ankawa
منتدى الهجرة واللجوء => الهجرة و واللاجئين => الموضوع حرر بواسطة: traveler في 15:02 03/07/2009
-
اخواني الاعزاء كيف حالكم ؟
مثل ما تعرفون اني امكمل كلشي بس باقي ختم الملف وتحديد الولاية الجديدة بعد ما اختاروا مينسوتا وبعدين غيرتها الى كاليفورنيا,سان دييكو طبعا لو ما كان عندي كفيل اهناك جان ما صارت بس هليوم اتصل بيه الكفيل وكلي اشياء مرعبة كلوله اياها المنظمة وهي سوف تقتصر المساعدات على اعطائي مبلغ 600$ لي ولعائلتي كل شهر في حال وصولي وابلغوه بانه ينبغي عليه ان يتكفل بالسكن في البداية والادوية وكل الاشياء الي نعرفها زين احنه وقعنه ورقة في المقابلات تثبت همه راح يساعدونه بالبدايه شنو هذه القرارت الجديدة ارجو من لديه الخبرة والي يعيش بسان دييكو الاجابة والمساعدة طبعا للعلم هوه بعد ما اموقع الاوراق الي انطوها اله .
تحياتي .....traveler
-
اخويه ترفل
قبل فتره قلت بموضوع احد الاخوان الي حددوله ولايه اخرى مع العلم كفيله بكالفورنيا موقع على الكفاله
وقلت ان ولايه كالفورينيا تمر بضروف قاسيه بسبب الازمه الاقتصاديه وقبل فتره كان هناك خبر بان حاكم ولايه كلفورنيا ارنولد اعلن افلاس الولايه لكثره الديون التي عليها والعجز في ميزانيتها وهناك خبر قرائته حول رفض الرئيس الامريكي تخصيص مساعدات ماليه لهذه الولايه لهذه السنه فهذه الاخبار اكيد سيكون عليها تاثير على المنظمات التي تساعد اللاجئين
تحياتي
-
حبيبي عكعك اشكرك على المعلومات طبعا اني هليوم الصبح سمعت بهالخبر واعتقد كلامك صحيح
الله كريم وخلي انشوف شلون راح يكون مستقبلنا المجهول.
تحياتي ......traveler
-
اخواني الله يخليكم اتأكدو من الموضوع هدا علمود اكدر احدد ولاية ثانية غير كالفورنيا كبل ما توكع الفاس بالراس وادا اكو احد هناك يكدر يتأكد من المنظمة مالتة فيكون احسن وياريت يكون الجواب اكيد وشكرا اللكم
-
اخويه العزيز بالنسبه للخبرين اني متاكد منها وهذا رابط ايضا يؤكد هذا الكلام على ان الولايه تعاني من عجز مالي
http://www.ankawa.com/forum/index.php/topic,314718.0.html
-
اخي العزيز trav
شوف بالنسبه للمساعدات هي حسب افراد العائله انا مثلا 3 نفرات ينطوني 723 دولار وينطوني فود ستامب 486 دولار والي 4 نفرات ينطونه 865 دولار والفود ستامب مااعرف شكد بس اكثر مني وال 5 نفرات ينطونه 980 دولار هذا طبعا غير الولكم كل نفر ينطونه 425 دولار هاي احجيلك عن منظمة الكاثوليك جريتي واذا تحب تفتفسر عن شي 2 انا بالخدمه
-
شكرا الك اخي العزيز عراقي بلبنان بس اني الي اريد اعرفه هل المظمة الي اتخابر الكفيل وتكله تعال وقع اوراق الكفالة هي المسؤولة عن كل المساعدات يعني الفود ستامب والولفير والولكم وباقي المساعدات وعندي سؤال بالنسبة للكفيل اذا وقع الاوراق شلون يكدر يقنع المنظمة بأن هوه غبر مسؤول عن اعانتنا هو فقط كفيل اسمي اؤيد من الكل المشاركة للأن اني ابمشكلة الكفيل مالتي ما ديوقع الاوراق ومعاملتي واكفة اريد اعرف شسوي وشكرا الكم مقدما.
traveler
-
الاخ Traveler
اني اخذ 359$ شهريا لاننا اربع كيسات منفصلة ب البيت واخذ 174$ فود ستامب بس لكل شخص
الايجارات هنا كلش غالية وانت من توصل بس تبقى فترة موقتة يم كفيل الى ان يلكى الك سكن بس مساعدات راح تستلمها من اول يوم لاتخاف الكفيل ميصرف عليك ولا فلس .الحلو بغير ولايات انه المنظمة تحضر الك شقة قبل وصولك بس مقابلها تبوك فلوسك بس هنا بكالفورنيا لا يسلموها بايدك .
