ankawa
منتدى الهجرة واللجوء => الهجرة و واللاجئين => الموضوع حرر بواسطة: HUMMER في 22:05 26/06/2009
-
ألسلام عليكم اخوان.
أحتاج أن أطلع جواز G في بغداد لأبني حديث الولاده في أسرع وقت ممكن و خارج توقيتات الجدول للمناطق.
أفتهمت من أحد ألأصدقاء أن يجب تقديم عريضه الى مدير ألجوازات العامه في ال 52 , هل هذا صحيح؟
مع الشكر الجزيل مقدما".
أخوكم HUMMER
-
اخي بالفلوس كلشي يصير ميحتاج عريضه
تحياتي
ساسي
-
صحيح اخوي العزيز بفلوس يصير وبيومين يطلعونه الك
-
صديقي هو مو كبال التعليم العالي لو ودوه لل52
المهم مثل ما كالوا الكبلي انته بس جرلك اي عرضحالجي على صفحة ومن تتفاهم وياه كون تصير ابو سوك يعني تفاهم وياه بحيث متورق اللا تستلم
واني لاحظت انه كلهم بالخدمة وخصوصا اللي بصف الباب واللي تشوفة عمره جبير وطاب طالع للدائرة لان اذا تروح لغير واحد مو ابو الانة راح ياخذ اكثر لان هم راح يرجع على واحد بيهم هو اللي يمشي هيجي شغلات
بس تعال اكلك...انته شنو استلمت فيزا ومستعجل لو شنو
لان هو جدول المناطق ميطول اسبوع اسبوعين عالاكثر
-
يابه والله أعرف بالفلوس كلشي أيصير بس هل ألأيام كلشي أتغير, مثل ما ايكلون "راحت رجال الحامض السماكي" , هاي صار مرتين انطيهه لجماعه ألمفروض أبييه و واصلين بس بعد كم يوم ينسحبون لأن خايفين!
الضاهر هل أيام اكو رقابه مو عاديه عليهم و كلمن خايف على وضيفته.
كل الي صار أنهم ضيعوا وقتي و اني ما مستعد اضيع و قت اكثر مع هيج شكولات, فقررت أن أمشي بيهه رسمي من الجوازات العامه بعد تقديم عريضه لمدير الجوازات على اساس انه أني عندي فيزا و أريد اسافر قبل ما تخلص.
صحيح الجواز ايطول أسبوعين للأصدار و لكن وقت التقديم لمنطقه سكني في الجدول هوه بعد شهرين.
أني عندي فيزا لكن أجاني طفل جديد بعد ألفيزا و هسه لازم أطلعله جواز.
على كل حال رح اروح للعامه (يم التعليم العالي) و اسال و اشوف.
شنو رئيكم؟
HUMMER
-
هاي اول مرة اسمع انه سره المناطق ممكن يطول شهرين
هاي غير شغله عاكسة
اوكي صديقي لعد اني هم جنت اريد اكلك انه الرقابة صايرة غير شكل وهسه ما عندك غير تسوي مثل ما انته سولفت بس مو تنسى وتكلله للمدير انه انته طالع SIV
يعني انته حضر نسخة ملونه من الفيزا وكلهم مال دراسة مثلا (لان اليروحون بعثات عالدولة او حتى على حسابهم ياخذون زوجاتهم واطفالهم) وممكن مثلا تكلله انه انته حصلت الفيزا بشلعان الكلب وبمساعدة استاذ امريكي بالجامعة اللي انته انقبلت بيهه او انته رتبلك فد قصة بحيث هم يقتنع وهم مينكنك ويشك انه انته SIV ولو هذولة الرتب العالية ما اعتقد الهم علاقة بالعلس بس الاحتياط واجب
-
اخي العزيز راسلني على الخاص واني ادرك على واحد انشاء الله يسويها الك
اختكم
ساسي
-
شكرا لجميع الاعضاء اللذين تعاونوا مع الاخ همر وانا اتفق مع الجميع انه بالفلوس كلشى يصير والظاهر انت اعتمدت على ناس مو كدها اتمنى ان تتسهل امورك واشكر الاخت ساسى على موقفها الله يبارك بيكم وشكرا
-
اخويه همر
والله حالي مثل حالك انهم اريد جوازات بس لجنه النزاهه لاعبه جوله بالجوازات اني ولد صديقي طلعلي اكثر من 10 جوازات كل جواز جان يستغرق اكثر شي اسبوع وحسب الطلب يعني نفس الاسم والمعلومات بس من وصلت الشغله الي اتعقدت صالرلي تقريبا شهر متاني الجوازات بس ماكو جواب يوميه باروره شكل المهم اني مواعديني بهل الاسبوع بلكت الله يسهلها واني انطيك باص مع العلم الولد يشتغل بالجوازات بس اكدلك انه النزاهه كاعد تشتغل شغل مو طبيعي والله كريم
-
أخ ayoka اني اكون ممنون أذا تنطيني خبر من يطلع جوازك على الأقل يصير عندي أمل.
أخويه vincenzo هييه هم هيج , و لو هيه صحيح مو خوش فكره ان ارويهم الفيزه بس مضطر.
تدري تأخير الكوم و الن في سي و ألسفاره و ال AP كله ابجفه و حرق الأعصاب مال معاملات جماعتنه أبجفه.
الأخت Sasy شكرا" على عرض المساعده.
أخوكم..
-
اخي العزيز همر اكو هنا بمشكن شخص يسوي اذا تريد انطيك رقم تلفونه وهو يسوي عن طريق البريد لانه اعتقد الطفل حديث الولادة بس يخلون اسمه بدون صورة بس ليش ما تضيفة على جواز امه ومن توصل الى امريكا اكو هواية مكاتب يسون الجواز هنا على الحرف الي طلبت
-
اخت انجي اذا الجواز من نوع جي ميصير ينضاف عليه الطفل
-
شنو يعني عبسي مفتهمت ؟
-
اختي اذا الام عدها جواز من نوع جي فهذا النوع من الجوازات غير قابل لاضافة الاطفال عليه