ankawa
منتدى الهجرة واللجوء => الهجرة و واللاجئين => الموضوع حرر بواسطة: SIV في 09:19 04/07/2009
-
السلام عليكم...... حسب ما ذكرتلكم سابقا....اني مقدم عل اس اي في صار فتره ....وفحصت قبل شهر وقابلت قبل تقريبا 14 يوم...المهم المقابلة ما طولت 7 دقايق...ليش ما ادري ..عبالك القنصل ماخذ القرار قبل ان اقابل ....سالني اسئله روتينيه جدا...شنو راح تشتغل هناك؟؟؟ خادم عسكرية؟؟؟ شنو شهادتك..كتله بكلوريوس هندسه وجايب شهاداتي ويايه ..جان يباوع عليه ويكلي..اني ما اريد الشهادات اذا ااريدهن اكلك..بس دا اسالك...المهم...خلص الموضوع كاللي المقابلة انتهت...بس اخذ بصماني وبصمات زوجتي.....جان يكلي ما راح نعرف الجهاز قره بصماتك لو لا ....احنه ندزلك ايميل ..باي باي
وره سبوع من المقابلة ...دزولي كالو تعال ..البصمات مو طالعه تعال عيدها
رحت وسويت البصمات ...جان يكلي اعتذر لانه جبناك مره ثانيه ...صفنت بوجه القنصل وكتله ممكن اعرف شنو وضع قضيتي...كال ما عندك شي كلشي كمل بس اني ما اريدك تنتضر...مو حلوه ان نجيبك مره ثانيخ ونخليك تنتضر ساعتين حته نطيك الفيزه ...جاوبته وكتله يعني اذا انتضر اخذها اليوم كال اي اكيد شنو المشكله....بس اخاف تضوج من الانتضار .....صفنت صفنه جبيـــــــــــــــــــــــــــــــــره وتذكرت ابو السيطره من دا اطلع من منطقتنه وكفني وكال بصوت عالي ليش ما نزلت الجامه...تخاف على التبريد ...منين جاي ....وين رايح ؟؟؟؟ جان ارجع للقنصل واكله انتضر لو 4 ساعات كلش طبيعي...كال براحتك
وره ساعة واربعين دقيقة ...اشرلي من الشباك.....رحتله كال نعتذر منك عل تاخير ...20 دقيقة والفيزا تكون جاهزه .....اووووف شنو هاي مدا يشيلها عقلي.....والله وره 19 دقيقة و55 ثانيه اشرلي و جان مبتسم ابتسامة عريضه عبالك هوه اللي محصل قيزه الهجره مو اني ......نطاني الجوازات وبيها الفيز...كال بالتوفيق...باي .......باي
ولكم التعليق النهائي...
الله يوفق الجميع
-
مليون مبروووووووووووووووووووووووووووووووك وبلتوفيق
-
والله هذا قنصل شريف ... الف مبرووك يا رب تتوفق هناك وتلكي كل خير بدربك
-
سوييت بية جلطة من عنوان الموضوع
بس الف الف مبروك بالتوفيق
والوصول الى ارض الميعاد
تحياتي
-
ههههههههههههههههههههههههه و الله هذا قنصل شريف بس زين بالموعد فرق بس 5 ثواني
الف الف الف مبروك اخوية العزيز
اخوك ابو داليا
-
الف مبروك اخي العزيز وبالتوفيق للجميع
اختك الشمرية
-
السلام عليكم
الف مبروك على الفيزه وان شاء الله نسمع موعد سفرك قريبآ .
ابو انس
-
مبروك الف مبروك
اي هذا قنصل شريف
مو مثل هايى القنصل العوبة بسفارة عمان حتى هلو ماقالت ولا ابتسامة ولا بطيخ
اصلا من شافتنا كامت تأفأف وضاجت عبالك جاي ماخذين روحهة
هو اهم شيئ القنصل ولذلك انصحكم بتغيير السفارة
-
مبروك اخي siv الحصول على الفرج(الفيزا)
احترام الانسان و الانضباط ما نبحث عنه في الغربه
بالتوفيق للجميع
-
ألف مبروك عيني
الله ييسر أمرك و الله يقدم لك الخير و البركة و التوفيق و الإستقرار
توصل بالسلامة إن شاء الله
عجبتني هاي السالفة مال سيطرة ، صدك وضع غير شكل ههههه
تحياتي
-
يمعود خوفتنه ... من عنوان موضوعك اتصورت زحلكوك ... مبروك اخي SIV وتستاهل الفيزا اللي راح اتخلصك من السيطرات ...
