ankawa
منتدى الهجرة واللجوء => الهجرة و واللاجئين => الموضوع حرر بواسطة: النمر الوردي في 23:19 30/06/2009
-
سوف اطرح عليكم موضوع حصل معي في كاليفورنيا
قبل شهر تقريبا قال الكثير ان التامين الصحي على الاسنان
سوف يتوقف ببدايه الشهر السابع الموضوع الذي جعل
الناس يذهبون بسرعه الى الاطباء لكن المشكله
ان الاشاعه كانت تقول الذين يتمتعون بحق التقاعد لايشملهم
هذا التخفيض في التامين
قمت انا بالذهاب الى طبيب الاسنان وحجزت موعد لوالدتي
وفعلا ذهبنا الى الطبيب وقامو باخذ الكثير الكثير من الاشعات
وقالو لي سوف نعطيك موعد اخر للمعالجه
واليوم اتصلت بالطبيب فقال لي انا اسف لقد انقطع التامين
لا استطيع ان اعالجها الان
لكي لا اطيل الموضوع عليكم اكتشفت ان جميع اطباء الاسنان
في امريكا (حراميه ولد حراميه) يحاولون بشتى الطرق سرقه
الاموال من خلال التامين الصحي لذلك قامت الحكومه بقطعه
اما بالنسبه لي فقد قال الطبيب انت تحتاج لتحشيه تسعه اسنان
(طبعا اسناني حديد ومابييه اي تسوس ) وهوه يريد ان يعيد الحشوات
اعذروني لاني اطلت عليكم الموضوع لكن ارجو من كل من يريد القدوم
الى امريكا ان يصلح اسنانه قبل القدوم لانه اجره خلع سن واحد 700 دولار
تقريبا
اخوكم النمر الوردي
-
مشكور اخي النمر الوردي على التوضيح والنصيحه وشرحك لهذه الحاله السلبيه المهمه لدى اغلب المهاجرين
تحياتي
-
موكلهم يااخي حرام عليك بس النفوس الضعيفة ولي تشتغل بلا ضمير تريد الصراحة الكل بامريكا واحد ينهب من الثاني مو بس الاطباء حتى شركات التامين تصور سويت انشورز مال شركة وظليت ادفع خمس اشهر كل شهر 200 دولار الهم حتى تكمل ستت اشهر حتى يحق لي ان اسوي عملية قبل ما اوصل لنهاية الشهر خابرت الممرضة لتحديد موعد العملية لي كالو اسفين الانشورز بعد ما يسمح لاجراء هيجي عمليات بعدين خابرهم كلت لعد اني ليش هاي خمس اشهر ادفع الكم فلوس التامين وبالاخير تكولون بعد ما يشملها التامين هيجي عمليات لعد اريد ترجعون فلوسي طبعا شلون يرجعوها مستحيل ترجع من هيجي اكولك حتى اهل التامين يكذبون وينهبون ما استغرب من كلامك صحيح كلامك
-
فعلا صح كلامك اخوية مثل ما سوو بينا كالو راح يطع المديكل واخذنا موعد ورحنا سولنا نصهم وكالو للشهر الثامن واتصلنا بيهم كالو انكطع الماديكال مال اسنان بهاي الحالة شلون نكمل اسنان صارو نص ونص واني هم انصح الكل الي يقدم لمريكا يسوي اسنانة احسن اله لان هنا كلش غالية الاسنان تكلفت عملية مال لثة اسنان 10 اوراق
هنا بامريكا ماكو ضمان واحد يريد لنفسه يعني نهيبة كدامك اتصير ويسون نفسهم هما الحق
اتمنى ان يكون جوابي مقنع للكل
تحياتي
-
