ankawa
منتدى الهجرة واللجوء => الهجرة و واللاجئين => الموضوع حرر بواسطة: chaldian prince في 20:37 01/07/2009
-
الاخوات والاخوة الموجودين في تركيا حاليا انتظر منكم ان تفيدونا احبائنا.
كم اقصى فترة حاليا لانجاز توطين العراقيين في تركيا لان هناك من يريد ان ياخذ احتياطاته بيناتنا قبل من ورطه ونكوله يله توكل ويوكع بيها. بيناتنا هم مو من الناس الي تجازف/يعني كلش كلش حذر وطاك مررارتي/
هم 10 افراد 7بالغين وثلاثه اطفال يعني عائله جبيرة وينرادلها حساب عدل .
ولكم مني فائق الشكر.
-
اخي هاي تعتمد على انت وحظك اكو ناس شهرين وسافروا واكو ناس صاروا سنين ينتظرون صايره على الحظ وبنسبة لتركيا حسب ما يكولون الاعضاء غالية من بدون باقي الدول الجوار ليش ماتروح اردن هي هم اسرع من الباقين حسب كلام الاخوة الاعضاء انشااللة ربي يوفقك باي بلد الجوار كان المهم يوفقكم بالسفر القريب والتوفيق
-
اخي العزيز
هسا الامريكية صايرة اطول اكثر من سنة ولاسامح الله في حين صار رفض بعدها يحولوك الى الاسترالية وراح تنتظر بين سنة الى سنة ونص يلا اتسافر واني انطيتك اقصى مدة ممكن اطول بيها بتركيا بالنسبة للمصاريف ايجار شقة غرفتين او ثلاث غرف تكدر اتحصلها من 200$ وفوك وبالمحافظات ممكن اتحصل بهذا السعر ومتوفرة وبالنسبة للكهرباء غالية وتجي قائمة كل شهرين والماء نفس الشي بس اذا تقتصد مو اكثر من 50$بالشهرين وبالنسبة للتدفئة والماء الساخن والطبخ نظامهم هنا كلها عالغاز وهم تكدر تقتصد بس احسبها بالشتاء بين 100$ الى 150$ والاكل اسعاره زينة مو كلش غالية واذا عندك اطفال كلش اصغار انصحك جيب وياك حليب اطفال لان هنا غالي واذا تحتاج اي استفسار اني حاضرة
-
كلام اختي العزيزة الشمرية صحيح
بس احب اضيف انه لتبقون باسطنبول لانه ايجاراتها غاليه حاولو تختارون غير محافظة لانه هسه دينطون اسطنبول وثاني شي خلي في بالك الغرامات وخصوصا العائله 7 نفرات
-
مرحبا اخوية سالم العقراوي اني حاليا بتركيا والمعاملة حاليا اول متروح تسجل راح ينطولك من 15 يوم الى كلش شهر للمقابلةالاولى وثاني شي ينتظرون من 5 اشهر الى 6 ونص الى المقابلة الثانية وثالث مقابلة انت وحظك من 20 يوم الى شهرين وبعدين شهر فحوصات وشهر موعد طيران وتخلص ان شاء الله اما للاسعار طبعا اكو محافظات كلش رخيصة بالاكل والشرب والايجار طبعا حسب من 200$دولار وفوك بس كلها نظيفة وتدفئة موجودة بيها وية الايجار هاي طبعا حسب محافظة افيون احنا ساكنين بيها اما الكهرباء لازم ما يصرفون هوايا لان يجي بين 80 دولار وفوك اذا عائلة جبيرة كل شهرين تجي قائمة وماء ايضا نفس الشي واما بالنسبة للغرمات طبعا هاي 50$دولار كل شخص بالغ فقط يدفعها للامنيات والاشخاص الصغار كل 2 بسعر 50$ بس الدفع مو كل شهر وانما تدفع مقدما مال 6 اشهر وان شاء الله يوصلون بسلامة الاهل ولا يديرون بال لان مراح يطولون اكثر من سنة او سنة وشهرين بعون الله واي سؤال تحب تتفظل بي اني موجودة وشكرا
-
اخواننا اللي بتركيا ممكن تخبرونا عن الغرامات شكد وشوكت وبيش ؟؟ مع الشكر
-
اخوية العفرس لعد هذا الشرح كلة وما دا تقرا
-
