ankawa
منتدى الهجرة واللجوء => الهجرة و واللاجئين => الموضوع حرر بواسطة: ابو يونس في 01:58 01/07/2009
-
الحمد لله قابلت اليوم المحلفه وكانت بنيه من اصل اسيوي يمكن باكستانيه المهم رحبت بيه وكالتلي اسمها بس ما فهمته كان صعب بس غلست سويت نفسي عرفته وسالتني المترجمه زينه كتلها اي وكالت انطيت فلوس لاحد كتلها لا وكالتلي ارفع ايدك اليمنى وهنا انلاصت عليه ما اعرفت اليمنى من اليسرى بعدين اذكرت اني اصلا اكتب باليسرى فلزمت القلم حتى اعرف اليمنى اللي ما بيها القلم وكالتلي تقسم انك راح تكول الصدك كلتلها اي و استلمتني اسئله طبعا كانت مثل اسئله اللي يستجوبو بجهاز كشف الكذب يعني سريعة الاسئله وهناك تشمرني على شغله ما الها علاقه بالموضوع اني طبعا استغرب بس اماشيها بالكلام يعني راح اوضحلكم هي سالتني عالعسكريه على التدريب على سنة التخرج وهناك كالتلي انت تحب اوباما اني ابتسمت وكتلها اي وبعدين حجيت القصه مالتي وتسالني مثلا على لون على شكل على تفاصيل معينه الها قصد من السؤال وبعدين هناك وجان تكلي انت تعتقد انك صادق معي كتلها اكيد ( اني لحد هسه افكر بهالكلمه مال انت صادق معي اشو كلش بايك هوا من عندها بس لا اعتبرتني دا اكذب عليها ) بعدين كوم وقع وقعت وكالت روح اكعد نكمل الفايل وندز عليك وبعدين صدك اجا الولد وكلي يالله اشطح واحنا نخابرك بس تعرفون قبل اربع اشهر قابلت المقابلة الثانيه وطول ايام الانتظار كنت مشتاق اكتب مقابلتي ويا المحلفين الحمد لله بس ما كنت اعرف انو القلق والتعب النفسي زاد ماقل يعني هسه اكثر تعب وشدة من الاول ما اعرف يمكن حتى لو حصلت التكت مال الطيارة هم ما راح ارتاح ,,,,,,,تحياتي
-
الف مبروك اخي العزيز انشااللة الموافقة والسفر القريب والاستقرار وراحت البال بالتوفيق بكل الامور
-
ألف مبروك عيني أبو يونس إنهاء الإمتحان الوزاري :)
إن شاء الله تحصلون الموافقات بسرعة و تسافرون في أقرب وقت
عجبني أسلوبك خفيف الدم في شرح المقابلة ههه
هسة راح تبدي عندك مرحلة متعبة من القلق و الإنتظار مثلنا ، إن شاء الله تكون قصيرة و يتخللها فحص طبي و دورة
تحياتي و تمنياتي لك بالموفقية
-
مبروك والف على الخير على اتمام مرحلة المحلفين وان شاء الله تبشرنا بموعد سفرك عن قريب
ولاتخاف اخي هي كلها قسمة ونصيب والله شكاتبلك تشوف وبيها الخير
تحياتي ابو محمد
-
مبروك اخويه على انهاء المقابله
هههههههههههه والله ضحكتني على سؤاله الك اخويه هسه بعد اسبوع لو عشرة ايام راح يخابروك على الفحص الطبي هاي معلومات بس الك وانته المحلفه موافقه عليك مو تكعد تراسلني وتكلي منين عرفت انته الك الصافي
اخوك همر
-
مبروك اخي ابو يونس و ان شاء الله التوفيق بالنتيجه ,,,,
-
مبروك أخويه ابو يونس اتمام لمقابله بس تستلم لقبول تفرج وتنسى لقلق فتره قصيره هههه وتعدين تبدي تفكر بلأمنية بس هذا القلق أهون بهواي من لتفكير بلرفض لاسامح الله
تحياتي
-