اني براي الشخصي اصلا لاتهوب ناحية كاليفورنيا لان مابيها شغل نهائيا ومثل ماذكروا الاخوان قبلي
جنا معتمدين ع الروتيشن بس هسة ماكو شي لان كلمن يودي عمة وخالة وانلاصت علينا
دراسة متكدر تدرس الا بعد سنة.
سان دييغو مقاطعة سياحية خدمات مالتها غالية ومواصلات قليلة الا بسيارتك
بس الحلو بيها جوها
تكساس ، اريزونا،كنتاكي بيها شغل هواية
اي سوال اني حاضرة
اتمنالك التوفيق وفكر زين
-
الاخوة الاعزاء
اني نفس المشكلة واكعة بيهة وابلغوا كفيلي بنفس الشيء ، ولكني انا في ولاية مشكن وقد اتصلوا بالكفيل قبل 10 ايام تقريبا ولا اعرف ماذا نفعل ، لان التكاليف سوف تكون عالية وليس لدينا مايغطي ذلك ، فماذا سوف تفعل انت السيد traveler واليوم اني سوف اتصل بكفيلي الذي هو اخي واشوف اخر التطورات ، واذا انت همين عندك اي جديد ابلغني رجاءا ، اني قريت موضوعك البارحة واتشجعت ان اكتب موضوع مشابه وعنوانة (الي كفيلة في مشكن ارجو المساعدة) ، شكرا
-
الاخت تانيا تره حسب ما داشوف اكو تغييرات هوايه بالنسبة للمساعدات لأن هايه المنظمة كاليتله الكفيلي احنه بس راح ننطي الكل نفر 200$ وكلوله احنه ما النه علاقة بي وهذا انلاصت عليه وخاف يوقع الاوراق . والله كريم
-
اخواني الاعزاء الرجاء مساعدتكم الي عنده اي معلومةة تخص هذه القرارات الاخيرة من قبل المنظمة لأن والله الشغلة خبلتني هسه خابرني كفيلي كلوله لازم انت تتكفل ابكلشي زين اني سويته كفيلي حتى اروح فقط للولاية الي هوه بيها مو حتى يتكفلني للأبد الرجاء من اي شخص عنده كفيل ابكاليفورنيا سان دييكو الكتابة والمساعدة .
-
العزيز traveler
اتصلت اليوم بكفيلي وكل الي افتهمتة من عندة بان كايليلة 3 شغلات
1- يستلمنة بالمطار
2- يودينة للمنظمة
3- يودينة للويلفير
سالتة والسكن كال لازم اني اجرلكم (اقصد الكفيل) وهاي طبعا لازم اني ادزلة افلوس علمود ياجرلنة ،
هاي اخر التطورات واني نفس الشي دايخة مثلك وقلقة ،
زين ممكن سؤال ؟ اذا غيرت الكفيل في الوقت الحالي ممكن ؟ لو اتأثر على موضوع السفر واتاخر ؟ الي عندة معلومات ، شكرا
معلومة : مسؤولة المنظمة مالتنة عراقية لاجئة صارلهة سنة و3 اشهر واصلة
-
اخوان انتوا ليش كل واحد لازم عالكفيل يعني انتوا حسب حجيكم انوا الكفيل مو صلة قرابه قويه ولاكن اختارتوا علمود فقط يحطكم بنفس اغلولايه يعني هي اخبارا كلفورنيا من الاول مو زينه بسبب الازمه ليش تحطون نفسكم بالهموقف اني راي انوا تسوهه بدون كفيل افضل و الله لا تاثر على المده الي راح تطلع بيه ولا سرعة معامله ولا شي هاي اني بدون لا كفيل و لا هم يحزنوا كل الي عندي خال امي من لمه وعيت للدنيا تكولي امي خالي بامريكا و هو يمكن ميعرف انوا عنده اخت ببغداد مو بت اخت هم
المهم و مشيت اموري وحدي هي صحيح لايصه وتعب بس هي هاي امريكا يعني ,, المشكله بالعراقين انهم يمشون ورا الاقاويل اكثر من اللازم انو الكفيل يسرع المعامله او ما ادري شيسويله و هذا كله كلام غلط .
زين اختى اذا غيرتي الكفيل شنو راح يغير بالموضوع ؟؟
-
الاخ العزيز
من راح انغير الكفيل راح تتغير الولاية او انكللهم ماعدنة كفيل ، هم يحولونة على ولاية ثانية ، وممكن اتكون افضل ، هذة القصد من تغيير الكفيل