ankawa
منتدى الهجرة واللجوء => الهجرة و واللاجئين => الموضوع حرر بواسطة: starxb في 09:25 02/07/2009
-
السلام عليكم اخوان وخوات . اكو احد من الي امقابلين المحلفين وعاملين الفحوصات بشهر الخامس قبل لا يستلمون المغلف . من جماعة سوريا . اكو احد صار وياه شي جديد . الله ايخليكم شباب تره الحاله النفسيه والعصبيه والمعنويات صارت تحت الصفر. خاصه بعد اخبار المنتدا هل يومين . اشو نسبة الرفض دتصعد . المشكله اني بحلب . كاعد هنا كلشي مدا افتهم . خلفلله على هذا المنتدا الرائع ورواده الطيبين . تمنياتنه للجميع بالموفقيه . اسف على الاطاله . اخوكم .star xb
-
السلام عليكم اخوية اى صديق زوجى قابل المحلفين بشهر السادس والى حد الان محد اتصل بية على الفحص علما انو ملفة وحده لانه غير متزوج وان شاء الله اخوية من اسمع شى منه اكتبلك واصبر ترة بعده الشغلة طويلة هاى اليوم 3 اشهر ماخذين الموافقة مال المحلفين ودننتظر والله يوفق الجميع
اختك ام سما
-
أخوية العزيز ستار إكس بي خلي خُلگك طويل ودتشوف بعينك أكو ناس منتظرة ست شهور الظرف وناس إجت الموافقة ورة سنة صارت اكسباير وما سفروهم ودينتظرون الموافقة من جديد ؟؟؟ يعني أني وياك بشهر 5 قابلنا الوفد وبعدنا بأول الطربق والشغلة ينرادلها صبر يا أخي العزيز ... †
أخــوكُم / وسـام بهنام داؤد الخابــوري
دمِشــق / سُوريـــا
-
اخوية آني قابلت بالشهر الخامس و سويت الفحص بنفس الشهر واليوم اتصلو علية من اآي او ام واطوني موعد الأحد القادم وهسة آني مدا اكدر اشيل ايدي من الاعصاب وماعدنا غير انكول الله موجود وانشاء الله خير.
همو -سوريا
-
حبيبي كلللللللللللشي ماكو على حطة ايدك و اني هم صاير حيل اعصاب و خصوصا بعد اخبار المنتدى هاليومين اني قابلت بشهر الخامس و هم سويت الفحص
-
السلام عليكم اخوان . اني جدا اشكركم على المشاركه بسوالله تعبنه قبل ساعه خبرني صديق قابل محلفين 18\5 وسوينه فحص اني ويا سوه وسلمنه الفحوصات يوم11\6 اليوم الساعه 2 خابرو وكلوله انته من حاب اجابهم نعم كلوله ظرفك وصل تحب تجي تستلمه لو نفتحلكياه كللهم افتحو ما عندي صبر اجي من حلب لشام حتى اعرف النتيجه ففتحو الضرف والحمد لله والشكر كانت النتيجه (موافقه) حددوله يوم لستلاام الضرف وكلوله احنه نتصل بيك . وهذا الموضوع اشويه انطاني امل وانشالله يارب تفرج على كل شعبنه العراقي وبالخصوص جماعتنه الي دينتضرون الموافقه والموافقه الامنيه . اكرر شكري للاخت ام سما . وللاخ عاشق تراب العراق واكله مو بس انته عاشق اتراب العراق اني هم وخاصه التراب الي على ضفة دجله والفرات .واخويه همو.واخويه راهب الحب .وانشالله تسمعون اخبار مفرحه عن قريب . اسف على الاطاله .اخوكم .star xb
-
اخوان عندي فد سوال اتمنى يجاوبني عليه المتاكدين من جوابه فقط اني اهلي بسوريا سوى مقابلة بالسفارة الالمانية وبعدين سو فحوصات يوم 3-5 ةهسة دا ينتظرون الiom سؤالي هسة همة مقبولين لو بعد لان خابرو على السفارة كالولهم بعد الفايل مالتكم ما واصل من المانيا