ankawa
منتدى الهجرة واللجوء => الهجرة و واللاجئين => الموضوع حرر بواسطة: Sasy في 21:29 02/07/2009
-
اعزائي ماعرف شلون اصف فرحتي الكم بس خلي احجيلكم شنو صار ويايه
اليوم رحت للسفاره وطبعا موعدي بالعشره واختكم رايحه بثمانيه ونص ههههههه المهم حصلت على رقم وجنت ثاني وحده وودخلونه بقاعه ويصيحون رقم رقم
ومن رحت جانوا موضفين ثنين اخذوا المعلومات كلها والاصلي بس اني بقت يمهم جنسيتي والهويه عاااادي مو وياها الجواز بالله الجواز عادي ذني ليش المهم وظلينه كملوا الكل طبعا الكل لبنانيين بس اني عراقيه وصارت مقابله الامريكي وجانت حلوه وسهله تأديه القسم واخذ البصمات الاصابع وحجيتله سالفتي بالمختصر وعلى كم سؤال منو عندي منو ماعندي بمريكا وشنو جان شغلي بالعراق وشنو الشركات الي اشتغلت بيها ومن هل السوالف
ورها كتب اوكي على الفايل مالتي يعني ok for her issue وكلولي يوم ٨ بالشهر تجين ونطوني كارت برتقالي مال الموعد
اني جدااا فرحانه وانشاء الله يوم الكم كلكم يارب وتفرحون فرحتي
تحياتي للجميع
اختكم
ساسي
-
الف الف الف مبروك اختي ساسي و تستاهلين كلل خير ,,,,,,,
الحمد لله تعبج مراح بلاش و ان شاء الله مثل مكلتي تكمل الفرحه بالخبر الحلو من الكابوي العراقي و بقية الاخوة الي منتضرين استلام الفيزا ,,,,,,,,
مبروك مرة ثانيه ,,,,,,,
-
حبيبتي
الف مبروك والله فرحت وارتاحيت من سمعت سهولة الامر، اتضح لي انه احنه اللي بالخارج مقابلتنه اسهل بكثير من الاخوه بالعراق، اضافه الى انه لم يطلبون مني اي اوراق اصلية غير بس صور وجوازات وبس ولا محكومية ولا جناسي ولا اي شيء، وحلفونه وبصمونه ومبروك بس طلبوا الجواز، اتصل بيج على الخاص واشكرج كلش.
مبروك وانشاء الله نلتقي اهناك.
ام ياسر
-
الف الف مبروك اختي العزيزة....يارب يوم السفر القريب ان شاء الله الى وطنج الجديد و ان شاء الله تحقيق جميع احلامج هناك
اخوج جون
-
اختي ساسي
الف الف مبروك والله فرحتينا انشاء الله طريق السلامه الى امريكا با سرع وقت
بلتوفيق
اخوكي الشذر
-
أخت ساسي ألف مبروك...
أن شاء الله السفر القريب الى أرض الأمل ...
أني كنت متأكد أن المقابله حتكون سهله بالنسبه الك ...
مبروك الفيزا
-
مبـــــــــــــــــــــــــــــــــروك اخت ساسي وان شاء الله اتفرحينه ابيوم السفر وتكتبينه من امريكا ... وان شاء الله الموفقيه للجميع وتسهل امورهم..
شكرا
محــــ2009ـــــمد
-
اشكررركم عيوني انتوا على هاي المشاعر الحلوه وانشاءالله نفرح بيكم وتفرحون بفرحتنه صدك ذاك الوكت الفرحه الكبرى واخص بالذكر الاخ كابوي
اختكم
ساسي
-
تهانينا والف مبروك اتمامها على خير وان شاء الله ايامج دائما افراح ومسرات
ويوم التفرحينا بموعد سفرك عن قريب ان شاء الله
تحياتي
-
الف مبروك اختي ساسي وانشاء الله السفر القريب باذن الله بالتوفيق انشاءالله
تحياتي
-
الف الف الف مبروك اختي ساسي تستاهلين كل الخير
والله انتي وبقية الاخوة بالمنتدى من تسافرون لامريكا كانما اني مسافر
يارب انشر الفرح على قلوب العراقيين كل يوم لان احنة خطية ما شفنا بس الضيم والقهر
وياربي ايامكم فرح وسعادة وتدوم الفرحة على القلوب الحزينة
ومبرووووووووك
-
الف مبروك اختي العزيزة و ان شاء الله يوم السفر و اني و الله حاس بفرحتج مبين من اسلوب الكتابة راح تطييييييييييييرين من الفرح الله يجعلنة كلنة فرحانين و ننسى الحزن و التعب باذن الله
-
الف الف مبروووووووووك اختي ساسي وانشاءالله السفر القريب
-
والله فرحتينة اختي الوردة ساسي...
