ankawa
منتدى الهجرة واللجوء => الهجرة و واللاجئين => الموضوع حرر بواسطة: osama5477 في 14:42 02/07/2009
-
اخواني قبل قليل تم اعلان نسبة البطالة الجديدة في امريكا والي ارتفعت الى 9.5% بعد ما كانت 9.2% وعدد الوضائف الي تم التخلي عنها هذا الشهر فقط هية 467 الف وضيفة بس هذا الشهر يعني التدهور مازال مستمر والله الي يستر
-
اخي تعرف عدد سكان امريكا هو اكثر من 400 مليون مواطن ؟اعتقد الاقتصاد الامريكي قوي لدرجة انه يمكن تخطي هذه الازمة الاقتصادية العالمية بعدين اكو شغلة مهمة انه الوظائف الي يستغنون عنها هي وظائف رواتبها اعلى من الي يكدر يشتغل بيها اللاجئين والدليل اكو عراقيين هواية يشتغلون بوظائف بسيطة
-
التدهور سيستمر و لن يتوقف و سيطيح بالدولار
و سيجر معه أغلب دول العالم
و على رأسها الدول النائمة
مع الأسف هذه هي الحقيقة التي يتجاهلها أغلب الناس
الله يسترنا و الله يحمينا من كل سوء إذا سافرنا و إذا بقينا بدون توطين
نسأل الله العافية
http://www.youtube.com/watch?v=VCv32qaINIQ
-
حيييييييييييييييييييييييييل 9.5
حتى بباب الشرجي هم البطالة اقل
هاي شنووووووووووووو
-
من حسب مراقبتي للاقتصاد الامريكي اخواني الاقتصاد الامريكي اقوى اقتصاد بالعالم ونعم مستحيل يوكع في يوم من الايام وحاليا الاوضاع مو زينة لاكن في طريقها للتحسن واخي العزيز حيدر حتى الوضائف البسيطة غير متوفرة للاجئين حالياً يعني جدا محضوض الي يحصل عمل خلال فترة 6 اشهر من وصوله
-
مرحبا اخ اسامة ... طبعا كل مواضيعك سببتلي احباط وكآبة طبعا اعرف انه بدون قصد منك واعرف انه حضرتك تهدف خدمة اعضاء المنتدى ... ولم اكن استطيع الرد على مواضيعك لاني لا املك المعلومة الاكيدة سواء بخصوص برنامج ال USRAP او حالات الرفض التي تزداد بناء على كلام حضرتك او حتى بخصوص اقتصاد امريكا فيبدو انك شخص متابع لهذه المواضيع واسلوبك يوحي بانك واثق من هذا الكلام ....
ولكن ...
الان قررت الرد لانه حضرتك ذكرت هذه العبارة (محظوظ من يجد عمل في امريكا خلال 6 اشهر )
وهذا الشي الوحيد الي حبيت ارد عليه لاني متأكدة جدا جدا ان العمل متوفر لانه خالتي هناك ومنذ تقريبا شهر سافر صديقنا ايضا وهوصديق مقرب جدا جدا وهم يؤكدون ان العمل متوفر لمن يريد العمل واعتقد حتى وان كان كلامك صحيح لكن هناك مبالغة .... ابنة خالتي وهي طالبة يعني ليست مجبرة على العمل حاليا تدرس وتعمل وابن خالتي وهو لا يملك لغة بتاتا اشتغل في شركة وبعد فترة قرر يأخذ دورات لسياقة الشاحنات ليعمل سائق شاحنة لزيادة الدخل .
يعني الامر ليس بهذا السوء ...
اختك myiraq