ankawa
منتدى الهجرة واللجوء => الهجرة و واللاجئين => الموضوع حرر بواسطة: مأسي في 15:55 21/06/2009
-
سلام عليكم
اختكم مأسي بعدها بسوريا نفس ما كًلتلكم
اريد منكم تساعدوني بكتابة الفاكس لان انا ما اعرف اكتب وما اعرف اعبر صار 9 شهور من حولوني لكنده ولحد الان ماكو شي بس اخذوا معلومات عامة بالسفارة الكندية قبل ثلث اشهر وسكته
اخوتي اذبها لو اخليها اريد منكم تعبرولي بكلماتكم الحلوه والرقيقة فاكس عسى وأن يحنون عليه لان ما اعرف اكتب فاكس وما اعرف اعبر بالفصحة بصراحة فأنتضر منكم المساعدة وان شاء الله لم انساكم بالدعاء واشكر كل من ساعدني من الاخوان وكل من يساعدني لانني بصراحة متضايقة حيل وبس ابجي وما اعرف وين اروح فأرجوكم ساعدوني
-
اختي العزيزة ممكن اعرف انه لفاكس الي اتريدين ان اتكتبي هل هو باللغة العربية و لو بالأنجليزية حتى اساعدج اختي
-
يا اخوان ولو اتعبكم بكيفكم بالعربي بالانكليزي والله تسون فضل عليه لان عايشة حياة مأساوية بسوريا فارجو منكم مساعدتي بتعبير الفاكس
-
اختي العزيزه مأسي انا ما انصح تبعثين اي فاكس على السفاره الكنديه لان كلما تلحين عليهم يعتبروها انك تشككين بقدراتهم واجراءاتهم وهذه استنتجتها هنا في الاردن لان الكنديه عدهم نظام يمشون عليه وما يحبون احد يزعجهم وماعدهم كسر خاطر او عطف عدهم العمل مابيه شخص احسن من شخص واذا تحبين تعرفين اكثر عن الكنديه ادخلي موضوعي هو (عودة الامل الى المقبولين على كندا) واصبري فأن الله مع الصابرين وصدكيني كلنا صارت بينا حاله نفسيه من ورى السفاره الكنديه بس الله كريم وما عندج غير الله كثري من الدعاء وربك يفرجها انشالله
اخوك : الفريدو
-
اختى العزيزة انا اشترك بالراى مع الاخ الفريدو وما عندك غير الصبر وان شاء الله الفرج قريب الاجرائات بالنسبة للكندية طويلة نوعا ما ولكن بالاخير النتيجة مضمونه واتمنى لك كل الخير وانا مستعد لمساعدتك وشكرا
-
اختي العزيزة بالنسبة الي انصحك تتصلين بموظف الامم المتحدة الي حولج لكندا وشرحي ضروفج اله وحتى لو كلج الامم مالها علاقة بس لاتصدكين اذا كدرتي تاثرين علي فاراح يدخل واني متاكدة انه قريب جدا راح يتصلون بيكم لانه نفس الحالة صارت ويا الاخت المهجرة اخذو باول مقابلة معلومات عامة وراها ب 3 اشهر سولهم المقابلة وهي بسوريا بس حاليا ماعرف اخبارها
واتمنالج التوفيق وانشاء الله يتصلون بيج قريبا كولي يارب
-
السلام عليكم
الله يفرجها عليج اخت مأسي
اذا انتي عندج "كيس نمبر" يم السفارة الكندية فأكيد تكدرين تراجعين السفارة وتسألين عن وضعج يمهم.
المعروف ان السفارة الكندية اجراءاتها طويله وتحتاج انتظار والمشكلة احنه بعد مابينه حيل ننتظر.
أي مساعدة تحتاجين احنه بالخدمه.
تحياتي
عيني بغداد
-
السلام علكيم اخت ماسي اختي العزيزة بالنسبة الى السفارة الكندية خلكها كلش طويل واني انصحك لا تراسايهم لان الظاهر همة ما يحبون احد يدخل بشغلهم لان اني مريت بهاي الحالة قبلك وحاولت الاتصال بيهم والذهاب اليهم وكانت جميع المحاولات دون جدوى وبعدين همة اتصلو بيه والله فرجها فاكيد همة ما ناسين موضوعك بس همة عدهم سستم خاص بعملهم ويعرفون شغلهم كلش زين والله كريم فات الكثير وما بقى الا القليل وانشاء الله تفرج عليج وعلينا اخوك ابو نخوة من مصر
-
أختي الله يكون بعونك و الله الإنتظار صعب بس الحمد لله انت على الأقل تحولتي للتوطين و الحمد لله أكيد اللي ظل أقصر بهواااااااية من اللي راح
فإصبري و توكلي على الله و إدعي الله ييسر أمركم
و إتذكري أنه دائماً بعد الهم و الغم يجي فرج و يسر " فإن مع العسر يسراً"
و كندا مكان زين ، فإصبري لأن النتيجة ممتازة بإذن الله عز و جل
الله يفرج همكم و إن شاء الله نسمع أخبار سفركم قريباً
و تذكري قول الرسول الكريم عليه الصلاة و السلام : " من أكثر من الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب "
تحياتي