ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو الحظ في 15:00 29/06/2009
-
اخواني اني بدات اياس
اليوم اتصلو بيه من اليوان بعمان وكالو تعالو اخذو اعاده الفحص لوالدتي يعني هاي المره الثانيه وجماعتي كلهم راح يسافرون واحنه بس شغلتنه نعيد الفحص مال والدتي
-
اخي العزيز ابو الحظ الله يسهل امرك ان شاء الله وتفرج بس اذا ممكن سوال انتة الفحص وين تسويه غير بالمركز العربي يم دكتورة ايمي خوري هية كانت تكول انه اذا اكو شي بالنتائج ابلغكم شعجب هاي مرتين ما تبلغكم لو انتو غير طبيب؟؟؟؟
-
اخويه عبسي
اي احنه يم دكتوره ايمي وكل مره كول الفحوصات كامله ومابيهه شي بس ماادري ليش ديعيدوه هي الكنديه بالقنصليه كالت انتو تتاخرون على مود والدتك كبيره بس الفحوصات مابيهه شي بالمرتين والله اني خايف زوجتي كلش تعبانه لان فاركت ابني الوحيد من 4 اشهر من سافر لكندا وابنتي كملت هاي السنه الصف العاشر يعني اسجلها هاي السنه هم بالمدرسه واقساط وهي بالمرحله الثانويه والله مااعرف شنو اسوي حاير بامري ماادري راح اتصير شغلتنه لو متصير
-
الله يصبرك اخي ابو الحظ المشكلة بالسفارة الكندية ماكو واحد تلزمة وتحجي وياه اني اقترح ابنك يحاول يشرحلهم ظروفكم هناك بعد ما ينطيهم البي نمبر مالتكم.
-
اخوي العزيز ابو الحظ والله قضيتك طولت هوايا بس ماكو عندنا غير الصلاة لاجلك علمود تفرج عليك
يارب تفرج عليك وتسافر والله يوفقكك يا ابو الحظ
امين يارب
-
السلام عليكم
الله كريم يااخي .هانت وراح الهوايه ومابقى غير القليل .الله يسهل امركم وان شاء الله تفرج عليكم قريبآ ونسمع خبر سفركم .
ابو انس
-
اخويه ابو الحظ ماعندك غير الله وانشالله ما بقى غير القليل وصدكني حاليا اكو تسريع معاملات وانشالله ما راح تطول انته بس كول يالله وربك ما يضيع تعبك ..... فرج الله على ساعه
اخوك : الفريدو
-
اخويه ابو الحظ الله يسهل امورك وبلكي هذا الاجراء معناه انه ده يشتغلون بالملف مالتك ادعو من الله ان يسهل امرك ويفرج عنك باذن الله
تحياتي