ankawa
منتدى الهجرة واللجوء => الهجرة و واللاجئين => الموضوع حرر بواسطة: starxb في 23:32 23/06/2009
-
مرحبا شباب اخوكم عضو جديد اشكركم على المعلومات القيمة الي دة تقدموهه النا واذا تساعدونة على الجواب عن سوالنة نكون ممنونين الكم احنة قابلنة الوفد يوم 25/5وبعدهه يوم 11/6كالو عدكم فحص طبي بحلب وحنة ممستلمين النتيجة اذا مقبولين او مرفوضين اخوان احد عندة معرفة بهاذة الاجراء وليش ما بلغونة النتيجة ارجوكم اخوان جاوبونة على هذا السوال لان صبرنة خلص وتقبلو فائق شكرنا الكم وتقديرنا وعذرونة اذا طولنة الارسالة
-
اخويه اهلا بيك ونورت
وهذا اجراء عادي واخوك ينتظر الموافقه المصخمه ولحد الان ممستلم نتيجه بس عرفتها بالتلفون وانته مقبول 100000000000000000000000000000000% مادام انطوك موعد فحص يعني مقبول وما اقبل بغير طلي هرفي والف مبروك وموفق انشاءالله
-
هذا الموضوع لازم يتثبت لان يومية عايدين نفس الحجي
-
عبس تريد تكطع رزقنه اذا يثبت منحصل لا طلي ولا نعجه
-
هههههههههههههههه والله عكعك صدك خربت من الضحك على التعليق شعدنة غير كالت ال 90 بالمية وحجت ال 95 بالمية
-
لا اليوم النسبه صعدت شويه حتى ميبين نفس السؤال
-
الله يسمع منكم لان صارلي يومين دمرت من التفكير شو يكولون الموافقة ما الهة علاقة بالفحص يعني اللي مسويي فحص مو شرط مقبول!!!!! هو اني كاضي و هالمرة اجاني هذا الفلم المرتب
-
حبيبي عاشق تراب العراق شدتحجي روح والهوة بظهرك مولانا عكعك بعد افتى بيها
-
السلام عليكم اخواني وخواتي . بالبدايه احب اشكركم على هذا المنتدا الرائع الذي يعتبر المتنفس الوحيد لنا وبصراحه انا كنت من متابعي هذا المنتدا الجميل بل الاكثر من جميل ومفيد احب اخص بالشكر اخويه عكعك الورده واخويه عبسي على خلق هذا الجو التفائلي وتتقديم مايمتلكونه منخبره في هذا المجال وافادت جميع احبتنه من الذين ينتضرون اخبار هذه القضيه المتعبه وشكري الى جميع اعضاء المنتدا وارجو ان لايزعل علي باقي الاعضاء الذين لم اذكر اسمائهم . وانا اسف على الاطاله . اتمنا للجميع الموفقيه ودوام المواصله وعلى فعل الخير . اخوكم ستار اكس بي وشكرا :-* :-*
-
ههههههههه اي عبسي الله يطول عمرة لمولانا بس المشكلة الهوة كام يفر بية و اني بمكاني, و اني حاير شلون ادز الهرفي لمولاناعكعك احتمال من اسافر انزلة من الطيارة فوك العمارة مو خوش فكرة ؟؟؟؟
-
عاشق تراب العراق
اخويه طريقه التوصيل هذا شغلنه احنه نعرف شلون ناخذ حقنا بس اريدك تبشرنا بالموافقه انشاءالله ودع القلق علينا اتمنالك التوفيق انشاءالله
-
بس خلي تجي الموافقة و اني اجيك راكب جمل و اذبحة جوة رجلك مولانا لان اني بقت بس الحلقة الاخيرة مني
-
ان شاء الله مقبول ولتنسه ابشارة اخونا عكعك
-
بحيل الله نفرح كلنة بقبولنة و ميبقى احد حاير و ضايج ان شاء الله
-
السلام عليكم اخواني وخواتي اخويه عاشق اتراب العراق الله ايفرح كلبك واتبشرنه بالموافقه وموعد السفر اسئلك سوئال ؟ انته هم مثل مشكلتي يعني انته بعد مقابلت المحلفين خبروك وكالولك روح سوي فحص يم الدكتور الفلاني ؟ يعني انته من حلب . واما بخصوص الهرفي فهذا عليه اني اجيبه لخويه عكعك واذبحه جوه رجليه واشويلهيا وبعد الى مني كطان لو بنيه سكف على الطريقه البغداديه الاصيله واني اسكفهه بيدي لن اني خبره بالسكف والموفقيه للجميع وانشالله نتراسل كلمن من الولاايه الي يتمناهه
:-*
-
ههههههههههههه و الله ضحكتني هسة احنة عفنة كلشي و حرنة بمولانا عكعوك و الهدايا مالتة .
