ankawa
منتدى الهجرة واللجوء => الهجرة و واللاجئين => الموضوع حرر بواسطة: Safaa Alkhrkhy في 21:27 24/06/2009
-
عندي صديق طلع تهريب الى اوربا ... وعند وصوله الى النرويج طلب لجوء هناك فقامت الشرطة بأدخاله الى (كامب) ولسوء حظه فأن صديقي هذا له شكل لايشبه العراقيين حيث انه يعطي شبه قوي الى (السودانيين) او على الاقل (المصريين السود) ولهذا السبب شكوا فيه كثيرا ولم يصدقوا قصته وقالوا له بأنك لست عراقي وربما تكون سوداني او مصري عايش في العراق لفترة طويلة قدرت ان تتقن اللهجة العراقية فيها .... ومرت عليه ايام كثيرة وهو على هذه الحالة ومما زاد الطين بلة كما يقولون انه اتلف كل مستمسكاته واوراقه الرسمية ... وبعد فترة من الزمن اخضعوه لأختبار لهجة عراقية حيث قام بسؤاله شخص عراقي وكانت من ضمن الاسئلة التي سألوها اياه مامعنى هذه الكلمات:
إستكان
باغـــة
چـوالات
خَرَنْـگعي
سختـچـي
صاموط لاموط
صرماية
مبرطم
مصارين
هذا طبعا الذي استطاع صديقي تذكرهن وهناك الكثير منهن لم يستطع تذكرهن ... وبعد هذا استطاع ان يثبت عراقيته ...اخواني فديروا بلكم خاف يسالوكم هيجي سؤال؟؟!!!
-
عمي الله يساعدهم
عمي غير ماعنده حظ صاحبك
بس شكله مو عراقي بس شلون ما يعرف كم كلمة منهن يعني لو من الزبير لو من زاخو لو من بغداد لازم يعرفهن بس هذا جان خطية مخبوص ومهبوط
والله كريم
ابو الحسن
-
هاي يشبه السودانيين وهشكل سألوه لعد لو يشبه اليابانيين شيسألوه هههههههههههه
-
السلام عليكم
ههههههههههه والله صدك لغتنا اصعب من اليابانيه . عاشت ايدك على نقل هذا الموضوع .واكو بعد هوايه كلمات عراقيه تحير .مثل
جمجه
قريوله
جفجير
جقلمبه
بيتونه
جعمقه
برغي مجيم
طسه
شيلمانه
هاي لغتنا الفريده من نوعها .
ابو انس
-
صديقي صفاء
هذا موضوع ابو انس قبل شهور
لمعرفة انك عراقي اصلي يجب ان تترجم العبارة:
فد هتلي جهره سز مشنبخ على تيغة البيتونة ديباوع على الفخاتي المكنبصات براس الدربونة اجتّه كفخه على علباته خلته يتصركع وكام يدردم " سليمة تكرفني على هل الدكه الكشرة" وكمز مثل العتوي خش جوّه علمود لا يجي راشدي او عجل على علباتة او جلاق يفتك بنطرونه الجارلس .
وهذا الرابط مالته
http://www.ankawa.com/forum/index.php/topic,278968.msg3701960.html#msg3701960
وحقوق النشر والطبع للقرش وشركائه (اللي همه اني ههههههه)
بوقتهه عبالنه نكته وهواي ضحكنه بس الضاهر صدك
-
ههههههههههههههههههههههههههههههههههههههههههههه
هههههههههههههههههههههههههههههههههههههههههههه
و الله ضحكتوني ..و دمعت من الضحك ...
الشمريه ...كلمات صعبه ... أحنه يادوووب نفهمهة........الياباني يظل يفر براسه ...
القرش .....هاي منين جبت هاي الكلمات ...
ههههههههههههههههههههههههههههه
مشكورين
-
السلام عليكم
اخويه فنجنزو احنه لازم نطالب بحقوق طبع ونشر مواضيعنا هذه والا سوف تسرق وتتسرب للاسواق المحليه .. دير بالك لازم نطالب برفع دعوى على كل من يتاجر بمواضيعنا ههههههههههههه .واكو عباره ثانيه هم سألوها لواحد عراقي في هولندا طبعآ بعد ان اخذوا موافقتي .
هل جمجه جمجتمن ؟... جمجة اسطه جماغ الجمججي
ابو انس
-
اصلا واحد من العراقيين كالولة تكدر عالسريع تعيد العبارة التالية عشر مرات واذا ما غلطت ننطيك الجنسية كبل:
حسن خش بالبستان حاش بيده خوش راس خس