ankawa
منتدى الهجرة واللجوء => الهجرة و واللاجئين => الموضوع حرر بواسطة: المهندس سيوفي في 09:11 02/07/2009
-
السلام عليكم
مثل متعرفون قبل شكم يوم قدمت على SIV ورفقت وياهن اوراق الاثبات الوظيفي من ال اج ار مال الشركة بالاضافة الى ريكومنديشن من السوبر فايزر مالتي --- البارحة بالليل اجاني ايميل منهم يكول انه الفترة الوظيفية مالتك اقل من سنة والمفروض بال اس اي في يكون المتقدم عندة فترة وظيفة سنة او اكثر !!
اني طبعا صارلي اكثر من سنة ( تقريبا سنة و 4 اشهر ) وهذا الشي مذكور بالاثبات الوظيفي من ال اج ار مالتنا بالاضافة الى الريكومنديشن ومكتوب بيه الفترة من ولغاية الان --- شنو السالفة وية الجماعة مااعرف؟؟
طبعا اخوكم هم راسا جاوبهم وكاللهم الحجي هذا بالتفاصيل وانه اني صارلي اكثر من سنة مثل مامذكور بالاوراق ال دزيتها الكم وداانتظر الرد منهم !!
اخوان شنو رايكم بهاي السالفة؟ وهل هي مداعة للقلق او ماكو داعي ؟
ارجو من حضراتكم الرد بخصوص هذا الشي
تحياتي
المهندس
-
السلام عليكم
اخي سيوفي
ماكو داعي للقلق لان الخطـأ وارد في اي مرحلة من مراحل العملية فتوقع كل شي يجيك منهم.
تقبل ردي
عيني بغداد
-
السلام عليكم اخ سيوفي....
احسن شي تسوي اخوية العزيز اكتبلهم انوا انت صارلك اكثر من سنة تعمل مع القوات الامريكية بالعراق و هذا سوي ريبلاي على ايملهم و يا سوي اتاجمنت للريكومنديشن العندك التي تؤكد عملك لهذه الفترة
الخطا وارد من جانبهم
تحياتي الك اخوية العزيز
-
اني هم نفس الشي سويت اخوية العزيز --- رديت على ايميلهم ورفقت وياه الاثبات الوظيفي من ال اج ار بالاضافة الى الركمنديشن --- ونشوف شنو راح يكون ردهم
ممنون منكم
تحياتي
المهندس
-
اخويه الغالي سيوفي
طبعا مثل ماذكر الاخوه انه الخطا وارد وموجود ..... لكن حبيت اسئلك انه اثناء فتره عملك اله هيه سنه و4 شهور سافرت خارج العراق ؟؟ لان ممكن هيه هاي تكون السبب وهل انته دزيتلهم قائمه بعدد مرات السفر الخروج والدخول للعراق او همه طلبوها منك ؟؟
ارجوا التوضيح اذ امكن ...
شكرا
محــــ2009ـــــمد
-
اخي سيوفي ,,,,,
مثل مذكروا الاخوه قبلي ,,,,, هاي مو صوجك .... حشاك و حشه القاري ,, صوج المطي الي دزلك الايميل و مفتح عيونه ,,,,,,, فيترجيه ال 83 افهم منهم ,,,,, لا و حاسبيهم موضفين و بالك عني ,,,,,
اهم شي انته الي سويته صحيح بارسال ايميل و شرح الامور ,,,, واذا تكرر الموضوع ,,, هم دزلهم ايميل و اصر على رايك و حاول تفهم المطي ,,,,,
-
اخوية محمد 2009
مشكور عالرد --- بخصوص سؤالك اذا كنت سافرت او لا خلال فترة العمل -- احب اكولك وداعتك ولاطلعت نص مترة برة العراق وكاعد وساكت من البيت للشغل وبالعكس --- انتظر توضيحك
اخوية شبح بغداد
ممنون منك وردة عالرد --- واني هم سويت نفس الشي ودزيت وفهمتة للمطي على كولتك وطبعا لازم اكون مصر لان هذا حقي واكو اوراق رسمية تثبت -- مو يجيني واحد اثول ويخربها الي عالاخير --- كلا والف كلا خخخخخخخ
ان شاء الله شوكت ميوصلني الرد منهم اكيد راح اوضحلكم شصار --- والله كريم
تحياتي
المهندس
-
اخويه الورد سيوفي
اذا شغلتك مثل ماكلوا الاخوه مجرد خطا مثل مايصير ويه بعض الاخوان .... وان شاء الله يجيك الرد بقبول حالتك وتحصل على ال COM Approval
وتقبل تحياتي
محـــ2009ــــمد
-
اخوية المهندس سيوفي
اقدملك نفسي اني المهندس فنجوزي
ويمكن احنا مقدمين بتواريخ متقاربة
بلكي تكلي بيا تاريخ قدمت
او ورى شكد بداوا يطلبون منك هاية الطلبات الغريبة
لان اني كل كم يوم يدزولي ايميل يريدون اثبات التوضيف نفسه وارجع ادزه
ويرجعون يطلبونه
وارجع ادزه
والله كريم
تصير سوالف
بالمناسبة...الحمد لله الايميلات ببلاش ههههههههههههه
-
سيوفي ..لا يظل بالك هذا الي قره ايميلك تلكيه سكران او ما منتبه من كثرت المعاملات عادي جدا
حقك محفوظ لا يظل بالك ابد..
