لشه تتعالك من كراعينها).
انارائي الشخصي الي يعيش فى امريكا هو انك تشتغل عبيد عند الحكومه بس تدفع ضرائب مقابل ان اتعيش بامان وسلام.وهي هاى كسار ظهر العراقين لان الدوله بكلشي مايسوي الفرد عدها حصه بيه مو مثل العراق محد معليه بيك.
يمكن راح من يقرها شخص راح يكول هذا شكاتب شنو هل حجي بس الى عايش ويشتغل( سنين)اهنا يعرفها ومتأقلم عليه وصارت( روتين) وانست اصلا هاى الامور بس الجديد لا يحسها صعبه جدا والله يصبر كل العراقين.
فاعلى كل من يفكر يجي الى امريكا لا يتصورها (ارض الميعاد) حتى لا ينهار نفسيا من ينصدم بل واقع.بس يكدر يتعود عليها
مع الشكر الجزيل
-
ABN_DJLA
ABN_DJLA
ABN_DJLA لم اجد اروع مما كتبت ولم اجد صراحة مما قرات انا جدا ممتن منك
لانه انت لخصت اشياء ممكن ان يمروا بها اخواننا مبتعدا عن الطائفيه
او التحزبيه او الدين جداااااااااااااااااااااااااااا مشكورABN_DJLA
-
السؤال موجه للاخ ماجد يلدا
لماذا انقطعت عن كتابة هموم العراقيين بامريكا اكيد تعرضت لتهديد من مسؤؤلي الموقع هههههههههههه
على العموم عسا ان يكون الانقطاع خير
-
بالبدايه احب اشكر كاتب الموضوع الرائع والحسلس بنفس الوقت
اخي العزيز كاتب الموضوع
=============
صحيح ان اغلب العراقيين تعرضوا للذل والمهانه في هذه الولايه التعيسه
مشيكان وانا شخصيا سكنتها خمسه شهور ولم اجد فيها الا النفـــــاق
وخصوصا من قبل العراقيين بينهم لايهم كان مسيحي او مسلم مع الاسف
وهذا النفاق والمذله سببها العراقي نفسه لا المواطن الامريكي شخصيا
وكل ما ذكرته صحيح ويوجد الاسوء منه الان ....مع الاسف
ولكن الانسان العصامي الناجح ممكن تخطي الصعاب هذه ولو هي تؤثر
وخصوصا الجرج يكون من اقرب الناس اليه. ولكن الرب موجود
وانا شخصيا طردني اخي من بيته بعد شهر من دخولي مشيكان ومع الاسف
انا ارى ان الشهامه العراقييه ماتت ومات العراق معها فلا تستغرب من هذا
وان خُليت قُلبت..........................صح
وكثيرا من العراقيين ينتظرون التشرد الان بهذه المقبره الكبيره العراقيه الكبيره
-
مرحبا داخيوتن
بصراحة صار ساعة اقرا الموضوع وفيه كثير من المشاكل العراقييه والمغتربين واللاجئيين
واشكر كاتب الموضوع ولصراحته المميزه وانا احب ان احكي لكم شي وقصه حقيقيه وواقعيه
انا حصل معي اتعس مما قراتم وصلت لمشيكان كلاجئه والحمد كنت من الدرجه الاولى لوجود
امي وابي واخواني ولكن المصيبه الكبيره هي ان اقربائي وهم من الدرجه1 اول من تخلوا هنا
وعندما طلبت مساعدتهم لتوجيهي نحو الطريق الصريح والمحترم واذا بهم يهربون من اجاباتي
وقالو لي من الاحسن من تبعي ذهبك وتشغلين بناتك بمطعم---وهو شبه ملهى ومع الاسف
الظاهر هذه الولايه الغير محترمه بها ناس اسف اسف اسف لو قلت غير........... مع الاسف
لن تروا لا حنيه الاب ولا الام ولا الاخت ولا ولا ولا واعتقد اخ يلدا كتب اقل مما راى ولو توجد
حالات ناس نجحوا ؟ ولن لو دققتوا عن ملاينهم ستعرفون من اين اتت؟ اسف للصراحه
بالمناسبه انا ترككككككككككككككككككككككت مشيكان والان بالسويد شويه ارحم
-
بصراحة الموضوع اقراه واحاول ان اتمالك احاسيسي ولكنني ارى ان العراقيين ما يستاهلون
الى الذي جرى لهم والله يكون بعون العراقي وشكرا للكاتب الذي نقل لنا الجوانب السلبيه
ومع احترامي لمن يقولون عن مشيكان مدينه رائعه او حتى امريكا اعتقد انهم يبالغون قليلا
فلا يوجد اجمل من الوطن طبعا لو كنت تملك حرينك به
وانا متاكدة ان كل مغترب يعاني وشاف ال رواه الاخ يلدا لنا هنا وهنا
وشكرا للموضوع الرائع الذيث يوضح لنا الالاف الصور المخفيه
-
بل بدايه اشكر الاخ ماجد على هذا الموضوع الجميل
اني وصلت امريكا كاليفورنيا (موديســـــــتو ) صارلي اهنا سنه او 4 اشهر
اذا اكول امريكا موحلوه والعيشه بيها متنراد جذب امريكا ام الدنيا صحيح حاليا شغل ماكو والعيشه صعبا بس ارحم من العراق هذا رائي طبعا
اجيت امريكا او ابني مريض او نفسيتي تعبانه كلش لي ان داشوف ابني عمره سنه او مريض او محتاج عمليه كلش صعبه وهي بلنخاع الشوكي بس الحمدلله سوا عمليه او نجحت او صار كلش زين نشكر الله
صحيح امريكا مابيها فرص عمل هوايه بس اوكى نشتغل اي شغله مو مهم يشتغل شغلته
يكولي هذا مهندس اني شلون اشتغل هيجي شغل لالا مو من مستوايه اوك مو من مستواك روح ارجع البلدك او اشتغل محد ماجبرك تبقى
العراقي بصراحه يريد يعتمد عالحكومه ميصير يكعد او الحكومه هي تصرف عليه او فوكاها مايرضى او نشوفه ضايج او شلون عيشه شنو هاي امريكا
والله خلفله عليهم دينطونا فوت ستامب او مديكال كارت الدكاتره او راتب بعد شنو ليش نضوج نروح ندور على اي شغله او نشتغل بلبدايه لي حد مانوكف على رجلنا او نتئقلم ويه الوضع الي عايشين بي
او بكل ولايه او بكل الدنيا اكو بيها الزين او مو زين اوك هسه اني جنت كاعده منطقه شفت المنطقه مو زينه تحولت رحت غير منطقه احسن ليش اضوج نفسي او اصعد الكابه يمي لالالالا اذا الولايه معجبتني اروح اغير ولايتي اسال وين العيشه احسن وين اكو فرص عمل اكثر خوما اكعد او اصفن الشغل ميجي بوحده اني الي ادور عليه والحياة الحلوه اني اركض وراها مو هي تجي يمي
الحمدلله اجينا او الحكومه دتساعدنا الناس الي اعرفهم صارلهم 15 سنه اهنا والله يكولون احنا من اجينا كعدنا سنتين بلكاع لامساعدات ولا شي بس اعتمدو على نفسهم او هسه حالتهم الماديه زينه شغلهم زين
لازم نضحي او نصبر او نشتغل او نكافح لحد منصول الشي الي نريده
او الناس الي اهنا هي حياتهم هيجي مو بيدهم هما ماعدهم وقت من الصبح يطلعون للعصر بلشغل يجي يريد يرتاح صحيح ماكو حنيه الناس تتغير هوايه اهنا يعني شنو خلي يتغيرون خلي لالايسالون ميسولي شي مااريد كلشي من عدهم كلمن ملتهي بنفسه او بيته او بشغله مااكدر اروح افرض نفسي على اخويه لو خالي لو عمي او انتضر شي من عدهم اكون نفسي بنفسي ابني مستقبلي
اقرا اتعلم احسن لغتي اشوف الدنيا بعين حلوه مو من اول شي اضوج اكول هاي العيشه متنراد بلعكس امريكا حلوووووووووووووووووووووه او عجبتني هوووووووووووووووايه والحمدلله كاعدين او مستقرين ونشكر الله على كلشي
-
انا لااعتقد كلامك صحKlaRa ALmaRghi
KlaRa ALmaRghi امريكا بلد ليس بمستوى اللائق لنا
-
اوك عزيزتي ساندي اني هذا رأي بامريكا اذا مو لايق النا ليش العراقين كاتلين نفسهم او من ساعه 5 الصبح لازمين سرا يم الام المتحده اذا ميعجبكم تسافرون او تعرفون امريكا مو لائقه اوك رجعو هذا العراق ديصح رجعوووووووووووووووو لبلدكم انطو فرصه للي يريد يسافر لالاتاخذون مكان غيركم او اك هوايه عوائل رجعو عزيزتي
سوال ساندي ليش اسمج ساندي USA ليش مو ساندي العراقيه مجرد سوال لالااكثر
-
للكشخه
اعتقد
-
KlaRa انتي ما مسؤؤله عني كلمن له راي ولا تصيرين وطنيه براسنا علمود كم فلس
vincenzo ويمكن انت عمرك ليس بكبير لانه مبين ما تعرف تكتب سوى كم كلمة روح راجع مصارد للكتابه وتعلم الادب شويه والاحترام
-
ساندي اني مو وطنيه لو جنت وطنيه هسه جنت كاعده بلعراق العظيم شنو قصدج بجم فلس ساندي اذا قصدج المساعدات فا هذا حقنا العراق تنطي 2 برسينت من النفط لي اميركا علمود الاجئين يعني مو من جيبهم هذا حقنا اوك usa اني هذا راي والله يعجبج ميعجبج هاي مشكلتج
-
"مصارد"؟؟؟؟
يعني شنو؟؟؟
و وين اراجعهه؟؟
زين من اريد اروحلهه هم اخذ وياية تموينية وبطاقة سكن وجنسية وشهادة جنسية؟؟
زين هاية ال"المصارد" شكد تكلف المراجعه مالتهه؟؟
زين شكم صورة اخذ وياية؟؟
بله زحمه التوريق يفيد وياهم؟؟
ما عندج واسطه ؟؟
عالعموم اشكرج عالنصيحه
ولو بس تروحين تلعبين وية اللي بعمرج ومتتجاوزين على الاعضاء القدماء وخصوصا اختنا الجبيرة كلارا الوردة
مية هله ويومية هيجي وكت
-
اختي ساندي اذا قريتي رد كلارا تكول هي ضايجه من الغربه وتعبانه وكتبت شكو وماكو وليش راحت
وكالت الحياه مكضيه يعني على الله
وشوفي اختي كلارا اداريه يعني هسه تكدر توكف عضويتج بالمنتدى بس مع ذلك هي عدها ادب واخلاق عاليه اذا مطلعه على المصادر
اما بخصوص vincenzo ولله والنعم منه يعني جاي تحجين على الناس وجاي تسوين نفسج علساس وطنيه اختي الامريكه
ولو ماحبيت ارد على الموضوع بس ... عذرا اخي يلدو
-
موضوع رائع يسلمووووو
-
مرحبا
شكرا لكاتب الموضوع ولكل من كتب بصراحه هنا
انا وصلت لاامريكا-مشيكان وكنت ببيت اخي اي لاجيء من الدرجه الاولى
ولكنني بصراحة اكثر من ستة شهور بدون عمل علما انا مهندس كهرباء
فاي لجوء هذا انتم من تمتدحون امريكا ؟ اين هي حقوقنا؟ ومع الاســـــف
احد الاخوان كاتب العراقي تمبل والله انا ضحكت على هكذا عبارات انت يامن
كتبت عن العراقي ( تمبل- لايعمل ويحب النوم) مع الاسف انت معلوماتك
جدا ضعيفه تعال شوف العراقيين هنا منتهين وهم محسوبين لاجئيين حتى
ان عوائلهم بدات تنحرف من الجوع اسف لهكذا كلام لكنه واقع وحقيقي مئه مئه
وبكل دول امريكا العراقي منتهي ؟ لاتحلمون ببلد ليس بلدكم ولكن العين بصيره
واليد قصيره والله يكون بعون العراقي وبالمناسبه انا الان حارس باحدى الكازينوهات
واخجل حتى من كوني انسان ومحسوب مهندس
-
عادلت شهادتك؟؟؟
-
يسلمو للموضوع الرائع
مش كل الموجودين عراقيين بل فيهم عرب واردنيون وفلسطنيون
ولهم اكثر من هذه المعاناة وهذا حال من يترك داره
-
بس عندي سؤال للي كاتلين نفسهم لامريكا ؟؟منو الي وصل بلدكم وشعبك لهل لحال مو امريكا ؟؟اذا تحبون بلدكم شوي مثل متحبون امريكا وغيرهاجان صار العراق العراق والعراقين براسها خير ..كل الي سوته امريكا بيهم وبعدهم عدهم ثفا بيها.
