ankawa
منتدى الهجرة واللجوء => الهجرة و واللاجئين => الموضوع حرر بواسطة: comet4 في 18:57 27/06/2009
-
السلام عليكم شباب العراق الطيبين
عندي سؤال وارجو ا منكم المساعدة وانتم اهل المساعدة انشاء الله , انني مهندس زراعي غير متعين لا في زمن النظام السابق ولا في ضل هذه الحكومة الجديدة وأريد السفر الى تركيا وأريد التقديم على اليوأن وبنفس الوقت أريد العمل بحسب اختصاصي الذي ذكرته لكم فيما سبق فهل لي أمل في أن اجد فرصة عمل بأختصاصي وأعيش عيشة بسيطة استطيع منها ان اكفي مصاريفي لفترة قبولي على قسم IOM
فأرجو منكم ياشباب العراق المساعدة
اخوكم COMET4
-
حبيبي الغالي بالمختصر المفيد ما اريد اتعبك ويايا وما اريد اهبط معنوياتك ترة بتركيا ماكو شغل واذا لكيت شغل راح يكون كلش بسيط وميسد حتى الايجار وللعلم تركيا كلشششش غالية من كلشي واني كنت بيها لمدة سنة عائلة 6 نفرات صرفنا تقريبا 10000 دولار وكان واحد من عدنا يشتغل شغلة كلش بسيطة حق الماي والكهرباء فاخوية العزيز اذا تريد تفكر بالشغل كمهندس فانسة الموضوع اخي.او اذا عندك فلوس وتؤيد تروح الها فهي كلش زينة من ناحية القبول باليو ان مع تحياتي
-
واحب اضيف شي اخر اخي هاي ال10000 دولار اللي صرفناها هي بالحقيقة كلش قليلة لانه احنا كنا كلش مقتصدين يعني شكد متكول كنا عايشين حياة تعبانة لانه اذا ماعندك بس غير هاي الفلوس شتسوي لازم تكفيها والا تبقة بلة مصرف فاضطرينا نسوي هيجي اقتصاد حتى تكفي فلوسنا
-
صحيح اخي العزيز تره تركيا مابيهه شغل هوايه واذا تريد تشتغل لازم عندك لغه ياله يمكن تلكه شغل بس مو بختصاصك احنه منريد انهبط من معنوياتك بس حتى لو اكو شغل فلازم باسطنبول ومنو يكول راح يخلوك بسطنبول فانته عقلك براسك وانته اكيد راح تحسبهه زين واتمنى لك الموفقيه يارب واي شي تريده اني بالنيابه عن الاخوان واكيد محد يقصر دلل اي سوال عن تركيا احاول اجاوبك عليه
-
اخي العزيز مثل ماتفضلو الاخوان
تعرف لغه تكدر تشتغل في اي مكان لان حتى المحلات محتاجين ناس تعرف تركي عربي كون المنطقه فيها عرب ولاجئين كثيرين
ثانيا اخذ احساب اقل ايجار في المحافظات 300 ورقتين اقامه ستت اشهر لشخص واحد ثلاثة اوراق مع دفتر الاقامه والستت اشهر الثانيه فقط اقامه بدون دفتر لانه يتم تجديده الكهرباء والماء في الشتاء مايقارب الورقه المعيشه المتواضعه هم ينرادله فد ورقتين اما امور السفر لذهابك الى المقابلات فالمفوضيه تنطيك مبلغ السفر الخاص فقط اجور النقل اخي وانت حسب هذا الحساب وتوكل بالله انشالله ايصير خير كون المفوضيه في تركيا متقصر مع اي لاجيء
اخوك العراقي
فادي تركيا