ankawa
منتدى الهجرة واللجوء => الهجرة و واللاجئين => الموضوع حرر بواسطة: simpe في 15:57 29/06/2009
-
اخوان اريد اسال اذا نفذت المساعدات مال ال 4 اشهر لجماعة الاس اي في ومثلا النظمة ما لقتلك شغل او يعني ماكو شغل شنو اشراح اسوي تبات بالشارع لو شنو ممكن الي موجودين هناك يشرحونا اشلون
-
اخي العزيز ,,,,
الجواب بسيط جدا ,,,,, تسوي نفس الي دتسوي بالعراق ,,,,,, تدوور على شغل و تعيش ,,,, و تحاول تحقق احلامك المرجيه و تستغل افضل الفرص الي راح تتاح لك في حياتك ,,, الوصول الى الولايات بصفه مهاجر او لاجئ ,,,,, و على عناد العواذل ,,,,,
-
اخي كاتب الموضوع بعد مانفاذ المساعدت التي تعطى في 4 اشهر يمكنك ان تراجع الولفر وتتطلب منهم ان تستمر المساعده لكن في هذه الحاله راح يكون دين عليك ومن تشتغل ترجعلهم الفلوس وبالاقساط,,,ويمكن ان يمددون البطاقه الصحيه لبعد سنه ,,,اما بالنسبه للفود ستامب اتكون مستمره,,,هذه امريكا يابه ماتموت احد من الجوع والفضل من رب العالميين واليحمد الله على كل شي راد ينطيه وربنا ماينسى عبيده,,,واهلا وسهلا ,,,مع تحياتي
-
اخوان بعد نفاذ مساعدات الاربعة اشهر تتحول علئ برنامج الثمان اشهر وهذا الي حصل ويايه
بس هم لازم تدور شغل بهل فتره
-
اخوان بعد نفاذ مساعدات الاربعة اشهر تتحول علئ برنامج الثمان اشهر وهذا الي حصل ويايه
بس هم لازم تدور شغل بهل فتره
أخ دنفوري شكرا لك بس ممكن تشرح شلون راح تتحول الى برنامج الثمان اشهر؟ هل يتم تحويلك اوتماتيكيا؟
-
استاذ siv2007والاخت سوسن
ممكن تشرحونا شنو الوليفر وشنو الثمانية اشهر وهل تتضمن هذه دفع الايجار لو لا لان اهم شي دفع الايجار وارجو ارد باسرع وقت شكرا
-
المشكله ببنامج الولفر مايغطي كل احتياجاتك يعني الايجار انته تدفعه وباقي الفواتير
همه ينطوك مبلغ معين و انته تكمل الباقي واكو بي ظوابط مثلا اذا انته مشتغل و مبطل او العمل مبطلك و اذا انته ممشتغل قبل كله على اساسه يحددولك المبلغ
يعني مثلا اخويه ينطوا 335 دولار صك كل شهر من خلاله لازم يدفع كل احتياجاته و فود ستامب
طبعا اذا تريد نصيحتي دور على شغل احسن و اي شغله اشتغله المهم تبدى لان اذا اليوم المنظمه وياك باجر راح يعوفوك من الضغط الي عليهم .
ولا تتوقع برنامج ال8 اشهر حل لانوا هم راح تعاني من مشاكل ماليه لانوا دائما مصاريفك راح تكون اكثر من الي ينطوكيا علمود يجبروك تشتغل
-
اي اخويه تتحول اتوماتيكيا بس المساعدات تقل لنصف تقريبا بس الفود ستمب يضل مستمر الئ ان يصير دخلك اعلئ من مستوئ معين
-
صديقي simpe
سؤالك جدا مهم
وعندي مجموعة اجوبة:
1- بعد نفاذ المساعدات ماذا يفعل الشخص؟
يشكرهم عالمساعدات
2- بعد نفاذ المساعدات ماذا يفعل الشخص؟
يشوفله شغل راتبة بكد المساعدات بالضبط
3- بعد نفاذ المساعدات ماذا يفعل الشخص؟
يشوفله شغل راتبه اكثر بهواي من المساعدات
4- بعد نفاذ المساعدات ماذا يفعل الشخص؟
يصرف من الفلوس اللي ماخذهه وياه
5- بعد نفاذ المساعدات ماذا يفعل الشخص؟
يطلب مساعده من اصدقاءه واهلة بالعراق حتى يدزوله هالقاسمه الله
وطبعا اكو كلش هوايه احتمالات اخرى تعتمد على الشخص المعني وعلى كلش هواي عوامل
ليش كتلك سؤالك جدا مهم!!! بس جوابة كلش معقد
اشكرك عالموضوع
والاخوان عالردود
-
- بعد نفاذ المساعدات ماذا يفعل الشخص؟
يشوفله شغل راتبة بكد المساعدات بالضبط ???