اكو شي مهمة اريد انبهكم بيه حتى لو عدكم تامين مدكيت بعض المرات من تروح للطبيب او المستشفى او اي اشعة من الممرضة تكول انه يشمل التامين مثلا كذا عملية او اشعة او اي شي لازم تتاكدون انتوا بنفسكم وتخابرون اهل التامين وتتاكدون قبل اجراء اي شي ترى بعدين راح تجيكم قوائم الدفع يكولون ترى الانشورز ما قبل يدفعها ولازم انت تدفعها مرات توصل بحدود 500 او اكثر او اقل بس المهم تاكدون من التامين قبل كل شي نصيحة من مجرب
-
انجي
hannan.s family
شكرا على هذه التوضيحات بارك الله بكم
-
و الله بارك الله بيكم
النمر الوردي
انجي
hannan.s family
فعلا معلومات مفيدة و اريد اسال سؤال عن التامين الصحي اللي الواحد يريد يسوي عند الشركات بعد انتهاء مدة التامين الصحي للاجئين مرة كلتو انه مكلف جدا بس يا ريت اللي يعرف شكد اقساطة حتى بس ناخذ فكرة عن الموضوع
-
اخي العزيز عاشق تراب العراق تحية طيبة
اخي الكريم اخي العزيز الانشورز هو انواع وكل نوع بيها قانونها مثلا اعلى واحسن انشورز هو اسمه
blue cross - blue shield - ppo وهم اكو نوع acomb health plan واكو بعد غير انواع بس كل واحد شكل النسبه تدفها وهو تعتمد على الامراض الي عندك وعلى العمر وعلى التدخين لانه كل ما كان شخص مدخن كل ما يكون الا نشورز اغلى وهم شكت ما عندك امراض يكون اغلى وحتى العمر يتاثر على الانشورز وهم اذا تسوي لعائلة كاملة ارخص ما تسوي بس الك ودائما تبدي اسعارها من 200 وفوك شهريا وهم اكو نسبة انت تدفعها من تروح للطبيب او اجراء اي عملية لا سامح اللة مثلا يسموها هنا كوبيه يعني قبل اجراء اي عملية لازم تخلي على الاقل 1500 دولار وشكد ما تكلف العملية انت بس عليك تدفع هذا المبلغ
-
يمعودين شنو لعد اني يمكن مو بأميركا !!!!!!!!!!1
الي شفتة وسمعتة كل ولاية وقوانينها من اجينا نبراسكا شهر 4\2008 ولحد الان كل الامور نفسها متغيرت والاسعار ايضا
ومثل مكالو الاخوة التأمين يعتمد على امور كثيرة واكو انواع بس ليش اتكولون غالي؟
الي صار ويانا انه زوجي اشتغل والشركة عرضت عليه blue cross - blue shield وصحيح بيه نوعين وكل نوع منهم بيه انواع واسعار وبالمختصر اكو 3 انواع محصورة في
1.اذا تختار البرنامج الاول راح اتكون ضمن مستشفى معينة واطباء معينيين فأذا لاسامح الله احتاجيت عملية والبرنامج الي انت بيه مابيه هذا الاختصاص عليك ان تدفع اكثر لانه راح تتحول لغير مستشفى
2. البرنامج الثاني راح ايكون اشوية متوسع اكثر من الاول بس نفس الالية
3.البرنامج الثالث اوسع واشمل وبيه عدة مستشفيات واختصاصات
والاسعار كلش متنوعة والشرح مالها كلش طويل بس صدكو كلش رخيص لانه اذا انت مابيك امراض اكيد راح تختار حسب حالتك بالنسبة النا اني وزوجي و 3 اطفال ندفع كل شهر تقريبا مابين 20 الى 35 دولار ممتأكدة لازم اسأل زوجي وفوقها مال الاسنان 13 او 14 دولار ولازم انصلي اهواية حتى الرب يبعد عنا اي مرض ومنظطر الذهاب للطبيب وصدكو هذا الشي الي ديصير ويانا ونشكر الرب على كل شي
