ankawa
منتدى الهجرة واللجوء => الهجرة و واللاجئين => الموضوع حرر بواسطة: سيوف الليل في 07:49 18/06/2009
-
السلام عليكم اخوان
هل ان موافقة المحلف هية نفسها الموافقة الامنية.........................
لاني اليوم اتصلت بيهم وكالو انت المحلف لحد الان ما متخذ قرار .........
شنو رايكم اخوان ..........
اني باي مرحلة وشراح يصير وراها............
شكرا جزيلا
اخوكم سيوف الليل
-
عمي الله يساعدهم
بوية على اللي اقراه بالمنتدى اول شي موافقة محلف ومن تطلع الموافقة اوكي ان شاء الله تتحول على دربونة الموافقة الامنية
بس اكيد هسة حبايبنا هنا بالمنتدى ما يقصرون وينطوك الجواب الشافي الوافي ان شاء الله
الله يسهل عليكم
ابو الحسن
-
اخي الكريم سيوف الليل انت اذا مخلص المحلفين بعد اقل من شهر تستلم موافقة المحلف وبعدها تسوي فحص طبي وبعدها تنتظر الموافقة الامنية وهاي الموافقة تجي من امريكا وبعد حصولك على الموافقة الامنية تدخل دورة تثقيفية وبعد الدورة تسوي اجراءات الجواز وبعدها ينطوك تذاكر السفر وتتوكل تسافر انشاالله
اخوك ابو فهمي
-
الله يسهل امرك اخي
من اتحصل موافقه المحلف سواء موافقه ان شاء الله او رفض لا سامح الله او قيد الدراسه والعياذ بالله لان متنراد ..... راح تجيك الامنيه ان شاء الله مقبول وتتسهل امروك وره الامنيه فحص طبي وختم ملف وموعد طيران
هذا المتعارف عليه لكن اكو حالات لا تاخذ هذا الترتيب في سير الامور
مثلا اخوك مقابل محلفين ولحد الان اني قيد الدراسه يعني المحلف مناطي جواب على الكيس لا قبول ولا رفض ((بعده يدرس بيه دياخذ دكتوراه عليه ))
لكن وصلتني الامنيه ولكل افراد العائله وحاليا صارلي 4 اشهر انتظر قرار المحلف ونكول يصير خير وربك يفرجها على لحظه ان شاء الله
اخي الله ييسر امرك ويسهل طريقك بعون الله
اخوك كمااااااااال
-
اخي العزيز ..
المراحل التي يمر بها ملفك بعد موافقة المحلفين هي انتظار موافقة المحلفين وهذه قد تمتد فيها فترة الانتظار الى شهر او شهرين وربما اكثر وحسب الكيس مالك.. وحسب ما جرت العادة عليه فان مع مقابلة المحلفين يتم اخذ بصماتك وبصمات العائلة مع قياس الطول والوزن.
بعد صدور موافقة المحلفين (وقد يسبقها احيانا) يتم اجراء الفحص الطبي والذي هو فحص شعاعي وفحص سريري.
تستمر فترة الانتظار بعد حصول موافقة المحلفين لمدة شهر الى 6 اشهر لصدور الموافقة الامنية تحاول خلالها وبعد مرور الشهر الاول بالاتصال بالمنظمة اسبوعيا للاستفسار عن الملف واسال دائما عن تحديد الولاية او المنظمة وقد يتم وصول الموافقة الامنية على مراحل .. اي قد تصل لقسم من الاسماء في الكيس الواحد ثم يليه بقية الاسماء كما حصل مع بعض الاخوة في المنتدى.
بعد حصولك على الموافقة الامنية ان شاء الله ستدخل في فترة انتظار ختم الملف وهذه ان شاء الله لا تتاخر كثيرا ومن ثم تحديد موعد السفر.