دائما الانسان الصريح محد يحبة ولا يصدقة الي يكذب ويبالغ بلحجي يصدقوهم اكثر شكرا يااخ ماجد ع الموضوع الرائع ..
-
اعتقد الموضوع شيق جدا واقراه منذ ساعتين
وانا متاكده ان مامكتوب صحيح مئه مئه وشكرا للاخ ماجد يلد وانا شخصيا امي وابي اولهم من تخلو عني هناك وقالو ارجعي للعراق ؟ هل ابكي ام ارثي لحالي اهذه هي امريكا وحالها
-
الف شكر لكاتب المقال
من زمــــان ما قرأت هكذا احتكاكات وكلام بين الاعضاء وكله رائع وجميل مؤثر بنفس الوقت
الاخ كاتب الموضوع انا رجل كبير السن وعمري اكثر من سبعين عام واحد ابنائي يكتب هنا
وانا اساسا من منطقه مشيكان ومن حقك ما تكتب وتصف من قسوه لانها واقع حال
ولكن تاكد بكل بلد هناك السيء والجيد وانت تسمع وترى وضع العراقي بالعراق وتسمع
يوميا التلفزيون فانا اعتقد نااااااااااااااااار مشيكان ارحم من جنة العراق المؤلمة واسف لقول هذا
وبالعكس لاباس نقرا قصص العراقيين ويقراها الاخرون لانها ممكن تخدم الشعوب والناس
وانا كدوري رجل كبير اتمنى من كل عراقي متمكن يساعد اخوه العراقي اللاجيء لانه العراقي
القادم من العراق مظلوم نفسيا ومعنويا وماديا فلاباس لو نساعده لانه يستحق هذا
-
عيوني عاشقه هيثم يوسف لازم ما سامعه اغنيه هيثم ياناس ارحموا بحالي.........
سمعيها الله يخليج وبعدها جاوبي العراقيين اللاجئيين حالهم حال الضيم
واكيد لو نكتبلك شنو الدايصير بيهم راح تغنين الاغنيه يمكن مو!!!!!!!!
-
موضوع شيق بصراحة
وياريت يكون الناس صريحين اكثر ويكتبوا الحقائق اكثر
وانا اعتقد ان العراقيين اللذين بامريكا قبل عشرين سنه لايحكمون عليها مثل
العراقي القادم حديثا والاقتصاد صفر
لكن انا رايت من خلال قصص الاخ ماجد المكتوبه هي واقعيه وانا شخصيا سمعت الاسوء
منها والاسوء من قبل العراقيين ومع الاسف الناس تحولت هكذا وكانهم اغراب ليسو اقرباء
واتمنى من الرب ان يرجعوا العراقيين الواصليين لاامريكا لبلدهم اكيد بعد استقرار بلدهم
وعدم اهانه كراماتهم واستقرار بيوتهم؟ نحن كلنا عراقيين وكلنا نملك كبيرياء وكرامه من
الصعب مس كرامتنا وكبريائنا ونفضل الموت على الذل واسف للصراحه
وشكرا للاداره وكاتب المقال وصراحتكم هنا
-
تحيه من عراقي لكم
قبل ان اساهم بالموضوع اشكر كاتب المقال هذا وهو شي مفيد لكل من سيصل لاامريكا
انا احد الضحايا المهجرين الذين وصلوا لاامريكا اخي الكاتب وحياتي بالكامل تدمرت
ولدي انتقاد بسيط لكاتبه المقال عاشقة هيثم يوسف ........عاشقة هيثم يوسف مع الاسف ما
قراته من كتاباتك ياختي انا متاكد انتي لستي عراقيه ولو كنتي عراقيه لما كتبتي مايلي من كلمات
كيف تطلبين من العراقي الذي غضب الله عليه بالعوده للعراق اهذا هو جوابك له
ياختي انتي عاشقة هيثم يوسف وخبراتك قليله ممكن تكتبي لنا ماذا حققتي بامريكا
وماذا استفاديتي ...................... مع الاسف كلماتك لاتنم على الاصاله حتى
-====================================================
وكلمن مو عاجبتة امريكا هذاك العراق او بلد الانتظار جاي تهلل رجعو وعيشو بيها هاي اذا كنتو صدك صدك مو مرتاحين بامريكا ومتاكدة مليون بالمية كلكم مرتاحين بس شكول العراقيين وين ميروحون ما يكولون حمد لله والشكر
هذا نص كلامك وكانك الرئيس اوباما اوز بوش الله يستر لو كنت انت الرئيس
؟؟؟؟؟؟؟؟؟؟؟؟؟؟؟؟؟؟؟؟ خلي الله بين عيونك
-=========================================================
-
اكو ميتين وسبعين دولة بالعالم وانت بكيفك وين اللي يناسبك ويقبل بيك روحله
-
شكرا لمن ساهموا هنا
بصراحة اكثر العراقيين الموجودين بهذه الولايه الكبيره عانوا من الذل لم يعانيه انسان
وقسم منهم كافح وناضل واستمر بالعطاء والعمل وهذا شي رائع جدا ومؤثر
لكن الغريب ان قسم من العراقيين ليسو صريحيين بكتاباتهم ؟ ويجاملوزن مع العلم
لاوقت للمجاملات لانها تدمر الحقائق..........!!!!!
بهذه الولايه الان العراقي يعاني من ابتداء النهايه وخصوصا الاوضاع الاقتصاديه ولهذا
العراقيين بمشسيكان ضائعيين لكتهم يكابرون ولااعتقد سيكونون مثل ال سبقوهم
-
ممتاز ارى العراقيين هنا قسمين قسم متونس وقسم متدمر لكنني مرتاح لكم لانكم لحد الان متحمسين للشجار والجدال والتنسقيط اخ يلدا ارى انك جدا متعب افكارك وكانك ستصلح المجتمع لكن لاباس سياتي يوم ستغير كتاباتك عن مشيكان لو استقريت هناك لانه مليونان عراقي هناك
عجيب متكولي شلون عايشين هناك
الكاتب الساخر
-
الاخ ماجد يلدو سؤال واحد واتمنى اتجاوبني عليه
ليش ما تغير الولاية وتروح لغير ولاية
ارجو ان تجاوبني وما تجاهل مشاركتي لان الكثير من الاخوان سألوك نفس السؤال وما جاوبت
مع كل شكري وتقديري لك
ربي يوفقك وتكون حالك احسن واحسن
-
احاوبك
اساسا انا بدوله عربيه للعلم فقط
-
اخوية العزيز ماجد
اولا شكرا لان جاوبتني على سؤالي
وثانيا اريد اكلك اذا انت مو بامريكا ما يصير تحجي على اساس اللي سمعته من ناس حتى لو كانو هذولة الناس قريبين كلش من عندك لان معظم الاقارب اللي بالخارج ينطون فقط الجانب المظلم عن الدولة او الولاية الي يعيشون بيها لعدة اسباب اكو ناس تخاف من الحسد واكو ناس تخاف لا توكع انت بضائقة مادية نتيجة خطف او ما شابه لا سامحه الله وتطلب من عدهم فلوس واكو ناس تحجي حتى ما تريدك تجي عدهم لان انانيين وما يحبون احد ثاني ينجح غيرهم واكو ناس واكو ناس اذا اعدد ما راح تخلص الشغلة
انا مو قصدي انو القصص الحجيته انت مو صحيحة بس احتمال من تروح تلكا الايجابيات اكثر بكثير من السلبيات وتشوف انو قصة البايسكل والثلج ما الها قيمة امام كل الايجابيات الي تصادفك بحياتك
ارجو ان تتقبل نقدي برحابة صدر وما تضوج من عندي
وانتظر مشاركاتك بالمنتدى ان شاءالله
ربي يوفقك ويكون معاك وين ما رحت
واكرر مرة ثانية لا تضوج من عندي
تحياتي
اخوك proph1
:) :)
-
شكرا لردك اخي بالعكس انا مع الراي والراي الاخر
بس والله لو تسمع معاناتهم العراقيين بهذه الولايه يبكي عليهم الواحد
وانا الالاف القصص لم اذكرها او ادونها لانني وجدت هجوم علي من البعض
ثم انا موضوعي اسمه_ هموم العراقيين بمشيكان_ مو اسمه افراح العراقيين فانت
ممكن تذكرلي افراح العراقيين بمشيكان
-
اخي ماجد مع احترامي وتقديري لك ولي موضوعك القيم الذي يشرح فيه عن معانات اللاجئ في مشكن وليس في امريكا كلها لانه اساس موضوعك هو كان عن معانات العراقيين في مشكن وانا واحده منهم اسكن مشكن منذوا 18 سنة واعرف كل شي عن العراقيين هنا واوضاعهم بالتفصيل وعن معاناتهم كما تقول اخي العزيز اولا انت لحد الان في دول الجوار ولست مقيم في امريكا ولا في مشكن بالذات وكل الذي تسمعه من اناس ليس سوى كلام ناس لا تعرف كيف تعيش هنا ولا تعرف كيف يكونون حياتهم رغم الظروف الحالية التي يمر بها العالم وليس في امريكا او مشكن يوجد كثير من الناس لا يعملون في الوظائف الحكومية لكنهم يعرفون كيف يدبرون انفسهم باي اعمال اخر مثلا الذي يعمل في مهنة المكانيك او مهنة الصباغة او مهنة تصليح الكمبيوتر او الحلاقة او خياطة رجالية او تصليح ادوات كهربائية او العزف في الحفلات او اي مهنة حرى يعملون بدون ان يكون لديك ايجاز او محل مثل حلاقة يعمل في البيت او مصلح الكمبيوتر بدون محل وبدون ايجازة مجرد يعمل مع الجالية او اي مهنة تريد تستطيع ان تعمل وحتى عوائلكم يستطيعون ان يعملوا وهم في البيت مثل عمل الكبة او رعاية الاطفال اثناء اهالي الاطفال بالعمل يعني بيبي ستر كثير من الاعمال موجودة هنا ليس شرط ان تعمل في الشركة او مهنة حكومية كل هذا الفرص موجودة لكن قليل من يستغلها لا تقول لا يوجد عمل العمل موجودة باي مهنة تعرف فقط اصحاب الشهادات حاليا العمل قليل لهم لكن غير الاعمال مثل الذي ذكرت لك موجودة واغلب العراقيين حاليا يعملون بها صدقني يااخي العزيز الي يريد يعيش ويعيشه عائلتك يكدر يخلق العمل باي طريقة المعانات التي ذكرتها لا اعتبرها معانات ولكن اعتربها قلت المعرفة بالبحث عن اي عمل من الذي ذكرته لك والحمد اللة الكل هنا ما شا ءاللة بيوت وسيارات راقية ومحلات وحتى الي جاءوا قبل سنة او اكثر صدقني يااخي الذين تتلكم عنهم هم مع احترامي لك ولهم لا يعرفون كيف يتصرفون اخي ماجد انتطر مني موضوع اتكلم لك كل شي عن مشكن وعن الناس الي بمشكن وعن حياتهم ولماذا خسروا بيوتهم واملاكهم حتى تعرف معانات العراقيين الحقيقة هنا تحياتي لك
