ankawa

منتدى الهجرة واللجوء => الهجرة و واللاجئين => الموضوع حرر بواسطة: simpe في 23:10 02/07/2009

العنوان: اخوان اذا اكو واحد غير عنوان الكرين كارت مالته بالمطار يحكي عن تجربته
أرسل بواسطة: simpe في 23:10 02/07/2009

اخوان احنا من قابلنه كالوا اريد عنوان للكرين كارت حتى اندزة بس انطرح الموضوع قبل هاي المرة وكالوا عادي بالمطار انطيهم عنوان ثاني اشو صديقي كلي لا لا تغيرة لان اصير خربطة اكو صديق اذكر من خلال مشاركته كاتب طلب تغير عنوانه واشل هسة استلم الكرين كارت مالته ان شاء الله ما صارت خربطة

العنوان: رد: اخوان اذا اكو واحد غير عنوان الكرين كارت مالته بالمطار يحكي عن تجربته
أرسل بواسطة: BaghdadGhost في 23:32 02/07/2009

اخي سمبي ......

المساله جدا اعتيادية و بالعكس همه كلش حريصين على هاي المساله ,,,, لذلك القنصل من دون الامور كلهه يسال على هذا العنوان ,,,, لان بي اهميه و ميريدوك تتورط ,,,,,

احد الاخوة من وصل كال اول موضف من المنظمه الي شافه بامريكا من اخذ الضرف منه ساله على العنوان بالذات و كاله اذا يريد يغيره ,,,,,, لذلك لتدوخ مساله جدا اعتيادية

العنوان: رد: اخوان اذا اكو واحد غير عنوان الكرين كارت مالته بالمطار يحكي عن تجربته
أرسل بواسطة: NOOR 2 في 00:26 03/07/2009

اخي الغالي SIMPE

اخي لادوخ نفسك

نعم في اول مطار امريكي تصل اليه


راح اتسلم الظرف الى ضابط الهجره والي راح يجري مقابله صغيره معاك

اخبره انك تريد ان تغير عنوان الشخص الي سوف يستلم الكرين كارت

انا فعلت لك
غيرته بمطار شيكاغو  للانه اول مطار اصل اليه

وفعلا تم استلام رسالة الترحيب من دائرة الكرين كارت

على العنوان الجديد

واعتقد الاخ الشبح  كان يقصدني انا ولاكنه لم يكلف نفسه بذكر اسمي

يمكن اسمي صار ............

اخوك من هيوستن 

 NOOR 2

العنوان: رد: اخوان اذا اكو واحد غير عنوان الكرين كارت مالته بالمطار يحكي عن تجربته
أرسل بواسطة: BaghdadGhost في 12:35 03/07/2009

ان بعض الظن اثم ,,,,,

الاخ العزيز ابو نور ,,,,,,,

مثل متعرف بان هواي اخوان النا من المنتدى سافروا قبلك و قبلي (هيثم ,, فالكون ,,, ريتايا ,,,, حداد السيوف ,,,, سيف المشهداني و غيرهم من الاخوة و الاخوات),,,,,,, و اني اتذكر بالضبط الحاله الي ذكرتهه اني و الي هيه مو حالتك و الدليل من صارت جنه اني وياك عالمسنجر نسولف و تناقشنه بيهه و انته كنت بعدك في العراق و متخوف من هاي المساله و اني كتلك في ذاك الوقت بان لتضل تفكر بالموضوع و ان شاء الله تنحل ,,,,

و هاي ادله اكثر ,,,,,,

حداد السيوف و مشاركته الي كانت في تاريخ  مايو 29, 2009 ,,,,,, و الي ذكر بيهه التالي

المهم بعدها تنتظرون الاجراءات
توكفون بالكاونتر
تسلمون البكج الي تستلمو بالسفارة ويه الفيزه
يفتحهه الضابط
يكولك انت الكرين كارد مالتك راح يسلم ال كذا عنوان اوكي لو لا ؟
لان انت منطي هيجي عنوان
اني بصراحة كوتله اي عادي

و هذا الرابط لمشاركته

http://www.ankawa.com/forum/index.php/topic,267544.msg3896833.html#msg3896833

بينما الموضوع الي ذكرت بي الحاله مالتك كانت في تاريخ يونيو 24, 2009 ,,,, يعني تقريبا بعد شهر من مشاركة الاخ حداد السيوف ,,,,, و هذا الرابط للموضوع

http://www.ankawa.com/forum/index.php/topic,312570.0.html


و اخر دليل راح انطيكيا هو كلامي الي ذكرته بالمشاركة و الي كايل بي التالي ,,,,

احد الاخوة من وصل كال اول موضف من المنظمه الي شافه بامريكا من اخذ الضرف منه ساله على العنوان بالذات و كاله اذا يريد يغيره ,,,,,, لذلك لتدوخ مساله جدا اعتيادية

يعني اني لو كايل (احد الاخوان الي وصلوا صارت بي هاي الحاله و بالفعل غير العنوان) ,,,, لا ذاك الوقت بالفعل اقصد الحاله  الي صارت وياك ,,,,, ولكني تذكرت اول حاله انذكرت بالمنتدى و الي هيه حاله الاخ حداد السيوف ,,,,



اخي العزيز ابو الانوار ,,,,,,,

اني جدا شاكر لكل كلمه قلتها في مشاركاتك الاخيرة من فترة قبل السفر ,,, و لحد يومنا هذا ,,,, و اللهم اشهد بانك رديت العرفان على اتم وجه ,,,,, و تستاهل كل خير ,,,,,,

زميلك علي ,,,,,,

العنوان: رد: اخوان اذا اكو واحد غير عنوان الكرين كارت مالته بالمطار يحكي عن تجربته
أرسل بواسطة: simpe في 22:45 03/07/2009

والله اخوان كوست ونور شكرا جزيلا اخي نور انت الان استلمت الكرين كارت مالتك ان شاء الله لان اني صديقي ايكول لا تغير عنوان الكرين كارت لان هو عدهم بالحاسبة مخزون بس اني الان من خلال كلامك اتوضحت الصورة وان شاء الله راح اسوي مثللك واتاكد من موظف الهجرة انه ايغير العنوان بالحاسبة ايضا وثاني شي اخي العزيز نور انت اشكد صارللك هناك ارجوك شفت الوضع ان شاء الله زين وان شاء الله اكو شغل ارجوك اخبارك الحلوة يا ورد