مع تمنياتي لك بالتوفيق
-
رحم الله والديكم اني مقدم من العراق وبالنسبة للفحص وكلها مكملها بس قبل اكثر من شهرين اجاني تاجيل لقضيتي ولحد الان ما اعرف شي اتصلت بيهم البارحة كالو لحد الان المحلف ما متخذ قرار.............فارجوكم اذا واحد مارة بيه نفس الظروف وشكرا لكم
-
عكعك وينك ............وينكم يا معودين...............وينكم يمعودين.............جاوبوني
-
اخويه العزيز سيوف الليل
يؤسفني بان اقول لك ان قضيتك قيد الدراسه اي المحلف لم يتخذ قرار بشانك بعد وهذه العمليه تاخذ وقت شويه بس اغلبها تجي موافقه ولكن هل قصتك بها خطف ودفع فديه ؟؟ ويوجد موضوع باسم جمعيه ملفات قيد الدراسه للاخ الاصيل 222 يمكنك الاطلاع عليه
ولكن عندي سؤال انته يمته قابلت وبيا دوله وهل حددولكم موعد استلام نتيجه اذا كنت مو بالعراق لان سؤالك
ياخذ احتمالين
تحياتي واتمنالك التوفيق
-
حبيبي عكعك اني طبعا مقدم من العراق وقابلت الثانية بالرابع واجاني تاجيل بالخامس الاختيار الرابع وخابرت عليهم قبل فترة كالو لحد الان ما طلعت موافقة المحلف .........طبعا اني مكمل الفحص الطبي.......شكرا
-
اخي سيوف الليل ملفك قيد الدراسه وكما قلت لك بان البت بالنتيجه من قبل المحلف تاخذ بعض الوقت
ولكن النتيجه النهائيه هي القبول باذن الله وما عليك سوى الصبر
تمنياتي لك بالموفقيه
-
اخي سيوف الليل
مثل مكالو الاخوة انه ملفك قيد الدراسة وان شاء الله تاتي الموافقة باسرع وقت
وتستطيع ان تتاكد بين فترة واخرى من مصر عن قرار المحلف.
سلام الله معك
اخوك يوجد امل
-
اخي سيوف الليل
انتة فلمك مثل فلمي بالضبط........ داعيك مخلص فحص طبي من 21 كانون الثاني وقابلت المحلفين يوم 4 شباط واجاني الاختيار الرابع مؤشر يوم 12 اذار واتصلت بمصر كالولي الموافقة الامنية موجودة بس المحلف بعدهة مامنطي قرار نهائي بالملف مالتك!!! شفت اشلون فلمك مثل فلمي ها مع العلم اني قضيتي بيهة دفع فدية والظاهر الاخ المحلف ايريد يدرس قضيتي زين لانه مثل ماكالولي((ايريد ياخذ بيهة دكتوراه!!!!!!!!!!!!!!!)) حبيبي الموافقة الامنية شيء وموافقة المحلف شيء يعني كل منها في حدة ولكن الاثنين مطلوبات لضمان قبولك........... تقبل تحياتي واني برسم الخدمة واي سؤال اخوك حاضر......
-
الاخ سيوف الليل تحية طيبه
حبيبي انت شغلتي بالضبط مثل شغلتي ويمكن اني وياك مقابلين محلفين بنفس اليوم حيث استمرت المقابله من الساعه 9 لحد الساعه 5 العصر يلا طلعنا
المهم حبيبي اني يوم 14 -5 اجاني رد من الاي او ام وماشر على الاختيار الرابع طبعا قضيتي بيهه خطف ودفع فديه ومن ذاك اليوم لهذا اليوم محد كاللي شلونك
اليوم دزتلي المحاميه ايميل تكول اتصلت بالاي او ام وكالولي ان قضيتي باقيه على الموافقه الامنيه الللي اكثر شي تطول 6 اشهر ووراها ما اعرف شيصير اذا ما وصلت
بيني وبينك الحجي اني اتمنى تطول لان دادرس وبلكي الله اكمل دراستي منا لفد 6 اشهر يلا تكمل شغلتي
تحياتي الك ولجميع اعضاء المنتدى
-
اخواني الاعزاء
والله سببتولي دمار نفسي مو سهل
لان اني همين مقابل محلفين يوم 27/5 وخابروني على الفحص ورة اسبوع
بس شغلتي بيه فديه والكل كالولي من مخابريك علفحص يعني اكو امل
بس الظاهر امل ازوجت فرج واجه صبر
وصبر معوق همين
تحياتي الكم
علما ان نتيجه المحلفين تطلع يوم 11/7