هاي اذا لكه شغل واذا لكه بكد المساعدات
3- بعد نفاذ المساعدات ماذا يفعل الشخص؟
يشوفله شغل راتبه اكثر بهواي من المساعدات ???
هاي اذا لكه شغل واذا لكه شغل راتبه اكثر بهواي من المساعدات
4- بعد نفاذ المساعدات ماذا يفعل الشخص؟
يصرف من الفلوس اللي ماخذهه وياه ???
اذا ماعنده فلوس شلون واذا خلصن شلون ???
5- بعد نفاذ المساعدات ماذا يفعل الشخص؟
يطلب مساعده من اصدقاءه واهلة بالعراق حتى يدزوله هالقاسمه الله ;D
افضل حل
-
صديقي عكعك شو ضلمتهه!!!
احنه غير دنعدد الحلول
اذا صارت الشغله هيجي وياية وانسدت كلهه غير اطك من القهر
بس اذا تلاحظ موضوع حداد السيوف مثلا او ابن بغداد فالوضع مو بهالصعوبة
والله يفتحهه عالجميع
-
السلام عليكم ورحة الله وبركاته
اني مهند من العراق من بغداد اليوم اقيم بالبحرين صارلي 6 شهور (اهلي صارلهم سنتين يدورون قبلي ومواعديهم)
اول يوم وصلت رحت ادور على الامم المتحدة ها بالمناسبة اني وياي عائلتي يعني امي واخوي واختي لان اني ممزوج المهم دورت على اللمم المتحدة من مكان المكان اخر شي كلولي ما كو لدور بالخليج كلا ماكو بس باسعودية اكو بالبجرين المركز الانمائي لامم المتحدة ما لا خص بامور الاجئين بس هلكد ما لحيت وجلبت كلولي نكدر نساعدك ونسق ويا السعودية التنسيق اشون اني اتصل بالتلفون واذا صار لقاء بالمركز يصير اوكي اوكي اخذت الرقم وظليت اتصل ب 1500 دولار لان هذا رقم بدالة طلع ويومية اجرب 10 ارقام لان ال0 للمساعدة ميرد المهم حصلت بنية مصرية وكلتلي اوكي يصير اتقدم ورح نبعثلك وفد للبحرين (طبعا اني مختصر الطردات والاهانات )
المهم والله اسبوع واجا الوفد للبحرين وقابلنا اني واهلي امي كلتلهم اكو هواي عراقين ميدرون اشون كالولها كلولهم خلي يجون بعد شهر نفس التاريخ نجي ونقابلهم المهم خلصت المقابلة الاولى وبعد شهر اتصلو بينا كلولنا الفايل انقبل بامريكا توافقون كلنا اوكي ورا 4 اشهر اجو من مكتب اعادة التوطين والهجرة الامريكية ثلاث اشخاص مصرين كالو احنا نجي قبل المحلفين نقابلكم ونهيئكم وبعدين يجون المحلفين بعد اسبوع من اليوم سالتهم يعني اشكد التاريخ كالو من 10 ايام ال 15 يوم مو اكثر وهاي صار شهرين لا حس ولا خبر .
احنا اليوم منقسمين قسمين قسم يريد يروح وقسم رافض بسبب يكولون الامم المتحدة الي بامريكا متساعد بالسكن والاكل بس شهر واحد وتاخذ من حتى فلوس الطيارة الي جيت بيها ويكولون رفضوا ورحوا قدمو على اوربا حتلو تتاخر احسن واضمن من امريكا بس اخوي كلش متحمس ويريد يطلع لامريكا يكول احسن من الخليج وباقي دول العربية اقلها تضمن حقك محد يطردك لا كفيل ولا اقامة حر والسبع وين مجان يعيش
للي عندا خبرا يجاوبني على الايمل مالتي MOHANED_KIMO@YAHOO.COM