ankawa
منتدى الهجرة واللجوء => الهجرة و واللاجئين => الموضوع حرر بواسطة: dodo micheal في 03:04 24/06/2009
-
اني اتصلت با ايو ان علمود اسال على ملفي اذا متحول على السفارة الكندية لو بعده بقسم التوطين واني قابلت مقابلة التوطين يوم 4/3/2009 جاوب علي موظف يو ان انه احتمال الملف يتحول على قسم الحماية زين ليش قسم الحماية شنو دخل قسم الحماية بالسفارة الكندية وبمعاملتي ارجوكم اذا احد مر بهيجي حالة لا يبخل على وليش لحد الان ملفي ما تحول الى السفارة الكندية معقولة يطول هيجي مدة اكثر من 3 شهور ونص
وشكرا هوايا الكم يااخوتي
-
اختي العزيزة تذكرين من جنتي تسالين ليش السفارة الكندية ما دزتلج الفورمات وجنت اسالج انتي اليو ان كالولج حولناج للكندية لو كالولج يمكن راح نحولج اختي العزيزة الصابرة موقفج انتي الان كالتالي انتي قابلتي مقابلة توطين واكيد كالتلج الموظفة انه راح ندرس ملفج فاعتقد انه لحد الان ما اتخذو قرار التوطين فيبقة الملف بين الحماية والتوطين الا ان يتخذون القرار بالقريب العاجل وتسافرين وترتاحين وتصير سوالف
-
اخويا العزيز عبسي اني لما قابلت مقابلة التوطين الموظفة كالتلي انه راح نحول ملفج الى السفارة الكندية وانتظري تلفون منا وكالت انه الملف مالتج حالة خطرة وانشالله خير شنو السالفة ليش هيجي قسمتي
يلا الله كريم
-
عزيزتي
لما قابلتي اخذو منج صور وطلبو منك توقيع هاي نقطة ؟
موظف يبلغ مباشر انو ملفك تحول لفلان بلد مباشر ؟
اكيد لا لان جنيف هي تقرر الى اي بلد يتوجه ملفك الا بحالة نكول 70% اذا اثناء مقابلة بلغتيهم عندك اقارب اخ ام اب في كندا او او كذا وكذا جنيف تنظر بالموضوع على انو ودو عند اقاربة طبعا انت وجنصك ممكن تحصلي ع كندا وممكن لا ومن ثم يتحول الى دول اخرى الى ان تجدي قبول من الدول التي ينعرض عليها الملف
قسم حماية : احتمال اكو فقرة مرت بحياتج قمتي انت بتوضيحها تحتاج الى قسم حماية كي يعطو اولوية لقبولك في التوطين واكيد انت تعرفين هاي فقرة
قطة
-
اختي العزيزة اني هم قابلت اول شي مقابلة و تصورتهة انه هية مقابلة توطين و الموظفة بوقتهة كتلهة اني اخوية بالسويد و عندة جنسيةو كالتلي بنهاية المقابلة اتفاءل لانه يجوز السنة الجاية راح تكون بستوكهولم يم اخوك و بعد انتظار شهرين اتصلو بيه على مقابلة اعادة توطين و طلعتلي امريكا و الحمد لله و الشكر فانت بعدة فايلج بقسم الحماية و من يقررون يحيلون ملفج على التوطين يحولو لقسم التوطين و تقابلين مقابلة توطين بس هية المدة اللي بين الحماية و احالتج على التوطين ممعلومة و ان شاء الله يتصلون بيكم قريبا
-
السلام عليكم
اخواني اخواتي اي شخص يتحول ملفة على اي بلد اوربي او كندي غير امريكا يبقي من 3 اشهر الى 6 اشهر وتجي النتيجة هاذا الحجي من المحامية في اليوان انا سئلتها وهاذا كان جوابها
تحياتي لكم
-
شكرا كثير الكم اخت
قطة
عاشق تراب العراق
جرح الزمن
عبسي
بس اريد اجاوبك على سؤال حبيتي واختي قطة اني اخذوا مني 4 صور الي ول ابني وعنوان اختي بكندا ورقم تلفونها
وكانت المقابلة على اساس انه اريد اروح لكندا والموظفة حجتلي انه راح نبعث ملفك للسفارة وانتظري تلفون
وشكرا الكم يا اخوتي
دودو من عمان
-
اخت دودو اني اعرف اكثر من شخص نفس شغلتج كالولهم انتو على كندا وصارلهم من شهر الثاني ولحد الان ماكو جواب ...
بس هسه اكو تحريك ملفات يعني كاعد يشتغلون ويمشون معاملات وانشالله بالقريب العاجل يتصلون ويبشروج بالمقابله ... ما عندك غير الدعاء لله وحده وصدقيني ربك ما يخيب امل احد
اخوك : الفريدو
-
اخوي العزيز الفريدو يا اطيب قلب
اني اشكرك على كل شي ساعدتني بي على الخاص واني دزيت رسالة على يو ان مثل ما حجيتلي والله كريم انشالله خير وشكرا على مرورك اخويا العريز
-
ان شاء الله يتصلون بيكم عن قريب وترتاحون