ankawa
منتدى الهجرة واللجوء => الهجرة و واللاجئين => الموضوع حرر بواسطة: ضايج في 18:20 27/06/2009
-
شلونكم شباب
ارجو المعذرة اذا كان الموضوع متكرر .
المهم اني صارلي كومه مقدم على الـ IOM في بغداد وحددولي فحص طبي هاي الايام
شنو رأيكم شباب اقدم على SIV واعوف الـ IOM بعد كل هذا الانتظار
(من تاريخ اول مقايلة 31-7-2008 بذاك اليوم صار حظر تجوال وما كدرت اروح )
عندي توصيه من السوبرفايزر حسب الاصول
بس كل شغلاتي مامترجمه الجناسي وعقد الزواج الخ... وصورة قيد ما عندي
اذا اقدم على الـ SIV شكد اطول الشغله للي عدهم خبرة ؟؟
يعني هم ابدا مقابلات من جديد وفحص طبي من جديد؟؟؟
اني الصراحة اريد اشتغل واجمع شكم فلس بس اخاف اقدم وبعدين ما انقبل وضيع الركصتين
اني الحمد لله قافل على الروحه ان شاء الله اريد اروح حتى لو اشتغل بشركة مايكرسوفت هم ميخالف شنسوي يله ندبر حالنه هناك مو ؟؟؟؟؟؟ ;)
اشكر الجميع على تعاونهم بهذا المنتدى الرائع
والله يسهل على كل الاخوان ان شاء الله
-
صديقي الضايج الله يونسك ويقلص مقدار الضوجة اللي عندك
احسن قرار تتخذة:
1- يطول ال اس اي في من شهرين الى سنه بس ديتسرع وهالايام كلهه 4-8 شهور وتحط الفيزا بجيبك بمعظم الحالات
2-اسهل منه ماكو لان هيه مقابلة وحده تروح تستلم بيهه الفيزا والباقي دي اج ال وايميلات
3- ليش تضيع المشيتين انته بال اي او ام بعد وراك حصبة وجدري واصلا انته ما راح تبطل من الاي او ام اذا قدمت عالاس اي في بالاضافة انه مميزاته الرهيبة للاس اي في اللي خله هواي اعضاء ياخرون نفسهم كم شهر بس حتى يطلعون مهاجرين وليس لاجئين
4- المساعدات نفسهه والكرين كارد اعتبره بجيبك اول ما توصل ومميزات حامله رهيبة وتكدر تجيك اي موقع وضائف بامريكا وشوف شلون معضم الشغلات الحلوة تطلب كرين كارد بس المشكلة هي انه متكدر تاخذ وياك الوالدين او الاخوة والاخوات بس ذولة هم تمشي امورهم على الاي او ام وحتى اسرع بناءا على موقفك بالاس اي في
بس انته سولفلي عندك خدمه اكثر من سنه وتكدر تثبتهه بوثيقة من الجهه الامريكية اللي كنت تعمل معها واتصال بابو الريكومنديشن ؟؟
اذا عندك اسالة تكدر تجيك هذا الرابط
http://travel.state.gov/visa/immigrants/info/info_4172.html
واذا انكليزيتك مو كلش قوية جيك موضوع فالكون الموسوعة بالمواضيع المثبته والمهمه وهو تقريبا نفس الحجي بس بالعربي ووياه شغلات اخرى حلوة
-
اني عندي خدمة اكثر من سنة وموثقة بكتاب من الشركى المتعاقدة مع الجيش ( الشركة امريكية مال اتصالات ) والكتاب بيه معلومات الأتصال بالمدير مال الشركة ، واني مقدم على ال IOM ومامسوي اي مقابلة حسب المعلومات الي شفتها بالمنتدا ان ال SIV احسن بس هم ممكن ايطول وحسب ما عرفت من اصدقائي ان من تحصل موافقة ال COM ينغلق ملفك يم ال IOM ممكن احد يفيديني اخواني هل يمكن التقديم عىل الأاثنين مع العلم انه حسب معلوماتي انه نسبة الرفض بال SIV قليلة واكو بس مقابله وحدة
-
نصيحتي (كل لا تفقد المشيتين) تكدر اتقدم على الاس اي في بشكل منفصل وهذا من حقك وقانوني بالاضافة الى معاملتك لدى الاي او ام، وبعد حصولك على الـ (كوم) والي يسموها (جيف اوف مشن ابروفل) يجب ان تعلم الاي او ام بذلك وتستكمل معاملة ال اس اي في
-
حبي مشكورين على التوضيحات
بالحقيقة اني عندي خدمه سنتسن ونصف تقريباً وعندي كتاب من الشركة يثبت ذلك
وتوصية من الشركة مكتوب بيهه عبارة
لا يهدد الامن القومي الامريكي
ماكو مشكلة اذا اقدم على SIV بعد الفحص الطبي مال IOM ؟؟؟
وهل تقديمي على الـ SIV يوثر على ملفات اخواني الي قدمو على الـ IOM بواسطتي؟؟؟
مشكورين شباب بارك الله بيكم
-
والله يااخي هذا خوش سؤال وياريت لو الاخوان ال عدهم فكرة عن هذا الموضوع يرفدونا باجابتهم
تحياتي
المهندس
-
1- شنو علاقة فحصك بالاي او ام بتقديمك على الهجرة الخاصة بايميل؟؟ اكيد مياثر
2-لا مياثر بس اكو احتمال قوي يسرع من معاملاتهم لان حصولك على الفيزا عالهجرة الخاصة ياكد قضيتهم يم ما يعرف بال"محلفين"
-
شكراً vincenzo بارك الله بيك
ان شاء الله راح اسير على درب الـ SIV والله كريم
واشكرك جداً اخويه الحبيب vincenzo