ankawa
منتدى الهجرة واللجوء => الهجرة و واللاجئين => الموضوع حرر بواسطة: Banah09 في 20:28 02/07/2009
-
السلام عليكم اخواني
اليوم كانت مقابلتي في ابو ظبي الحمد لله كلشي تمام بالرغم من انه اني اتاجلت شغلتي لكن بدون وضع وقت محدد للتأجيل لأنهم طلبوا مني جواز G لأبني وكما تعلمون انه من الصعوبه عليه استخراج جواز جي من الامارات لان السفاره تدعي هنا انه العراق وقف اصدار جواز جي.
تفاصيل المقابلة
وصلنا الساعه التاسعه صباحا للسفاره ووجدنا ناس كلش اهواي قدمنا اوراقنه في شباك رقم 8 وطلبوا منا الانتظار وبعد نص ساعه نادوا علينا توجهنا انا وزوجي وابني طلب صوريتين لكل شخص واعطيتهم الصور والجوازات واقدمتها بعد ذلك طلبوا منا الانتظار ورجع الموظف وكان هندي بس حييل حييل نحيس وتعيس المهم قال جوازكم نافذ بس ابنك جوازه اس وهذا غير ممكن اصدار الفيزه فيه، وفهمته انه ما اقدر اطلع جواز جي والـ NVC قالوا قدمي طلب اعفاء جواز وملئت الاستماره وبعثتها لهم للـNVC وبلغوني بموعد المقابلة فطلب مني الايميل الذي تطلب فيه الـNVC طلب ملئ استمارة الاعفاء، وهنا الحيرة لم يكن معي الايميل فأرشدني الى كمبيوتر خاص لفتح الايميل عند الحاجه (همه حاطيه طوارئ للأشخاص عند الحاجه) فتحت الايميل وسحبت الطلب وانطيته اله وداه ما اعرف وين بعدين افتهمت انه يروح للقنصل ويرجع طلب منا الانتظار بعد وفد نص ساعه اخرى من العذاب نادوا رقمنه من شباك اخر وقابلتنا هنا امراءه وكانت بشوشه ضحوكه وكلها اخلاق من وراء الشباك لعب مع الطفل واعطتنا استماره DS230 وقعناها وبصمتنه وسألتنه اسئله عادية كم عمر الطفل، شنو شهادتكم، وين ناوين تسكنون في امريكا قلنا لها لا يوجد مكان محدد لان لا كفيل لدينا ولا نعلم بس رشحنه لها كم ولايه منها فرجينا وميسوري فردت علينا اوكي فريجينا كلش اوكي انا من فرجينيا وسألته انا اتخيلو اني صرت اسألهه اكو شغل اهناك لو لا فقالت اكو شغل واكو عرب واكو جو رائع فكتبت اوكي لعد فرجينيا وبعدين قالت الفيزه كاملة بس واخ من البس جيبوا جواز جي للطفل وفي اي يوم تحصلون الجواز تعالوا من الصبح واخذوا الفيزا واتمنت لنا الخير في امريكا وقالت خل نلتقي اهنا.
رجاءا اخواني اريد افتهم هل هناك اصدار جوازات من العراق حاليا وهل سهل استخراج جواز للطفل ، اعرف راح تقولون بالفلوس والله بالفلوس والتواسيل وما حصل شنو اسوي، تعبت
ام ياسر
-
الف مبروك اختي ام ياسر مقدما
ان شاء الله تحصلين ابن حلال يساعدج في محنتج ولو اني الصراحه اعرف عالم طلعوا بفلوس ,,,, بس شخصيا ما اعرف شون و منو الي ساعدهم ,,,,, راح اخلي خبر يم جماعتي و ان شاء الله يصير خير ,,,,,,
تحياتي
-
الف الف مبروك حبي هااااااي لاخبار الحلوه انشاءالله التوفيق بخصوص ابنج الحل يمي احجي وياج على الخاص وفهمج
تحياتي
ساسي
-
السلام عليكم
تحياتي اختي ام ياسر
الف مبروك على المقابله وان شاء الله يوم السفر ... وان شاء الله شغل الجواز محلوله يارب
شكرا
محــ2009ـــمد
-
ألف مبروك أم ياسر
أن شاء الله موضوع جواز أبنك ينحل و تصير سوالف ..و الأخوان بالمنتدى ميقصروون و ياج
-
ما اريد اثبط من المعنويات
بس هليام صايرة محاربة للفساد بكل دوائر الدولة ومن ضمنها دائرة الجوازات واني بنفسي طلبت من شخص يمكن مسويلي 10 جوازات كبل ان يسويلي جواز لشخص عراقي عايش ابريطانيا اسبوعين ومدبرهه وكال الجي توقف وهسة بس الاي وجدا صعبة الشغلة صايرة
يجوز احد من الاخوة يعرف احد واني برأيي ان يجي الاب لبغداد فد اسبوعين ويطلعة بشكل قانوني
-
الى اخوة الاعزاء المحترمون جميعا
اشكركم جميعا على التهنئه والله يسهل على الكل وتصلون الى ما تصبون اجمعين وانشاء الله ما تلقون بس الخير والبركه والسعاده لكم ولكل عوائلكم.
