ankawa
منتدى الهجرة واللجوء => الهجرة و واللاجئين => الموضوع حرر بواسطة: koka75 في 01:18 28/06/2009
-
اخواني واخواتي الاعزاء انا اريد ان اقدم علبرنامج ال s.i.v.ولدي زوجتان فماهو الحل برايكموهل اخبرهم من البداية بهذا الشي لو شنو الفلم -- الرجاء المساعده والنصيحة- ولكم مني جزيل الشكر -- اخوكم جديد بالموقع وجديد عالتقديم - يعني لحد الان مقدمت دانتضر كتاب التزكية او التوصية -- وشكرا لكم مقدما
-
اخي ممنوع بامريكا اعتقد راح يرفضون قبل فترة هم كان عضو عنده نفس المشكلة بس هم انتظر راي الاعضاء
-
اخي العزيز بسيطة هاي سهلة شوفلك كفيل بولاية يوتاه ...
لان هية الولاية الوحيدة التي يسمح بها تعدد زوجات ...
لان اتذكر جان ويانة واحد بالمقابلة وخيروه... اما ان تذهب الى ولاية يوتاه او ..ترجع للعراق ..او تاخذ احدى زوجاتك ...
تحياتي
-
شكرا للاخت انجي والى ابن بغداد على سرعة الرد -- وياريت لو تكملون الاجابة على سؤالي ابلغهم من البداية يعني من اول خطوة وهية ارسال المعلومات الى السفارة الامريكية بالعراق وموافقة رئيس البعثة لو بالخطوات اللحقة اكول بيها وشكرا لكم
-
اي نعم اخي ...وهسة هم اكيد يعرفون ..وبلغ رئيس البعثة مالتك ..بولاية يوتاه ...وكلة لان هاي الولاية باعتقادي هي الولاية الوحيدة اللي بيهة تعدد زوجات ...
وانشالله تسهل امورك ويتيسر حالك
بالتوفيق اخي
تحياتي
-
اخي كوكا ,,,,,
الاخت انجي حاليا بامريكا و ما واصله على اي من البرامج المتوفره حاليا للعراقيين ,,,,,
اللاخ ابن بغداد من الواصلين حديثا للولايات على ال IOM ,,,,,,
اي اجراء تريد تتخذه لازم يكون من البدايه ,,,,, لان بالمراحل المتقدمه قد يطلبون منك ورقة طلاق الزوجه المطلقة ,,,, لذلك لازم ميكون اكو تضارب بمصداقية كلامك من البدايه ,,,,,,
نشوف شنو راي بقية الاعضاء ,,,,,,,,
-
اخي العزيز شبح بغداد سؤال الاخ كوكا واضح ومالة علاقة ببرنامج معين ...
وبكل الاحوال الاخ كوكا لازم يخبرهم بان هو متزوج اثنين ...
-
koka75
السلام عليكم
لا يحق لك التقديم على البرنامجين الا بفصل احدى الزوجات لان القانون الامريكي لا يسمح بتعدد الزوجات
وهذا كلام متاكد منه 100000000000000000000000000%
واي استفسار اخر اني حاضر
-
وعلى فكره لازم تخبرهم بذلك لان راح يعرفون حتى وان لم تخبرهم
تحياتي
-
شكرا اخوية عكعك بس بهاي الحالة اني دخت انت تول ميصير وبن بغداد يكول ولاية يوتاه وووين الصح ووين الغلط بس الله اليعلم -- ننتضر بقية الاعضاء ونشوف وين نوصل----
بس اخوية عكعك ليروح زوجاتي يشوفون ردك وتعلك يمي ههههههه اتشاقة وياك اخوية بالمناسبة ليش مسمي نفسك عكعك وتطوى شنو السالفة اكيد اكو شي من وره هذا الاسم
-
عزيزي ابن بغداد ,,,,,,
هذا مقتبس من رد الاخ كوكا
وياريت لو تكملون الاجابة على سؤالي ابلغهم من البداية يعني من اول خطوة وهية ارسال المعلومات الى السفارة الامريكية بالعراق وموافقة رئيس البعثة لو بالخطوات اللحقة اكول بيها وشكرا لكم
اني ردي كان على هاي الفقرة مو على فقرة تعدد الزوجات ,,,,, و اذا تلاحظ بان ردي فقط لتوضيح الصفه الي وصلتوا بها لامريكا للاخ كوكا ,,,,,
بالمناسبة ,,,,,اريد اوضح التالي ,,, الاخ كوكا من الاعضاء الجدد ,,,, دخل الاسبوع الفات و كان يبحث عن المساعده في موضوع التقيدم على ال SIV ,,,,, اني بدوري استجابيت لطلبه و ضفته يمي عالمسنجر ,,,, صارلي ويه اليوم 3 مرات اسولف ويا و فهمته هواي امور ,,,,, طبعا فت افادي ,, جذب جاي اتشاقه ,,,,,
