ankawa
منتدى الهجرة واللجوء => الهجرة و واللاجئين => الموضوع حرر بواسطة: سيوف الليل في 09:20 02/07/2009
-
بعد ما أحصل على موافقة الكوم او مشين ما هي الاوراق اللي ادزها الى نبراسكا...........
ارجوكم دايخ دوخة قوية...............وعد اي واحد ادزها.........
-
وينكم شباب
-
حبيبي سيوف ,,,,,
اسسف جدا للتاخر بالرد بس صدكني توني اجيت من الفيترجي ,,,,,,,
باالنسبة للاوراق الي تدزهه ,,,,,
الاستمارة I-360 تمليهه و توقعهه .,,,
الجنسية و شهادة الجنسية و ترجمتهم و نسخه من اقرا للمترجم ,,,,,
نسخه من الجواز ,,,,, صفحه المعلومات ,,,|,,
موافقه رايس البعثة ,,,,,,
نسخه من الركمنديشنات و تاكيدات الخدمه ,,,,,,
نسخه من الباجات ,,,,,,,,
الاوراق ترتب حسب التسلسل المذكور و توضع في ضرف و ترسل الى عنوان نبراسكا الي راح تستلمه بالايميل مع موافقة رايس البعثة ,,,,,,
-
حبيبي الوردة BaghdadGhost ........ اسف جاي اسوي زحمة عليك .......انشاء الله سيارتك اتصلحت.......بس حبيبي عندي كك مسوال حبيبي.........
1.حسب جوابك يمكن اكو نقص لان يكولون لازم الواح يودي صورة قيد وعقد الزواج مترجم ماكو هيجي شي.......
2.عندك فد طريقة لملا الاستمارة360.شلون اوصللها؟
-
اخي سيوف الليل
ارجو منك ان تعذر الاخ شبح لانه على موعد سفر قريب
بالنسبه لسؤالك الاول عقد الزواج و صوره القيد يطلبوها منك بعد ان توصل الاوراق الي اشار الها الاخ شبح
اما السؤال الثاني فانظر الصور و ملف ورد ادناه
-
اخي سيوف ,,,,,
يمكن سيارتي كلش تحبني و تعرف اني راح اسافر لان هالايام ماشاء الله هواي جاي تتحجج ,,,,,, العينتين ورة الراديتر طلعتلي سالفه الداينمو ,,,,,, شون ما شوف راح اجودرهه و اسافر ,,,,, هههههه
حبيبي شو ,,,,,,,
يا اخي والله خجلتي و اشكرك جدا و هذا المرجي منك ياا ورد ,,,,,, مو كتلك طلع الجوازات مو ذبحتني ,,,, يا اخي ذبتك مال SIV مو مال IOM ,,,,,, مع احترامي و تقديري لكل اخوتي و اخواتي المقدمين على ال IOM ,,,,,
-
ورده شو
ابد ما تقصر
اخوك NOOR 2
-
السلام عليكم شباب ......
شكرا جزيلا يا ورود..BaghdadGhost..سفرة سعيدة وبالموفقية........شكرا شو ورحمة لوالديك.....
رحمة لوالديكم اني ولو ضوجتكم بس والله دايخ لان كالو بالاس اي في لازم تترجم الوثائق وشغلة تتعب ويرادلهه حركة وروح وتعال وكتابنا وكتابكم بس سوالي هو :
1.ما هي الوثائق اللي تترجم.
2.اين تترجم.
3.الى أين تعنون الوثائق ........(يعني من اترجمها هم يسولوني الى شنو انت تترجمها).......
4..شكدتطول العملية.
5.زوجتي مولودة في محافظة بابل فكيف الشغلة تصير.........
6.اني انتظر موافقة الكوم اوف مشين وراهه شراح اسوي .......
7.وين الواحد يدز ازراقة الى نبراسكا باي مكتب ببغداد........(مشكلتي شنو الاوراق اللي راح تندز)......
اعتذر والله منكم لان صحيح ثقلت عليكم بس صدكوني دايخ كلش كلش.............شكرا جزيلا ......
