منتدى الهجرة واللجوء => الهجرة و واللاجئين => الموضوع حرر بواسطة: koka75 في 21:19 24/06/2009
العنوان: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: koka75 في 21:19 24/06/2009
انا عراقي عملت مع القوات الامريكية كمقاول من سنة 2004 لغاية 2006 حيث تم تهديدي ومحاولة قتلي فخرجت من العراق ولكن استمريت بالعمل مع القوات الامريكية وانا خارج العراق لغاية سنة 2009 حاولت الذهاب الى مصر ولم احص على الفيزا وحاولت الدخول الى الاردن وتم (شحتي من الحدود بين سوريا والاردن)فاتجهت الى بلغاريا-صوفيا وقدمت لجوء وحصلت عاللجوء وانا الان اعيش في بلغاريا مع عائلتي ولكني ارغب بالتقديم على برنامج اللاجئين الى الولايات المتحدة او برنامج الهجرة الخاصة - فاي البرنامجين استطيع ان اقدم عليها وهل استطيع ام لا لكوني لاجيئ في بلغاريا وهل استطيع ان اقدم من موقعي هنا من بلغاريا -او هل استطيع الذهاب الى الاردن (بمعنة هل اكو فيز للعراقيين الان ام لا) وهل استطيع الذهاب الى مصر هل اكو فيز ام لا وللملاحضة ان اخي قدم من مصر وانشالله سيسافر الى امريكا نهاية الشهر القادم- ارجو مساعدتي وهل استطيع ان اقدم من العراق من السفارة الامريكية في العراق ام لا استطيع الرجوع حيث انا متخوف لو رجعت الى العراق راح يكولولي لعد انت غير مهدد وماكو عليك شي اسف عالاطالة ويرجى مساعدتي حيث انا متزوج ولدي اربع اطفال-- يرجى مساعدتي للضرورة القصوى واني ادري اعضاء هذا المنتدى مايقصرون وشكرا مرة اخرى
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: Safaa Alkhrkhy في 22:16 24/06/2009
اخوية افضل شيء اللك وحتى تقطع الشك باليقين مثل مايكولون انه ترسل ايميل الى منظمة الهجرة الدولية ببغداد تشرحلهم الموضوع كلهة وتشوف شيكلولك واكو حل ثاني انه تتصل بمصر او الاردن هاتفيا وتستفسر منهم حول امكانية تقديمك المباشر من عمان او مصر او بغداد وطبعا انتة اذا قدمت ببغداد مابيهة اية مشكلة اللهم سوى كونك الان بوضع لاجيء في بلغاريا ولكن الذي استغرب له واثار تساؤلي هو بقاؤك لغاية 2009 لاتعرف شيئا عن البرنامج الخاص بالتقديم الى IOm وكان باستطاعتك السكن في سوريا وتقدم على بغداد من هناك مثل مافعلت انا تقبل تحياتي
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: koka75 في 11:35 25/06/2009
اخي العزيز صفاء اولا شكرا على اجابتك وثانيا انا اعرف نفسي اني متاخر جدا بالضبط قبل سنة سمعت ببرنامج االلجئين العراقيين الى الولايات المتحدة الامريكية واخي قدم من مصر عليه والحمدالى الله بعد عشرين يوم سيسافر الى امريكا المهم منقبل سنة سمعت بالبرنامج وبعثت برسائل الى مكتب مصر والى مكتب الاردن ولم يصلني اي جواب منهم فدزيت اخوية عليهم الى مصر لانه ساكن في مصر وخليتة يقدم مناك ويجيبلي رقم تليفونهم واتصلت بيهم منانة الى مصر وحجيت وياهم هواية وجان جوابهم اولا ماعرف اذا يقبلوك لانك لاجيئ في بلغاريا تعال لهنا وقدم وتبقة يمهم وثانيا لازم تجي بنفسك الى مصر حاولت ان احصل عالفيزا الى مصر قدمت 3 مرات الى السفارة هنا وحصلت رفض وانت تعرف لماذا لانني عراقي والعراقي غير مرغوب به في مكان ولهذا اتصلت باصدقاءي في مصر وقالو يكدرون يجيبولي الفيزا ب 1500 دولار للشخص الواحد وبما ان لدي عائلة كبيرة اربع اطفال وانا وزوجتي يعني 9000 دولار لازم ادفع والشغلة مو مضمونة يعني محد كلي تعال وقدم وتنقبل يعني محد كال اللجوء مالتي مال بلغاريا ممياثر عالتقديم المهم ذهبت الى السفارة الامريكية هنا في بلغاريا وكالو ميصير تقدم منانه من بلغاريا لان ماعدنه هذاالبرنامج لازم من مكاتب الاردن لو مصر لو تركيا المهم فبقيت كاعد وساكت اما الان فسمعت ببرنامج الهجرة الخاصة الي اطدولي انه متاثر شغلة اللجوء مالتي الي مسويه اهنا مياثر عليها فلهذا قررت استفسر عنه واقدم عليه والي اترجاه من اخواني واخواتي اعضاء هذا المنتدى انه يساعدوني بكل المعلومات الي عدهم وشكرا لك اخوية العزيز
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: Safaa Alkhrkhy في 12:10 25/06/2009
أخي نصيحيتي الك وبعد الاطلاع على حالتك انه لازم وحتما اتقدم على البرنامج من عمان او بغداد واذا اتحب اتصل هاتفيا بيهم او اكتب الى بغداد ايميل واشرحلهم الفلم مالتك ........ اني اشوف اضمن شي هوة هذا اما عمان او بغداد ....... وفي كل الاحوال انتة لاتضل كاعد دور وبحوش ولاتسكت ودزلهم يومية عشر ايميلات اذا ماجاوبوك بالبداية واشكرك
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: انطوان الصنا في 15:03 25/06/2009
1 - نصيحتي ان تقدم على فيزا الاردنية ويمكن ان تحصل عليها وتذهب الى الاردن بعد رفض مصر لان التقديم المباشر للمترجمين والعاملين مع الامريكان موجود ومنظم وفيه تسهيلات حتى افضل من مصر ...