-
اخواني الاعزاء الاخ ماجد كلامه صحيح او واقعي لتجارب شافها وعايشها ولكن هاي الحالات الي ديشرحها هيه اتخص موضوع محدد جداا وخاص( بالعوائل لمسيحيه الي سحبت اقربائها وطريقة تعاملهم مع المسحوبين من قبلهم )والعنوان الي خلاه عنوان عام عن معاناة عن كل اهل مشيكان وهنا صار الالتباس
لان هوه ديتكلم عن العوائل المسيحيه الي هاجرت من قديم الزمان يعني السبعينات وفوك .. وبعد الضروف الصعبه الي وقعت على اقربائهم بالعراق صار لم شمل او سحب او اي طريقه
فصار عدنا طرفين همه المهاجرين القدماء الي رتبوا حياتهم واتقولبت بالقوالب الامريكيه
والطرف الجديد الي عانى ماعانى مثل كل العراقيين وعدهم اقاربهم في امريكا ماشاء الله امورهم زينه فالمفروض ايروحون يلكون الاحضان الي تتلكاهم والفلوس الي تنصرف عليهم
وهنا دتوقع المشكله واتصير الصدمه للطرفين..
الطرف الاول سوه الي عليه وسحبهم وخلصت مهمته لان هوه حياته مرتبه على وضع ميكدر ايزيد عليه اي عبئ ثاني وعنده حياته الي اندمج بيها سواء كانت بيها مجال ونسه ولعب قمار او كانت حياة شغل ودفع ضرائب المهم حياته عايشها مثل ميريد بنظام خاص ممستعد ايغيره ولا ايزيد اعبائه
والطرف الثاني الي يعتبر نفسه اتعرض لاضطهاد والظلم وعنده ملاذ في امريكا واهل طاكين هسه المفروض ايروح ايعيش تبل عليهم ومنهم الارامل والاطفال القصر مثل ماذكر وذوله يحتاجلهم رعايه مستمره واكثرهم ميكدرون يشتغلون فأكيد راح ينصدمون من ايشوفون اي تعامل جاف من عوائلهم في امريكا
وهذا مثل مكلنا هوه مو موضوع عام وانما ايخص حالات عائليه داخليه محدده المفروض مينطرح كموضوع عام ايخص كل المهاجرين العراقيين في مشيكان
فهل اكو عوائل تختلف عن هاي النماذج الي انذكرت؟؟ طبعا اكيد اكو عوائل احتضنت اقربائها او قامت بيهم وهمه ايضا اعتمدوا على نفسهم واشتغلوا
والي ركز الاخ ماجد عليه هيه المشاعر الاسريه والعواطف الي اتجمدت عند المهاجرين القدماء وصدمة المهاجرين الجدد بهذا اللقاء وانتضارهم مساعده اكثر مما موجود
فالخطا مو بالطرح وانما الخطا بتعميم العنوان وهذا مثل مذكرت موضوع خاص جدا لفئه محدده ولشريحه محدده ومااتخص الكل
ولذلك ياجماعه لتردون باتجاهات اخرى لان انصير مثل واحد يحجي بالشام والثاني يحجي بحلب والي ميعنيهم هذا الموضوع ايكتبون مواضيع اخرى عن معاناة اشمل واعم
اختكم ريم
-
الاخ ماجد يلدو اول شي اود ان اشكرك على هذا الموضوع وثاني شي مع احترامي الك انت ميصير تنقل شي اصلا انت لا شايفه و لا عايشه يعني انت دا تسمع اشياء و تنقلها بدون توثيق و انت داتكول انك عايش بدولة عربية و مع احترامي و تقديري للجميع اريد اكول اكو منتدى هنا بمنتديات عنكاوا اسمه الهجرة و اللاجئين خاص بهيج مواضيع اخ ماجد ميصير ناخذ من الحياة الجانب السلبي و نضل نعتم بيه شوف اخي العزيز اني عايش بكاليفورنيا و اعرف هواية ناس من ميشاكان يجون زيارات او يتحولون الى كاليفورنيا ولا واحد بيهم وصفلي الضروف بالطريقة الي انت وصفته يعني انت وظحت جم شغلة لو تاخذها بغير نظرة و نوسع شوية تفكيرنا
اولا انت كلت اصحاب شهادات ديشتغلون بأعمال غير لائقة اخي العزيز الي عنده شهادة خلي يتعب شوية على نفسه يشتغل و يدرس و يعدل شهادته و اريد اوضح للقراء الاعزاء انه هنا بأميركا الواحد يكدر يدرس و بكل سهولة حتى اسهل من العراق يعني مو يجي الواحد على اميركا يريد من اول يوم يصير مليونير الي يريد الحلو يصبر على مره يعني حتى الاميركان دا يشتغلون بالتنظيفات اريد اوظح شغلة من تكول يا أخ ماجد التنضيفات القراء راح يتخيلون عامل التنظيفات الي بالعراق او الدول العربية اريد اوضح هنا بأميركا الي دانشوفه انه عمال التنضيفات الهم ملابسهم الخاصة الهم عدتهم الخاصة و الناس يحترموه و حتى غير اعمال
ثاني شغلة انت دا تكول الناس ضايجين لانه اقاربهم ما يساعدوهم الي اني داشوفه هو بلعكس الي دا يجون الاغلبية الساحقة يساعدوهم كرايبهم اذا يشترون سيارة او بالمعاملات سواء كانو مسيحيين او مسلمين او بوذا المهم احنا عراقيين و بعدين دتنطي الحكومة مساعدات لمدة 8 اشهر يعني نادراً الواحد ما يلكه شغل خلال هل فترة وبعدين الي عنده اطفال ما يكطعون عليه المساعدات لحد بلوغ اولاده ال18 سنة ينطوه فلوس و فود ستامب و الميديكال و اريد اوضح شغلة حتى الي ماعنده سيارة اكو بدائل
يعني اكو الباس و اكو الترولي الي هو القطار و رخيصة و سهلة
و انت تحدثت عن الانشورنز الي هو التأمين اني اشوف احسن شيء هنا بأمريكا هو الانشورنس يعني بالعراق هسه لو انت عندك سيارة وندعمت منو الي الي راح يعوضك حتى لو صوج مقابيلك يمكن ما راح يكون عنده فلوس يعوضك هنا الانشورنز صح دا تدفع الهم فلوس بس من يصير حادث همه يعوضوك و يعوضون الي مقابيلك
و بعدين هاي شغلة البايسكل يعني مع احترامي اني اشوفه شغلة تافه يعني انت وصفته انه الولد ضاعت احلامه يا اخي جماعتنا كلهم دا يشترون بايسكلات بس علمود الرياضة لا انشورنز ولا هم يحزنون يعني هذا موقف بسيط صار ويه الطفل يعني خلص ضاعت كل احلامه و بعدين ما يكدر الواحد يجي جديد على اميركا و يسوق بايسكل او سيارة لانه هنا قوانين السير كلش صارمة حتى للمشاة و انت تعرف كلش زين همه يستخدمون الاجهزة بكل شي و الي ما يلتزم بالقوانين يا يدفع غرامة او يسوي حادث و همين يدفع غرامة لانه هنا كل شي مبرمج عالاجهزة
و بعدين اريد اوضح فد نقطة كلش مهمة مع احترامي للجميع شنو هاي التفاهات الي دا نسمعه انهو جماعتنا مذلولين هنا بأميركا الي جانو عايشين بالاردن و سوريا و لبنان و تركيا و حتى مصر و غير دول عربية خلي يجون يحجون عن الذل الي شافو من العرب الاشقاء يا اخ ماجد انت تعرف بأنه العراقي بالدول العربية هو حاله حال الحيوان و هو مطارد اربعة و عشرين ساعة مع احترامي للجميع ولهذا المنتدى المحترم و هاي الصراحة على الاقل هنا بأميركا راح يكون حالك حال اي مواطن امريكي من تروح على اي دائرة او مكان منو يكدر يعارظك او يسلب حقك لو تشتغل يم الامريكي و ياكل حقك مثل ما يسون العرب بالعراقيين يا اخي هنا الي مقابيلك يحترمك و بالمناسبة هنا بأميركا عدهم احسن أنضمة و قوانين طبعا ماكو بشر كاملين دائماً بكل مكان اكو ثغرات هنا على الاقل ينطون للعراقي كلشي من السوشل سكيورتي و هوية الولاية اجازة السوق تكدر اتطلعه خلا ايام اذ تتعلم سياقة و خلال سنة تكدر تاخذ كرين كارد و جواز و الك حق تاخذ الجنسية خلال خمس سنوات يعني اكثر من هل الشغلات شنريد نجي على اميركا و يصرفولنا راتب مدى الحياة غير الواحد يعتمد على نفسة و يكافح يعني يصير الواحد يظل يعتمد على كرايبه و الحكومة يا اخي الواحد ما يعرف قدر نفسة اذا ما يتكل على الله و يعتمد على نفسة و بعدين هاي الازمة الاقتصادية بكل العالم مو بس بأميركا و مثل ما يكولون ازمة و تعدي يعني اني اشوف هاي الشغلات بسيطة البعظ دايعقدوها و يصعبوها و اني برأيي التذمر مو حلو و الي ما عاجبته اميركا خلي يرجع للدول العربية هناك راح يعتبروه و يقدروه اكثر و بعدين ماكو بالدنيا كلها واحد ما اجت على راسه صعوبات لازم احنا داماً نكون متفائلين بالخير يعني اكثر من الصعوبات الي مرت ابلدنا الحبيب العراق و نكول راح تصفه الوظعية يعني مو دائماً نعتمها و ارجع و اكرر الواحد وين ما يروح لازم يعتمد على نفسة صح اول فترة راح يشوف صعوبات و يظوج لانه البيئة راح تكون جديدة عليه و ما يعرف لغة و بالمناسبة هنا تعليم اللغة هو مجاني و بعدين الواحد راح يغير رأيه من يستقر و اخيراً يا اخ ماجد اكلك تعال على اميركا و شوف الحياة هنا و بعدين قيم الوظعية و إذا عندك بديل للعراقيين اطرح الموظوع كدام الجميع ....... مع تحياتي للجميع