الف الف الف مبروك ..وانشالله تبشرينة بيوم سفرك قريبا ..واتمنالك الموفقية ..لان انتي وردة مال الله وتستاهلين كل خير
تحياتي
ابن بغداد
-
الف مبروك اختي الغالية ساسي انشااللة السفر القريب والتوفيق بكل حياتك
-
الف مبروووووووووووووووووووك اختي ساسي وانشالله السفر القريب والموفقيه للجميع اخوكم زونا
-
بالتوفيق أخت ساسي وأن شاء الله تتكلل فرحتك بالوصول الى بر الأمان بسلامه.. تستحقين كل الخير
-
مبروك اخت ساسي على اتمام المقابله
ان شاء الله تخلين الفيزا بالجنطه قريبا و السفر القريب
بالتوفيق للجميع
-
هله بساسي البطلة
وبهالمناسبة السعيدة راح تدفعيلي التكت مال الطيارة اذا صارت قسمة بحالتي
مووووووووووووو؟؟؟؟؟؟؟؟؟؟؟
-
الف الف مبروك اختي ساسي
وتمنياتي لكي السفر و الراحة والاستقرار واني هم بلبنان بس انتظر المقابلة الثانية
-
الف مبروك
-
اعزائي جميعا اني اشكركم واشكر هاي المشاعر الحلوه وانشاءالله الله يفرحكم مثل مفرحني ويتممها علينا بالخير انشاءالله
الاخ vincenzo اكول ليش انت تريد تروح على حسابي لو على حساب IOM هههههههههه عمي بعد الفيزه محاطيها بالجيب
بس تدلل بما انه انت رح تدفعلي التكت مالتي اني هم اردها الك بجدر دولمه من توصل لمريكاااااا انشاءالله
تحياتي للجميع
اختكم ساسي
-
ما احب الدولمة
واذا اشوف فلوس بعد اكوم كلشي ما احب بس الفلوس
هههههههههههههه
هسه دسافري وفضينه تره هسه اصير عصبي واسافر قبلج
-
السلام عليكم
الف مبروك اختي ساسي
ان شاء الله يوم السفر ومن ثم الاستقرار.
تقبلي مروري
عيني بغداد
-
الف مبروك اختي ساسي وان شاء الله السفر عن قريب
-
الف مبروك اختي العزيزه بالموفقيه والسفر القريب ان شاء الله.
-
مساء الخير
انا عضوة جديدة بالمنتدى الرائع والذي يهتم بجميع التفاصيل وتقديم المساعدة للجميع
لذا ساكتب لكم حالتي وارجو مساعدتي
جائني الرفض يوم 1/7 ولسبب واحد هو رجوعي الى بغداد عدة مرات علما انا وحدي بملف وطلبوا مني تقديم الاستاناف وترجمته سؤالي هو هل فعلا سيتم اعادة النظر بالملف لو تحويلنا الى دولة اخرى يعني اكو امل لو والسؤال الثاني اريد مكتب للترجمة اعرف بساحة المرجة لكن اي شارع واسم للمكتب مع جزيل الشكر
-
اختي العزيزه ياسمين اهلا و سهلا
اكتبي عنوان موضوعج الى / الهجره و الاجئين / حتى الاخوان الاعضاء يسعادوج بلي تردي
اختي سوي استئناف و الله كريم
اختي اني ادعو لك بلفرج القريب انشاء الله
بلتوفيق
اخوكي الشذر من لبنان
-
الف الف مبروك اختى العزيزة ساسى والله فرحتينى بهالخبر الحلو واتمنى لكى التوفيق والسفر القريب والله يسهل امرك وانت تستاهلين كل الخير تحياتى باسل من لبنان