طبعا اني طولت بس حبيت اعطيكم نبذة صغيرة
واعتقد لو كل اخ واخت وحسب الولاية الي هما بيها يتكلمون احسن حتى الواحد يفهم وتكون الصورة اوضح
مع حبي واعتزازي للجميع
اختكم اوماها
-
حبيبتي اوماها هاي لانه انتي او زوجك تشتغلون بالشركة طبعا يكون ارخص لانه يسموها مثل كروب مو مثل ما انتي تشترين انشورز لوحدك بدون ما تكونيين تشتغلين اسالي زوجك هو يعرف قانون التامين مال الي يشتغل بالشركة
-
مشكور اخي العزيز على التوضيح وان شاء الله كل الي يوصلون امريكا ميحتاجون دكتور ونخلص من هيج حاله سلبيه
-
اختي العزيزة انجي شكرا على التوضيح و هذا ما عهدناه منك دائما
تحياتي
-
مشكورة حبي انجي على التوضيح لانه اني لحد الان مشفت واحد بدون انشورنز يمنا
الرب مع جميعنا
اختك اوماها
-
اخوية النمر الوردي
لعد اذا هيج شنو جبركم على كاليفورنيا واسعارهه اللي متنجرع ؟؟
ثم انت من جنت بالعراق او اشباه الدول المجاورة للعراق اللي بيهه اللاجئين منو جان يدفعلكم فلوس علاجكم او الدواء او كشفية الطبيب؟؟
احسن شي الواحد يعتمد على نفسه ويدفع من جيبه بس من يتمرض او يحتاج علاج
مو يزرفله زرف بجيبه اسمه التامين ويضل يدفع على لا شئ واهم شي يداري نفسه حتى ميطلع كسر
والاخوان اللي ما شافوا موضوع الاخت روزماري حول تصليح الاسنان قبل الوصول لامريكا ارجو ان يلكوه بالارشيف ويطلعون عليه للاهمية
-
اخي العزيز vencenzo .... بعد التحية
تسال عن دول الجوار .... ساكلمك عن مصر التي امضيت فيها مع عائلتي حوالي ثلاث سنوات ، فيما يخص التامين الصحي للاجئين العراقيين ... فهنالك منظمة كريتاس التي تقدم الدعم الصحي للاجئين و تدفع تكاليف الدواء التي لا تزيد عن 100 جنيه مصري اي حوالي 19 دولار . اضافة الى انه هنالك الكشيفيات المجانية للعديد من الامراض المزمنة ، و كذلك كشفيات عيادات العيون مجانية ، و فيما يخص الاسنان ، في مدينة ستة اكتوبر هنالك مستشفى تعليمي متخصص بطب الاسنان " العيادة الخارجية " ، طلاب المراحل المنتهية تحت اشراف اساتذتهم ، و تجرى فيها الحشوات المؤقتة و الدائمية بل حتى حشوات الجذور مجانا ... فانا اجريت لي في العام الماضي حشوة جذر و كانت خمس جلسات خلال شهر و نصف و لم ادفع اي شيء . لذلك انصح اي اخ يقترب موعد سفره ان يذهب الى مستشفى جامعة ستة اكتوبر لاجراء حشوات الجذور او الحشوات الاعتيادية و بدون مقابل ، مع تمنياتي لكم بدوام الصحة . و لكي لا انسى ، فهنالك رواتب شهرية خاصة تدفعها منظمة كريتاس للذين لديهم حالات مرضية خاصة تتراوح بين 250 - 500 جنيه حسب الحالات .