-
[color=green]اني اتفق مع اخوية وسيم بكل ما كاله و يكفي انه امريكا بلد الجميع و يكفي انه امريكا ملفيا الكل من اسوي و عربي جربي خايس حشا السامعين و حشا العراقيين فقط[/b][/size][/color]
-
اخواني مو كلنا هذا الموضوع هوه خاص بفئه محدده جدا وموضوع روابط اسريه خاصه بعوائل بعينها
يعني هذا موضوع مو عام ولا يتكلم عن فشل او نجاح العراقيين كلهم في امريكا او في مشيكان
اكيد اكو مواضيع اوسع ممكن تتناقش بس مو في هذا المجال
واخواني ياريت نستعمل الالفاظ الانيقه والطرح الموضوعي المنطقي لان هذا منتدى مفتوح للجميع والكل راح يدخل يقره سواء اعضاء او ضيوف ومنريد احد منهم ينمس او ينجرح
وهوه بالنتيجه حوار ميحتاج انفعال وعصبيه هيه مجرد ايصال وجهة نظر قد تقبل وقد ترفض
وان شاء الله نستفاد من الجميع
اختكم ريم
-
شكرا الى اللذين ساهمو بالرد الايجابي
وارجو ان تكونوا منصفين اكثر مما تشهادونه ولاتكونوا عاطغيين بالرد
فقط للعلم انا الان بامريكا ومن يحب ان يتاكد انا حاضر
العراقي الجديد سواء مهاجر او لاجيء حاله حال الضيم
بس الظاهر المجامله الامريكيه مطلوبه
-
الله يحفظ امريكا و يحفظ اوباما و بوش و يخليهم ذخر النا آمين و ينصرهم على اعدائهم و يسهل امرنا و انسافر لأن بزعت من ماليزيا التعبانة و ساعة السودة الي اجيت بيها هنا
-
انـــــــا أشكر كل الذين ساهو ولكن ارجوكم اقراوا عنوان الموضوع بدقه
انا اتكلم حول الاوضاغ بمشيكان ومع كل هذا اشكركم جدا لااحترامكم لراي الاخرين
-
اول شي اشكر اخ ماجد عالموضوع
والي ساعه اقره بالموضوع الي شفته تناقض بين الاراء
امريكا بلد ولا اروع بلد ومن بعده اعتقد ماكو
ولايه ميشكن صحيح ادهورت حالته الاقتصاديه ومعاناته هوايه
والي ديكول ماكو شغل ميعرف شي وميساعدون هههه
هذا بس الي كاعد بيته ويريد الشغل يجي يمه او منعرف نحجي انكليزي شنو هل الحجي
روح اطلع افتر شوف دنيا شلون عايشين وين متروح شغل لتكولون ماكو شغل او ميساعدون
اذا متساعدون نفسكم ميساعدوكم
بمريكا ماكو اخ يعرف اخوة لازم نعتمد على نفسنه
اني لاجئه بمريكا وبميشكن صالي سنه وكم شهر صحيح بالبدايه اكو معاناته بس بعدين حمدالله
اشتغلوا اهلي اني طالبه عمري 17 سنه اشتغلت واعتمدت على نفسي يعني مشت الامور شويه شويه
وارتاحينه وحمدالله
يعني اكو هموم مو ماكو اكو مشاكل مو كامو
بس ماكو شي مال حل
تفائلوا بالخير تجدوه
وهذا راي شكرااا
رهام الالقوشيه
-
عبوني رهاااااام ممكن تشعلينا وياج واذا اكو شغل اح انطيج رقم تلفوني يصيبك اجر
هههههههه ما شاء الله مشيكان حالها حال الضيم
-
تحيه طيبه لكل من ساهموا
انا توقفت عن الكتابه لانني بصراحة لانني تعرضت لكلمات جارحه جداَ
علماَ نحنً اخوة وما المانع لو تكلمنا بصراحة انها هموم العراقييـــــــــــن
الا يكفي جراحاتنا وتاكدوا هناك حالات اكثر وشكرا لكم
ماجد يلدو
-
اين القصص ماجد يلد
-
يعني شنو ماكو شغل مكو بلد ما بي شغل
صحيح ميشكن اتعرضت الى حاله اقصتاديه مو معناته ماكو شغل
لعد الناس شلون عايشه الامريكان نفسهم شلون عايشين
لو بس احنه اريد كلشي على الجاهز
هاي ميشكن هسه صار ما بيه شغل هههههه
اريد اعرف شلون عايشين حتى اتكولون ماكو شغل
شنو اتريدون الشغل يجي يمكم يدك بابكم
روحي دوري وسالي محلات مولات شركات وينه
اكو منضمات مسؤوله عليكم خابروهم هم يلكون شغل الكم
يا اخت ساندي يعني خلي شويه اتفالي لا فد مره اتسده بوجهج
صدكي امريكا احلى بلد
وام الدنيا
تحياتي
-
كفاكم مجاملات مشكن حالهم حال الظيم مترزلين من مستواهم التعبان منافقيين كذابين
-
اخت ساندي ساندي اني مدا اجامل اوكي
اوكي افتهمنه حاله حال الضيم ليش كاعده هنا ليش باقيه بيه لي هسه روحي رجعي اذ1 مو عاجبتج لان مابيه شغل
اكو 49 ولايه بامريكا كله بلكي بيه شغل
وبعدين منو هذوله الي مترزلين ومنافقين ممكن اعرف شنو اتقصدين بحجي هذا ومنو؟
واعتقد ماكو احد هنا منافق او مترزل
-
محافضة مشيكان مو زينه والجماعة ميكدرون يروحون لامريكا لان هواي اعلى من مستواهم فمجلبين بالمحافضات العراقية وهذا ملخص الموضوع
كافي عاد سدوهه
-
شكرا للكل وانا ممنون منكم
المهم ان نكتب من الواقع الملموس
-
its very nice subgeged abut the iragi pepal and thank you
-
Thank you it Was Nice
-
[hيمعود هية جتي الامنيه ومارحنه وجربناها لمشكن هاي هههههههههههههههههههههههههههههههههههههههههههههههههههههههههههههههههههههههههههههه
ادري شو محد حجه على الثلج الي يجي بمشكن مابي معاناة ؟؟؟؟ احجولنه بله خلي نحضر هدوم هههههههههههههههههههههههههههههههههههههههههههههههههههههههههههههههههههههههه
النسيم الجاثم بسبب الامنيه r]
-
Aالان سنتكلم عن الهم الاكبر بولايه مشيكن
اكيد من قرا الموضوع بدقه وليس توصل لعدة حلول وافكار واراء...وهناك من هو مؤيد ومن هو معارض لبعض الاراء
ولكن الموضوع يحمل عنوان اسمه هموم العراقين وليس افراح او منافع واكيد توجد ايجابيات بهذه الولايه وكلمن
عاش بها حتما يعرفها...ولكن ظروف البلد وتدهور الحاله الاقتصاديه وبالتحديد امريكا وتوافد اللاجئيين العراقيين
ومن هم من الدرجه الاولى زاد حجم المعاناه؟
علما المعاناة شملت من سكنو امريكا قبل عشرات السنوات والغاء اكبر شركات السيارات العملاقه مما جعل
الالاف المواطنين القدامى بدون اعمال وهذا انعكس على القادميين الجدد اذن العمليه مشتركه بينهم
ولكن السؤال المهم وربما سيثير قريحه وشهوه اجاباتكم هو لماذا العراقي مفروض عليه دفع الثمن حتى يوم
وفاته؟؟؟
والشيء الاخر الغريب هل قسم من الناس ماتت انسانيتهم وصارت الانسايه شي يخاف منه الانسان لانه من
حقكم ان تقولوا*** من نساعد الناس نطلع احنا الموخوش ههههه***وهذا ايظا حقكم
انا حسب راي وهو راي شخصي ويجوز اكون غلطان به،،المساعده شي لطيف ليس من الشرط تكون ماديه
بل معنويه نفسيه ومنها يحس القتدم الجديد ان الدتيا بخير،،،
اشكركم لقرائتكم موضوع يخص الجاليه العراقيه بمشيكان او كل مهاجر ومغترب
ماجد يلدو
-
لازال الكثير عندما يقرا..............يستمتع وقد يستفيد ولكن الهدف هو ان اكون التجارب او حتى الانتقادات
هادفه لتغيير اوضاع الناس او تنبيههم على بعض الاخطاء التي ممكن قد تصادفههم اثناء تواجدهم فـــــي
ولايه مشيكن بالذات؟ واكيد لكل انسان راي اخر
-
اخي ماجد كل عام وانت بالف خير يارب تكون السنة القادمة سنة الخير والبركة للجميع
وفقط اريد اكول كلمة اخيرا بهاذا الموضوع
مهما كانت مشكن مليون مرة احسن من الاوضاع الي حاليا ببغداد والاوضاع الي ديعيشوها المهجرين بالدول الجوار وربي يوفق الجميع
-
تصلني الكثير من الرسائل تطلب مني القصص الاخيره ولو وافق مدير استراحه المنتديات ساستمر
-
الاجابات روعه
-
زميلتي ساندي
اني ما اجاوب الشتائم
بس نبهت المشرف
حتى مستقبلا بلكي يرتقي مستوى الفاضج لمستوى منتدانا العزيز
شكرا
-
تحيه طيبه لكل العراقيين الطيبيين
العراقيين في ولايه مشيبكان الان يمرون باسوء الظروف الاقتصاديه ومن خلال الافكار والاصدقاء
الذي يعيشون هناك اكتشفت ان عملهم الان مربوط بيد الاونر فمتى ما يشاء ينهي خدماتهم
وتتحول حياتهم لحجيم البطاله الان بهذه الولايه هائله وكبيره واعتقد من يعيش هناك يعرف
الكثير والكثير من هذه المعاناه التي تدمر النفسيه الشخصيه وليس فقط بمشيكن بل بكل ولايات
امريكا بسبب هذه الحرب اللعينه على ابناء شعبنا البسيط ومن قال لهم اعبروا المحيطات وتعالو
حاروا ودمروا واقلبوا النظام ...... هذا هو ثمن الحروب التي يدفعها الشعب سواء كان امريكي
او شعب غراقي
-
تحيه طيبه لكل العراقيين الذين ساهمو بالموضوع ولكظن يبقى وضع العراقي صعب لان العراقي مدلل ولاتزعلون من كلامي
لانه في الحقيقه اكو مثل يقول:/- الشبعان ما يحس بالجوعان واعتقد كلامي واضح بس شويه على كيفكم ويانا احنا هم اخوانكم
-
لانه في الحقيقه اكو مثل يقول:/- الشبعان ما يحس بالجوعان واعتقد كلامي واضح بس شويه على كيفكم ويانا احنا هم اخوانكم
