ankawa
منتدى الهجرة واللجوء => الهجرة و واللاجئين => الموضوع حرر بواسطة: ستروبري في 01:02 17/06/2009
-
مرحبا اخواني واخواتي الكرام حبيت اطرح موضوع يمكن يكون محد مطرقلة كبل وهو نوع الموبايلات الي تعمل بأمريكامثلا اني عندي موبايل جديد فحبيت اسأل هل يعمل الموبايل نوكيا 5800 ابو اللمس بأمريكا لو مايشتغل هناك وشنو نوع الموبايلات الي لو عدنة الاحسن ما نبيعة وناخدة ويانة يعني ياريت نفتهم شنو قصة الموبايلات لان كل شخص بأمريكا يوك شكل ممكن الي عندة معلومات تفيد الكل يفدنة بيه وانشاء الله الفائدة تكون للكل
-
الاخ jafarmaysam
يعني لو شويه متعب نفسك ما كان كتبت هل موضوع
وهذا الموضوع وبعده بالصفحة الاولى
وحتى الاخ صاحب الموضوع ما متعب نفسه ومدور بالارشيف
http://www.ankawa.com/forum/index.php/topic,309752.0.html
واذا تعبت نفسك شويه بارشيف المنتدى راح تجد مواضيع اطرق بها الاخوة الى هذا شيء من قبلك
تحياتي
تايكر
-
اخويه الكريم جميع الموبايلات من الجيل الثالث تشتغل في امريكا N70 N 72 وغيرها
ترددات الهواتف المستعملة بالشرق الاوسط واوربا تردداتها نفس ترددات امريكا فلا تشيل هم
وتكون الترددات كالتالي ( 900 - 1800 - 1900 ) mhz ويكون الانتقال آلي بين الموجات )
يعني لا تشيل هم كلشي يشتغل هنا يشتغل عدهم
معلومة صغيرة اذا تريد تعرف الموبايل يصلح يشتغل بالمنطقة الي انتة بيها اكو فد طريقة
خلف البطارية يوجد الرقم التسلسلي للجهاز (imei ) اذا الرقم يبدي ب 35 فهذا الجهاز يشتغل على الترددات (900-1800-1900) اي يعمل في الشرق الاوسط واوربا والولايات المتحدة
اما اذا بدا imei برقم 01 فهذا الجهاز ترددة يختلف عن الاجهزة المستعملة عدنا ومراح يشتغل
وهذا رابط لا انواع التلفونات التي تشتغل هناك
وحسب ما قالو الاخوه في امريكا ان الشركه تزودك بتلفون من ضمن سعر الخط وتكون الشريحه عباره عن عجينه داخل هذا الهاتف فستظطر لعدم استعمال هاتفك وكون هذا الخط من انسب الخطوط الموجوده هناك واشتراكه الشهري 45 او 50 $ شهريا وبامنكانك اجراء مكالمات داخليه لحد انتهاء فتره الاشتراك
تحياتي
-
شكرا اخواني تايكر وعكعك بارك الله بيكم
-
اخوية العزيز على الاطلاق كل اجهزة الجيل الثالث تشتغل هنا ولكافة الانواع اني موبايلي نوكيا N73 وبنت اخوية موبايلهة نوكيا 5100 يشتغل هنا
-
شمعة ..شلونك اخوية
اذا اذبه بالشط عليه غرامة ديربالك ;D
للمعلومات فقط اذا تسمحولي
تدرون اكثر الامريكان لايستخدمون الموبايل حسب ماقرأت من تجارب الاخوان والاقارب لانه جدا مكلف واهم شي عندهم الخط الارضي ويعتمدون عليه جدا بكل امورهم تقريبا ورخيص وسهل التوفر
شركات الموبايل بيها فد عيب جدا مقرف واعتقد اكثرية الشركات نفس الاسلوب وهو استقطاع الرصيد من الجهتين ..اي من المتصل والمستلم ....انت تخابر يكطع .... يخابروك هم يكطع ...شطلعت هاي منخابر يبقى الموبايل ديكور بالجيب والله حيرة ...