vet2009
-
والله يا عزيزي Vet2009 اني ما اعرف بهاي الشغلات لان اني ما طالع ابد وانشاء الله ما اطلع اللا لامريكا
واذا اكو موت بالعراق فقابل اني احسن من اللي ماتوا
بس مصر شي على شي هواي احسن من غير اماكن
وهمزين نبهتني
لان والله هاي خوش شغلة وخوش دلال
واني هم اذا على حجيك هم راح الغي تقديمي مال امريكا واشيل جوالاتي واروح لسته ونص اكتوبر وابقى هناك طول عمري خده وخدر بحجة لاجئ
اخي العزيز الى متى تبقه العالم تدفعلنه
واذا العلاج والطبيب غالي بامريكا
فالرواتب ودخل الافراد هم مو قليل هناك
يعني تكدر تكلي شكد عدد الناس اللي بالعراق لو بمصر اللي راتبهم اكثر من 3000 دولار
وشكد عددهم بامريكا؟؟؟
هذا اللي اني قصدته
انه الواحد يصير سبع ويشتغل ويعتمد على نفسه
شنو مساعدات.....شنو بلوشي
واشكرك عالمعلومات
-
الاخ كاتب الموضوع
كلامك كلش دقيق ومضبوط وهنا الاطباء مال الاسنان يسوون من الحبة قبة
الاخوة الاعزاء ما هو الحل لعلاج الاسنان بتكاليف غير مرتفعة جدا ؟؟؟ انا في كاليفورنيا وعلاج خلع سن يكلف 300 دولار وعلاج تركيب crown لسن اخر يكلف 700 دولار بالوقت الذي دخلي الشهري البسيط لا يسمح بهكذا نوع من التكاليف الباهظة ؟؟ علما ان بعض اسناني بحاجة ماسة للعلاج
مع الشكر الجزيل
اخوكم
المبرمج العراقي
كاليفورنيا
-
اخي العزيز vencenzo .... بعد التحية
انا لا اقصد الاسترخاء في مصر ، و لكن علينا الانتظار في احدى البلدان المجاورة للعراق . كي نكمل معاملة اعادة التوطين ، و خلال فترة الانتظار قد يتعرض الشخص الى مرض ما ، او يحتاج الى معاينة طبية من نوع ما . فعندما كتبت ما كتبت لكي ادعوا اخواني العراقيين المتواجدين في مصر للاستفادة من تلك الخدمات ..... و احب اضيف انه هنا حتى العمليات الجراحية المتعلقة بالعيون موجودة ، مثلا عملية زرع العدسة ، و معالجة الماء الابيض و علميات اخرى خاصة بالعيون ايضا موجودة و مجانا ، اي ليست الاسنان فقط ... فعلى من يرغب بالاستفادة منها فهي مهيئة له , و علينا ان نقدم الشكر لتلك المنظمة الانسانية " كريتاس " ، حيث ان السفارة العراقيية لم تقدم تلك الخدمات لرعاياها ، الا يجدر بنا ان نشكر تلك المنظمة الانسانية. ناهيك عن وجود منظمات تتحمل تكاليف دراسة اولادنا بالمدراس ، وفي العام الماضي بالتحديد قد تمت تغطية جميع تكاليف الطلبة الدارسين " العراقيين لا يحق لهم الا بالمدارس الخاصة ، اقصد بالمدارس الابتدائية و المتوسطة و جزء من الثانوية" تمت تغطيتها بشكل كامل من قبل مؤسسات اخرى تابعة للامم المتحدة ، و من المساعدات التي جلبها السيد نصير شمة .
vet2009
-
شكرا جزيلا لصاحب الموضوع وللاخوان علردود وتنويرنة
-
مشكور اخ Vet2009 بارك الله بيك على التوضيح
واحب اضيف معلومه صغيره على ما قدمت من معلومات كبيره انه توجد هنا مستشفيات خيريه
مدعومه من التبرعات وتحتوي على اطباء واخصائيين بكل الاختصاصات ومن الاطباء المشهورين
وباجور مخفظه رمزيه
فما ذكره الاخ النمر الوردي و saadtom يعتبر مصدر قلق اذا ما قارناه هنا في مصر
تحياتي وشكرا لك مره اخرى
-
السلام عليكم
اتوقع هذه الحالة موجودة في كل دول العالم ونقيضها كذلك موجود.
صارت عدنه حادث فكانوا الاطباء في قمة الانسانية والتعاطف مع الحالة.
لو خليت قلبت.