اخ ماجد محد مكال احنه مو اخوه
كولنه اخوو لان هذا طبع العراااااقي
بس عندي سؤال الك اخ ماجد
انت صالك شكد بمشكن واذا انت هسه دا تشتغل او لا؟
-
بالله ما تدزولنه فد نص كيلو معاناة مشكل لنيو جيرسي ترة ضايجين بلا معاناة
-
بامكانك يا اخ ماجد الاستمرار واتمنى من الكل الالتزام باسلوب الحوار الهادف
-
::) ::) ::)الســـــــــــلام عليكم موضوع غريب ومتشعب الي ما عاجبتة امريــــــــــــــــــــــــكة اشعدة لازك بيهة ارض الله واسعة واني اخوية ابكلفورنية واول عام من سفرة شكة ودزينالة افلوس لان العينتين ما جان مقتنع يشتغل ايريد يرجع وية الجيش مترجم ياخذ راتب 10000 دولار يصفالة منهن 7000 الف دولار صافي ويبقة بالعراق سنتين ايلم مال 20 سنة بعد يشتغل مايشتغل ما يهمة لاكن من وصل مارجعو للعراق وية الشركات واخيرا اقتنع وكام يشتغل وهسة من اسئلة ايكول الحمد الله عايش ودا يشتغل الساعة 18 دولار سايق رافعة شوكية وراح اندز شهادتة علمود يدرس ويعادلهة وستقر لان جنت من اسولف ويا ويشكيلي اسئلة ليش باقي ليش ما يرجع واني مستعد ادزلة افلوس الطيارة بس جان يرفض ايقول اكو احسن من امريكة هو القاهرة بالدرجة الاساسية احنة مو يمة وهو مامزوج لو عندة عائلة حياتة اسهل هذا الفتهمتة العدة عائلة وطفال حياتة جدا سهلة لان مساعدات الحكومة مو اقل من خمس سنوات واجار بيتة اذا محضوض ويطلعلة بيت من المنضمة فهو 150 هاي ابسط شي هاي قصة اقرب الناس الي هو اخوية ومرتاح هسة لان اشتغل وانخرط بالمجتمع الداير ما دايرة اما ابن خالتي عايش في اريزونة وهو صديقي يعني على اتصال مستمر بي كان في لبنان ونتقل الى امريكة في 2008 وطبعا اخوانة شهداء بالعراق انقتلو على يد القاعدة وهو اصلن مريض نفسيا هسة راتب عدة 800 دولار زوجتة كل 3 اشهر 2500 دولار وهو يشتغل ابمعرض مال سيارات 700 دولار ينطو اجار بيتة من المنضمة 150 دولار بناتة واولادة بالمدارس اول ايام من كنت اتكلم ويا كان ناوي يرجع البنان لان الحيات حسب تصوراتة اصبحت جهنم في اريزونة والسبب شنو جانت الغة مالتة مو قوية وكان الجو جديد علية وكان كلشي ديتغير ابحياتة اني اعتبر هذا الشي طبيعي وبعد مرور عام وهسة من اتصل بي وسئلة على الوضع جدا يحمد بمريكة وجدا فرحان لان كهرباء مستمرة وامان ونضـــــــــــــــــــــام لان المخربط ما يعيش بمريكة هذا الشي الغريب علينة احنة العراقين احنة متعلمين فقط على الفوضة وتحياتي الكاتب الموضوع وعلى ان اكون عادل تحيـــــــــــــــــــــــاتي الحارة وشكري الى vincenzo -------------------vincenzo واتمنى ان امتلك ما تمتلك من روح تفاءل ومرح وشكرا جزيــــــــلا للاخوة والمشرفين على هذا الموقع علما اني الان في بغداد تحت خط الانفجارات اليومية والانقطاع المستمر لللكهرباء وتلوث مياه الشرب والتصحر و و و و ومجموعة كبيرة من مواصفات جهنم على الارض داعيك عدا شياطين الاحزاب الموجودة ومع عصبة قتلة تتجول بكل حرية وانا اجــــــــــــــــــــد نفسي بالعراق غريب والي يطلعني من العراق انا وعائلتي اكون شاكر اليه مدى الحياة ارجو المعذرة اذا خانني التعبر ولدي طلة اخرى معكم
-
السلام عليكم مرة لخ نسيت اذكرلكم قصة صديقي وسام ابمشكن خريج علوم حاسبات لعام 2001 وحائز على شهايد تدريسية من ضمنهة المعهد القومي للحاسبات والترجمة صديقي وسام انقطعت اخبارة في عام 2007 اثاري سافر لمريكة وساكن مشكن وبطريق الصدفة شفت احد اخوانا في الباب الشرقي يوم الجمعــــــــــة طبعا جان اكو سيارة مفخخة وجانت الناس بايكة هوة وحنة العراقين تعرفون نمشـــــــــــــــــــــي ونتلفت فاحد لفتاتي شفت اخو وسام ها يابة اشونكم وسام ماكو مايرد على تيلفوناتي ونتو اتهجرتو وما انطيتو عنوانك لحد فجاوبني وسام سافر هو وزوجتة اشتغل مترجم وية الامريكان عام واحد وسافر على حسابة عن طريق الاردن اني فرحت والله لان جان من اعز اصدقاءي جان اطلب رقم تيلفون اخو وسام ......كل المعتاد العراقي بالداخل ايخاف من العراقي مهما تكون العلاقة بيناتهم للعلم اني علاقتي مو بس بخوهم علاقتي بالعائلة جدا قوية من امهم وابوهم الى حد كل اخوانهم وخواتهم جانو ايحسبوني فرد من العائلة وهمة اني اعزهم مثل اهلي اكمــــــــــــــــــــــللكم وما طول عليكم طلب رقم تيلفوني وهو يخابرني لان رقم اخو بالبيت مو امبايلة اني ما عندي مشكلة انطيتة رقم تيلفوني واني متئكد راح يسئل اخو يقبل اخابرة لو لا والله جان باليل ودق التيلفون اتفضل منو هلو ابو علاوي هذا رقم وسام ... شكرا جزيلا سلملي على جميع الاهل وبالخصوص الوالدة ...في امان الله ...في امان الله..جان اخابر وسام طبعا اليل عدنة نهار عدهم بمريكة ....ها وسام اشونك اني ابو علاوي لك شخبارك وين ما وين بذات ليش ما قلتلي اودعك بالمطار ....جاوبني ....اني ابخير والحمد الله صحيح مرت ضروف جدا صعبة علية وهواية عانيت في البداية قبل لا استلم الكرين كارت واني هسة اشتغل قصـــــــــــــــــاب مال لحوم راتبي 1500 دولار بالشهر والحمد الله ......سئلتة شنو رايك سيف اخوية راح يطلع لمريكة شتكول ...جاوبني هو متندم بس اذا صارت فرصة السيف يطلع خلي يطلع لان العراق ما بي مستـــــــــــــــــــــــقبل العراق مقبرة الاذكـــــــــــــــــــــــــــــــــــــــياء .....الخلاصة رغم ضروف الوحدة والغربة المر بيهة صديقي وسام لاكن اعتبر خروجة من العراق ومريكة افضل الة من بقاء مهدد من قبل ارهابين وحكومة ضعيفة ويباوع على دول الجوار شعوبهم احسن من شعبة وكل وسائل الرفاهية متوفرة وحقوق المواطن امحصلهة من الدولة مالتة على الاقل 50% بس بالعراق كولشي ما محصلين وانشاء الله انحصل ابعام 2090 حقوقنة ومن هاجر تحياتي الكم والماعاجبتة امريكة انبدل اني ويا خلي ياخذ بيتي وينطيني شقتة بالايجار حتة لو بيهة صرارصر وعانكيب اني قابلهة وشكرا لكم ترة اني حسيت نفسي صرت حموضة
-
تحيه طيبه لكل العراقيين الطيبيين
العراقيين في ولايه مشيبكان الان يمرون باسوء الظروف الاقتصاديه ومن خلال الافكار والاصدقاء
الذي يعيشون هناك اكتشفت ان عملهم الان مربوط بيد الاونر فمتى ما يشاء ينهي خدماتهم
وتتحول حياتهم لحجيم البطاله الان بهذه الولايه هائله وكبيره واعتقد من يعيش هناك يعرف
الكثير والكثير من هذه المعاناه التي تدمر النفسيه الشخصيه وليس فقط بمشيكن بل بكل ولايات
امريكا بسبب هذه الحرب اللعينه على ابناء شعبنا البسيط ومن قال لهم اعبروا المحيطات وتعالو
حاروا ودمروا واقلبوا النظام ...... هذا هو ثمن الحروب التي يدفعها الشعب سواء كان امريكي
او شعب غراقي
السلام عليكم ماجد بس سؤالي انتة كاتب امريكة قلبت نضام هو احنة قبل 2003 امين للعراقين نضام العراقين عايشين ابسجن ورة 2003 نتيجة الجهل المتفشي ابعراقنة وبين شعبنة المسكين جهل ابسبب البعثية جهل ابسبب ضعاف العقول لان صدام جاهل وماعدة شهادة لازم كل العراقين يبقون جهلة والدليل اعلام حر ما عدنة قبل 2003 والدليل العراق هسة يالة شاف النعمة من اجت اعضم دولة بالعالم وشلعت اكبر صنم ضالم على وجه الارض الي هو صدام المصنف ضمن دكتاتوري العالم يعني نكدر انخلي ابخانة موسليني وهتلر ترة العراق لو ما مرحلة الكراسي والهبة والخيرات الموجودة هواي بي جان العراق الان هادء وما بي مشاكل بس المشكلة بالخيرا ت البي ومريكة سوء استخدامهة الديمقراطية وتساهلهة وية الارهابين والحكومة الموجودة بالسلطة ولان اتورطت ابعدد جبير من جيشهة بالعراق وحفاضا على ارواح جيشهة ما جاي اتحاسب الحرامية مضبوط بس لو يكتمل انسحابهة الشامل من العراق واني اقترح على اوبامة حتة السفارة الامريكية يسحبهة من العراق ويضغطون على الحكومة الي تجي اتبوك بالشعب وتهددهم وتخليهم اهداف الصواريخهم الذكية حالنة يتعدل الخلاصة احنة بالعراق ماعدنة حكومة مضبوطة عدنة مافية عود جاي ايقلدون الدكتاتور صدام بس ابصورة اخرى اتمنى من حضرتك تجي للعراق ول شهر وشوف الاوضاع ورجع سولف للاصدقاء والاهل ترة العراق عبارة عن خرابة اصبح وبغداد ماخذة الاول في العالم من ناحية عفو الزبالة وشكرا جزيلا
