ankawa
منتدى الهجرة واللجوء => الهجرة و واللاجئين => الموضوع حرر بواسطة: الشمرية في 12:53 04/07/2009
-
اخواني واخواتي
صحيح امريكا قررت تقليل اعداد اللاجئين عن طريق ال يو ان؟
وماهو العدد المطلوب ؟
رجاءا من يملك الاجابة ارجوا افادتي ولكم جزيل الشكر
اختكم الشمرية
-
اختي العزيزة
اكو موضوع كاتبه الاخ اسامه تذكر بي ان امريكا راح تقلل اخذ اللاجئين وتاخذ على شروط جديدة
بالنسبه الي انا كنت قبل 2 يوم بالمفوضيه بسوريا همه دزو عليه لان دمجو ملفي ويه ملف والدتي وانا مقابل توطين على امريكا مقابله وحدة باليو ان وموقع اوراق
المهم اسالت البنيه شراح يصير بعد الدمج للفايلات كالت ننتضر لجان تجي كلتلها ليش انا مقابل على امريكا كالت امريكا صارت قليل تاخذ لاجئين
هذا حجيها والله اعلم
تردين تستفادين اكثر انا منزل موضوع بالصفحه الاولى فتحي وقري الردود
تحياتي
-
شكرا اخي العزيز ماجيك
بس ياريت الاخوة بتركيا اللي سامعين شي بخصوص هذا الموضوع يشاركون
-
السلام عليكم اخواني و اخوتي رجاءا الي عنده اي معلومه اتفيدنا بهذا الموضوع لا يبخل علينا و يفهمنا و شكرا جزيلا
-
اختي العزيزة الشمرريه
هذا الخبر احتمال ان يكون صحيح بس اكيد مو على هاي السنه المالية الي تنتهي نهاية سهر التاسع
وحسب راح تتحولين توطين الايام القادمة انشاء الله ومراح يأثر على قضيتكم
بس على التقديم الجديد جوز يتأثر
الله يسهللكم وتتحولون توطين وتقابلين الثانية وبعدها تصير سهلة
-
نعم اخواني الاعزاء امريكا قررت تقليل اعداد اللاجئين المحولين عن طريق اليو ان ، ولاسباب كالتالي :-
* مشكلة تمويل برنامج ال USRAP واللذي اتنفذه حاليا ال IOM لان هذا البرنامج تم زيادة التمويل اله للسنتين الفاتت ولكن وزارة الخارجية حالياً تفكر بتقليل التموين
* اعابارا من بداية السنة المالية الجديدة ال IOM فقط ستقبل التقديم المباشر للعاملين مع القوات الامريكية والشركات لفترة اقل من سنة والغير مشمولين ببرنامج ال SIV
* التقرير المقدم من وزارة الخارجية للكنونكرس في شهر التاسع هو الي راح يحدد مصير البرنامج لت التقرير راح يركز على تحسن الوضع الامني بالعراق
* المعلومات اعلاه موثوقة وموكدة من ناس بالخارجية الامريكية ، اني كتبت موضوع بس هواية زعلوا من عندي ولهذا حذفته حتى ما ازعل احد ، حالياً اليو ان لاتقوم بتحويل اي ملف في اي من الدول على امريكا ، وهواية ناس اكيد لاحظوا هذا الشي
فد معلومة مفيدة عدد الملفات الي اصلااً حولت من اليو ان على ال IOM في الاردن فقط اتجاوز ال 1000 ملف فالاي او ام فقط راح تمشي هاي الملفات ،
كل هاي المعلومات مرتبطة بالتقرير الي راح يقدم في شهر التاسع ، اما برنامج ال IOM فراح يخصص للتقديم المباشر لحين البت بموضوع التمويل
-
اخي اسامه
ممكن اعرف ان هذا التقليل هل يشمل اللي مقدمين ومكملين مقابلات بس لحد هسه ما طلعت موافقاتهم مثلا او قيد الدراسه ؟؟ او فقط يشمل التقديم الجديد؟؟
