ankawa
منتدى الهجرة واللجوء => الهجرة و واللاجئين => الموضوع حرر بواسطة: الشذر في 17:10 28/06/2009
-
السلام عليكم اخواني واخواتي الطيبون جازاكم الله خير الجزاء
اخواني الموجودين في امريكا. عندي سؤال بخصوص اصحاب المهن الحره المختصين بتصليح السيارات
/ كهرابائي / ميكانيك / حداد / سمكري /
عند وصول الاجئى الى امريكا ولديه مهنه ماهي الاجراءات التي يقوم بها لكي يعمل في مهنته
1ـ هل من حقه ان يعمل بمهنته مع الجاليه العربيه اصحاب الكراجات كبدايه مثلا ـ او لايجوز؟
2ـ اذا الاجئى عنده امكانيه يعمل كا سايق / رافعه شوكيه / شفل / كرين / بلدوزر / هم لازم يدرس عليهن
اخوان الله يجازيكم على جهودكم العراقيه الاصيله/ اخوان اذا بتريدو اريد جواب مفصل وعلى مهلكم /
تاره حاير اخوكم الشذر من لبنان
-
اخي العزيز الشذر تحية وسلام
اخي العزيز اذا الولاية الي انت رايح الها بيها عراقيين مثل مشكن او كلفونيا وعدهم محلات لتصليح السيارات او الكهربائيات او اي مهنة كانت طبعا تكدر تشتغل عادي اكو هنا بمشكن هواي كراجات لتصليح السيارات يعني ميكانيكي اغلب الي بيها عراقيين جاين جدد هنا واني شغلت هم واحد اقربائنا جاي جديد بمحل لتصليح السيارات وبنسة لسايق التكسي شوي صعبة لانه لازم تعرف اللغة ولازم تعرف كل المناطق واذا تقدم بشركة تكدر هم تشتغل سايق داخل الشركة مثلا سيارة صغيرة نسميها هنا ( هايلو ) لنقل البضاعة داخل الشركة واي سوال تريد تسال اني حاضر
-
كل هاي المهنة الي ذكرتها مثل سايق شفل او رافعة وغيرها كلها بس تحتاج ايجازة اوكو يمنا معهدة تدريب على هذة وينطوك رخصة سياقتها واذا تريد انطيك تلفونهم لانه اعتقد عندهم غير فروع بغير ولايات
-
جزيل الشكر للنجمةالمتالقة في هذا المنتدى الرائع؟
اضيف سؤال لهذه المهن هل تحتاج شهاده /مقدار التكلفه/وكم المده الزمنيةالمقررة ؟
علما اني سمكري سيارات ممتاز ؟ والان اعمل في لبنان لمدة سبع ساعات يوميا بمرتب /1200 دولار شهريا
هل احصل على مرتب يكفيي لاستمرار الحياة بامريكا /انا وزوجتي وابني البالغ من العمر 12 سنة
ولك مني وافر الشكر والاحترام على مجهودك الرائع
-
اخي الشذر اذا تفتح محل خاص الك تحتاج الى شهادة ورخصة بس اذا تشتغل باي محل صاحبة عراقي لا ماتحتاج لاي شهادة لانه راح تكون تعمل عامل بمحله
-
اكو شغلة نسيت اكولها الك اخي الشذر اي عمل تقدم عليه بامريكا اولا راح يدربوك اسبوع او اسبوعين بدون راتب الى ان تتعلمها الشغلة وبعدين تباشر بالعمل في اي مكان تقدم على الشغل هذا قانون يطبق بكل الولايات وبكل الاعمال الموجودة داخل الولايات
-
الوردة المتالقة انجي ارجو ان لااسبب الازعاج باسالتي
لم توضحي لي بعد الاختبار تقريبا كم يعطون اجور وهل تكفي للعيش بدون متعمل زوجتي
عزيزتي اني عممت المهن لستفادة جميع الاعضاء
تحياتي لك
-
اخي الشذر بالبداية ينطون 8 دولارات وخمسين فلس بالساعة وبعدين من يشوفون شغلك اذا انت شغلك كلش زين ينطوك اكثر واكثر حد هو 16 دولار بالساعة بس اذا تشتغل مثلا شرائك طبعا توصل الساعة ب 25 دولار بالساعة دائما اي عمل يبدي ب 8 دولارات وخمسين فلس كلهم هيجي يبدون بالعمل وشوي شوي يزيدوهم حسب نشاطهم بالعمل
-
اهلا وسهلا بيك اخ شذر سوري على التاخير
بلنسبة على عملك انت عندك مهنة تقدر اتشوف شغلة عند العراقيين اذا عدهم شغلتك وبلنسبة او اذا تكدر اتشوف غير شغلة وتشتغل لان مو كل واحد عنده مهنة يكدر يشتغل بيها
هسة هواية ناس كاعدين وعدهم مهنة ويعرفون لغة بس شوية هسة الشغل مات بامريكا مو مثل قبل هسة العمال صارو هواية بامريكا سواء ان كان بمشكان او كاليفورنيا او اي ولاية
او اذا تحب تشتغل سائق تكدر بس لازم ا تعرف اتلمناضق وتاجرلك تكسي من شركة وتشتغل بيها وكل شهر تدفع اجرتها والاجرة تكسي مو محدودة حسب
بلنسبة هنا بكاليفورنيا يمنا زوج اختي حداد بس جكد ما يدور حدادة ما كو مدا يشوف بسبب يوجد عمال كثيرة وهسة ابو الشغل هم مكام يدفع للعمال هواية
بس نشالله تجي هنا وكلشي اله حل والرب يرزقك ونشالله تشوف شغل لو حتى شما يكون شغلك اشتغل مو شرط الا مهنة
تحياتي واي سؤال اخر بلخدمة
-
عزيزتي انجي جزيل الشكر والتقدير بارك الله فيكي
عزيزتي مارتينا جزيل الشكر و التقدير حماكي الله ووفقكي
تحياتي
اخوكم الشذر