ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس سيوفي في 10:05 16/06/2009
-
شلونكم شباب
مثل متعرفون اني مقدم من شهر التاسع 2008 على اي او ام بغداد وجان عندي بس الكيس نمبر اللي هو بي جي دي وبعد مارثون طويل من الايميلات اجاني البارحة ايميل منهم وانطوني بيه رقم اي زي ( واخيرااا ) بس الشغلة ال محيرتني واللي اعرفة انه الاي زي نمبر يجي ورة ميكمل التاكد بشان وظيفتي بس همة كالولي بالايميل انه انت الان في مرحلة التحقق من وظيقتك والله خبلوني !!!!
بس عموما كلتلهم انتو ترة هواية لحيتوا بالموضوع واني صارلي فوك ال 9 اشهر شنو فلمكم !!!
عالعموم سوينة شي واخذنا منهم رقم اي زي
هل تتوقعون انه من اخذت رقم اي زي انه مقابلتي قريبة لو هاي مالها علاقة ؟؟؟
تحياتي
-
السلام عليكم اخي الله يسهلك امرك و ان شاء الله مقابلة قريبة ادعيلك من كل قلبي كما ادعي اني ربك يوفقنا جميعا مع الأخوة الأعضاء لكن ممكن اتوضحلي ليش هشكل 9 اشهر لا مقابلة و لا شيء و الله عجيبة انتظر ردك مع تحيات اخوك طيف السعد
-
اشكرك اخوية عالدعاء وبارك الله بيك وان شاء الله التسهيل لكل اخواننا بالمنتدى
والله ردا على سؤالك مااعرف شنو السبب وهو هذا الشي ال محيرني واني رديت عليهم بايميل وكلتلهم كولولي بالضبط شنو السالفة وبس اجاني الاوتوربلاي والله كريم
يعني اني هم مليت وضجت بس شسوي قابل مو بيدي واني بصراحة مااكدر اقدم على اس اي في لان وياية والدتي واخواني فاني مضطر ابقى على هذا البرنامج ونسال من الله التسهيل
تحياتي
المهندس
-
اخوية العزيز ابقى على هذا البرنامج و بأذن الله تسافر انت و اهلك سالمين غانمين و برعاية الله و لا اتخاف ترة الي طلعوا مو احسن منك
-
السلام عليكم اخويه العزيز سيوفي
أسال الله ان يتمم عليك فرحتك وتسافر في اقرب وقت
بس حبيت اكلك شي تره IOM شغلتهم مخربطة يعني اني صارلي سنه مقدم وعندي كيس نمر وقبل كم يوم دزولي رساله يبلغوني بيها انه معلوماتي كاملة وراح يتصلون بيه في اقرب وقت لتحديد المقابله مع العلم اني لاعني ايزي نمبر ولا اي شي آخر تره همه شغلهم مخبرط ومواعيدهم مو مضبوطه
ومن كثر ماايست وكطعت الامل قدمت على SIV والحمد لله معاملتي جاي تمشي
الله يسهل امورك وامور الاخوه كلهم
-
مبروك اخي سيف الحصول على IZ وهذا معناه ان المقابله قريبه ان شاء الله
بالتوفيق للجميع
-
شكرا اخي شو عالمداخلة ويارب يسهلك كل اموراتك
بس ياريت لو احد من الاخوة يوضحلي شنو الفرق بين بي جي دي وال اي زي نمبر؟
زين شلون انطوني اي زي نمبر وحسب حجيهم همة لحد الان مامتاكدين او متحققين من شغلة الوظيفة مالتي؟
بصراحة اني دخت وذولة راح يخبلوني!!
انتظر ردودكم
اخوكم
المهندس
-
اخي المهندس سيوفي
مبروك الIZ واكيد هو امر يستحق ان تفرح به وان شاء الله تكون مقابلتك باقرب وقت
بالنسبة للايميل الاخير الي دزو على تايد الوظيفة فحسب معلوماتي انه بغداد تقوم بارسال ايميلات جوابا على ايميل قديم قد ارسلته
يعني يمكن لو تسالهم هسة يقولون انه قد تم تاكيد وظيفتك يعني هذا اللي اعتقده مو متاكد
بس انت ممكن تتصل بمصر وتتاكد وراح تعرف الامر الاكيد
ويارب تفرح دائما
سلام الله معك
اخوك يوجد امل
-
اخي العزيز تحيه طيبه iz هو انته دخلت البرنامج ونفبلت فيه والسبب مقنع وهم الان سوف يبدءون معك بتسلسل المقابلات وصولا الى المحلف وموضوع المحلف بات قريب منك هذا هو موضوع iz مبروك اخي العزيز تقبل تحياتي من مصر اخوك body100
-
الله يسهلك اخونا سيوفي والف مبروك على الرقم IZ وان شاء الله موعد مقابلة قريب
تحياتي
-
اخي سيف ان شاء الله خير وتتيسر امورك وان شاء الله مقابلتك قريبه باذن الله تتسهل جميع امور الاعضاء ..........
-
شكرا جزيلا للجميع وعلى ردودكم الاكثر من رائعة
بس عندي سؤال بسيط --- يعني مدام هسة صار عندي اي زي نمبر اكدر هسة اتصل على مصر او عمان ويعرفون وين واصلة قضيتي او ليش مامنطيني موعد مقابلة اولى؟ هذا الشي همة راح يكدرون يعرفوه لو لا ؟
تحياتي
المهندس
-
اخي العزيز المشكلة انه اني مو بمصر حتى انصحك لكن الأخوان الي بمصر هم ان شاء الله راح يقدمولك المعلومة المفيدة و اتوكل على الله و ربك ميضيع تعب واحد اخوك طيف السعد
-
صديقي سيوفي انته شنو شايل خرزة
اشو الرقمين ثنيناتهن بتسع اشهر بس
يمعود اني راح اقبط الشهر الرابع ورقم واحد (BGD) ممحصل!!!!
-
اخوية فينسيزو --- شكرا عالمداخلة اللطيفة
بس وداعتك لاخرزة ولاشي يمعود جماعتي قدموا وراية وقابلوا المقابلة الاولى واني كلشي مااااااااكو
بس بهاي المناسبة ياريت لو تتفضل وتكولي شنو الفرق بين هاي الرقمين لان بصراحة اني اشوفة شي عادي من اخذت الي زي نمبر ولو الجماعة خلوني اتفاؤل بردودهم --- بس مع ذلك احس انه مصار ذاك الفرق الجبير
انتظر ردك ورد الاخوان ----
تحياتي
المهندس
-
اخي سيوفي العزيز
الفرق بين الBGD و ال IZ
هو عبور مرحله فقط
كنت في مرحله دراسه قضيتك و التحقق من عملك و اهليتك للحصول على الهجره للولايات المتحده
والان و بعد حصولك على IZ تم الانتهاء من المرحله اعلاه
حصولك على IZ يعني انك اصبحت على جدول المقابلات, بعد فتره ليس طويله سيتصلون بك لتحديد موعد المقابله الاولى
بالتوفيق للجميع