ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 18:42 27/06/2009
-
السلام عليكم اخواني ،
اني مقدم على ال IOM من شهر التاسع الي فات ، طلبت نقل قضيتي من بغداد الى الأردن بسبب التهديدات الي استلمتها واني في بغداد طبعاً طلبت نقل القضية بشهر العاشر ولحد بداية شهر السادس هاي السنة يالى ال IOM كملوا اجرائات دخولي لعمان ، اني حالياً صارلي شهر من وصلت عمان وما مقابل اي مقابلة ، بس دزوا علية علمودالتوقيع على الملف والمعلومات الشخصية ، اني حاولت اقدم على ال SIV في شهر التاسع العام لأن اني مشتغل اكثر من سنة بهواية ، لكن شركة تايتان وبكل حقارة ما انطوني تأكيد العمل من طلبته منهم وحسب كلامهم انو معلومات ضايعية من الداتا بيس مع العلم عندي الباجت مال تايتان وكل الضباط الي كنت وياهم دزوا للسفارة انو اني كنت معاهم وكنت موضف مع تايتان وكنت استلم راتبي من تايتان ولمدة اكثر من سنة لكن بدون فائدة ال SIV ماقبلوا المهم اخر شركة اشنغلت وياه بعد تايتان كانت شركة اتصالات امريكية واشتغلت وياهم حوالي 14 شهر بس ما كدرت اتصل بأي واحد منهم ومحد ايجاوب على ايميلاتي ، المهم واني بعمان الأسبوع الي فات شفت بالصدفة مدير الشركة مال الأاتصالات بأحد المولات ورئساً عرفني وحجيت وياه وبنفس اليوم باليل دزلي كتاب يأكد انو اني مشتغل وية شركة الأانصالات الأمريكية الي متعاقدة مع الجيش مدة 14 شهر وبيه تاريخ بداية العمل ونهاية العمل وموقع من مدير الشركة وبيه كل تفاصيل الأتصال بيه ، الشركة حالياً تعمل بالأردن لتوفير اجهزة للجيش الأاردني ـ المهم هسه اني حاير اقدم عىل ال SIV لو انتضر ال IOM حسب علمي ميصير اقدم عليهم اثنينهم ، ومن خبرتكم اخواني عادة ال SIV اشكد اتطول ، وحسب ما افتهمت يردون صورة قيد وسوالف هواية واني ما اكدر ارجع لعراق واسويها ، زين شنو الحل ، اذا اكل اني خارج العراق ومهدد وما اكدر ارجع ممكن ميطلبون صورة القيد وشهادة الميلاد الي اتطلع الروح ومتطلع ، اني متزوج وعندي طفل واحد وحاير ما اعرف شأسوي
-
اخي اسامه ......
نصيحتي الك هي نصيحه اخي ماجلان ,,,,, قدم على ال SIV ,,,,,
بالنسبة لتايتن ,,,, ارجوك ان تتواصل مع العضو vincenzo على الخاص و هو اكيد راح يساعدك بهذا الموضوع و اكيد راح يكتب لك رد هنا عن قريب ,,,,,,
بالنسبة للاوراق الي المفروض تحصلهه ,,,,,, مثل مكال اخي ماجلان ,,,, سوي وكاله لشخص و هو يستخرجلك كل الاوراق باسبوع و اني مستعد ان ادلي على الطريق الصحيح ,,,,,, اذا دايخ بعدم المحكوميه من العراق لتطلعهه ,,, فقط طلع مال الاردن ,,,,
خطيتك بركبتي ,,,,,,
-
مشكورين اخواني الأعزاء ، بالنسبة لعدم المحكومية حسب علمي تحتاجها فقط اذا كنت بالبلد اكثر من ستة اشهر بس اني مصارلي عشرين يوم بالأردن، وثاني شي حسب ما افتهمت من اصدقائي الي قدموا بالنسبة لعدم المحومية مال العراق مو الة اتجيبها ، سؤالي انه صورة القيد المطلوبة ممكن احد مثل والدي يطلعا بدون وكالة لأن العائلة كلها عندها صورة قيد وحدة لو اني غلطان / اني من حولت صورة القيد مال زوجتي زوجتي ما راحت ابوه طلع صورة القيد ودزوه لدائرة الجنسية مال المحافظة الي صورة القيد مالتي بيها ( اني نفوسي مو في بغداد ) واكدر اترجمها اهنا لو لازم في بغداد وتتصدق وهاي الملاعيب مال العراق العظيم ، بالمناسبة اني من المشاركين القدماء بالمنتدى يعني من شهر الثامن العام بس اختفيت بسبب الضروف ، وبالنسبة لتايتان حاولت هواية وياهم حتى احد الضباط الي كنت اشتغل وياهم والي هوة احتياط وبرتبة كولونيل ويشتغل بوزارة العدل ( بال DEA ) اتصل بيهم وتابع الموضوع وكالهم انو هوة كان ايوقع على البي رول مالتي كل شهر اشلون ما عندكم فايل اله واشلون جنتوا تنطوه راتب حجتهم انو بعض الملفات اتعرضت للتلف ولهذا ما عندهم تاريخ تهاية العمل مالتي ز
اني جدا اشكركم على المساعدة اني راح ادز اوراقي على الأيميل مال ال SIV وبنفس الوقت راح ابدي احضر الملاعيب الباقية واترجمها بس رحمة لواديكم وين الكة مكتب ترجمة مضبوط بعمان ، وراح اخلي والدي يبدي بصورة القيد ، واعتقد شهادة الولادة مو ضرورية يمكن واحد يستخدم الجنسية مثل مال همة ذاكرين بالمتطلبات
-
اني جدا اشكركم على المساعدة اني راح ادز اوراقي على الأيميل مال ال SIV وبنفس الوقت راح ابدي احضر الملاعيب الباقية واترجمها بس رحمة لواديكم وين الكة مكتب ترجمة مضبوط بعمان ، وراح اخلي والدي يبدي بصورة القيد ، واعتقد شهادة الولادة مو ضرورية يمكن واحد يستخدم الجنسية مثل مال همة ذاكرين بالمتطلبات
انته هسه بديت تشتغل صحيح ,,,,,,, بالتوفيق