المهم ,,,, من بدايه الحديث اليوم ذكرلي الاخ كوكا بانه متزوج من اثنتين ,,,,, و لذلك اني ضربت بريك و حته كتله يجوز اني بعد ما اقدملك المساعده لسببين ,,,,, الاول باني اكثر شي اكرهه بالحياه هو الطلاق ,,,, و ثاني شي لخوفي من حساب رب العالمين لي باعتباري طرف من اطراف الحديث لتحقيق الغاية الثانيه (السفر الى امريكا)
لتلافي الامور و تجنب المحاسبه و الذنب (في الدنيا و الاخرة) طلبت من الاخ كوكا ان يكتب موضوع جديد و يشرح بي الاشكال و ياخذ رايكم (الاعضاء) لانكم اصحاب خبرة و تعرفوون تجارب اكثر مني بهذا الصدد ,,,,,,
اسف للاطاله و ان شاء الله الاخوة الاعضاء يقدمون النصيحه بعد ان تبينت الامور اكثر ,,,,,, اهم شي اني اريد اكون خارج الموضوع ,,,,,,,
-
اخويه اذا علكت فمن يمك تخلص وتسافر ;D
واذا على اسمي فهاي قصه طويله مو وكتهه خلينا بسالفتك وشوف هاي مضار تعدد الزوجات يعني الرجال دائما ماكلها ;D
اخويه العزيز كلام ابن بغداد العزيز صحيح ولكن هذا الكلام في حاله انك موجود في امريكا وطبعا القانون هم ميسمح بالزواج من اثينين حتى للمورمن ولكن همه يزوجون وحده والثانيه تعتبر عشيقه بنظر القانون
وهذا نص لرئيس البعثه الدبلوماسيه في العراق
وأشار تشانين إلى أنه ليس من السهل قبول طلبات الرجال المتزوجين
بأكثر من امرأة لأن المسارات الإدارية في الولايات المتحدة لا تسهل مهمتهم
وأضاف: "لسوء الحظ، السلطات الأميركية لا تتعاون كثيرا في هذا الموضوع،
والقضية معقدة ولكنها ليست مستحيلة، والتعقيد يأتي لإن الأميركيين يطلبون
من الرجل تقديم ملفين منفصلين للزوجتين مع أنهما لديهما نفس الأسباب
لتقديم اللجوء، ولكن الولايات المتحدة تطلب منه فتح ملفين منفصلين
للزوجتين، وعندما يصلون إلى أميركا يمكنهم بالطبع العيش معا". وأكد تشانين
أن هناك أكثر من 10 حالات لعراقيين لديهم أكثر من زوجة قدموا طلبات لجوء
من بين أكثر من 10 الآف شخص، مضيفا أن بعضهم فضل التخلي عن السفر بسبب
التعقيدات الإدارية.
هاي نقطه واذا تريد تفاصيل ادق ملموسه بعد هم اقدملك ومن مصادر رسميه
تحياتي
-
كان عندي صديق يشتغل مع القوات الدنماركية وكان متزوج اثنين
سفروا الزوجتين بعد ما طلق وحدة بس تبقى عشيقة او زواج سيد
زين اذا صار اطفال شلون
ولو امريكا ما عدهة مشكلة انت اذا تجيب طفل من اي مرأة تكدر تعترف بيه حتى لو معايش وية امه
اعتقد تحتاج محامي هجرة عربي يعرف هلدروب
-
شكرالكم اخواني الاعضاء عالمساعده القيمة انا الان قررت ان اخذ وحده معي وابقي وحدة بالعراق يعني الي راح اخذه بس وحده وياية فهل اذكر من البداية الى السفارة الامريكية في العراق بانني متزوج باثنتين وباني ساخذ واحدة فقط معي وكيف اذكرلهم ذلك يعني برسالة خاصة او من ضمن البيانات المطلوبة او شلون وشنو الفلم ---اخوان تعبتكم وياية وشكرا الكم
-
اخوية لتغلط نفس غلطتي وبعدين تتعقد عليك الشغلة
الان طلق وحدةبالمحكمة وبعدين رجعهة عند السيد
ومن تدزلهم لتذكر متزوج اثنين وانما متزوج وحدة ومطلق وحدة ولا تحاول تخفي زواجك الاولي لان هذولة الامريكان مجنصين وبعدين يعرفون لو منك لو من زوجتك الثانية لو متدري
وبعدين شغلة تعدد الزوجات ما يسالوك عليهة الا بمرحلة nvc وبالظبط في استمارة ds-230
في الفقرة رقم 9
يعني انتة هسة مترهي ومحد يسالك لا بمرحلة موافقة السفير ولا بمرحلة نبراسكا
فقط في مرحلةnational visa center حيث يسالوك بالفقرة انفة الذكر السؤال التالي:
9-اضافة الى زواجك الحالي,انت تزوجت_________مرة.
عندئذ تكتب 2 ولا تكتب 1 مثل اني مسويت وبعدين انلاصت علية بالمقابلة
عندها سيطالبك nvc بورقة طلاق الثانية مترجمة وانتة عود دزهة
وحاضر لاي سؤال
اخوك الكاوبوي العراقي