تحياتي
-
اخويه عاشق الصمت اني كتبت رد بموضوع الاخ اسامه لان كنت ادور عليه وهسه عرفت من الاخ اسامه
انه حذفه وبالرد وضحت وصححت معلومات للاخ اسامه ولكن الان اخ اسامه وضح ماقلته هنا ومن ضمن الكلام قلت ان الي داخل اسمه ومتحول الى التوطين او عنده مقابلات غير مشمول بهذا القرار وتستمر اجراءاته حتى وان توقف البرنامج
osama5477
اخي اسامه بالنسبه لهذه النقطه التي ذكرتها وهي
* اعتابارا من بداية السنة المالية الجديدة ال IOM فقط ستقبل التقديم المباشر للعاملين مع القوات الامريكية والشركات لفترة اقل من سنة والغير مشمولين ببرنامج ال SIV
فاحب ان اصحح جزء من المعلومه وهو ان البرنامج يستقبل اي شخص عمل مع القوات الامريكيه والشركات والمنظمات الاعلاميه سواء كانت خدمته اقل من سنه او اكثر سنه وليس فقط اقل من سنه كما ذكرت
وتقبل مروري وتحياتي
-
نعم اخواني الاعزاء امريكا قررت تقليل اعداد اللاجئين المحولين عن طريق اليو ان ، ولاسباب كالتالي :
حالياً اليو ان لاتقوم بتحويل اي ملف في اي من الدول على امريكا ، وهواية ناس اكيد لاحظوا هذا الشي
فد معلومة مفيدة عدد الملفات الي اصلااً حولت من اليو ان على ال IOM في الاردن فقط اتجاوز ال 1000 ملف فالاي او ام فقط راح تمشي هاي الملفات ،
اخوية العزيز اسامة
اعتقد كلمك بخصوص تحويل الملفات حاليا من اليو ان الى امريكا مو دقيق وعذرااا على هذه الكلمة
لانه اني تحول ملفي قبل اسبوعين من اليو ان الي امريكا وخلال هذا الاسبوع اكو كثير من العوائل تحولوا توطين
واعتقد هاي الاجراءات راح تكون على التقديم الجديد
بس اكو بعض الدول مابيه تقديم مباشر مثل تركيا زين بهاي الحالة شلون ؟؟؟؟
-
ENG.MEDO
نعم اخي لا يزال التحويل مستمر في الفتره الحاليه
-
طيب اخواني هنا بتركيا
اذا باب امريكا انسد شكو وراه ؟ غير استراليا بس استراليا اطول
تتوقعون غير دول راح تفتح ابوابها؟
-
الشمري
هنا بتركيا اكو 3 دول بعد امريكا فاتحه اللجوء اللي هيه
استراليا - كندا - فلندا
بس المشكله لازم بالسره
هذا كلام موظف اليو ان اثناء المقابلة
-
شكرااا اخواني على هذا المجهود الرائع
عمدي استفسار اصغير اني بتركيا قابلت الاولى بالشهر الرابع شنو راح يكون مصيرنه لان لحد الان توطين منازل يعني راح نتحول الى استراليا لو شنو بالضبط لان استراليا اطول كلش اربع اشهر يله حصلنا مقابله اولى وكانت في الشهر الرابع ارجوا ايفادتي وشكرااا
اخوكم
ااسامه كاكو
-
This is bad
-
اختي العزيزة تارة
ال يو ان بعد ما بدأ بهذا القرار على السنة المالية الجديدة واللي هي بشهر التاسع مثل ما ذكروا الاخوان بالمنتدى فأذا زوجك قدم هالايام وحصل موافقة وتوطين ما راح يكون مشمول بالقرار وامريكا قللت اعداد اللاجئين عن طريق ال يو ان مو غلقتها يعني زوجك طبعا عندا الاولوية بالقبول ان شاء الله