ankawa
منتدى الهجرة واللجوء => الهجرة و واللاجئين => الموضوع حرر بواسطة: عراقي محتاج جواب في 23:01 26/06/2009
-
السلام عليكم اجمل التحيات الى جميع المتواجدين في هذا المنتدى الرائع
اولا اسمحولي اعرفكم ابنفسي
اني شاب عراقي من بغداد نويت السفر الى الدول العربية للتقديم على اليوان هاي شغلة
الشغلة الثانية لازم اشتغل اي شغلة كعامل اشنشتغل انعم الله المهم اضل عايش الى ان انحصل توطين باي شكل من الاشكال
بصراحة قراة كلشي شفت اكو تعاون كلش مضبوط بين الكل انشاء الله خطواتكم كله مضبوطة بس اني واعوذ بالله من كلمة اني اريداخ اوخت يفهموني يفهمون وضعيتي
بصراحة حاير بيادولة عربية اروح اني ابحث عن دولة اهم شي بيهة عمل اي شغل وسهولة الدخول اليها وسعة اليوان لانه اريد استقر
بصراحة حاير بين لبنان وسوريا اختاريت هذه الدولتين لسهلة الدخول اليهافقط اما باقي الامور فهاي اتركه الكم اتمنة الكل اتجاوبني لانه مكمل كلشي بقى بس اختيار الدولة اني ميال الى لبنان بس بعدني مااختاريت داانتضر اجوبتكم
اني مامشتغل وي الميركان بس عندي قصتي الخاصة مع جزيل الشكر
-
اهلا وسهلا بيك اخونا االعراقي ببيتك الثاني
التقديم هنا بسوريا يعتمد :
اولا موعد مقابلة مع الUN ........ تذهب الى اليو ان وتاخذ موعد واحتمال تتاخر من شهرين الى اربعة اشهر للمقابلة وقراءة قصتك لهم وفتح الملف واخذ اللجوء واستمارة وكلشي وكلاشي
ثانيا : بعد فتح املف لك سوف تنتظر الى اجلا غير مسمى لغرض تحويل ملفك الى التوطين وربما سنة وربما اكثر من سنة (لازم تخلي ابالك اسوأ الاحتمالات ) وبيها يلعب الحظ مرات
ثالثا : الفرق بين سوريا وعمان ... الاقامة
سوريا ممكن تدبر اقامة وتمشي قانوني بالبلد
عمان الاقامة معروفة ويرادلها فلوس واذا قررت البقاء بعمان لابد من الغرامات بعد انتهاء مدة التأشيرة
وكل شهر (45) دينار للفرد
رابعا :ايجارات سوريا ارخص من عمان بكثير والمناطق المجاورة للدمشق هي السببيل الوحيد للبقاء اطول مدة ممكنة بسوريا ...على المدى البعيد (اذا شغلتك تأخرت لاسامح الله )
وبالنسبة للعمل (هنا في سوريا يوجد عمل ولكن براتب قليل ولا يسد حتى الايجار اذا كنتم عائلة)
الفرق الرئيسي والمهم بان اجراءات سوريا ابطأ بكثير من عمان لكثرة العراقيين هنا
واي شي تحتاج اني حاضر
اخوك ابو محمد
دمشق
ثانيا :
-
اخي العزيز بصراحة
انت سألت عن دولة عربية بس اني بتركيا هنا يمنا ال يو ان كلش زين بس بالفترة الاخيرة ولكثرة اللاجئين اللي ديجون صايرة المعاملات تتأخر شوية يعني احتمال سنة او سنة وشوية مو اكثر وهم تعتمد عالقصة لان اللي جايين بشهر 9_2008 هسا كلهم عدهم طيران بس اللي اجوي بعد هم ديتأخرون
وبالنسبة للاقامة كلش سهلة مجرد ورقة من ال يو ان للامن هنا ينطوك دفتر اقامة مقابل مبلغ 250$ لمدة 6 اشهر وبعدها تكدر اتجدد 6 شهور اخرى ب 200$ وهكذا
وبالنسبة للدخول كلش سهلة الفيزا ما تركيا تكدر اتحصلها
اما اللغة فهي صعبة بس اذا تشتغل راح تتعلم بسرعة والشغل متوفر اكثر شي باسطنبول اما باقي المحافظات قليل
وبالنسبة للايجارات تبدي من 150 $ وانت صاعد والاكثرية 200$ غرفتين وهول بس اذا انت اعزب اكو عراقيين شباب يكعدون سوية ويتقاسمون الايجار