الف مبروك اخويه ابو يوسف انهاء مقابلة المحلفين وانشاء الله اتكون فترت انتضارك جدن قليله . واتمنالك تحقيق الاماني والموفقيه والفحص الطبي والدوره التثقيفيه باقرب وقت انشاء الله . اخوك. star xb
-
الف مبروك اخي العزيز وان شاء الله بوجهك القبول ولكل الاخوه النتضرين
-
:D :D :D :Dالف الف الف مبروك على المقابلة اخي العزيز و ان شاء الله الموافقة بس حبيبي ما كتلنا شوكت ان شاء الله استلام الظرف و شوكت تصدر موافقة المحلف بس و الله حلوة هاي مال واحد يتيه ايده اليمنه من اليسرى هااهاهاهاهاهااهاها الله يعينك هم مو محلفين هم وحوش هااهاهاهاهاهاهاا على العموم بالموفقية لكل من قابل و ينتظر المقابلة تقبلوا مروري اخوكم طيف السعد
-
مرحبا .... مبروك اخي الكريم ... صدقني كل واحد لما يرجع يفكر بالمقابلة يشعر انه ماراضي عن نفسه ويتوقع (انه راح ينرفض ) لا سمح الله بس خليها على الله وكول الحمد لله انك ماراح تنتظر هواي ولو أنا ما اعرف يمتى موعد الظرف مال حضرتك بس شكله يو م 11/7 صحيح؟
اختك myiraq
-
الف مبروك اخي ابو يونس
انشاء الله القبول السريع و الاستقرار الاسرع
ربي يسهلها عليك و علينا وعلى جميع الاخوة والاخوات
اخوك
ابو جيهان
-
الف مبروك اتمامك المقابلة و ان شاء القبول ... عندما كنت اقرأ ما كتبته ، تذكرت ابني " يسراوي " ، فعندما طلبت منا المحلفة الباكستانية ان نرفع ايدينا ، الكل رفع اليمنى ما عداه ، فابتسمت له و قالت له لا ارفع اليمنى و ليس اليسرى ، فقالت لها امه انه يسراوي..............ههههه
vet2009
-
مبروك مقابلة المحلفين وان شاء الله الموافقة قريبا
سلام الله معك
اخوك يوجد امل
-
الف مبروك اخويه ابو يونس بس حلوه منك مال ما اعرف اليسرى من اليمنى اكيد الارتباك يلعب دور في مثل هيجي مواقف ... اسال الله القدير ان يسهل امرك وتنال الموافقة باقرب وقت انشاالله
اخوك ابو فهمي
-
الف مبرووووووووووووووووووك انشاء الله موعد السفر القريب امين
تحياتي الك بالتوفيق ......
-
السلام عليكم
الف الف مبروك اخويه ابو يونس .وان شاء الله نسمع موافقة المحلفين قريبآ وتبشرنا بموعد سفرك .اتمنالك الخير والموفقيه .
ابو انس
-
اشكركم حبي على ردودكم الحلوة وبارب الفرج قريب للكل وما يبقى ولا واحد منتظر كلها تسافر وترتاح والراحة اهم من السفر يارب ايامكم كلها راحه وسعادة ........تحياتي
-
اخي ابو يونس .. المحلفة الامريكية من اصل اسيوي و جهها خير على الذين قابلتهم ، و ان شاء الله سيتصلون بكم لتحديد موعدي الفحص الطبي .
vet2009
-
الف الف مبروك وان شاء الله الموافقة والسفر السريع ........اختك ايات
-
الف مبروك اخي ابو يونس وانشاءالله القبول اتمنالك التوفيق
تحياتي
-
الف مبروك اخي على اجتياز مرحلة المحلفين وان شاء الله قبول والسفر عن قريب
-
الف الف مبروك اخي العزيز ابو يونس ان شاء الله تحصل على الموافقه والسفر القريب يارب امين0
اخوك 79 النرجس