انشالله تستقر وترتاح في وطن ثروته الاولى والاخيره هو الانسان ... واحترام الانسان ... يهون كل التعب لاجل الوصول الى امريكا ... الله يفتحهه عليك ويفرج على باقي الاخوه اللي لهسه بالانتظار
سيزر
-
اخي SIV ,,,,,,
الف الف مبروك و ان شاء الله السفر القريب ,,,,,,, ما شاء الله نيتك صافيه لذلك هيج صارت شغلتك ,,,,,
مبروك مرة ثانيه ,,,,,
-
SIV
الفففففففففففففففففففففففففففففففففففففففففففففففف
مبروكككككككككككككككككككككككككككككككككككككككككككككككككككككككك
بالتوفيقققققققققققققققققققققققققققققققققققققققققققققققققققققققققق
انشاءالله
تحياتي
-
اخويه الف مبروك ولو حركت اعصابنه اشويه . بس ميخالف .النتيجه تستاهل الواحد تتعب اعصابه .اخويه الف مبروك وبالتوفيق. وانشاء الله الوصول بالسلامه. بس اول مره اسمع قنصل مواعيده مو مضبوطه . اشلون سمحتله يلعب بوقتك ويئخر عليكم الفييز 5 ثواني ؟ ليش هوه ميعرف احنه الع
راقيين وقتنه ثمين؟ خلي ايروح يتعلم الالتزام بالوقت من ابو الصيطره الي ابمنطقتكم. اسف للاطاله . اخوك ابو مريم :o
-
الف مبروك وانشاءالله توصلون بالسلامة ودعائي لكم بالتوفيق
بس اكو سؤال واحد محيرني ومدا الكيله جواب!!!!!!الجماعات اللي بالحكومة مع احترامي للبعض منهم واللي عدهم جنسيات امريكية وبريطانية ومشكل يا لوز اشو ما اتعلموا احترام الانسان والوقت والامانة بالتعامل من هالمجتمعات؟؟؟؟؟؟؟
تحياتي
-
الف الف مبروك اخي انشاءالله التوفيق والسفر القريب وبدأ حياة سعيده جديده مليانه بالامل
تحياتي
اختكم
ساسي
-
الاخSIV ....الف مبروككككككك نيتك صافية...و اسلوبك ايخبل...تمنياتي لك بالتوفيق و الله يسهل امرك
قرش بغداد
-
الف مبروك اخي وان شاء الله السفر عن قريب
بالتوفيق
-
يمعود هاي شسويت بينه
اني من العنوان كلت ايييييييييييييي هاي اول حالة رفض بالاس اي في واني راح اكون الثانية
هبطتني الله يشبعك صعدات
-
والله هذا القنصل شريف
يا ريت كل القناصل مثله
(قناصل لو بلوزات) ههههههههههه
الف مبروك وبالتوفيق ان شاء الله
-
والله وكعت قلبي
اني من دا اقرأ صخنت وهي الدنيه حاره.
بعدين فكت من كملت الموضوع.
الحمد لله والشكر
مبروك وبالتوفيق
ادعولي تطلع المقابله مالتي.
تقبل مروري
عيني بغداد
-
اسلوبك دمرنا
مبرووووووووووووك والف على الخير واتمنى لك الموفقية بكل حياتك اخوي العزيزSIV
اخوك ابو محمد
-
اول شي اشكركم جميعا على مشاركاتكم وعلى دعواتكم......واني باقي على عهدي من اطك واصير بلياردير اشتريلكم جزيره جبيره ونسوي وطن والحكم بيناتنه نسوي ( بس مو عل تسلسل مثل مجلس الحكم) عل كفاءة والاكثر انسانية...المهم اشكركم جدا جدا اخوتي وخواتي واي شي اني حاضر وان شاء الله تبشرونه باخباركم الحلوه
وشكر خاص لكل من ...ابو لانا..سوزي 83...( ذكرني اسمج بالبرازيلي 83 جانت احسن نوع برازيلي)..والى شقلاوي( الله يزيد عسلكم )..والى ابو داليا الورد ويحفضلك داليا....والى الشمرية واكلها حي الله شمر ... وابو انس وان شاء الله يخلي لك انس...ولى الكاوبوي العراقي ,,,,ان شاء الله ربك يطلع حوبتك بالعوبه اللي بالسفاره الامريكيه بعمان ...واشكر شووو الورده....و وينكوووو ...وسيزر وان شاء الله محد يتزحلك...وممنون منك اخي بغداد كوست...وحبي عكعك ان شاء الله بالتوفيق ...واشكر ستاركس وبغدادي 73 ....واخويه ماجلان الورد ..اي هوه القنصل اللي بشباك رقم 7 ..وممنون من ساسي وقرش بغداد الورد....وهنوة الله يهنيج يا رب.... وان شاء الله ماكو رفض يا اخي فانسنزو...واشكر مصطفى ,,وسلامتك اخي ( عيني بغداد) ان شاء الله ماكو صخونه ...ويا رب تطلع مقابلتك....مهاجرين بلا حدود اسف اذا ضوجتك..احسبها عليه ..والتوفيق للجميع يا رب
-
الف مبرووووووووووووووووووووووك تستاهل
وانشالله السفر القريب والوصول بالسلامة
تحياتي
-
الف مبروك اخي