ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي وكرادي في 11:44 21/06/2009
-
السلام عليكم
شلون الاخوه والاخوات
ممكن احد يكدر يفيدنه بان الجنسيه وشهاده والجنسيه وعقد الزواج وجدول القاحات نترجمهن هنا قبل لنروح لامريكا لو ميحتاج واكون مشكور للالكم
اخوكم عراقي وكرادي
-
أخي العزيز انت ما خسران اي شيء اذا ترجمتهن ويمكن تحتاجهن ومن الله التوفيق
-
عراقي وكرادي
اخويه العزيز شخبارك وين وصلت؟؟؟
اخويه بالنسبه للترجمه لازم تسويها من العراق ميصير من الاردن واكو احد الاخو الاعزاء اخبرني بانه وكل محامي باستخراج العقد من المحكمه والقيام بباقي الاجراءات وتصديقه من الخارجيه العراقيه
تحياتي وتمنياتي لك بالتوفيق
-
والله يااخي عراقي كردي
لحد الان محد سأل عندك جنسية لو شهادة جنسية .. من المطار يعملون اي 94 ويدنبسوهه ويه الجواز وبعد محد يسألك انت عراقي لو امريكي خاصة اذا طلعتلك بطاقات السوشيل سيكورتي
وهوية العمل وهوية الولاية واجازة السوق .. وكل هذه الهويات يطلعن بشهر .. اما اللقاحات ماعندي معرفة بيهن .. وحاضر لي استفسار
-
كلام اخي اوركي صح احنة محد سالنا على الجنسية وشهادة الجنسية اما بالنسبة للقاحات اني مكنت مترجمتها بس بامريكا اللي قابلنا كان طبيب مصري يعمل بامريكا في اوماها قام بترجمتها اعتقد انو لقاحات الاطفال ضروري ترجمتها
-
مشكورييييييييييييييين على الردود
-
اخي من الافضل ان تجهز كلشي قبل ما تروحن يمكن محد يسألك على هاي الاوراق وممكن تحتاجهة، وانطيك مثال، اني من وصلت ردت ان أؤجر بيت على حسابي وباسمي، ومن لكيت البيت طلبو مني السوشل سيكيورتي مالتي و من اخذوه كالولي انت جديد واصل وماعدنا اي معلومات عنك واحتمال ما تطلع موافقة الايجار، طلبت اعرف السبب كالو انه انت جديد وما نعرف تاريخك من الناحية الامنية ومن ناحية الكريدت هستوري، من الكريدت هستوري انحلت لأن عندي شغل والشركة كفلتني ومن الناحية الامنية انطيتهم عدم محكومية اللي طلعتة من بغداد وقبلوهة ومشت الامور
طبعا هاي مو كل الايجارات يطلبون بيهة هيجي ومو كل الحالات متشابهة هنا كل ولاية شكل و كل حالة شكل والافضل ان تكون محضر كلشي
-
والله هم حجينه بخصوص هذا الموضوع وكلنه ليس بالشيء المهم ولكن بعض من قال انها مهمه وعلى راي ماجلان مفيده وغير مضره ولكن اذا بها شلعان كلب فالاولى تركها