-
حياك الله ابو علاوي
حجيك كلله صح
اني هم دوخت نفسي بهالموضوع الفارغ والفايخ فترة
بس بعدين كلت شكو دا اضيع وكتي
خلي اسولفلك هالسالفة الزغيرة
قبل لا اوصل امريكا جنت شايل هم العلاكة المتروسة ادوية ولو وياهه وصفات الماخذهه بالجنطة الجبيرة مال الشحن
وانت تعرف حتى شبابنه بيهم امراض جهاز هضمي وبولي ومفاصل وجسمي متروس خياطات من الانفجارات من جنه نلكط ارهابيين بالعراق وية قوات التحالف البطلة وحتى ادوية نفسية عندي
فاني جنت شايل هم لا بمطار JFK بنيويورك يفتشوني ويسوولي مشكلة واني اموت بلا الادوية مالتي لان كل حباية الهه عازتهه
والله مشت الامور على ما ينرام
بس ورة فترة شكو اعراض جانت عندي بدت تختفي شوية شوية
الله لا يشوفنه ولا يشوفكم اي من المحافضات العراقية التاسعة عشرة ;D ;D ;D من ديترويتهه الى ديربورنهه الى ساندييكوهه الى هيوستنهه ودالاسهه ههههههه
-
vincenzo vincenzo والله ياغالي المشكلة بينة احنة العراقين ماعدن قناعة شوف القناعة الموجودة عند الانسان مثل السالفة القريتهة الي كاتبهة ان الانسان من يبتعد عن داءرة الخطر ايحس تحسن ملحوض ابجسمة وبنفسيتة حتا اذا كان يشكي من امراض اتشوف هاي الامراض تشفى تدريجيا تبقى الامور المادية الله وكيل امور ثانوية اهم شي الانسان ايحصل على الامان الباقي ييجي حسب اشتهاد الشخصي بي خير ايحسن مستوى المعاشي كسول وتنبل وهواي يتحجج ما يستطيع ايعيش امجتمع تعب على نفسة وتقدم بين الدول وانشاء الله اتكون الصحة وراحة جليسة لكم والى اهاليكم واهــــــــــــــــــــــــــــــــــــــــــــم شي اكو كهرباء مستمرة واكو جو لطيف ما مولوث ولا اكو عـــــــــــــــــــــــــلاسة تفتر بالشوارع واني اعتقد العايشبمريكة ومحترم نفسة ومشتهد يتمنى اي واحد بالعراق ايعيش مثلة لو جان العراق ايوزع ذهب بالحصة
-
لك عيني راح اتخبل من النضافة والهدوء ههههههه
اريدلي مكان وصخ ارتاح بيه ماكو
وغير تشتاق لموسيقى التايكر والعواصف الترابية اللي تخلي الواحد يأيس من التنضيف لان ما تسوى شتنضف ومنين تبدي
يا اخي حتى سياراتهم هم كلهه سنطة وعبالك تشتغل عالهوى
اما النسيم اللي يرد الروح وحسب عبارة لطيفة كالتلياهه احدى الصديقات العضوات وخلتني انبطح على ضهري من الضحك عن شعورهه اول ما وصلت تكول اول ما نزلت من الطيارة الضهر الاحمر بمطار نيويورك واستنشقت هواهم تكول عبالك الهوى مليان
كلتلهه شمليان؟؟؟
جان تكول عبالك مليان اوكسجين ههههههههه
يعني رأسا يجيك واهس مال دراسة ومال لعب رياضة ومال شغل ومال علاقات عاطفية هههههههه
بس تبقى المعانات بمشيكان ما الهه حل ههههههههه ويمكن الامم المتحدة ومجلس الامن راح يعقدون جلسة طارئة لمعالجة وضع التنابل بمشيكان
عبالك احنه مو كل اهلنه وكرايبنه واصدقائنه بديترويت وديربورن
لو يمكن احنه مطفين وثولان ومنفتهم؟؟؟ الله اعلم
-
vincenzoبــــــــــــــــــــــــــــــلعافية بـــــــــــــــــــــــــــــــــــــــلعافية وهنيالكم والله اكــــــــــــــــــول هم هناك قطع كهرباء مبرج مثلنة بالعراق كل 23 ســــــــــــــــــــــاعة تجي الكهرباء ساعة بس شاديهة على الترفك لايت حسب السير مال المرور وهم اكـــــــــــــــــــــــــــــــــو هواء بي كاربون مركز مال تاتة وتايرات محتركة لان هذا يختلف عن كاربون امريكة كاربون امريكة مخفف اريـــــــــــــــــــــــــد واحد انبدل اني ويا اني اروح لمريكة وهو خلي يجي للعراق والله بيتي ملك ومستعد انطي البيت والاثاث واني اخذ بيتة الايجار وخليني ادفع ضرائب وتاكس الحد ما ينزلوني بالقبر هاي بعد عمر طويل لان اني شفت ابن خالتي صار زغير ماشاء الله امريكة اصغر ماجد مــــــــــــــــــــاجد وينك يمعود فد قصة لخ علمود شنو انشيل فكرت الهجرة هـــــــــــــا صدك اذا اتحبون ادزلكم اعلام عراقية على عناوينكم العـــــــــــلم مع الشحن الى اي ولاية في امريكة سعره 50$ والي يحب يرجع للعراق اسويلة خصم 30 $ لان راح يرجع عن طريق مطار بغداد الدولي وتعرفون امور امنية لازم يثبت انه عراقي ايلف العلم على روحة قبل لا يعلسو لان جاي من امريكة اخـــــــــــــــــــــــــواني وخواتي الي يريد يرجـــــــــــــــــــــــع الى ارض الوطن خلي ايفكر الف مرة ومرة قبل لا يرجع لان حسب تقيمي للوضع واني من عراقين الداخل الوضع من اسوء الى اسوئين يعني ما كو بصيص امل ولحــــــــــــــــــد يتبطر على النعمة الي الله انطاهية ومثل ما كتبو الاخوة والاخوات الي ماعاجبتة امريكة اشعدة كاعد بيهة وليش من اول اخذ حق غيرة وشـــــــــــــــــكرا جزيلا وينــــــــــــــــــــــــــك اخوية ابو الموضوع شنو صار الموضوع مغلق ترة اني على مود هذا الموضوع سجلت بالموقع لا اتغيب علينة اريد جم قصة اشحن بيهة نفسي وصبرني على البقاء في العراق المحطم ا
-
ههههههههههه
ابو علاوي اهم شي لا تنفعل
اني راح انطيك قصة معاناة مو تبيعية
يا اخي من تريد تشتريلك حاجة بالعراق تحسب الف حساب وتتعاجز منهه
ومن تنوي تروح بعد حسابات نضرية الاحتمالات عن المواعيد المرشحة للانفجارات والتايهات والعلسات والكواتم
ينشلع كلبك يلله تتوصل واحتمال قوي تلكاخ التشتري منه لو معزل لان عنده عزاء مال كرايبه انعلس
لو لان اكو فد زيارة اعلنوهه بالوقت الضايع
لو دولة العراق اللا اسلامية والقاعدة مانعين هالمكان يفتحون لان كاطعة بعقلهم
كول وصلت ولكيته مفتح
طبعا من راح يعرف انت متعني وجاي علموده راح يحجي وياك وهوة متنك عبالك مسوي عليك فضل ويحاول يقفص عليك بكل طريقة وينطيك اسوأ بضاعة وهو كلشي ينباع بالعراق من اسوأ ما يكون وبسعر عالي
كول اخذت الحاجة للبيت وطلعت مو زينة
اولا مستحيل يقبل يرجعلكياهه اللا ما ندر وبالتواسيل
وثانيا هو اصلا وين راح تلكاه بعد وبعد شكد؟؟
بامريكا المعاناة شنو
انه بعد شوية ويجوك للبيت يدغدغوك حتى بس تشتري احسن بضاعة بارخص الاسعار ويمته ما تريد رجع وماكو داعي اصلا تروحلهم وتضيع وكتك لان كلله اونلاين وبالبريد
يعني وين المعاناة؟؟ انه ما تكدر تلزم ايدك بالصرف لو تصير مصلاوي اكثر مني (وطبعا اني مضروب بية المثل هنا وبين اصدقائي بالبجي على كل درهم اصرفة ستشهر ;D ;D ;D)
ياخوية الفلوس ما تكفي بامريكا من ورى الاغراءات
وكلشي حلو وكلشي رخيص
وشيصبر الواحد؟؟ وكان الله مع الصابرين
لان يمكن اني راح ارجع للعراق ابدل وياك اذا ابو الموضوع ضل سنطة مو بسبب "معاناتي" وانما لان كلبي رجيج واريدك انت هم تجي وانقهر على كل عراقي شريف ضال بالعراق من المالكي وعلاوي وطالباني الى اصغر عامل واكف بمصطر ساحة الطيران بباب الشرجي
-
Hi Mr, Majid yaldo
I really loved your subject .and it was from our live in MI and all AMERICA
hope you write more to let pepole know more and more about what are happining in USA
Agina thank you
US. MAN
-
شكرا لكل الزوار
-
اني مواطنة عراقية و عايشة بامريكا ومشكين تحديداااااااا
يمكن تستغربون واحد من يحجي علمعاناة مال امريكا و الكل يحلم ويريد يوصل و يتخيل امريكا جنة مثلي اني الي جنت اكول امريكا و بس ... وصلت و شفت المعاناة الي يتكلم عليهة اللاخ
ابسط شي منتكلم على امريكا بالذات بس نتكلم على العراقين الي هم كرايب و اصدقاء و صارلهم سنين هنا
احنا و صلنا و نبجي و الي صار 30 سنة هم يبجي
قريبك ميستحمل اكثر من 3 ايام .. صارلي سنتين بامريكا مشفت واحد يكول كرايبي وكفولي .. ماكو انسان يوكف لانسان .. كل الناس تحب نفسهة و متريد غيرهة يصير احسن منهة (هاي العراقين طبعا)
تشتغل بمذلة و ياربت هم لو تكدر تعيش .. تشتغل و تدفع و ماكو شي اسمة حب و تعاون
بالعراق الجار يصيح اه المنطقة كلهة تصيح اهات بس اهنا غير شكل محد ميعرف انت وين و شدسوي و شكو شبيك
لا تعتقدون امريكا مثل منصور .. عكس الي نتصورة تماما ....