الاخ سبع صنايع
بالضبط هذا ما سمعته من اغلب الاشخاص الله كريم انشوف شسوي والاخ محمد والاخت ساسي هم عدهم امل الي الله كريم دعائكم.
ام ياسر
-
عالخير اختي ام ياسر عالمقابلة وانشاء الله تحصلون الجواز وتستلمون الفيز وتسافرون باقرب وقت
اني اتفق وية اخوية سبع لان اني لاحظت انه حتى بدل التالف والضائع هم اكو لجنة تحقيق واتلاف والصرف لهاية الحالات صاير مجاني وبدون صك وهذا دليل على انه الجماعة كايمين يجرون عدل بس بلكي اكو استثناءات واختنا ساسي تكدر تسويلج شي
بالمناسبة اخونا العضو همر هم جان منزل موضوع قبل كم يوم على كونه ديريد يضرب السرا مال المناطق بتطليع جواز او جوازات وما اعرف ليوين وصل
برايي اسهل شي انه ابو ياسر يزرك لبغداد عالسريع يطلعه ويرجع وانشاء الله ما راح تكلفة الروحة والرجعة هواي بس خلي يسال قبل ما يسافر على منطقتكم السابقة بيا يوم بالجدول يراجعون
واكو طريقة الكفالة الخاصة اللي اني كاتب منطوقهه بموضوع تقديمي ممكن تسويهه لاي احد مثلا خاله او عمه وتدزيله المستمسكات بايميل وهو يطبعهه ملونه وحتى التوقيع او بصمة الاصبع...بس بهالحالة ما اعرف اذا تصير
اذا تنطيني للاحد اني رايح للجوازات عالاكثر واسال على حالتج واجيبلج اللهيبة انشاء الله
-
الاخ vincenzo
اشكرك كثيرا على ردك، ما قصرت انشاء الله يجازيك الله بالخير والتوفيق، ويسهل شغلتك، واقتراحك ممكن هو اللي راح نمشي بيه وابو ياسر يمكن هو اللي يمشي بالموضوع، واني دائما كنت اتابع موضوع الاخ همر وفهمني على الخاص القضية ورايه قريب لرايك وباقي الاخوه.
شكرا
ام ياسر
-
الاخ شبح بغداد
اشكرك على ردك وتوصل بالسلامه واكيد راح نفتقدك بس اكيد الاخ ماجلان راح ايكون كدهه، لان كلكم سباع وكد المسؤوليه وما تبخلون على اخوانكم وخواتكم، توصل بالسلامه وندعو لك بالتوفيق واتمنى ان ياتي يوم نلتقي كلنا في امريكا ونحتقل بصدق الاخوه التي لا تربطها سوى محبة فعل الخير.
بالسلامه والتوفيق
ام ياسر
-
الاخت ام ياسر
الف الف مبروك
بالنسبة للجواز ترة شغلتة سهلة حيل معقولة ماعدكم عرف ببغداد او واحد يشتغل هناك
ترة بعدهم يطلعون جواز جي هناك بس يكلف
-
الف مبروك
NOOR 2
-
مبروك اختي ام ياسر عله المقابله والله يسهلج امرج وتحصلون الجواز باقرب وقت بالتوفيق ان شاء الله.