عيني ميمي الغرامات اللي مذكوره بالشرح هاي ما يسموها غرامات هاي ياخذوها من البدايه من الشخص يتحول للامنيه مال المنطقه اللي حددولهياه وهي بمثابه رسوم اقامه وتدفع كل 6 اشهر حسب علمي.. اما الغرامات اللي قصدي عليها هي بعد ان تطلع الموافقه على السفر يجب على اللاجئ ان يدفع غرامات اذا لم يكن دافع لرسوم الاقامه اذا تجاوز السته الاشهر .. وهذا هو سؤالي يا ميمي
-
اخي العزيز تحيه وبعد لمن تروح لليو ان واسجل راح يدزوك الى احدى المحافظات اللي لازم اسجل بيهه بمديرية الامن مالتها طبعا الجواز بي شهر اقامه حلال عليك اوكي ينطوك بالامن اقامه يخيروك سنه لو ستة اشهر بكيفك نجي على الاسعار اقصد بدل الاقامه للبالغ اكثر من 18 سنه الستة اشهر 288 ليره تركيه بدل الكملك يعني هوية الاقامه 90 ليره وهذا تدفعه مره واحده اوكي لحد الان زين نجي على غير البالغين اقل من 18 سنه 144 ليره طبعا العائله الزوج والزوجه والاطفال يكونون بهويه وحده زين ملاحظه هسه سعر صرف الليره يتراوح على معدل 150 ليره لكل 100 دولار اوكي اخويه
-
بالاضاف لكلام اخي zoona
الغرامات تختلف من محافظة الى محافظة جوز اكثر او اقل
-
اخواني واخواتي اشكرلكم الاجابه بس محد مجاوب على سؤالي فراح اصيغ السؤال بطريقه ثانيه : لنفرض انه اللاجئ دفع مقدما رسوم الاقامه لمده سته اشهر وبعد انتهاء السته اشهر لم يقم بدفع رسوم التجديد لسته اشهر ثانيه فهل سوف يكون هناك غرامه عندما يسافر او مجرد يقسمون مبلغ الرسوم على عدد الاشهر التي لم يدفعها ؟؟؟ شاكرين لكم الاجابه مقدما
-
اخويه العزيز العفرس
راح اجاوبك على سؤالك بالمختصر المفيد
كل لاجئ يعتبر متجاوز على الاقامة ومن يتحدد موعد الطيران لازم تاخذ كتاب طرد من المحافظة يله تكدر تطير لدولة الاستيطان
متكدر تحصل كتاب الطرد لا بعد دفع الغرامات اللي عليك وهي
اذا كنت مطبق الامنيات يعني ساكن بنفس المحافظة اللي حددته اليو ان تدفع عن كل 6 اشهر مبلغ معين واذا زادت اقامتك عن ال6 اشهر راح تبقى حسب المحافظة وقوانينها اما تدفع غرامة عن كل يوم تجاوزته او اذا اجاوزت يوم تدفع مال شهر كامل وكذلك الشهر اللي بعده اي اذا اتجاوزت يوم او 29 يوم تدفع مال شهر كامل واكو بعض المحافظات بس هاي ممتاكد منه انه الغرامة كل سته اشهر اذا اتجاوزت يوم واحد تدفع مال 6 اشهر اخرى ولو مااعرف اخد دافع هيج شي بس اكو عوائل ايكولون صاير
اما اللي ممطبق الامنيات مثلي اني محافظتي بيلاجك واني بقيت باسطنبول لازم ادفع ضعف المبلغ
وتبقى انته والوالي او القاضي اللي يحدد المبلغ
واي سؤال اني حاضر
-
اشكرك اخويه eng medo كفيت ووفيت وعاشت الايادي
-
حلو حبيب اخوج هاي ميمي كرايب احنا وحيل .تسلميلي وصلت الفكرة وبلكد الله هم اكرم وزوجته يجون دنخلص ونرتاح.
تسلمولي يا اغلى الناس
اخوج
ابو داني
-
هاي اخوية اني عرفتك الله يسر امر اهلك وامر اكرم وزوجتا ويخلصونا على كولتك الله وايدك قنع الجميع خاصة هسة اليوان دا ينطون موعد كلش قريب للمقابلة الاولى مو مثلنا طكونا قبل باربعة اشهر لان جان اكو زخم هوايا بس هسة اهون بهوايا والله كريم الله يفتحها بوجهنا وبوجه كل الناس