فلا تكولون احنا دنسدهة بوجهكم ... بس هاي الحقيقة لان هواية اجوي و انصدموا و اولهم اني
ماكو اغلى من الوطن صدكوا يا احباب
-
اسفة على مداخلة بس مااتصور اكو هموم بدول اوروبية لأن ناس محترمين ومايحبون الا فقط سلام ولايفرضون ارائهم على اخرين ومحد ماعليه من احد واكو قانون بلدولة ماتخاف حتى لو تطلع بنص ليل .
لكن عيبهم وحيد ومؤسف ومخجل مايهتمون بلمسيحين الشرق المضطهدين مايهمهم لأن ماعندهم احساس ولامشاعر مايهتمون بلمسيحين الشرق المضطهدين من صبح ليل اتكلم عن اضطهادك لهم مايردون ولاكلمة كانك تغني الف ليلى وليلة لهم وحتى الغريبة يصلون بلكنائس و يوطون راسهم وقت تسمية سيد المسيح بلقداس وقت قربان يركعون والله صدق اممورهم غريبة ويسون احتفالات دينية وانت وياهم واقف تستغرب من عمق صلاتهم وتاركين اخوانهم مسيحين شرق يضطهدون
-
اني مواطنة عراقية و عايشة بامريكا ومشكين تحديداااااااا
يمكن تستغربون واحد من يحجي علمعاناة مال امريكا و الكل يحلم ويريد يوصل و يتخيل امريكا جنة مثلي اني الي جنت اكول امريكا و بس ... وصلت و شفت المعاناة الي يتكلم عليهة اللاخ
ابسط شي منتكلم على امريكا بالذات بس نتكلم على العراقين الي هم كرايب و اصدقاء و صارلهم سنين هنا
احنا و صلنا و نبجي و الي صار 30 سنة هم يبجي
قريبك ميستحمل اكثر من 3 ايام .. صارلي سنتين بامريكا مشفت واحد يكول كرايبي وكفولي .. ماكو انسان يوكف لانسان .. كل الناس تحب نفسهة و متريد غيرهة يصير احسن منهة (هاي العراقين طبعا)
تشتغل بمذلة و ياربت هم لو تكدر تعيش .. تشتغل و تدفع و ماكو شي اسمة حب و تعاون
بالعراق الجار يصيح اه المنطقة كلهة تصيح اهات بس اهنا غير شكل محد ميعرف انت وين و شدسوي و شكو شبيك
لا تعتقدون امريكا مثل منصور .. عكس الي نتصورة تماما ....
فلا تكولون احنا دنسدهة بوجهكم ... بس هاي الحقيقة لان هواية اجوي و انصدموا و اولهم اني
ماكو اغلى من الوطن صدكوا يا احباب
و الله رنا كلامج صحيح بس شنسوي افضل مما تبقين بالعراق و انظل خايفين من الأنفجارات و الخطف
-
اذا رح نبني مستقبلنه على كلام الي كاعدين بدون اشغال والي فشلو بامريكا رح نعتبر روحنه منتهين كبل منوصل لمشيكان
بلنسبه الي شخصيا ما اعقد امالي على اي كلام صار بهذا الموضوع
الشفنا بلغربه هذا كافي النه بأن نشتغل اي شغله المهم مستقرين
والموعاجبتهم مشيكان خلي يرجعون للعراق او يختارون اي ولايه
وشكرا لصاحب الموضوع
-
بس اريد افتهم حنه الى متى انظل انقارن العراق بامريكا انتوا صدك تحجون لو جذب عمي كلمن يكوللكم ماكو شغل كله هذا الكلام مو دقيق يمعودين بعز الأزمة الأقتصادية و الأعمال متوفرة اقصد البسيطة الي اتعيش منه و اكو باب ثاني هو الدراسة و الله انت بس اتخابر على كلية او جامعة هم يتوسلون بيك حتى تدرس و رة 5 سنوات اتقدم على الجنسية و اتصير تووووووووووب التوببببببببببب بس كولولي بيا دولة عربية اتحصلون هذا الشيء لو بس افتهم اني ساكن في ولاية لويزيانا و الحمد لله الشغل متوفر و العالم متونسة صح تعب بالبداية علما تتعلم على الحياة بس و الله اني صارلي 9 اشهر في امريكا و احب امريكا من كل قلبي و ما اعرف اعيش بغير امريكا.
فيا اخوان كافي هذا الكلام ما يخص بالمقارنة بس العراق و امريكا ترة اتعجب من اسمع هذا الشيء مع احترامي الشديد لكم
-
تحيه قلبيه لكل عراقي وكلدو اشوري ولكل يوزر وقاري وسارجع للكتابه هنا عن قصص معاناة العراقيين القدماء ب مشكن
\
والواصليين حديثا لهذه الولايه الامريكيه....... وكانت اخر اغرب قصه عن امراه كلدو اشوريه لا احب حتى ذكر الاسمـــــــــاء
والمواقع صورت زوجها وهو يحاورها بكل ادب عن موضوع عائلي وتشاجر معها صوتيا وانتم تعرفون الشرقيين العراقيين
وكانت متفقه مع ابنها طفل عشر سنوات ان يصور ابوه ويتصل بالشرطه911 والباقي متروك لكم ماذا حصل بهذا الاب
وله خمس اولاد منها فاي قانون هذا ولو الموضوع شخصي لكن ممكن كل شخص يمر به بالمناسبه الزوج لم يضرب
زوجته فقط كان عصبي
-
:( :( :( :( :(قصه اغرب من الخيال
عائله كلدو اشوريه وصلت ل امريكا وبالتحديد ( مشكن المحترمه ) والعائله المسكينه مكونه من اب وام وحمسه اولاد..... ونزلزا ببيت اخوهم وهو صاحب لكر ستور( يعني قديم وزنكين ) وبعد شهرين فقط تبين ان الاخ الزنكين
استطاع اقناع اخوه ( الاجيء ) الذي هجروه ودمروه ايادي خفيه من بغداد ان يبيع داره بحجه اخوه سوف يشاركه بالمحل ويعملون شراكه الى ان يتعلم الاخ اللاجيء الشغله وبعدها يستقل لوحده وكانت الفكره رائعه ومحترمه
وكل اهالي مشكن امتحدو الاخ الرائع صاحب الستور اللكر على الخطوه والاصاله وحب الاخوه :( التي يتميز بها العراقي الاصيل...........ولكن؟؟؟؟؟!!!!!!!اكتشفنا ا الاخ لاعب قمار بفلوس اخوه ولا حصل على شيء والمصيبه الاكبر ان الاخ موقع اخوه وبحضور محامي على حريه التصرف بالمال واستغل عدم قدره اخوه فهم اللغه الانكليزيه واكيد بامريكا بلد ال ( prove ) واويلي من البروف والغلطه. ::)........ ويبقى السؤال كم حاله سمعتم اتعس من هذه ..... اكيد هوايه حالات وسالت الاخ المظلوم ما رايك......تعرفون ماذا اجابني؟؟ قال:- :-[ لافرق بين من هجرني من بلدي الحبيب وبين من سرقني ببلد الغربه والان عرفتُ من خرج من دارو قل مقدارو........ الله لاينطي ال كان السبب
-
المشكله التي يعاني منها سكان مشكن اغلبهم هي الحصول على العمل وصعوبه هذا الشي هو سبب الوضع الاقتصادي
ويبقى السؤال؟ متى يرتاح المواطن العراقي
-
قصه من قصص العراقيين بهذه الولايه
شخص بسيط ومتواضع عاش حياه هادئه بوطنه العراق...ووصل لمشكن وهو فرحان بانه سيرى اخوه اكثر من عشرين سنه لم يراه زبالاسبوع الاول طرده من بيته وقال له خلص انتهت اقامتك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.......................................... ....
