ankawa
منتدى الهجرة واللجوء => الهجرة و واللاجئين => الموضوع حرر بواسطة: Safaa Alkhrkhy في 13:35 21/06/2009
-
الموضوع بأختصار ....... عندي ولد صديقي سافر من العراق الى ليبيا ومن هناك ورة فترة سافر الى جزر القمر للعمل وكنت اتواصل معه بالايميل وقد اخبرني بأنه سيقدم على الامم المتحدة بلكي يطلعلهة لجوء ..... وقبل فترة انقطعت اخباره نهائيا لكن البارحة اجتني مكالمة دولية على تلفوني بمفتاح دولي يبدأ ب00382 طبعا اخوكم كلش استغرب المهم جاوبت على التلفون واذا به صديقي سالتهة هاي شنو انتة منين اتخابر كلي والله من ((الجبل الاسود)) كتلهة هاي شنو؟؟ كالي دولة غير!! كتلهة اعرف بس شلون وشدواك الهة ؟!! كلي اني قدمت على الامم المتحدة وطلعلي لجوء بيهة وهسة كلش مرتاح ودااشتغل بيهة وعايش اني وعائلتي!! طبعا هية بأوربا !!!
اخواني هذا اللي صار وياي ..... اكو واحد يعرف جماعة طلعلهم هيجي لجوء او مشابه له؟! افيدونا يرحمكم الله..
-
لا مسامع
-
لا والله ما سامع بس اجوز هذا صديقك راح يدزون كم عائله من الجبل الاسود للعراق بدلاً عنه هههههههه
-
شفت شلون عكعك ؟ مو اني همين كلت هيجي... للحبل الاسود؟! محد مسويهة قبل.
-
عمي اذا مو غلطان هي يوغسلافيا سابقا جماعة تيتو ؟
اني اكو ولد هناك او بصريبا ما متاكد وكال ماكو لجوء لان همه هسة بدو يدخلون الاتحاد الاوربي ؟
بعد ما اعرف والله واعلم
ابو الحسن
-
السلام عليكم
--------------------
اخي الحبيب فعلا دولة الجبل الاسود هي نفسها صربيا وهي عبارة عن الدولة اليوغسلافية السابقة
اما بالنسبة للجوء في هذه الدولة فنتمنى منك معرفة في اي وقت تم قبوله وذهابه على هذه الدولة التي من الممكن ان اتفقت مع المم وعرضت عليها في وقت سابق بان تستقبل لاجئين وا ان لديها اتفاقات مع دولة جزر القمر وعليه استطاع صديقم اخذ اللجوء
المهم شنو ميكون ان صديقك بخير ومرتاح وكل واحد وقسمتة على اللجوء والدولة اللي رح ايروح الهة او راح
اتمنى لكم الموفقية
-
والله اخوية محبكم اللي عرفتهة انه صديقي طلعلهة اللجوء قبل تقريبا اربع او خمس اشهر
-
عمي هسة فتحت ياهو ويا صاحبي بصربيا
طبعا الرجال دكتور هناك صارله 19 سنة وجوازه صربي
سالته على القصة وخابر وليد عراقي صارله سنة جاي بفيزا وطلب لجوء من الامم وكال التالي
كال قبل سنة اكو كم عائلة عراقية منا طلعوا توطين لامريكا بس هسة اخر كم شهر لان بدوا يرتبون امورهم يدخلون اتحاد اوربي فالولد العراقي انطوه هوية لجوء وراتب مايعادل 45 دولار بالشهر وهسة كاعد يشتغل بالاسود ( حسب قوله ) ويا فيتر
الحياة كلششش غالية نار جهنم
وبعدهم الدولة ماواكفة على رجليها
هذا اللي سولفي صاحبي مع العلم انه الدكتور مو من جماعة سودة مضخمة ويبو
ابو الحسن
-
مع العلم انه الدكتور مو من جماعة سودة مضخمة ويبو
ابو الحسن
هههههههههههههه
عاشت ايدك عمو ابو الحسن
بالتوفيق للجميع
-
عمي ابو الحسن خوش علاقات عندك وخطيه هذا صاحبك راتبه قوي شدعوه ينطو هلكد واكيد صاحبك فيتر مال لادا وفولكا ومسكوفج اله مستقبل بالدوانيه والحله من يرجع للعراق ومشكر على المعلومات
تحياتي
-
بالتوفيق ان شاء الله لكل عراقي و شكرا اخي صفاء لنقل المعلومه الفريده من نوعها ,,,,,,,
-
هسة عرفتوا ليش اني ضليت أفر بأذاني من سمعت انه هذا الصديق منطي لجوء هناك؟؟!!
-
:) :) اني سامع بيها بس مكنت اعرف انه في اوربا على العموم الموفقية و النجاخح لكل العراقيين المساكين
-
الناس اتضحي تروح بهاي الدول على اساس انها ستنضم عاجلا ام اجلا الى اليورو ومنها ينطلقون ويتحركون باوربا ومو بس مونتنغرو اكو البوسنه واهرسك وكرواتيا وكلها مرشحة للانضمام الى دول اليورو كم سنه وساعته اتصير ب45 دولار
-
ههههههههههههههههههه عاشت ايدك اخوية غكغك على التعليقات الي تخرب ضحك هههههههههه
حلوة هاي مال الحلة.......ضحكتني واللة
اخوكم
السمسم
-
السلام عليكم
عيش وشوف بهل زمان ( زمن العجائب والطرائف ) الله يسهل امور لكل العراقيين .
ابو انس