شباب واكون ممنون منكم اذا واحد ضافني على ايميله على عنواني التالي
dream_land009@yahoo.com
-
السلام عليكم اخي سيوف الليل
طبعا اولا هناك الكثير من المواضيع بخصوص طرق التقديم وماهي الوثائق المطلوب ارسالها بكل مرحله من المراحله وكذلك طرق ملئ الاستماير المطلوبه منك ..
زهذا موضوع للاخ فالكون بخصوص الخطوه الثانيه وهي مرحله ارسال الاوراق الى نبراسكا
http://www.ankawa.com/forum/index.php/topic,270922.0.html
اخي سيوف بخصوص اسئلتك :-
1.ما هي الوثائق اللي تترجم.
في المرحله الاولى مرحله نبراسكا / اترجم الجنسيه لمقدم الطلب فقط (اي جنسيتك) / شهاده الجنسيه كذلك لمقدم الطلب مترجمه / واقرار من المترجم الذي سيقوم بترجمه وثائقك
اذهب الى هذا الموضوع للاخ شبح بغداد وراح اتشوف تفاصيل بخصوص الترجمه واقرار المترجم ...
http://www.ankawa.com/forum/index.php/topic,242799.0.html
2.اين تترجم.
بصراحه اني مو ابغداد لكن حسب علمي اكو مكتب اسمه مكتب نادر كل جماعه ال SIV اترجم عنده واذا عندك شخص مترجم وعضو في جمعية المترجمين العراقيين راح اوفر عليك هوايه وكذلك بالموضوع الي حطيتلك اللنك مالته راح تلكه تفاصيل اكثر ...
3.الى أين تعنون الوثائق ........(يعني من اترجمها هم يسولوني الى شنو انت تترجمها).......
هي على الاغلب ترجمه مو كتاب رسمي فماكو داعي انه ايعنونها الى جهه معينه ... لكن اقرار المترجم ممكن ان اتعنونه الى كل من يهمه الامر ...
4..شكد تطول العملية.
ماعرف بالظبط ياعمليه تقصد ... اذا تقصد الترجمه يعني ممكن ابنفس اليوم او اذا بالزايد تستلمها ثاني يوم اذا المكتب او الشخص الي راح ايترجم عنده شغل ....
5.زوجتي مولودة في محافظة بابل فكيف الشغلة تصير.........
بخصوص هذا الموضوع .. انته من اتزوجت مانقلت نفوسها الى نفس دائره نفوسك ؟؟؟ لكي تستخرج الجناسي والبطاقه التمونيه يجب ان تكون في نفس دائره نفوسك او نفس دائره الجنسيه الي انته بيها .... اذا انته ماناقل نفوس زوجتك الى نفس دائره نفوسك ... بالمرحله مال نبراسكا الى هيه المرحله الاولى مراح تحتاج اي مستمسك ايخص زوجتك او اطفالك ... لكن بالمرحله الثانيه وهي NVC يحتاجون صوره قيد 57 لزوجتك ولازم اطلعها من دائره الجنسيه الي في بابل بالاضافه طبعا الى الجنسيه وشهاده الجنسيه وطبعا اكو هوايه متطلبات بهاي المرحله لكن احنه بصدد التكلم بالمرحله الاولى انه ماتحتاج مستمسك ايخص زوجتك او اولادك...
6.اني انتظر موافقة الكوم اوف مشين وراهه شراح اسوي .......
طبعا وره ماتحصل الموافقه تبعث اوراقك على دائره الهجره والجنسيه في نبراسكا USCIS واتكون وياها تعليمات شنو راح اتدز من اوراق كما ذكرها اخويه العزيز شبح بغداد وكذلك العنوان الي راح ادز عليه ...
7.وين الواحد يدز ازراقة الى نبراسكا باي مكتب ببغداد........(مشكلتي شنو الاوراق اللي راح تندز)......