-
احب اقدم شكري وتقديري لكل من كتب حول موضوع العراقيين واحوالهم بامريكا ولكل انسان راي وانا احترم راي الكل ولكن هناك اشياء نسيتموها
1- انا ازور امريكا كل كم سنه واشوف شوارع امريكا ونصف الولايات وكيف يعيش المغترب العراقي هناك يعني كلامي مو دا اكتبه من تخيلات او اسمع الناس
2- وضع العراقي بامريكا بالنسبه لوضعه بالعراق نعم احسن من ناحيه الامن وهذا الشي لايتناقشون بيه اثنان ولكن انتو لاتقارنون العراق الان بوضع الحرب واللاستنزاف بامريكا لانه المقارنه ليست عادله.... روحوا شوفوا تاريخ امريكا والزنوج ومشاكلهم والقتل وحرق البيوت واغتصاب الابيض للاسود والاسود للابيض لاتنسوها
wassiem george بالنسبه لكلامك اخي افتح تلفزيونك واسمع المعاناه والقصص ال ترتكب بحق العراقيين بامريكا ال تسميها بلد الحريه واسمع قصه الطبيب العراقي الكبير بالسن الذي اتهمه القاضي باغتصاب امراه وبالاخير طلع براءه حتى ان الطبيب تم اغتصابه باحد سجون امرؤيكا وكل الناس سمعت بيها وهووووووووووووووايه من هل المشاكل المخزيه فاي قانون واي بلد تتكملم عنه المجرم محترم والبري متهم....... وتتكلم عن الحقوق
اقرا هاي القصه::::: امراه دعمها امريكي لا احب ذكر اسمها وكانت تعبر من الخطوط بالليل ومن اجوةي الشرطه كالهم كانت تعبر بعيد عن الخطوط والمصيبه المراه ما تتكلم انكليزي وشافوها عربيه ولبسوها القضيه يا عمي انت شتحجي خليها سكته .... كل حق طبيعي ماكو انتو تعيشون حياتكم الزهيده وما تحبون تتكلمون عن حيات الناس التعيسه::::: ثم اني الف مره كتب موضوعي اسمه((( همـــــــــــــــــــــــومالعراقيين بمشكن مو افراح العراقيين )))) يعني من تقرا العنون راح تشوفه كلمه همووووووووم يعني الجانب السلبي الان فقط
وانا احترم راي الكل واحترم انتقاد الكل وكلماتكم على راسي مهما كانت جيده ام سيئه هذا هو الحوار الطبيعي اختلاف واستمارار
-
h[/fon
تحيه لكل القارئين مجدد اسف لانني انقطعت فتره بسبب المرض والحمد للرب نحن بخير ومن له الايمان يمكن ان يشفى من كل مرض
اكيد لكل شيء متغيرات وانا عندما رجعت وقرات تعليقات الاخوان والاخوات بصراحة جدا احترمت اراء الكل مهما اختلفوا او تعاكسوا الافكار وهذا هو بدايه الدقه والرلوعه والجمال بالحوار ات
وانا اشكر كلمن ساهموا ان لازالو موجودين او يمرون بالصدف هنا
المستجد بهموم العراقيين بالتحديد ولايه مشكن الامريكيه هي العلاقات الانسانيه اتلتي بدات تتعثر بمروزر الزمن والعراقي حنين بطبعه ولكن الذي نلحظه تباعد العراقيين فيما بينهم دون سبب ربما الانشغال بالعمل او ظروف وهذا الشي يولد نوع من انواع الملل والحزن والياس ولكنني احب اسال سؤال بسيط واتمنى من ساهمو هنا اقرا اجاباتهم الرائعه؟ ياترى ماهو سر هذا التباعد الاجتماعي بين ابناء الجاليه العراقيه ؟ ومزاهي تاثيراته المستقبليه
ماجد يلدو[/
font][/size][/font][/color][/i]
-
السلام عليكم
الموضوع جميل ولكن يجب ان نبتعد عن التشنج لان كل شخص يرى الموضوع من وجهه نضرة المهم
انا طبيب ولو لحد الان لم اصل الى امريكا ولكن لدي اصدقاء كثر في اميركا وكلهم اطباء وبدون مبالغه فان كل اصحابي هم الان مستقرين خارج العراق في دول اوربا واميركا اما بالنسبه لاميركا خصوصا فقد شاهدت ما حصل لاصدقائي الاطباء صحيح ان الكل عند وصولهم الى اميركا اضطروا ان يعملو ويشتغلو اي شيء ولكن بعد ان توكلوا على الله وكان لديهم هدف درسوا وعادلو شهادتهم ولو بالنسبه لنا الاطباء الطريق طويل في معادله الشهاده لكن المهم هوة الوصول الى الهدف المهم الان اغلب جماعتي قد اكملو المعادله وبداو في عمليه العمل كطبيب ومنهم من ينتظر الفرصه وهم الان من اشد من يدفعني الى القدوم لاميركا وقد وضحوا الصورة الي كم يجب علي في البدايه ان اتعب لحين ترتيب الامور
ملخص الكلام ان كل ما طرح من كلام هنا هو صحيح ولكن العبره بالخواتيم وكيف تصل الى هدفك واخيرا التوفيق من عند الله
-
امريكا حلم لكل العراقيين ومهما تتعذب وتتبهدل في امريكا فهذا العذاب لا يدوم وفي الاخر سوف تستقر وتنسى هذا العذاب لانه المستقبل في امريكا مشرق عكس العراق عذابك ومعاناتك سوف تذهب سدى ومستقبلك في العراق مجهول كانك راكب طائرة مخطوفة فلا تحبطوا الناس والهمم والرزق على الواحد الاحد
-
لكل متردد وخائف من الذهاب الى بلاد العم سام و يقول امريكا جحيم فهو غلطان بعد درجة توصل الجنة
الى الاخوه الاعزاء
راح احجي جانب عن قصتي لان اني من اهل الجنوب من حضارة سومر العريقه .............
خرجت من العراق عام 1990 ولا اعرف الى اين انا ذاهب المهم ذهبت الى الحدود السعوديه .... مشيا على الاقدام ..
وكانت الارتال الاميركيه ذاهبه الى العراق وبعد اسبوع ونحن جالسون على الحدود السعوديه ...قال لنا ضباط الحدود وعودو من حيث اتيتم لاننا لا نستقبل احد علما باننا بدون ماوى وبدون طعام وكان المطر شديد جدا وبعد اشهر من هذا التعب والمعناة اعطونا خيام لكي تاوينا
ومالفت انتباهي وهي صورة لم تفارق خيالي ان رجل مايقارب عمره 30-35
مع طفل وهو ابنه كان يمسك بيد ابيه لكن وجه الطفل كان باتجاه العراق والاب متوجه للسعوديه
وكان عمر الطفل مايقارب 5-6 سنوات
ودخلنا الحدود السعوديه ...
وكان الخوف في داخلنا لاننا نعرف قوانين الدول العربيه وحقوق الانسان فالخضوع للرئيس والامير والملك
هو كل شي لديهم
وكان عددنا 75 الف لاجئ عراقي في خيام في الصحراء وبدات الاشاعات في المخيم لكن يدكر الشئ ان السعوديه وفرت لنا المكان والكهرباء والطعام لكن لن يعرفو انا نحن لاجئين ومن حق الاجئ ان يعيش حياته طبيعيه
بدات الوفود تاتي الينا لتاخذ اللاجئين
وبدوا العراقيين يقسمون المخيم الى قسمين قسم عزاب وقسم عوائل والعزاب ممنوع يدخلون قسم العوائل وكانو العزاب خرجو من الارض
وبدات الاشاعات على الوفد الاميريكي
بان امريكا لا يوجد بها عمل وسوف ياخذوننا من المخيك ويرمونا بالشارع وكنت ادعو من لالله ان لا يخرج اسمي مع الوفد الامريكي من كثرة الاشاعات وغي يوم من الايام ذهبت الى المكان الذي يعلق فيها الاسماء ووجدت اسمي على الوفد الامريكي وصلت للوفد...
فعدت لاصدقائي لكي اخبرهم بذلك فقالو لي من حقك ان ترفض الوفد الامريكي فقلت لهم لماذا فقالو لي امريكا صعبه جدا ولا يوجد فيها عمل وسوف يرموك في الشارع ويتركوك وقلت لهم سوف افكر في الامر وفي الصباح اخبركم
وفي الصباح توكلت على الله وذهبت للمقابله وقابلت وسافرت لامريكا 25\3\1997
وكنت خائف من الكلام الذي سمعته في المخيم وعندي وصولي لامريكا وجدت عكس ذلك تماما واللذين ذهبو الى الدول الاسكندنافيه وجدو عكس ذلك من العنصريه وقلت فر ص العمك مضمون
اما نحن في امريكا فكانو يشجعوننا االامريكان على العمل والحياة
ويوفرون لنا فرص العمل فلي صديق ذهب معي في الرحله وهو امي لا يقرا ولا يكتب وكان حلمه ان يصبح ثريا وعندما وصل اصبح يعمل ليل نهار حتى تمكن من شراء محل صغير ب25 الف دولار
واصبح الان يملك 7 محلات من هذا المحل ووصل لما يصبو اليه
وانا وصلت لما اريد والحمدلله
ومن يقول امريكا جحيم فهو غلطان انا من محبي العراق واتمنى العراق ان يكون هكذا مثل. امريكا
امريكاجحيم للكسالى والمعتمدين على المساعدات
كما يقول لي صديق في امريكا ان امريكا بعد درجه وتوصل للجنه
الشي الجميل بامريكا عندما لاتجيد اللغه فهم لا يستهزئون بك
بل على العكس يساعدوك على ماتريد حياة روعة لايوجد احد يتدخل بحياتك الشخصية حرية تامةتعبير عن ارائك الشخصية بكل حرية فقط لاتخالف القانون ولا تكذب وكن حريص على مواعيدك وعندما تتعرف على شخص لا تسئاله اسئله شخصية مثلا عن معتقده الديني او السيا سي واين يعمل وكم راتبه و لا تفكر ان تستعمل الرشوة واهم من هذا كله مستقبلك ومستقبل اطفاك مضمون يعني من تطعن بالسن ليس بالضرورة الا لديك مال اوعقار مثلنا في العراق لكي يحميك من الفقر ولاكن في امريكا الضمان الصحي والاجتماعي هو المتكفل
والاجمل عندما تريد ان تصبح صاحب بزنس او دراسه فهم يقفون معك ويساعدوك , اكرر امريكا لاتصلح للكسالى وهذا الكلام عن مشيكان مع احترامي لصاحب الموضوع هراء ولايمكن ان يصدق ولايصدر عن مجرب العيشة في امريكا ومحبط للهمم باسكوباس
-
احب ان اشكر كل الرواد والاعضاء اللذين كتبوا وساهموا هنا وهذا هو المطلوب قد يجوز اكون صح او خطا المهم ان نتحاور ضمن الاسس الصحيه
-
سلام الرب
بصراحة لحد الان لم اجد اروع مما اقراه بموقع استراحه المنتديات وشكرا للاخ ماجد لصراحته وتحمله الكل
سادي
-
vincenzo شنو موضوزع البايسكلات كل كلامك على الحمامات والبايسكلات؟؟؟ وشلون انت عضو فعال اخي وهذا كلامك
تحياتي
-
قبل ان اكتب هذه الاسطر القليله احب اقدم شكري وتقديري لموقع عين كاوه المحترم والجدير بالاحترام لسماعة الاصوات العراقييه التي تتكلم بكل حب للوطن والانسانيه والسلام والمحبه
وكما اقدم اعتذاري لقسم من اهالينا المحترمين ب ولايه مشكن الامريكيه وكلامي يخص بعض وليس كل الناس
الموجودين بامريكا.................. وياريت نصل لحاله التفاهم بيننا وكلنا اخوه بالتاكيد ومعاناة الجاليه مهمه وان نساعد بعضنا البعض
وانا اعلـــــــــم مقدما ساتعرض للهجمات والاختلافات وهو ما يعطي جماليه للموضوع والحوار وعندما نقرا كلماتنا بعد سنوات يجوز ننتبه على العنف الحواري وتقبلو تحياتي
اخترت لكم موضوع وارجوكم ان تساهمون ايظا لو كان لكم الوقت الكافي لسماع مشاكل العراقيين والجاليه العراقييه القادمه حديثاً والقادمه سابقا وياريت واكون ممنون لو نختلف ببعض النقاط ولكنني احب قبل كل شي ان اتعرف عليكم لانكم ستقروان اشياء من واقع حياتنا وامورنا التي تهم كل انسان يبحث عن الانسانيه ويبحث عن ازاحة هموم العراقيين قي ولاية مشيكان وقي العراق بصوره عامه
لذا اخترت هذا الموقع الكبير والمحترم للبدايه واتمنى ان لاتكون النهايه لكي تصل اصوات العراقيين اللذين يهمهم امور اخوانهم بصوره صحيحه وفعاله
فاشكركم لو وافقتكم بالموضوع وتبداون بالكتابه لعل قسم من كتاباتكم تداوي جروح الاخرين او تساهم بحل قسم من الالامهم ................................ والرب يبارك الجميع ويتوفقون بحياتهم القادمه وينسون جراحهم القديمه
ماجد يلدو
-
تحيــــــه طيبه مجدداَ للكل
اكيد كلنا نعيش الغربه... وتاثير الغربه علينا صعب..... ولكن المشكله الاكبر هي عندما تشاهد ابناء الجاليه نفسها تحارب وتنافق وتحسد وحتى القسم منهم ينتقم من الاخرين وهذا اصعب شيء وجدته بين الجاليه تفسها