ankawa
منتدى الهجرة واللجوء => الهجرة و واللاجئين => الموضوع حرر بواسطة: alkaby68 في 11:32 25/06/2009
-
حاير بين ان اذهب الى لبنان او تركيا جواز السفر حاضر وحزمت امتعتي ورجل تريد الذهاب الى لبنان لان اللغه عربيه والعمل كثير لاني مصمم ازياء وخياط ماهر جدا نسائي وكثير من اصدقائي في لبنان يقولون لي تعال هنا احسن ولكن رغبتي في تركيا في حاله رفضي فطريق القجق الى اليونان او الى بلغاريا ثم الى الى الى الى ان اصل الى المانيا او بلجيكا حيث كنت سابقا وكما تعرفون انا خبير بالقجق في اوربا فانصحوني جزاكم الله خيرا مع تحياتي لاسره المنتدى
-
والله اخويه انت تعرف مصلحتك وين وخاصة تكول عندي خبرة بس هسا تركيا صايرة اطول يعني سنة وفوك اذا لبنان اقل انصحك تروحلها لان تركيا الشغل قليل يعني اللي يجي لازم محضر فليساته ويكعد بس يصرف وانت ادرى
-
الى الاخ الحائر نصيحة الك تروح الى تركيا وخاصة انك تملك مهنة الخياطة وبالنسبة لتركيا اكثر شئ بيها هي المعامل حتى اللي مايعرف الخياطة كان يشتغل وبالنسبة لللغة لاتفكر لانك ستتعلم الكلام بسهولة وماكو اي مشكلة فانا اقول كلامي عن تجربة وبقيت هناك فترة ليست قصيرة .وتفكيري كان مثلك لكن تغير بعدما عشت في تركيا.
وفقك الله في اختيارك والرب يحميك
-
اخي العزيز
تركيا اطول المعاملة سنه او اكثر
وبالنسبة للعمل فانته صاحب المهنة الوحيده التي تكدر تشتغل بيه بتركيا حتى لو بدون لغة بس لازم تبقى باسطنبول حتى تكدر تشتغل وراتب الخياط يبدي من 500 دولار وبعد 3 اشهر يزيد و يوصل لل1000 دولار
وخلي بالك الايجارات في اسطنبول من 300 وانته صاعد عدا الفواتير
وعند غرامات قبل السفر حسب عدد افراد العائلة ومدة البقاء في تركيا
هاي معلومات بسيطة عن تركيا وانته استفسر من اصدقائك في لبنان وقارن واتخذ القرار في اسرع وقت
واتمنالك الموفقية بالاختيار
-
عمي السلام عليكم
اول شي الله يسهل عليك باي مكان تختاره سواء لبنان لو تركيا
بس اني اسولف على حالي
لو وال لو زرعوها وماخضرت
بس لو يرجع الوكت بيا اروح لتركيا لان على الاقل يا عمي هوية الامم او كتاب الامم معترف بي ومو يومية اجاك الذيب اجاك الواوي
تعال نحسبها عمي
ماليزيا اللي احنا بيها مايعترفون بكتاب الامم وحسب قناعة الشرطي اللي يوكفنا
سوريا والامن السياسي والشرطة تعترف بكتاب الامم لو على المزاج ؟حبيابنا بسوريا يجاوبوك ؟
لبنان ؟حبايبنا بلبنان ياكدولك جوابي على اللي اقراه انه مو كلش ياكل كتاب الامم
الاردن ؟فيزة شلون ؟
مصر فيزة شلون ؟
يعني تحسبها حساب ولو تركيا اغلى شي بس تركيا افضل والله واعلم
هاي اكرر اني اسولف عن حالي وانته ادرى بحالك عمي
ابو الحسن
-
والله عمي ابو الحسن كلامك ذهب وعلى الرأس وصدكني الشعب كلش طيبين ومتعاطفين ويانه هنااا
واذا على غلاء المعيشه فكل شخص يكدر يصرف على امكانيته
صحيح كلشي غالي بس يكد الشخص يرتب اموره وصراحتا ااذا اردنا مقارنتها بالعراق والدول العربيه فاعتقد وحسب ماشفت وسمعت انه العراق وتركيا نفس الشي بالنسبه للمعيشه وتركيا ارخص من الاردن هاي حسب تجربتي بس تبقى سوريا ارخص الكل من جميع النواحي
اما من ناحية اللغه فهي صحيح صعبه ولكن بالاختلاط مع التراك تسهل وتصير طبيعيه ولكن مسألت استغلال الشخص هاي ابد مشفته هنا احتمال اكو بعض الحالات في المناطق السياحيه وبعد فتره شهر متعبر على اللاجئ
واني واريد احجي بالنسبة اللي رحت العام بالصيف للجزر المعروف باسم جزر الاميرات كلفتني الرحله 10 دولارات والتقيت بكروب سياحي معضمهم امريكا فسولفت وياه واحد منهم وكلي انه الشركة ماخذه من كل نفر 150 دولار
قصد كلامي انه اي شخص ايريد يطلع ويتونس بتركيا يكد يصرف 250 دولار ويكدر يصرف 25 دولار بنفس المكان ونفس الونسه
-
اولا اشكركم هواي هواي على اهتمامكم بمشاكل الاعضاء الاخت الشمريه انا جدا ممنون منك واحب اضيف اريد اسافر وحدي بدون عائله اتصور هذا يقلل من معاناة المصرف وعندي مهن اخرى اتقنها جيدا غير الخياطه - الاخ . mate.mate اشكرك كثيرا ,وبالنسبه لللغه اعرف قليل كردي وكثير فارس بلكي يفيد وانا اتعلم بسهوله الاخ ENG.MEDO شكرا اغاتي لكن يبقى شيء واحد حتى بامكني اخليهم يوافقون على سكني باسطنبول لازم عندي عرف او اقارب حسب ما عرفت من خلال المنتدى هاي اشلون ِ؟ دحلهه هههه\\\ العم اعزيز ابو الحسن والله كلامك ذهب ما بينه حيل بعد لاجاك الذيب اجاك الواوي واتمنى من الله ان يوفقكم ويسهل اموركم تحياتي
-
اخوية العزيز حاليا ماكو زخم ودينطون اسطنبول بدون اي اقارب او اصدقاء
واني حاضر لاي سؤال
-
نعم كلام eng.medo صحيح صديقي قبل كم اسبوع قدم على اليو ان و وضعوا في اسطنبول
ونتمنى لك الموفقيه في اختيارك
-
اتمنى لك لك كل التوفيق انا موجود فى لبنان وممكن ان اساعدك فى موضوع المهنة مالتك الخياطة وارجو ان تقبل منى تحياتى ونتكلم على الخاص تحياتى