اكو طريقن .. اما عن طريق ال DHL وهو تقريبا ايطول 4 ايام من بغداد للوصول الى امريكا (حسب تجارب الاخوه بالمنتدى) وعنوانه بالعرصات بس ماندل بالظبط وين ... او عن طريق مكتب FedEX وهذا اعتقد اسرع وهذا عنوانه ابفندق فلسطين وكذلك عنده فرع في فندق الحمراء / شارع الجادرية / تلفون عراقنا / 07901585297
أيميل المكتب / station.hamra@falcongroup.bz
ولتفاصيل اكثر بخصوص المكتبين ادخل على هذا الموضوع
http://www.ankawa.com/forum/index.php/topic,315458.0.html
وان شاء الله قدمتلك فد شي بسيط من المعلومات الي اتفيدك
واي شي اسئل واحنه حاظرين
اخوك
محـــــ2009ـــــمد
-
والله العظيم انت وردة ابو جاسم الله يحفظك تعبتك حبيبي وياي ............
1. بالنسبة لزوجتي اني نقلتها الى نفس نفوسي اللي ببغداد يعني من راح اطلعلها 57 يكون من بغداد مو من بابل؟ ............مو؟
2. يعني حسب حجيك اني بمرحلة نبراسكا بس راح ادز الجنسية وشهادة الجنسية مترجمة بس؟
3. ملخص الحجي:
يعني المستندات المطلوبة في هذه المرحلة هي اجيب الجنسية وشهادة الجنسية (بس الخاصات بيه مو لوزجتي اترجمها) واخليها بظرف وادزها ( اروح لفندق فلسطين وادزها من هناك ) وانطيهم عنوان نبراسكا.........يعني ما راح احتاج ادز الجواز او شهادة الميلاد......انشاء الله يكون الحجي مالتي صحيح؟
-
يمعود تدلل اخويه سيوف ...
1. بالنسبة لزوجتي اني نقلتها الى نفس نفوسي اللي ببغداد يعني من راح اطلعلها 57 يكون من بغداد مو من بابل؟ ............مو؟
اي اذن خلاص انسه بابل بعد زوجتك مالها علاقه ابابل وراح تنذكر بصوره القيد 57 ويه نفوسك بس كدامها راح ايذكرون انها من نفوس بابل وهذا شي عادي ... واكيد انته راح اطلع صوره قيد 57 من بغداد من دائره الجنسيه الي انته تابع الها وكللهم ايذكرون جميع افراد عائلتك يعني زوجتك او اولادك ...
2. يعني حسب حجيك اني بمرحلة نبراسكا بس راح ادز الجنسية وشهادة الجنسية مترجمة بس؟
اخويه العزيز .. الاخ شبح وضحلك بالظبط شدز فوك وهم راح ارجع اعيدها الك ,,,
الاستمارة I-360 تمليهه و توقعهه .,,,
الجنسية و شهادة الجنسية (لك فقط) و ترجمتهم و نسخه من اقرار للمترجم ,,,,,
نسخه من الجواز (لك فقط),,,,, صفحه المعلومات ,,,|,,
موافقه رايس البعثة ,,,,,,
نسخه من الركمنديشنات و تاكيدات الخدمه (يعني نسخه من التوصيه مال المسؤول الامريكي عنك وكتاب التوظيف ),,,,,,
نسخه من الباجات ,,,,,,,,
3. ملخص الحجي:
يعني المستندات المطلوبة في هذه المرحلة هي اجيب الجنسية وشهادة الجنسية (بس الخاصات بيه مو لوزجتي اترجمها) واخليها بظرف وادزها ( اروح لفندق فلسطين وادزها من هناك ) وانطيهم عنوان نبراسكا.........يعني ما راح احتاج ادز الجواز او شهادة الميلاد......انشاء الله يكون الحجي مالتي صحيح؟
نعم اخي اي مستمسك ايخص زوجتك واولادك بهاي المرحله غير مطلوب منك ... نعم اتروح لفندق فلسطين وتنطيهم عنوان نبراسكا واكو عنوانين لنبراسكا انته اختار البريد المستعجل (Overnight Deliveries) علمود بريدك يوصل اسرع لجماعه نبراسكا .... لا اخي راح تحتاج ادزلهم صوره مستنسخه عن جوازك الصفحه الي بيها صورتك وياريت اتخلي كل المستمسكات استنساخ ملون ايكون افضل ...