حبيبي اني بسوريا بس اني بالشام و هم قابلت بشهر الخامس و ورة فترة خابروني و دزوني على دكتور و كملت الفحوصات و التحاليل بيومين و ذاك يوم و هذا يوم و ماكو حتى موعد استلام ظرف و سؤال اخر من فابلت منطوكم موعد تقريبي لاستلام الظرف احنة كالو شهر و نص الى شهرين و هاي راح يصير شهر و 9 ايام و الله كريم و بالمناسبة انت خابرت مصر و سالت على الامنية مالتك لو لا ؟؟؟
تحياتي و تمنياتي بالموفقيةق
-
السلام عليكم اخواني اخويه عاشق تراب العراق نعم اني بعد ما خبروني انتهت المقابله حددولي موعد تقريبي منشهر ونصف الى شهرين . هذا في يوم 25\5\2009. وفي يوم 9\6\اتصل بيه شخص وخبرني ان اذهب الى الدكتور . وذهبت الى الدكتور واكملنه الفحوصات وفي يوم 11\6 سلمنا الفحوصات الى الدكتور . وقبل 3 ايام اتصلت بال اي او ام وسئلتهم عن ما جرى فاجابوني بعد 20 يوم توصل الموافقات . فا سئلتهم هل يعتبر اجرائنه الفحوصات موافقه مبدئيه فاجابو لا يوجد علاقه بين الفحص الطبي والموافقه . وقالت الموضفه .سنجري فحوصات طبيه لكل من اكمل مقابلة المحلفين . هذا كل الي جره والصار بيه . والله ايطمن كلبك وكلوب جميع اخوانه وخواتنه الي ينتضرون .اسف على الاطاله سلاامي الى جميع اعضاء المنتدا
-
شلونك اخوية العزيز ستاربكس اني اليوم هم خابرت على الاي او ام و كالتلي البنية انتظرو تلفون هالاسبوع لو هالاسبوعين و تجي المغلفات مال المحلفين و الله كريم و بعدين جيراني مقابل محلفين من شهر التاسع 2008 و اجا قيد الدراسة و ليهسة بعدة قيد الدراسة و ممسوي فحص طبي يعني راح يصيرلة سنة و بعدة ممسوي فحص لان بعدة قيد الدراسة فشلون ياهو اللي مقابل محلف يسوي فحص
-
اخواني على حجيكم هذا الاي او ام مال عمان حيل ارتب كلها مواعيد ونظام وترتيب من اول ما تروح للمحلفين انتة تعرف شوكت تستلم ظرفك
-
السلام عليكم اخوان خوات اشكركم على الاهتمام بهاذا الموضوع العام وليس موضوعي فقط . والله يااخويه عاشق تراب العراق ماعدنه غير الدعاء الى الله عز وجل والصبر . اخويه عبسي شنسوي غير قسمتنه جابتنه هنا . ولو مننكر انو احنه هنا ابسوريا ضيوف . والشعب السوري العزيز ما قصر بستضافتنه . طبعا اني عايش هواي بالاردن من ال 1996 اكثر من ست اشهر وعندي عندي سفرات متكرره . وبصراحه وجدت ان الشعب السوري اكثر موده ومحبه من الشعب الاردني الى العراقيين . وخاصه في المحافضات السوريه. اسف على الاطاله وتمنياتي للجميع بالموفقيه ومنال الفيزه . علمن اني من بغداد ;)
-
اي و الله صدك بعمان مرتبين اكثر و الجماعة هنا ميعرفون راسهم من رجلهم , بس فعلا الشعب السوري جدا ودود وية العراقيين اما الاردنيين فمينجرعون و الله ان شاء الله يفرجهة على الجميع و يطلعونة على السرعة السريعة و نكول يا الله
-
اخي العزيز إني هم بسوريا وقابلنا الوفد يوم 28/5 والفحوصات صارت يومي 8-9/6/2009 .. ويوم 18/6/2009 خابروا على كفيلي وراح وقّع الأوراق وگالوله حضرنالهم شقة 3 غرف نوم وصالة بحِكم إحنا عائلتنا كبيرة تتكون من 7 أفراد وگلوله بعد شهر يجوووون ؟؟؟ بادرت يوم الخميس الماضي ورحت أستفسر من منظمة الهجرة ووياية الجواز والكارد الأخضر فما خلوني أفوت وإنطالي الموظف من الباب أرقام للأستفسار .. فخابرت وبعد فترة عشر دقائق حصلت ومن سألت الموظفة إللي جاوبتني من ورة خشمها على إللي صار ويانا گالت ما أعرف إنتظر تلفون .؟؟؟ ( خوش جواب ملبلب ) ....
بس إحنا لحد الآن لا موافقة أمنية ولا شيء .. وإذا جان كلام الموظفة لكفيلي دقيق وصحيح شلون لعد شهر يجون وإحنا أهنا ما عدنا لا خبر ولا جفية ولا حامض ولا شربت ؟؟؟؟
تمنياتي للجميع بالتوفيق والإستقرار بأقرب وقت .... †
أخــوكــُم / وسـام بهنـام داؤد الخابـــوري
-
اخوية العزيز راهب الحب ترة همة الموظفين ميعرفون شي يعني على غفلة راح يخابرونة و يكولون تعالو استلمو الظرف لان اني من خابرتهم كالو يجوز هالاسبوع و يجوز اسبوعين و نتصل بيكم اصلا همة ميدرون و ان شاء الله تسافرون منا لشهر و مو تنسة تبشرنة
-
السلام عليكم اخواني اعضاء المنتدى شكرا اخواني على التواصل وياية وبالنسبة لخوية راهب الحب تشرفت بمعرفتك وانشالله تسافر قبل الشهر ويوم لكل اعضاء المنتدى يجيهم خبر يفرحون بي واحب اعرف انتة من حلب لو من الشام واتمنة من الاخوان اعضاء المنتدى هو من يابلد ومن يامحافضة اذا هو بسورية وشكرا الكم مرة ثانية على تواصلكم ويانة اخوكم star xb
-
أخوية العزيز starxp أني بالشام وساكن بجرمانا وصارلنا خمس سنين اهنا ؟؟ وأي شيء تحتاج اني حاضر وبرسم الخدمة ( تكرم عينك خيــو ) .... †
-
اخي العزيز راهب الحب تحية اللك وتسلم وانشالله السفر القريب اللك ولجميع اعضاء المنتدى واني هم كنت ساكن جرمانة شارع القوس وبنتي انولدت هناك وعندي هواية اصدقاء من ضمنهم وليد ابو فادي اذا تعرفه وشكرا على تواصلك ويايه ونتمنى التقيك بامريكا باقرب وقت اخوك star xb