ankawa
منتدى الهجرة واللجوء => الهجرة و واللاجئين => الموضوع حرر بواسطة: شادومان في 13:05 28/06/2009
-
السلام علكيم اخواني الاعزاء ارجو من الاخوان الي مسافرين الى كندا والموجودين حاليا في كندا الجواب على كم سوال اذا امكن فحبيت اعرف منكم تفاصيل المناطق او المدينة الزينةالي موجودة في كندا ويكون بيها كافة الخدمات بالنسبة للعراقي لاني صاحب عائلة ولدي اطفال واذا خيروني السفارة الكندية بان اختار مدينة للذهاب اليها مع الاسف ليس لدي معلومات كافية عن مدن كندا من ناحية الشغل الي فيها اقصد مجال العمل والجو كل شي وعلى كولة ابو المثل اسال مجرب ولا تسال حكيم علما ان ليش لدي اي احد في كندا ولاكفيل ولا صديق وارجو معرفة طريقة التفتيش في مطارات كندا فاخواني ارجو مساعدتكم بهذا الشيء علما اني مخلص كل شي ومنتظر موعد سفر ولكم فائق الشكر والتقدير شادو مان
-
اهلا وسهلا بيك اخي العزيز بالنسبة الي اني اهلي ساكنين بمدينة ميسيساكا ولاية اونتاريو وقريبة من المدينة المشهورة تورنتو وهاي المدينة اي ميسيساكا تحتوي على اكبر جالية عربية في كندا وبيها مطاعم وسوبرماركتات عربية وجوها طبعا تحت الصفر بفصل الشتاء ومن شهر الرابع يبدي يستعدل الجو الى تقريبا نهاية التاسع بس على العموم داخل البيوت هناك تدفئة مركزية فاصلا بالشتة تبقة بنص ردان .اخي العزيز شنو تفاصيل قضيتك يعني انتة على اليو ان لو هجرة لو شنو وشكد طولت الى ان خلصت كلشي
-
اخويه العزيز
اني اخويه وعمتي ساكنين بكندا بمنطقه كالكيري في ولايه البرتا يكولون جوهه بارد نفس الشي بجمع الولايات بس الصيف شهرين السابع والثامن والبيوت تدفئه مركزيه مثل ماكال اخويه عبسي وكالكيري بلد صناعي ونفطي اي بيه مجال للعمل وبيهه عرب هوايه المهم انت لجوء لو هجره ومن اي منطقه مقدم وين وصلت قضيتك
-
السلام عليكم اخواني طبعا بالبداية اشكر كل من الاخ عبسي المحترم والاخت شهد العبيدي المحترمة على اهتمامهم بالموضوع وجزاكم الله الف خير وبركة بالنسبة الي انا كنت على الوفد الامريكي ولسوء تصرف المحلف معي والطلبات الغريبة التي طلبها مني المحلف طلبت رفض الوفد الامريكي لاسباب عديدة المهم وتم تحويل ملفي الى السفارة الكندية عن طريق اليو ان واكملت كل شي من استلام فايل نمبر ومقابلة السفارة واستلام اوراق الفحص وتوقيع قرض التذاكر واكمال الدورة التثقيفية في بداية شهر 5 -2009 والان منتظر الفرج وبالصدفةاحد اصدقائي قال لي يوجد منتدى اسمه عنكاوة والحمد الله اشتركت فيه على الاقل اعرف معلومات وتفاصيل من اخواننا الافاضل على العلم انا في مصر والمحولين الى كندا في مصر حسب علمي عددهم قليل وياريت تقبلوني صديق واخ لهذا المنتدى العريق وانا حاضر لاي سوال ويارب تفرج على جميع العراقيين الي منتظرين سفر او مقابلة سواء لكندا او الامريكا او اي بلد اخوكم شادو مان
-
اخي العزيز اني ساكن في كندا في ولايه فانكوفر بالنسبه للولايات الكنديه كالاتي تورنتو شغل موجود والجو كلش بارد اما كالكاري شغل زين بس الجو بالشتاء يصير 30 تحت الصفر اما فانكوفر شغل قليل والجو طبيعي وشكرا لكم
-
شكرا اخي العزيز ليث الابيض على جوابك واهتمامك بس لو سمحت اريدك تنصحني انت وخلي نفسك بمكاني اي مدينة تختار لو خيروك وانت تعرف اني لدي اطفال ولو اني راح اثقل عليك بس حبيت اعرف منك كل التفاصل لان انت موجود بكندا واعرف مني بهاي الامور وللك جزيل الشكر والتقدير اخوك شادو مان
-
السلام عليكم اخت اسود انشاء الله تكونيين بصحة جيدة وراحة بال شكرا على اهتمامك وردك على الموضوع وجزاك الله الف خير اخوك شادو مان
-
اهلا وسهلا اخويا شادومان انضم الى قافلت المنتظرين لسفارة الصبر كندا احنا هم بمصر وفحصنا بشهر 5 بس مقابلتنا جانت باول شهر 3
اتمنى نساعد بعض ونتواصل بالمعلومات واكو اعضاء هواية بالمنتدى دينتظرون السفر لكندا
-
شكرا اختي العزيزة ناردين على ترحيبك وعادي كلنه بنفس قافلة كندا ويارب يفرجها على الجميع اخوك شادو مان