ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو نخوة في 00:28 23/06/2009
-
السلام عليكم اخواني واخواتي الاعزاء بصراحة اكثر المواضيح الي تتداول بهذا المنتدى كلهة على لجوء امريكا فارجوا من الاخوان الي بمصر وخاصة المتحولين على كندا التواصل معنا ونشر اي موضوع يخص لجوئهم الى كندا حتى ولو يسمع اي خبر مفرح على الاقل يخفف علينا شوية من الانتظار الممل والي يعرف احد اخذ موعد سفر الى كندا من مصر يكول على الاقل نرتاح شوية ولكم جزيل الشكر اخوكم ابو نخوة من مصر
-
صحيح اخوية ا بو نخوة كلامك بس شنسوي مع الاسف محد يحجي بهذا الوكت ما ادري ليش شنو هذا الغموض
-
الاخ المحترم صابروراضي الله يوفقك ويسهل سفرك بس هم ماجاوبتنا حضرتك حاليا في اي بلد ومتى موعد سفرك ومتى تحول ملفك للسفارة الكندية ننتظر منك الاجابة وان شاء الله توصل بالسلامه
-
سلام للجميع
اخويا ابو النخوة صدكني داستغرب معقولة ماكو ناس محولين كندا اتذكر قبل شهرين جنت اشوف هواية منهم اسيل من مصر واخت الخ ماتذكر اسمها والاخت المهجرة وشخص دزلي على الخاص اسمه احمد وماكو اختفى وكال اني بمصر يعني مانعرف شنو هذا الخوف مالتهم مايحجون كل العالم ديسافرون قابل بس احنا وكندا مثلها مثل غيرها
بس اني الي اعرف اكو عائلتين مقابلين شهر 11 ومكملين كلشي ولي هسة ماخابروهم
اخويا صابر وراضي الله يوفقك انشاء الله وتوصل بالسلامة بس كللنا انت باي بلد
-
مرحبا اخت ناردين صحيح كلامك بس للاسف محد يشارك بهذا المنتدى الي مقبولين ومخلصين فحص بهذا المنتدى ما اعرف يخافون من الحسد الموضوع بما فيه نريد نعرف اكو تحرك من قبل السفارة الكندية في مصر لا اكثر هسة اني مكمل فحص ودورة تثقيفية من شهر الخامس 2009 ومنتظر والله كريم وانتي اكيد تعرفين وضعيةالسفارة الكندية شكد بطيئة فياريت من الاخوة الي مقبولين اذا يسمعون خبر على الاقل يخفف علينا شوية ومن الله التوفيق اخوكم ابو نخوة
-
السلام عليكم
اخواني فعلا توقف اللجؤ لكندا ,هذا يعني الما معطيهم فورمات ما يعطوهم السنه هذه لحد 2010 ,علما ملفي محول للسفارة ,بس بدون فورمات, اريد اعرف الحقيقة رجاءا
-
الاخ العزيز ابو النخوة اني من مصر ومقدم على السفارة الكندية والحمدلله قبلوني قابلت وكملت فحوصات طبية صار شهر وقبل اسبوع خابرتني السفارة الكندية لاعادة الفحص الطبي لوالدتي وفعلا عادوا الفحص وبعد مانعرف اي شيء من الله التساهيل ان شاء الله الفرج قريب لكل العراقيين
-
عزيزي الاخ skn هذه مسالة عادية بالنسبة لاعادة فحص والدتك الظاهر بالفحص الاولي كان مواضح عدهم فعادو الفحص بس ما ذكرت انت سويت دورة تثقيفية بالاي او ام ارجو الرد اخوك ابو نخوة من مصر
-
الاخ العزيز ابو نخوة والله لحد الان ممسوي دورة تثقيفيه
-
السلام عليكم اخوان
اخي ابو نخوة والله ملينة ندخل للمنتدى ومنشوف اي خبر ايفرح عن كندا يعني الواحد قابل ايضل بس يشكي ويكول ماكو شي ماكو شي هم الاعضاء ملو
قبل كم يوم نزلت موضوع عن سفارة كندا وصبرنا وياها يمكن مقريتو
ياريت الواحد يسمع خبر حلو حتى يدخل ايفرح اخوانة اذا احنة حالنة حالكم
احنة خلصنة الدورة التثقيفية شهرالرابع ولحد الان ماكو شي
والله يفرجها علينا وعلى الجميع سواء بمصر او اي بلد
شكرا الك وللاخت ناردين الي ذكرتني الله ايفرجها عليج عزيزتي
بس ملاحظة احب اضيفها ليش حاطين ابالكم انو جماعة كندا كتومين وميكولون عن كل خطواتهم
وخايفين من الحسد
اي حسد واي كتمان همة جماعة كندا متكآبين والمفروض الناس تبجي على حالهم مو تحسدهم
يعني اعرف جماعة خلصو دورة تثقيفية من شهر الواحد ولحد الان ماااااااااااااااااااااكو اي شي
الواحد شيصير بي من يسمع هيجي شي
الله كريم والله ايصبرنة وايصبركم اخواني الكرام
-
حبيبتي اسيل اني الي اشكرج
احنا مو قصدنا الي بمصر بس بكل الدول العربية يعني من ايام سمعت من اصدقاء النه موجودين بليبيا هما متحولين كندا يكولون هنا هواية ديحولوهم كندا اكثر من امريكا طيب مو اكو بتركيا ولبنان وسوريا واخوانا بالاردن ماديقصرون ولو هما كم واحد بس خلف الله عليهم اي شي يسمعو يكتبون
الله كريم حبيبتي ويسهل امور الجميع