ankawa
منتدى الهجرة واللجوء => الهجرة و واللاجئين => الموضوع حرر بواسطة: الشمرية في 11:08 30/06/2009
-
اخواني واخواتي اللي بتركيا
شنو قصة المقابلة الثانية بتركيا ؟
اكو مقابلين اولى بشهر 2 عدهم استيطان وبعد جماعة شهر 11 و12 و1 موجودين
الله يخليكم اللي يعرف شنو القصة وعلى ياحساب ديمشون يكول
ولكم جزيل الشكر
اختكم الشمرية
-
والله يا اختي العزيزة صحيح محد يعرف شنو اني انتظرت 6 اشهر ونص بالضبط على المقابله الثانية واتصلوا اليوم وحددولي موعد الاسبوع المقبل و اني مقابل الاولى نهاية شهر ال12 واكو عائله ويايه مقابلين بنفس اليوم لحد الان محددوا موعد الهم مع العلم تم تحويل ملفي من يوم 17-6
محد يعرف على يا اساس يمشون بالتقديم للتوطين وغيره
انكول الله كريم والله يسهل للجميع
تحياتي
-
مشكور اخي العزيز
ومبروك على الاستيطان والمقابلة الله يسهلها عليك
-
والله اخواني هذا موضوع جدا مهم
لان المقابلات بتركيا كلش دتتاخر
واني حالي من حالكم
بس اللي يعرف من وين اكدر اتابع تطور حالة ملفي اتمنى يخبرني
عنوان او تليفون او اي شي
وبالتوفيق للجميع
-
اخوية العزيز على الطريق
اذا كان ملفك باليو ان تبقى انته وحظك لو تحصل لو متحصل
لازم تتصل كل يوم خميس على الرقم 0903124097005
من الساعة 9-3 باللغه الانكليزية بس المشكله محد يجاوبك واذا جاوبك وتعرف تحجي انكليزي يكلك خابر بعد ساعة 3
من الساعه 3-4 العصر باللغه العربيه بس جيب اللي يحصل لانه الكل تخابر بنفس الوقت
اذا تحب حاول على هذا الرقم بس ميحجون عربي 0903124097000
واختار اللغه الانكليزية واختار رقم 2 قسم التوطين واكيد راح تطلعلك الموظفه تكلك خابر يوم الخميس بس انته سوي هوسه واكلب الدنية راح تنطيك شويه معلومات
اذا كان ملفك محول توطين بال ICMC
فخابر على هذا الرقم وباي وقت تكد تحصل على المعلومات الكافيه
0902122192055
-
والله اخي ياريت باجر الخميس نخبر ونشوف
ادعولننننننننننننننننننننننننننننننننننننننننننننننننننننننننننننا....
-
اليوم الخميس صار تحديث بالنت علي موضوع اليو ان بشري ان شاء طلع اسمك يالشمريه
-
اخي on the road تكدر اتابع ملفك ع الانترنت ع موقlع اليو ان وهذا الرابط مالهم بس دخل الكيس وتاريخ ميلادك والله يوفق الجميع نسألكم الدعاء resuts.unhcr.org.tr./index.phpl
-
عفوا اخير شي بس php
-
results.unhcr.org.tr./index.php
-
السلام عليكم .....
اخواني الاعزاء اني عندي اقاربي بتركيا قابلو المقابلة الاولي بشهر الثالث هذه السنة .....تقريبا على معرفتكم شوكت راح يقابلون الثانية و اني اعرف هية الشغلة كلمن و حظه....بس حتى لو شي تقريبي
اخوكم جون
-
والله اخويه حمد كلششششششششي ماكو !!!!!!!!!!!!!
اللي مقابلين بعدنا نزللهم واحنا ماكو يمكن نسونا هههههههههههههههههههه
اخبار مقابلتك ما كو شي ؟؟؟
بالنسبة للاخ ابو جون
اذا على هالحسبة اتوقع بشهر التاسع او العاشريقابلون اقاربك وان شاء الله يكون قبل هذا الوقت
-
شكرا جزيلا اختي الشمرية و الله يسمع منج ان شاء الله قبل هذا الوقت
و الله يقدم ما بي الخير
تحياتي الج اخوج جون
-
اني والله اعطوني موعد للمقابله الثالثه واجلوني علي اللجنه الجايه وما ادري اشوكت تجي والله بس اني خابرت اليو ان وقلي انت من اوائل الناس اللي راح تقابل الثالثه لانك مؤجل واليوم اكو واحد يمنا انطوه رفض ويمكن انت تعرفينه هو وعائلته كان بانقره وتحول الي محافظتنا كرامان ومسكين الله يلطف بيه وبينا والله ييسر امرك يا اختي العزيزه
-
اخي حمد بو حمد
حسب ما يحجون اللجنة جاية بداية الثامن ... الله كريم هانت
الله يسهل امرك وان شاء الله اتقابل ..
بس شنو سالفة الرفض هم رجعوا مرة ثانية ديرفضون الله يستر ان شاء الله اللجنة الجاية تكون زينة
والله يوفق الجميع......
-
والله يا اختي هالايام هوايه اكو رفض والموضوع يخوف كلش والله ييسر امرك وتقابلين وترتاحين من الضيم وهم راح تتعذبين بانتظار الثالثه والله يفرج عنك وعني وعن الجميع
-
شكرا للاخوان على جوابكم وتوضيحكم
اخواني صحيح وللاسف هلايام دنسمع هواي حالات رفض في تركيا والله يستر على الجميع يمكن التفت الحيه على تركيه هلايام المقابلات راح تتاخر بين الاولى والثانيه والثانيه والثالثه وموافقات الامنيه كاعد تتاخر
يمعودين السالفه جنهه صارت صدك
اتمنى الموفقيه للجميع
-
شكرا للاخوان على جوابكم وتوضيحكم
اخواني صحيح وللاسف هلايام دنسمع هواي حالات رفض في تركيا والله يستر على الجميع يمكن التفت الحيه على تركيه هلايام المقابلات راح تتاخر بين الاولى والثانيه والثانيه والثالثه وموافقات الامنيه كاعد تتاخر
يمعودين السالفه جنهه صارت صدك
اتمنى الموفقيه للجميع
اخويه العزيز شلون عرفت راح تتاخر المقابلات ؟؟؟؟؟؟ ممكن توضح اكثر
اللي نعرفه بين الاولى والثانية صارت اكثر من 6 اشهر وهم مو سوى اكو عوائل اقل
بس لحد الان ماسمع عواءل اتاخرت المقابلة الثالثه اكثر من 3 اشهر !!!!!!!!!!!!!!!
-
اخواني ان شاء الله ما كو تأخير والكل اتقابل واتسافر بخير وسلامة والله يوفق الجميع