وممنون وتدلل
اخوك
محــــ2009ــــمد
-
عيني سيووووف..... اتبع التغليمات اللي باليميل اللي وصلك واللي بي الكوم ابروفل .....وهوه نفسه اللي ديحجي الك بغداد كوست....وادعو من الله التوفيك الك وللجميع
-
شباب اني بس حبيت اكول كلمتين فقط ( الله يوفقكم ) وشكرا الكم......واعذروني اذا هم غير مرة لحيت عليكم .
-
شباب شباب تذكرت شغلة هم ردت اسالكم عليها..............
نكول اني دزيت الاوراق الى نبراسكا..........خوش حجي........زين..........هسة همة هم راح يطلبون اوراق ........يعني من توصل الاوراق لنبراسكا همة بعدها يدزوها الى nvc (طبعا حسب ما اني فاهم زين) بعدها nvc يدزولي ايميل يطلبون مني شغلات او وثائق يكلولي لازم تتدزلنا اياها والوثائق حسب علمي هي:
عقد الزواج....مترجم
صورة قيد....مترجم
الجناسي..(لي ولزوجتي)..مترجم
شهادة الجنسية..(لي ولزوجتي)..مترجم
الجواز.....مترجم لو لا ماادري.......(او ادز فقط الورقة اللي بيها صورتي).......لي ولزوجتي.
بس هاي الوثائق غير لو اكو بعد ............يعني خصم الحجي اصعب شي الواحد يطلعه هو صورة القيد وعقد الزواج كلاهما مترجمان.........
اعرف دوختكم .........تعبتكم .........بس انت اخواني .....عراقيين.......
شكرا جزيلا.
-
اخي سيوف الورد ....
انته حسب كلامك لحد الان مامستلم موافقه رئيس البعثه COM Approval وبعد وراك مرحله نبراسكا الى وضحوها الاخوه اعلاها وان شاء الله افتهمتها ووصلت الفكر .... مرحله NVC هاي كلش بعد وكت عليها وبيها مستمسكات اتخضك واتخص زوجتك و اولادك وكذلك استمارات كثير لذلك لاتدوخ نفسك بيها من هسه استلم الموافقه ودز الاوراق لنبراسكا عود هذاك الوكت من توصل مرحله ال NVC الله كريم ...
واخي مثل ماكال اخ SIV انه جماعه ال SIV ابكل مرحله ايدزولك التعليمات الي اتسويه بالمرحله الجايه وبالتفاصيل .... اضافه الى هذا انه انته تكدر اتدور بالمنتدى اكو هوايه مواضيع تشرح مرحله مرحله بالتفصيل الممل وراح تستفاد منها هوايه ....
تحياتي الك وبالموفقيه والنجاح
محـــ2009ــــمد
-
شكرا ابو جاسم اني حقيقة كتبت هيجي حتى من يطلبون اي مستند من يمي اني اكون مخلصة وبالي مرتاح ......فحبيت اعرف بس هاي الوثائق تترجم لو اكو غيرها ...حتى الواحد من هسة يترجمهن ويخلص .....اتحملوني شباب اني اخوكم ........فادناه وثائق بس هاي لو اكو غير شي يترجم........
عقد الزواج....مترجم
صورة قيد....مترجم
الجناسي..(لي ولزوجتي)..مترجم
شهادة الجنسية..(لي ولزوجتي)..مترجم
الجواز.....مترجم لو لا ماادري.......لي ولزوجتي.
-
ها شبابنا وينكم يا معودين..............
-
اخويه سيوف ...
اجابته على اسئلتك ...
الجواز لا يترجم لان بي المعلومات بالانكليزي .... الي ذكرتها كلها صحيحه واحب اكلك على شي اذا تكدر اطلع شهاده ولاده (ولو الجناسي ممكن ان تحل محل شهاده الولاده) يعني مو شرط اتطلعها ,,,
تحياتي
محـــ2009ــــمد