اخوك
قرش بغداد
-
المهندس سيوفي الورد ...
عاشت ايديك عا الايميل الي دزيته ....لازم تذكرهم و تفهمهم .....حشه القراء ...هذوله زمايل و محششين ...و يجوز سكارى.....و أكيد يخطاوون ....
تقبل مروري
-
اخواني اني قبل 4 ايام دزيتلهم اوراقي والركمنديشن وكتاب ال HR ال يثبت عمل اكثر من 14 شهر اشو البارحة الحمار الي بال SIV unit دا يكلي انه الجهة المصدرة للكتاب ما موجودة بلائحة الشركات المتعاقدة مع الحكومة ههههه اتعرفون منو الجهة المصدرة للكتاب مال ال HR هية ال MNSTC-I والي هية احد فروه وزارة الدفاع الامريكية يعني مو شركة فاني هم فرودتي الكتاب الى احد الضباط والي حوابني جواب ومعناه كالتالي :-
كالي موضوعك حالتين يأما العراقين احتلوا وزراة الخارجة الامريكية والي دا ايجاوبك عراقي وميعرف شنو MNSTC=I وهذا مستحيل ، او ان وزارة الخارجة متعاقدة مع شركة من الاغبياء المحششين ( واركز على موضوع المحششين ) وهوة دا ايجاوبك وكام هوة جاوبه على الايميل لن بالايميك كان يسئلني عن العقد مال ال MNSTC-I مع وزارة الدفاع وتعال واخرب ضحك لك شنو هذا الغباء المهم اليوم هم اجاني جواب من شخص اخر ومسوي ربلاي على نفس ايميلي الاول الي دزيت بيه المستندات ويكلي المستندات ما واصلة دزلي مسانداتك تحشيش خيالي كلته باله اني دزيت المستندات وجاوبني عليها M8S همة ميكتبون اسماء
شلون ويه الحشاشة مال ال SIV Unit
-
صديقي اسامة
هذا M8S اعرفه فد واحد مطفي ماكو تكه
اني صاحبي اسمه HTD وكلش خوش ولد وابن حمولة 2 طن
ارجوكم بلا اسماء حيوانات ولو هو الحمار رمز مدري يا حزب عدهم
ليروح فد واحد منهم يسمع بينا ويلغيه للبرنامج من كاعه هههههههههه
-
الف شكر شباب على ردودكم الطيبة
اخوية فنجزو
بالنسبة لسؤالك حول تاريخ تقديمي --- اني قدمت يوم 23/6 ودزولي هذا الايميل المطفي مالتهم تقريبا ورة5 ايام --- ومااعرف شلون راح تصفة وياهم --- تريد الصدك اخوك بايك هوة بس ليش ماادري خخخخخخخ
تحياتي
المهندس
-
وراية بيومين
بس هاي شنو
صدك يبين حيل مسرعيهه وجود هاي الشركة ام الموضفين المستحين ميكولون اسمائهم
لان اني هم ورى 5 ايام جاوبوني انه عندك نقص
5 ايام ترى وكت كلش حلو
بس المشكلة التسريع ضايفيله شوية ملح وبهارات وثول
-
شكرا اخ ماجلان على ردك ---
بالرغم من انه اني متاكد من تاريخ التوظيف مالتي ال مكتوب بالرسالة مال اج ار --- بس همين لخاطرك القيت نظرة من جديد عالتواريخ ولكيت انه الاوادم اصلا كاتبيها بصورة بعد اوضح وكالتالي:
Employment Dates: May 2008 - Present
يعني مااكدر اتصور اي خطا بالموضوع اكو وواضح للعيان واصلا اني متفاجئ شلون يغلطون بهيج موضوع !!! صدك عيش وشوف
تحياتي
المهندس
-
اخي العزيز ماجلان ،