واذا تحتاج اي استفسار اني حاضرة
-
السلام عليكم ههههههه هاي شنو وين شامريني اخواني اخواتي اعزائي الله ايخليكم ترة والله محتاجيكم ومحتاجين تجاربكم في البلدان العربية
اخوية مهاجرين بلا حدود اشكرك اخي انشاءالله يجي اليوم وتراسلنة من بلاد التوطين الي افتهمتة من جنابك انه سوريا ابطء دولة هل بامكان ان الكة شغل طول فترة البقاء
الى الاخت الشمرية اشكرج اختي انتي متالقة دائما تركيا جيدة جدا بس لو اعرف اشلون احل شغلة اللغة كلش مهمة بالنسبة الية لانه لازم اشتغل
وين الجماعة اباقي الدول العربية
انشاء الله ايعمرنة ابيوت ابلاد التوطين كولوا امين
-
اخي العزيز اني ساكنه بالبنان منذ ٣ سنوات يعني خبرتي جيده بيها اكدر اخدمك
هنا اليو ان تعتمد مقابلتك على وضعك والقصه مالتك اني هم مشتغله ويا الامريكان وقدمت بشهر السادس واول مقابله بشهر السابع وهكذا الى هسه وصلت للفحص (بي اني مقدمه على SIV لذلك مفحصت) المهم
الحياة جددددددددا غاليه بس ممكن تلكي شغل بس لا اقامه ولا شي بس عادين الشغل يسد الاقامه ممكن تكعد بمكان شعبي تلكي ويمكن سوي شيرنك ويا احد الشباب بهاي اني ماعرف بيها بس شفت شباب من صارت المقابله مال اليو ان وعادي ديشتغلون
الفيزه تاخذها من المطار ويها بشروط وسبق وذكرناها
١- التكت ذهاب واياب
٢- الفين دولار كاش بيدك تبينلهم انك سائح
٣- حجز فندقي
وتاخذ شهر فيزه وراها تروح للامن العام وياك صورتين ونسختين من الفيزه ونسختين من الصفه البيها صورتك ويكلولك بقي الجواز وينطوك ورقه تراجعهم ورى أسبوع وينطوك شهرين وابوك الله يرحمه وراها انت وربك تتحاشه المشاكل لان محد يحاسبك بس اذا صارت مشكله رح يدخل بالجواز وصير مشكله يعني ممكن ينكتب منع عليك لا سامح الله
بس الحيااااااااااة جدااااااااا غاليه
واكو تفاصيل بعد صغيره بس انوي ونرجع نعديها الك
والله يوفقك واي شي احنه بالخدمه
اختكم
ساسي
-
السلام عليكم
هله بيك بسوريا اخي العزيز
اني هسه بسوريا وقدمت على اليو ان سنة 2007 ولحد الان ماكو شي وما اتوقع احد يعرف الامور شلون دتمشي باليو ان مال سوريا.
ما انصحك تجي لهنا لان راح تتأخر هوايه الا اذا عندك فد شي كلش مقنع.
تقبل ردي
عيني بغداد
-
السلام عليكم
الى ماجلان اشكرك على النصيحة يحفضك الله
الى اختي ساسي مشكورة من خلال كلامج بدات توضح عندي الامور وخاصة في لبنان اختي اني اعزب وسوف اسافر بدون عائلة وليس لدي احد في لبنان اريد اسال اكوفنادق رخيصة كم في الشهر وفي اي منطقة ومعلومات ايضا عن الشقق وفي اي منطقة
الي امحيرني عندما اخرج من مطار بيروت اين اذهب طبعا لازم ادور على سكن مؤقت لحين ان اجد عمل
وبالنسبة للغرامات يعني اذا الله ساعدنه وطلعنه توطين وتحدد موعد السفر الي اعرفة لازم ندفع الغرامات كم الغرامات مثلا لمدة سنة
والى الاخ عيني بغداد اشكرك اخي ماقصرت واتمنة من الله ان ايسرع بطلب الهجرة مالتك وتستقر انشاء الله
اتمنة من الي ايشارك ان يذكر كل الامور السلبية و الايجابية واتمنالكم افضل الحياة
-
اخي العزيز
اني ماعندي هاي المعلومات كلها بصراحه ثم جيتك هسه باHigh season يعني هذا موسم الحصاد عدهم يعني كلشي يصير ناااااار هنا كلها تغلى يعني اذا تصبر منا الى شهر التاسع او الثامن وكت رمضان
