ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 15:10 30/06/2009
-
السلام عليكم ،
اني باجر عندي مقابلة ، الموضوع الي شوية محيرني هوة الخدمة العسكرية اني بعد ما خلصت الكلية مباشرة سافرت الى كردستان - السليمانية للعمل لن كان معي اصدقاء اكراد شجعوني وساعدوني وبقيت اهناك لحين سقوط النظام ورجعت اذا سئلوني على الخدمة اني راح اكلهم الحقيقة ، والموضوع الثاني هم يسئلوك كان عنك سلاح ، اني بسبب عملي مع قوات التحالف كان عندي سلاح والسلاح مرخص من الجيش الامريكي وعندي نسخة من الرخصة مالته ، اذا سئلوني مراح اكذب واكلهم ما كان عندي لان الرخصة موجودة واخاف اذا اكول ما عندي من يجيكون ملفي يلكون بيه الرخصة ، بالمناسبة اني اصلاً عندي ملف بال DHS من سنة 2004 وبيه البصمات وكل المعلومات فما اريد اكذب راح اكو الحقيق لو شنو رئيكم خصوصاً الي سووا المقابلة الثانية
-
ماكو احد ينصحك الا بالحقيقة وترة هم يعرفون شغلات هواية اذا كشفوا انت كذبت بشغلة ولو بسيطة راح يرفضوك لانه ميصدكون كلشي من كلامك
امتلاك السلاح وقضية الخدمة شي عادي احجي الحقيقة ولا تخاف من شي
-
ماكو شيء احسن من الحقيقه ومدام السلاح مرخص و من قبلهم مراح تكون عندك مشكله
اما بالنسبه للخدمه العسكريه فهذه مو مشكله ايضا
توكل على الله
بالتوفيق للجميع
-
الحقيقة اصلا في مصلحتك
-
اخي العزيز اني انصحك انو تحجي الصدق وعلى فكرة اني هم جان عندي سلاح مرخص واصلا ما عندي نسخة من الترخيص بس عادي بالمقابلة مال محلفين كتله انو اني جان عندي سلاح مرخص من الجيش الامريكي وسألتني هسة وينة السلاح كتله بغداد بالبيت لان الرخص انسحبت بعد الانتخابات وحجيت كلشي بصدق لان ادا كدبي بأي شي مو بصالحك خصوصا للي يشتغلون ويان الامريكان اكيد كلشي يعرفون عنهم فماكو داعي للكدب اخي العزيز اتوكل على الله وانشاء الله موفق بس اني بعدني ما استلمت الظرف ادا تريد ترتاح اكثر وادا مقابلة المحلفين مالتك بعد 11 بهدا الشهر انتظر علمود انطيك النتيجة ونكول يا الله لان كلشي بيد الله
-
اخويه العزيز ماعندك غير تحجي الحقيقه وبالنسبه للسلاح ماعتقد راح تنسال هيج شي وميحتاج اصلا ينذكر اتكل عله الله وربك يسهلك ويوفقك.
-
اخويه ماكو احسن من الصدق فهو نجاه لك
-
مشكورين على ردودكم اخواني الأعزاء