ankawa
منتدى الهجرة واللجوء => الهجرة و واللاجئين => الموضوع حرر بواسطة: الفراتي في 13:15 24/06/2009
-
اذا تذكرون انه اني قلت الكم انه تم تحويل ملفي الى قسم التوطين بتاريخ 4\6\2008 وقبل يومين فقط يالله اتصلوا على قسم الحماية وقالوا نريد نتاكد من مصداقية اقوالك بعد ما اهملوا ملفي لمدة سنة كاملة بس الفضل لله اولا ثم اجتني الخدمة الاجتماعية للبيت زيارة علمود الاولاد فقلت لهم انه ملفي متاخر اكثر من سنة واعدتني الاجنبية اللي اجت معاهم انها تشوف الموضوع وصدق بعد اسبوع فقط من زيارتهم خابروني قسم الحماية وعدنا القصة من جديد وتاكدوا ان اقوالي متطابقة مع اقوالي بقسم التوطين والحمدلله وذبيت الميانه مع الموظفه شوي كانت حلوه وصار ضحك وشقى بيناتنا بس طبعا زوجتي مو وياي لانهم طلبوا مقابلتي لوحدي المهم ثاني يوم خابروني مرة ثانية وقالوا عندي موعد الاثنين الجاي 29\6 \2009 وطبعا ايضا اقول لكم شنو الصار وياي انا كنت احب اني اشارك اكثر بالمواضيع بس لانه انا بعدني مو متحول على دائرة الهجرة فجعبتي قليلة بالمعلومات بس طبعا عندي اتصالات دائمة باصدقائي اللي بامريكا ومن مواضيعكم الطيبة والمفيدة تكونت عندي صورة رائعة للوضع بمحاسنه ومساوئه وطبعا انا اعارض اي واحد يرفض الخروج من بلاد اللجوء الى بلاد التوطين اي الوطن البديل ياخوان نعم في مشاكل بامريكا وغيرها بس بلد ضخم مثل امريكا وما تريدون بيه مشاكل هاي مستحيله بس ليش ماننظر الى الجانب المشرق من الامر ونشوف شنو وضعنا هنا بالاردن او حتى سوريا او مصر يعني تتوقعون هنا احسن لا والله شفنا الذله والبهدله بهاي الدول وهناك اقل الفوائد هي انك راح تكون مواطن الك حقوقك وبلد قانون لا عشائر ولاواسطات ولا محسوبيه ولا طائفية يعني تعيش بكرامة واثنين تشتغل براحتك ماتخاف من متابعة الوافدين او يحقد عليك ابن البلد ويشتكي عليك بالمخابرات وتضيع وتتسفر نعم الشغل صعب والظروف شوي صعبه بامريكا بس يعني شنو اللي تغير علينا مو احنا قضيناها ضيم بضيم من الحصار الى الاحتلال الى الضياع والتيه في بلاد الغربه يعني صراحة مش فارقة معي يازلمه العكس هو الاستقرار الي ولاولادي ومتابعة حياتنا والله ييسر امور الجميع وانا راح احاول اكون على اتصال معاكم واضيف الجديد من المواضيع واكو معلومه حلوه قال لي ايها احد اصدقائي اللي بامريكا وهي ماكو عراقي حاليا يمنا بدون شغل بس اللي جاي يجون جديد لكن بعضنا مايحب الخير لغيره ويسودها بعيون الناس والله ياخوان اللي عاش بضيم وشاف الفقر وضيق الحال ماراح تفرق عنده امريكا لو غيرها بل العكس لعله راح تكون فرصة العمر اله والله الموفق اخوكم الفراتي
-
اخويه الفراتي الف مبروك وانشالله نسمع اخبارك بخير وتسلم على هذه الكلمات الرائعه وبصراحه انا معك شفنا الضيم هنا وانشالله ربك يفتحها عليك وعلينا ويسهل امرك ياربي
اخوك : الفريدو
-
الف مبروك وانشاءالله خير اتمنالك التوفيق بالقابله القادمه
تحياتي
-
مع كل الخير والموفقية الك والى عائلتك وهذا الخبر بصراحة مفرح جدا ياابن الفرات الطيبة بترابه وزرعه واهله وناسه وان شاءالله ياربي يفرجهة عليك وعلى كل العراقيين ذولة الناس الطيبين اهل الغيرة والشيمة والنخوة .
-
مبررروك اخي العزيز انشاءالله يعوض صبرك خير
تحياتي
ساسي
-
الف مبروك اخي انشاء الله كل الخير امامك
بلتوفيق
اخوك الشذر
-
مبروك بالتوفيق انشاء الله وندعو من الله باتسهيل امرك
همر