ثم انت ممكن تحجز من بغداد بفندق هنا بس مو هسه نصيحه لان اقل فندق ١٠٠$ باليوم هاي اذا لكيت يعني متسوى
وبالنسبه للغرامات اني ماعندي ادنى فكره عنها لان جانت اكو بس شالوها هذا الاعرفه، احاول اعرفلك وانشاء الله الاخ بلال يساعدك
بهاي المعلومه
انشاء الله
تحياتي
اختكم
ساسي
-
عمي نصيحة
انسى ماليزيا وجماعتها لان هنا درب الصد مارد
بس المشتغل ويا الامريكان شوية الاي او ام تجاوبه بس الامم المتحدة انسى عمي واعسل ايدك مو بصابون ركي وانما بتيزاب
والله عمي اني دائما اكولها لو ولو ما يفيد كولت لو
بس لو يرجع بينا الوكت اروح لتركيا
سنة بدولة غالية ومحترم ومعزز مكرم احسن من 4 سنوات بدولة رخيصة مثل سوريا ويومية هزي التمر يا نخلة
ابو الحسن
-
اخي العزيز
بالنسبة ل اللغة لاتشيل هم تتعلم واحنا اول ماجينا ما كنا نعرف لغة مرات كنا نحجي بالاشارات بس هنا الشعب كلش طيب ومتعاون يعني اني مرة رحت للسوبر ماركت اشتريت غراض وما عرف بفلوسهم انطيتا كل الفلوس اللي عندي هو اخذ بس الحساب ورجعلي الباقي بس لو انت بسوريا او الاردن راح ياخذون كل الفلوس ويكولولك بعد...بس اذا تشتغل راح تتعلم بسرعة بس يكون تروح لاسطنبول لان هناك الشغل متوفر اكثر من باقي المحافظات والله يسهلك ان شاء الله
-
السلام عليكم
الى الاخت ساسي اني اشكرج جدا ياختي العزيزة اختي بالنسبة للفنادق حسب كلامج اقل شي 100 دولار باليوم اعتقد هاي فنادق درجة اولى هاي الفنادق لحستعمله ليومين او اتلاثة لانه لحدخل لبنان واني لازم عندي حجز بهاي الفنادق ولكن بعد ما اكضي الثلاثة ايام في هذه الفنادق الغالية اريد الكي فندق رخيص ائجرة لمدة شهر لحين مالكة شغل اكو فنادق رخيصة حتلو تعبانة اوكي مايهمني لو ائجر شقة ارخص ايئجرون للشاب وبحدة لو ايجار الشقق بس للعوائل يحميج ويحفضج الله من كل مكروه
اني اشكرك اخي شمعة كلامك صحيح اتمنة تركيا بس اني خلال شهر او اكثر لازم الكي شغل اخ من الشغل واللغة واخ من اللغة والله لو بس الكة حل للشغل ولللغة اهم شي اللغة والله راسا اسافر الى تركيا
عمي ابو الحسن الله ايساعدك ويسهل امرك لانه انت تستاهل كلامك كلش مضبوط تركيا بس المشكلة الشغل واللغة
الى الشمرية اشكركم اهواي تركيا كلش زينة بس لكون ضرفي المادية تعباتة لازم الكة شغل وباسرع وقت زين اشلون الواحد يشتغل اوهو لغة ماعندة وبالمناسبة شغل بتركيا اكو يعني كعامل حتلو بدون اجور فقط اكل ومبيت بس المهم ابقة عايش لحين التوطين انشاء الله والغرامان مومشكلة بس اكدر اعرف تقريبااشكدلفترة سنة وحدة مثلا فقط الشغل واللغة بس الكالهن حل اذهب الى تركيا والفضل كلة ايعود الكم اسف عن الازعاج
اذا جنت حاير بين سورياولبنان هسة اني حاير بيت تركباولبنان هههه
بس والله العظيم من خلال كتاباتكم اتوضحت عندي اهواي امور الف شكر واي احد عندة اي معلومة او اي مساعدة اتمنة ايساعدني بيهة
-
اول شي السلام عليكم ثانيا اني اعتب عليكم ليش هجي يااخوان ياخوات ترة محضر كلشي بس بقة تحديد الدولة وداانتضر اجوبتكم على نار اضافة انه اني دائسئل في كل مكان بس انتوا معلوماتكم افضل يعني اترجاكم والي سوة زين خلي ايكملة ومع ارق تحياتي
-