عملي الاخير كان مو مترجم ، وانما كان مع شركة متعاقدة مع ال DoD MNSTC-I وكتاب ال HR كان من الشركة المعنية ومعه نسخة من عقد الشركة مع ال MNSTC-I فهوة كان يسئلني وبكل وضوح عن ال MNSTC-I ما موجودة ضمن الشركات المتعاقدة مع وزارة الدفاع ؟؟؟؟ ما كان يسئل على الشركة الي منطية كتاب ال HR والي بالمناسبة موقع ومختوم من وزاراة الدفاع ( ختم الكتروني ) ومختوم ختم اخر من ال MNSTC-I ايضا ختم الكتروني بفايل ال pdf الي دزوه وبالمناسبة اني اخر العاملين بهذه الشركة الي بعدهم ما سافروا لت السبب انه فقد الاتصال بالشركة وحاولت مع ال DoD لاكن كل مرة يكولولي احجي ويه الشركة المهم اخير حصلت مدير الشركة بالصدفة وسوالي الكتاب
-
دزيت ايميل لجماعة ال SIV واجاني الحواب كالتالي :-
Dear Sir/Madam,
Please be advised that we have no record of receiving any forms or
documents from you. Please make sure to follow the
instructions/guidelines that was sent to you as indicated in the
original email below.
بس قبل اربعة ايام ايميل من شخص اخر ( يعني الثلاثة اخرف الي يكتبوه كا اسم تختلف ) كان يسئلني معلومات عن العقد مالتي وايريد صورة من عقد الشركة ومعناه من الايميل مالت وبكل وضوح ان كل الاتاجمنت واصله لأن كان يسئل على كتاب ال HR ، زين شنو معناه هذا اليميل مال اليوم شنو شبيهم كلمن يجر من صفحة لو واحد ميدري بالثاني والله دوخوني ، واني سويت فورورد للرسالة القديمة ماله صاحبنة الي يسئلن بيه والله كريم وانشوف تاليته ، بس هذا ايد عىل الخربطة المو تبيعية ، يعني ادز ايميل مرات يجي اوتو ريبلاي ومرات ماكو تغليس ، زين من ميجي اوتو ريبلاي يعني اكيد الريلة ما مستلميه لو شنو معناه ؟؟
-
اني صار ويايه نفس الشي ...كالولي دز الريكومنديشن واني اصلا دازها جنت..دزيتها مره لخ ومشت الامور والحمد لله
لا تقلق...الله موجود
-
اخي اني اكلك الله كريم واصبر الا يوم من الايام تفرج عليك وعلئ الجميع اخوك ابو الجاي اقبل مروري
-
شلونكم اخواني
طبعا الحمد لله والشكر بعد ماارسلت لهم الايميل وجادلتهم بفيرة وظيفتي الاكثر من سنة --- البارحة تحديدا دزوا ايميل لمديري علمود يسوي confirm ( تاكيد ) انه اني مشتغل بهلكد فترة اضافة الى بعض النقاط اللي اكثر الاخوان يعرفون بيها وهو شي روتيني يسووه الجماعة --- والحمد لله مديري رد عليهم وااكد كلشي وخلصت من هاي السالفة المريضة واني الان هسة المفروض في مرحلة انتظار يجيني الكم ابروفال --- بس حبيت اعرف شكد المدة ال يجيني بيها الابروفال بعد ما المدير رد عليهم ؟
تحياتي
المهندس
-
سيوفي صديقي
حيل عالخير
وهي كلهه انشاء الله كم يوم ويجيك الابروفال يهلهل
بس انته بهالايام حضر مالة ال 57 وال I-360 والجنسية المترجمه حتى حار بحار تدزلهمياه بالبريد السريع
يوم اللي الية