بس على الحجي ليش اروح واخسر فلوس تكاسي هههه
-
يعني اخوتي هسة اني بسوريا و مكمل فحص يعني احتمال يجي قيد الدراسة لو سوريا غير شكل مو مثل بغداد يمعودين ترة اني حييييييييل انسطرت و كامت الدنيا تفتر بيه
-
والله خويه اني بعمان
بس الظاهر بس الي عدهم موضوع فديه شغلتهم تخوف
الله كريم كله بيد ربك
عسا ان تكرهوا شي وهو خير لكم
-
اخوية عراقي 83 بس احنة مسامعين انه الواحد يسوي فحص و يطلعلة قيد الدراسة شو هاي مصيبة جديدة زين انت اتصلت بمصر بهاي الفترة ؟؟؟؟؟
-
خويه اني همين مسامع
بس اخونه Safaa Alkhrkhy
دمر معنوياتنه ههههههه بس لان شغلت تشبه شغلته فديه والخ فكلت اني مثله لعد
بس اني خابرت مصر ورة الفحص بكم يوم
وكالولي انت منتظر موافقه امنيه
فاني كلت يعني المحلف موافق
لكن ورة شويه كالتلي الموظفه انت مستلم نتيجه محلف اني كلتله لا!!! فكالت روح اخذه من عمان لعد اني ما اعرف
بيني وبينك اخويه الرفض انرسم كبالي
هي بقه 17 يوم واستلم نتيجه المحلف والله كريم
تحياتي
-
هية نتيجة المحلف معروفهة ((راح يجيك الاختيار الرابع)) حالك حال العبرية .. بس انتة اخوية من يجيك الاختيار الرابع روح خابر عمان واسالهم على ملفك وكللهم وين صار .. اذا كلولك انه لحد الان ماكو قرار من المحلف ((بعبارة اخرى انه ملفك مامختوم)) فأنتهة فلمك مثلنهة اما اذا كلولك انه اكو موافقة من المحلف على ملفك بس موافقة امنية داتنتظر فهذه دربونة اخرى بس اني اللي اعرفهة ومن خلال تجارب عديدة وكثيرة شغلة الفدية ((كلهة قيد الدراسة وانتظر.............)) بس ها اخوية رجعلنهة خبر رحمة لابوك عودين بلكي بيهة امل الشغلة واشكرك
-
والله خويه هي بيد الله
بس اني اشو كل رواد المنتدى كالولي المحلف بنفس اليوم يقرر وينطي النتيجه واذا وافق يخلولك موعد فحص
واني ويايه 4 بس خابرونه على الفحص خلال اسبوع من المحلفين
وشغله الفديه همين سمعت بالمنتدى هوايه مسافرين طبيعي هاي الشغله صايره مو مثل قبل
بس ارجع واكول انت دمرت معنوياتي هههههههه وداعتك ما اريد اروح استلم >:(
-
يابة خلي اكلك شغلة مهمة هوة صحيح المحلف بنفس اليوم يتخذ قرار لكنه يحيل ملفك الى جهة اخرى لابداء المزيد من الرأي بعبارة اخرى هوة ماعندهة مانع من قبولك لكنه لم يقل كلمته الاخيرة حتى يصل قرار الجهة الاخرى (والسبب هوة موضوع الفدية) ومسالة الفحص الطبي مو قياس ياما ناس فحصت وكملت وبعدين كالولهة ((الله وياك عبوسي)) يعني رفض ... بس اني احب اطمأنك اني اتصلت بعمان قبل 3 ايام على هاتف الادارة مالتهم وحجيت وية الموظفة وشرحتلهة الفلم كلهة وكتلهة مامعقولة انه نبقهة هيجي معلقين بين الارض والسماء فقالت اطمأن كل الملفات من هذا القبيل (تقصد اهل الفدية) يجب البت فيها بصورة نهائية خلال الشهر الثامن ......... فاطمان ولاتقلق ولاتكول صفاء الكرخي دمرني وهبط معنوياتي لا حبيبي اصبر والله كريم تقبل تحياتي
-
اخوية العزيز عراقي 83 اني هم خابرت على مصر و هم كالتلي انت بانتظار الموافقة الامنية و هسة المشكلة اني مقابل من يوم 17 - 5 و مكالو شوكت نستلم الظرف كالو احنة نتصضل بيكم و مندري شوكت يتصلون عاد بس احتمال انه جماعة بغداد غير شكل لان كل اللي اعرفهم و ملفاتهم قيد الدراسة محد بيهم لحد الان مسوي فحص و اللة يستر و مدري منين جتني هالطركاعة و كهالتفكير الزايد بهالليل