اخي العزيز شوف اذا كانت تركيا او لبنان اذا الله مايسهلها عليك ماتشتغل واذا انت ماعندك فلوس كفايه روح لبنان افضلك بس انا اكلك ترى تتاخر وعلى الشغل بس الله يدبرها
لبنان زينه بس مشكلتها للشباب طول التوطين بيها وخصوصا انت مامشتغل ويه الامريكان
بعد انت بكيفك
-
اخى العزيز اتشرف بمعرفتك ةانصحك بلبنان لان الفيزا اسهل من اى دولة عربية والاجراءات اسرع من سوريا وحسب القصة مالتك وبامكانى ان اساعدك بموضوع العمل وانى حاضر لاى شى اخوك باسل من لبنان
-
اخي العزيز
بالنسبة للشغل بتركيا مثلا ابسط شي اذا اشتغلت بمطعم بغسل المواعين واعذرني بس ترى الشغل مو عيب واحنا بغربة وهواية عراقيين هنا ديشتغلون هاي الشغلة لان ما تحتاج لغة والفطور والغداء والعشاء عليهم وراح ينطوك بين 450-600 ليرة بالشهر يعني 300-400$ هاي اقل شي وحسب شطارتك يزيدوك واذا انت اعزب تكفيك ايجار ومصاريف واعتقد الاخوان بتركيا راح يأيدوني واعذرني عالتأخير
اختك الشمرية
-
اخي السلام عليكم انصحك ان ماتبتعد عن اهلك او اتبهذل اهلك وياك هاي الا اذا كنت فعلا مهدد وعندك مستمسكات وما مشتغل بمكان حساس بزمن صدام روح التركيا والله ايسهله انشاء الله لان مصروف كثير مقابل توطين اسرع اما عكسها سوريا يعني يشيب راسك من تسمع الحالات مال التوطين هنا كلشي مكلوب حتى الجمعيات الخيريه ناس واناس وكلشي بلمصلري والغجريين الي جانو بلعراق تلث ترباعهم اهنا يعني ياخذون ابعرضك حشاك (عرصه وشرموطه)
-
الى
عراقي بلبنان
باسل بلالو
الشمرية
husham74
اولا السلام عليكم مشكورين كل الاخوة والاخوات والله مااتقصرون ايجازيكم الله على كل منفعة اتقدموهة زانشاء الله ايسهل اموركم لان سهلتوا امري اهواي
الشي الي زاعجني بلبنان هو بعد الثلاث اشهر اشلون اذا لاسامح الله الزمنة لحيروح الاول والتالي الامم المتحدة تكدر اتسويلي شي يعني طلبي للهجرة لحيروح اني خايف على ملفي في اليوان عدكم تعليق
ااني شاب من بغدادولحسافر بدون عائلة ومجبور على ان اسافر واطلب هجرة مثل ماكتلكم ومشتغل اهواي شغلات وماكوا اي مشكلة عندي اذا اشتغل اغسل صحون يعني ياريت الكة وطكة تركي مااعرف في تركيا حسب ما افتهمت كلش اتفيدني سؤالي اكوا مثل حالتي في تركيا يعني ماعندة لغة ويريد يشتغل ويعني اكدر الكة شغل دائما لمدة سنة اوسنتين مثلا مومهم ابدا نوع الشغل
وللموجودين في تركيا اكدر التقي بيكم في تركيا عن طريق تليفوناتكم اوعناوين سكنكم علمود اذا احتاجكم فد سؤال او استفسار
اكو فنادق رخيصة شكد باليوم بالشهر يعني للسكن بالايام الاولى لو ااجر شقة احسن عدكم فد عنوان فندق علمود لمن اوصل الى تركيا اتوجه للفندق مع جزيل الشكر
-
الف شكر اختي تارة ممنون منج اهواية والله ايسهل امرج اختي العزيزة بالنسبة لايجار الشقق في لبنان اشلون اجراءات الايجار يعني لمن اول ما اوصل الى لبنان اكدر ااجر شقة بنفس اليوم لو اجراءات اومعملات او صاحب الشقة همين يفرض عليه مثلا لازم ادفع مال ستة اشهر ليكدام ايصير ااجر لمدة شهر وبالنسبة للشاب ايجار شقة عادي لو الة بس للعوائل ايئجرون اكو هيجي شي واي منطقة رخيصة للايجار علمود اول ما اوصل لبنان اذهب للمنطقة وااجر وراهة اقدم على اليوان وراهة ادور على شغل والله ايحلهه و ايسهلهه على الكل ومع جزيل الشكر وللعم اجوبتكم كلش سهلت اموري ممنون