وجماعة امريكا يكدرون يوضحونه بصورة افضل ان شاء الله
عندي ابن عمي بامريكا اكله ليش متنطيني رقم موبايلك ... يلكلي لالالا خلينا على الارضي احسن هههههههه
واذا تذكرون بالتسعينات نزل (البيجر) مرات يطلع بالافلام الامريكية وهو جهاز استدعاء للشخص اي
يكون لديك رقم بيجر ويمكنهم الاشخاص الاتصال بك من هاتف ارضي ويظهر لك رقم تلفون الشخص المتصل فقط وانت تذهب راكضا ههههههه على اقرب تلفون ارضي او تلفون عمومي (شفتو التطور) ..طبعا يجوز اجه بالكم شلون توصلة اشارة الجهاز ويدك ..الجواب نفس شبكة الهاتف المحمول (بث ترددات)
يعني كاشف ارقام تمشي وحاطة بجيبك وكل ميدك تباوع الرقم ولازم تعرفه من صاحبة واعتقد تدخل بي اسماء الاصدقاء والاقارب وربما لاتوجد صيغة الاسماء تظهر
الحمد لله فتحنه عينا على الموبايل .. وخلصنا من البيجر ...جان صار تلفون العمومي الدقيقة 10 دولار
اخواني نصيحة اخوية لتحيرون بالموبايل ..المهم الكو شغل واذا ليكتو شغل لو تكدر تخابر لو لا يادوب اذا عندك وقت للموبايل مو صح ؟؟
تحياتي لكم ونعاود النشرة بعد الاخبار
-
اخوان موبايلات الجيل الثالث تعمل ..واكو شركة اسمهة t-mobile هاي الوحيدة اللي تنطيك بس سيم كارت وتكدر تخليه بموبايلك ..بالنسبة لولاية فرجيينا
واكو رصيد +الموبايل عدة شركات تبدي من 30 دولار وصاعدا ورصيد 300 دقيقة داخل امريكا
طبعا هاي بدون عقد
واذا بعقد لا تختلف الشغلة تصير ارخص بس المشكلة عقد سنتين لازم تلتزم بيه
تحياتي
ابن بغداد
va
-
على فكرة اكو احد الاخوة الي ساكنين يمي بولاية فيرجينيا شاف موبايلي نوكيا جان يكلي هذا دير بالك عليه لان نوكيا هنا جدا غالي وجهازك هذا يوصل سعره بين 700 الى 800 دولار وهو سعره 150 دولار بسوريا المستعمل مالته .... طبعا هذي المعلومة على حد قوله وهو ساكن بفيرجينيا صارله 3 سنين .
-
لعد بلة سعر موبايلي شكد
نوكيا E90 COMMUNICATOR
اشتريتة ب 600 دينار اردني يعني حوالي 900 دولار
ويشتغل لو لا بامريكا
-
السلام عليكم
اخويه الكابوي اني هم عندي نفسه e90 واخذته علمود النت وكالولي يشتغل بامريكا .. دير بالك من الشاشه لان تتجرح بسرعه من ملامسة الدكم عليها اذا تكدر غلفها بورق لاصق حتى تبقى نظيفه .
ابو انس
-
اخوان شو كلكم تحجون بس عالنوكيا
اني ما احب النوكيا
لان مو امريكي
مدري وين يصممونه بدوله يم القطب يمكن اسمهه فنلندا
ويصنعونه بالصين وبماليزيا ومدري وين
اني عندي جهاز موتورولا L7 امريكي من هذا الرفيع SLIM (بس هم made in china كالعاده هههههههه)
هذا شنو يشتغل هناك؟؟ لا؟؟
اخوية شمعه من تذب ال 1100 مالتك عود دليني وين حتى اروح الكاه
ابن بغداد الورد
بلكي شوية تفاصيل اكثر
وخصوصا شلون الواحد يخابر بغداد
اني اعرف انه بالانترنت تكدر مناك تدز مسجات ببلاش لاي موبايل وتكدر هم تخابر من اللابتوب على اي موبايل بالشرق الاوسط بسعر بسيط واكو موضوع مفصل بالمنتدى حول هاي السالفة الحلوة