ankawa
منتدى الهجرة واللجوء => الهجرة و واللاجئين => الموضوع حرر بواسطة: the hope في 20:09 03/07/2009
-
السلام عليكم حبايبي طبعا عجبني هذا المنتدى كلش ولكيت هواي اجوبة كانت تدير ببالي .بس بقت شغلة وحدة اني كملت كلشي مقابلات ثنين وفحص طبي بس كالو الية اجتك موافقة امنية لو لا واني بقيت صافن شنو الموفقة الامنية فياريت واحد يكلي شلون اعرف حصلت على موافقة لو لا يعني من خلال الان بوكس ورسائل الاي او ام لو من خلال اتصال هاتفي ..مع العلم اني ببغداد ..ارجو الرد واكون ممنون منكم ..تحياتي للجميع
-
مشكور اخوية عالرد شكرا الك ..اني عندي ارقام مصر بس بيا وقت اتصل بيهم حتة يجاوبوني لان قبل اتصلت بيهم ومثل متعرف الشبكة التعبانة مخلتني اسمع كلشي على العموم شكرا جزيلا الك
-
Dear Sir/Ma’am, اكولكم هاي الموافقة لو لا اسف لقلة معرفتي بالموضوع مالت الموافقة لكن استعين بأخوتي شسوي والله مليت اريد اعرف المن وصلت بالسالفة طمنو كلبي ..تحياتي للجميع
Following our previous email, the Baghdad Info Center is pleased to inform you that your case has now been granted refugee status, and approved for resettlement to the United States , upon successful completion of all security and medical checks.
When all applicants’ security checks and medical exams are successfully completed you will be contacted about the details of your departure. This may be as soon as a few weeks, or several months depending on your case.
Please note that you do not have an option about when you can depart or delaying your case for any reason. Once you receive a date for departure, you must make plans to depart Iraq for the United States on the assigned date.
Best Regards,
Baghdad Info Center ???
-
عمي انت مو مشتغلو وية الامريكان يعني تعرف انكليزي
يابة هاي موافقة مبدئية وتنتظر فحوص طبية وموافقة امنية الي قد تاخذ اسابيع قليلة او اشهر حسب الحالة مالتك
الف الف الف مبروك
-
:'( :'(مشكور اخوية حيدوري بس اعصابك لتدفع هههههههههههههههههههه اي اشتغل وقريت الرسالة ومكتوب شغلتك تمت بنجاح عمي بس مجرد سؤال يعني هاي مو موافقة امنية يبووووو
-
baraya شكرا للاخت العزيزة ..اني قريت الرسالة وصحيح هيج ترجمتهة ادري ادري بس عبالي هية هاي الموافقة الامنية اني كملت فحص يوم 10|06|2009 وانتظر والله كريم بس اريد اعرف الموافقة تجي على الاميل لو اتصال هاتفي هذا سؤالي يا جماعة الخير ..اخوكم هشام
-
:'( :'(مشكور اخوية حيدوري بس اعصابك لتدفع هههههههههههههههههههه اي اشتغل وقريت الرسالة ومكتوب شغلتك تمت بنجاح عمي بس مجرد سؤال يعني هاي مو موافقة امنية يبووووو
لا عيوني والله مو عصبي
ان شاء الله الموافقة الامنية مطول وياك لا تخاف هو كلشي يرادله صبر وشغلة اللجوء طويــــــــــــــــــــــــــــــلة حيل وحتى من توصل بالسلامة لازم تصبر شوية .
مبروك مرة ثانية
-
اشكرك الله يبارك بيك يا ربي مشكورين عيوني عالردود اقبلوني صديق الكم وان شاء الله من اوصل اكتبلكم جريدة كاملة على وضعي هناك . تحياتي الكم هشام
-
اخي العزيز the hope
تفاصيل واجراءات الموافقة الامنية تكون مرتبطة بوزارة الامن الداخلي الامريكي dhs ولن يبلغوك بها مباشرة كونها تعتبر من ضمن الاجراءات الخارجية الخاصة باللاجيء..انته اللي من طرفك سويت كل الاجراءات وهي المقابلات والفحص الطبي الباقي شغلهم ونصيحتي لا تدخل بمعمعة الاتصال بمصر او غيرها وتظل قلق على كل نتيجة تجيك من التلفون..دورك اديته والحمدلله انتظر ايميل تحديد سفرك والتسهيل والموفقية من رب العالمين..اني شخصيا لا خابرت مصر ولا الاردن لان ادري بعدين فوكك تعب الانتظار والصبر ادخل بتعب دوخة الموظفين وردودهم المزاجية والحمدلله مشت الامور بوقتهة بكل يسر وانشاءلله موفق..
تحياتي
-
مشكور اخوية baraya ومشكور حيدوري ومشكور بغدادي عالردود ..هسة فهمت يعني يجيني اميل مال موعد سفر عبالي بالتلفون وبس ميدزون اميل لان باقي مكابل تلفوني وكاعد حتة اجيت اروح للمضمد اخيطة واسويه جزء من جسمي هههههههههههههه شكرا الكم اقبلوني صديق ..تحياتي الكم
-
اخوبة العزيز هشام...السلام عليكم..
ممكن تشارك اخوتك اعضاء المنتدى بمواعيد المقابلات و الفحص الطبي و اي شي تكدر تخلي الاخوان هنا متفائلين بقضاياهم و تبعث الامل...
عمي الف الف مبروك ان شاء الله مباقيلك شي حبي
اخوك ابو داليا
-
عليكم السلام والرحمة اخوية ابو داليا وشكرا عالرد ..ان شاء الله اني راح اتواصل وياكم عيوني انتم وتدللون علية والله يوفق الجميع يا ربي ..وراح اكتبلكم وين راح اوصل بقضيتي اول باول ان شاء الله مع تمنياتي بالخير للجميع