تقبل مروري
عيني بغداد
-
مشكور اخي النمر الوردي على الموضوع الجميل
وكلامك صحيح بالنسبه لاطباء الاسنان في كاليفورنيا وخاصة الكثير من العراقيين والعرب منهم لانهم يعرفون اننا لاجئين جدد لاحول ولاقوة ومضطرين. ولا اقصد الاساءة للكل فلابد من وجود ولد حلال.
الدكتور مال الاسنان اللي رحتله هو عراقي رحت اني وزوجتي كاللي عندك 7 حشوات 4 عادية و3 جذر وزوجتي هم 7 حشوات 6 عاديه وواحد جذر مع العلم انه قبل ان اسافر من عمان رحت للعياده البريطانيه وسويت فحص للاسنان وطلع عندي بس سن واحد حشوة جذر وواحد حشوة عاديه ونصحوني اسويهه بامريكا لان التامين يغطيهه.
من الدكتور كال 7 اسنان تعجبت وكلت لنفسي يمكن كلامه صحيح لان هنانه الفحص بالاشعه .
المهم كل مره اروح اسوي سن اشوف ناس كاعدين كلهم 7 اسنان. يعني ماكو واحد عنده بس سن واحد ينرادله حشوه .لمدة 4 اسابيع اني اراجع وكل اللي اشوفهم 7 حشوات يعني الدكتور مقفص على المراجعين اللي جايين جدد.
اني تأكدت من هذا الكلام لسبب :
- هذا الدكتور سوالي بس 3 اسنان وعاف الباقي من سالته ليش كال اي الرابع ميحتاج . وبعد اصلا عندي اسنان حشوة جذر ينرادلهن موافقه.
المهم الدكتور طلع قفاص جدا . ومع الاسف اسميه عراقي .
واني حيل ضجت من هيج استغلال اليه ولزوجتي ولباقي العوائل
انشالله اا الله وفقني اروح لدكتور على حسابي وافحص اسناني واشوف هذا الدكتور شمخربط واذا مخربط اشتكي عليه لو يطلع اخويه .
اسف طولت عليكم بس صراحه موضوع مهم جدا
واشكر اخي النمر الوردي على طرحه
اخوكم غسان الاشقر
سان دييغو - كاليفورنيا
-
بارك الله بيكم على التوضيح
-
غسان الاشقر
مشكور اخي عالتوضيح بارك الله بيك
-
مشكور اخونا النمر الوردي على الموضوع واسأل الاخوان اللي بعمان عن طبيب اسنان او عياده اسنان مجربيها و زينه من ناحيه الشغل والاسعار ..
نحياتي لكم
-
مشكور وكفيت وفيت يا ابن البلد الطيبه ما قصرت والله
-
اخواني الاعزاء تدرون شنو المشكلة بالاسنان هنانة بامريكا يعني اكو فرق هواية بين فحص الاسنان بامريكا وفحصها خارج امريكا لانه الدكاترة بامريكا يفحصوها بالاشعة هاي الاشعة اذا عندك سن واحد بيه تسوس ضاهري بالاشعة يطلعلك 4 سنون بيها شعيرات متكدرون تشوفوها بالعين وهمة يعتبروها تسوس ويكولك لازم تسويها بينما الطبيب خارج امريكا يعتمدفقط علة المرايا اللي عندة واذا شاف اكو تسوس يكولك اكو واحد بس الاربعة الباقية عبرت عليه بس اصبر عليها كم شهر وهي راح تبدي وتضهر ويطور التسوس هاي هية المشكلة
-
شنو القصة
اني بالسبعينات ماخذ اشعة لاسناني بباب المعظم بكلية طب الاسنان
-
اخويه الذكي هذه الاشعه موجوده بالدول العربيه بس الحجي بالسعر
تحياتي
-
اصدقائي عكعك وصاحب الموضوع الاشعاية الوحدة بمدينة الطب وبطلية طب الاسنان ببغداد بالف هاي قبل السقوط ما اعرف هسه شلون يحسبوهه عالدور الثاني