2 - لا انصحك بالعودة والتقديم عن طريق العراق لان المعاملات تتأخر وعليها زخم ...
3 - استمر في مسعاك بمخاطبة اي او ام بالهاتف والايميل لكن لا تعتمد عليها دائما حاول ان تحصل على مواعيد مقابلات واي كلام اخر لا ينفع ومضيعة للوقت مع تقديري
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: القرش في 15:07 25/06/2009
السلام عليكم
اخويه العزيز مثلما اخبروك اخواني . الصحيح هو ان تتأكد قبل ان تقوم بأي عمل تندم عليه .. اولآ ارسل ايميلات الى مصر والاردن والعراق واشرح الحاله وتأكد من كلامهم وبعدين قرر لاي مكان ستسافر . وتكدر تتصل بهم وتشرح الحال .. اتمنالك الموفقيه .
ابو انس
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: الذكي في 19:20 25/06/2009
حبيبي الغالي ما اعرف شنو المشكلة ليش تريد تحول علة امريكا من بلغاريا ليش هي بلغاريا شبيها دولة اوربية وانضمت للاتحاد الاوربي والعيشة بيها حسب مسامع زينة وعلة كل اني هم ما اشوف بيها مشكلة انه اذا رحت لغير دولة مثل تركيا او الاردن او سوريا وتقدم علة اليوان لانه اني اعرف جماعة اجوي من اليونان وماخذين طبع اصابعهم وهم اجوي لتركيا وقدموا علة اليو ان وطلعلهم قبول يعني هم ماعندك مشكلة وبالتوفيق انشاء الله
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: BaghdadGhost في 21:20 25/06/2009
اخي العزيز ,,,,,
فيما يخص ال SIV ,,, مبدئيا نعم يحق لك التقديم ,,,,, يحق لك التقديم من اي بلد من البلدان ,,,,, اذا ناوي ترجع للعراق هاي بكيفك بعد و هم يحقلك ان تقدم من العراق ,,,, ارجوك ان تدخل على المواضيع ادناه و التعرف على البرنامج و في حال مفتهمت خطوه من الخطوات اني راح اكون بالخدمه ,,,,,,
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: koka75 في 21:52 25/06/2009
شكرا لكل الذين ردو على اسالتي والله يخليكم -الله يخليك شبح بغداد ترة اخوووك دايخ ومداعرف راسي من رجلي رحمة علوالديك تكدر تفهمني شلون ابلش بالتقديم وشنو الاوراق المطلوبة ووين ادزها الى اي جهة لان اني قررت اقدم عال s.i.v. لانه بما انني استطيع ان اقدم من اي مكان بالعالم فاعتقد هذا احسن شي الية واما بالنسبة الى الاخ الي قال ان بلغاريا زينة ومابيها مشاكل فالي اترجاه ان يسال عليها ويتاكد منها زين ابسط حالة اكلك بيها كل مانطلع انا وزوجتي واطفالي ونتمشة بحديقة لو بشارع عبالك الناس كلها ضدنة واقصد بهاذا الشي لان زوجتي محجبة والشعب البلغاري اول وتالي حتة لوفات الى اوربا فهو شعب شيوعي ولايحب الاسلام هذا اول شي وثاني شي لم استطع العمل هنا معهم انا صارلي حوالي سنتين ونص ابلغاريا وموصلت نتيجة المهم ارجو من الاخ شبح بغداد مساعدتي لانني مدافتهم شنو الاوراق المطلوب ادزها ووين ادزها وشنو التقصدوه بالمرحلة الاولى وشنو المرحلة الثانية الله يخليكم اشروحولي لان اخووكم دايخ
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: vincenzo في 02:09 26/06/2009
صديقي كوكا من تقره المواضيع اللي دزلكياهه الشبح شوف موضوع تقديمي وبعدين دزايميل الى IraqSIVapplication@state.gov واسالهم شلون تقدم او بس كلهم الله بو الخير وهمه يدزولك تفاصيل التقديم و checklist بيهه كل اللي يريدوه وروابط لمواقع حكومية تشرحلك كلشي وكلاشي بس اهم شي تكون على اتصال مستمر بالمسؤول الامريكي عنك اثناء شغلك وية الجهه الامريكية اللي جنت تشتغل وياهه واخيرا God Bless America اللي ماكو احسن منهه
العنوان: رد: اخواني واخواتي اعضاء المنتدى -الرجاء الرجاء مساعدتي-دخيلكم كلكم
أرسل بواسطة: BaghdadGhost في 02:30 26/06/2009
اخوان ,,,,,,
ان شاء الله مراح اقصر ويه اخونه koka75 و هو يعرف شنو قصدي بهذا الكلام ,,,,,