ankawa
منتدى الهجرة واللجوء => الهجرة و واللاجئين => الموضوع حرر بواسطة: simpe في 23:34 04/07/2009
-
شبابنا الي وصلوا قبلنا خلي ايفرحونا ششتغلوا لكو شغل بسهولة لو صعوبة صبروا بعملهم لو لا طبيعة ارباب العمل اشلونه وياهم كم ساعة العمل متعب لو لا وايضا تقدر تعتمد على نفسك وادور شغل وحدك وخصوصا اخوانا الي صار الهم فترة بامريكا خلي ايفرحون الناس بالاخبار الطيبة
-
صديقي حياك الله على هالموضوع المهم واللي انطرح سابقا هواية مرات
اتوقع موضوعك محد من اخوانا اللي بامريكا راح يجاوب عليه!!!
واتوقع هم الموضوع راح ينقفل اذا ثنين او تلاثة من جماعتنه اللي بامريكا جاوبوا!!
هاي احجيلك عن خبرتي بمراقبة هذا النوع من المواضيع المهمه جدا
اما شلون وليش فلتسالني لان ما اعرف
وهذا اللي صار وية اخر موضوع يطرح نفس السؤال تقريبا قبل كم يوم
والله اعلم
-
ما اعتقد اكو احد راح يجاوك على هذا السؤاب ومثل ماكال اخوية فنزو ان الموضوع راح ايطير وينحذف قريباُ جدا واختصرلك ماكو شغل حالياُ
-
الارزاق بيد الله .... وان شاء الله الكل ياخذ رزقه
ولا ياس مع الحياة
خليكم متفائلون اخواني ومن جد وجد
-
السلام عليكم
لكي لايزعل صديقي فينزيو ويكول جماعة امريكا نسونا (رغم اني متكلم بهذا الموضوع سابقاً) فراح ابدي وسوف اتكلم عن ولاية مشيكان بالتحديد وان شاء الله بقية الاخوة والاخوات الموجودين حالياً في امريكا يكملون هذا الموضوع المهم
بالنسبة للعمل ورغم صعوبة الاوضاع لكن تستطيع (وبكثير من الجهد) ان تحصل على عمل، الجهد يتطلب منك الخروج يومياً الى المحلات والاسواق وتملئ فورمات العمل ومن ثم المتابعة عليها اما بالتجربة عن طريق الانترنيت فهي فاشلة كلياً
لكن يجب ان يكون واضح لديكم بان اكثر الاعمال هي جزئية وليست دائمية وفقط ساعات محددة بالاسبوع.
نصيحيتي للجميع ان يستفادوا من الاشهر الثمانية الاولى للمساعدات بتعلم اللغة والعادات وسوق العمل والاهم اذا كانوا يستطيعون التحمل بدون عمل ان يبحثوا عن عن فرصة الدراسة والحصول على شهادة امريكية تخولهم العمل بمجالات متعددة وفرص الدراسة هنا كبيرة جداً ومتعددة وتستطيع الحصول على مساعدة مالية.
اخوكم
اركان
-
واني هم من رائي اخي عراقي اليمن بكل ما كتبه
-
السلام عليكم ورحمة الله تعالى وبركاته
الاخ العزيز اركان بارك الله فيك على هذه الاحابة واضم رأيي الى رأيك هذا.. كما نرجوا ان يشارك عدد من اخواننا في اميركا من اصحاب العمل وتجربة البحث عن عمل والدارسين وامكانية الدراسة ( العليا والاولية)..والتخصصات المطلوبة في سوق العمل لتعم الفائدة الجميع .. ندعوا الله سبحانه وتعالى ان يوفق الجميع ويرزقهم الرزق الطيب الحلال انه هو الرزاق الكريم.. تحياتي
-
الحمد لله ليهسه ما انقفل وطلعت وحده من نبؤاتي غلط
على الاقل لهاللحظه هههههههه
وانشاء الله باقي اخوانا بامريكا هم يشاركون ويسولفولنه تجاربهم الخاصة مو حجي عام نكدر نلكاه بالانترنت وبوسائل الاعلام
صديقي صاحب الموضوع هذا رابط هم يفيد بفد نقاش كلش حلو صار بالمنتدى قبل فترة طويلة
http://www.ankawa.com/forum/index.php/topic,256693.0.html
-
اخوان الشغل مو عيب اذا كان شريف ومن عرق الجبين بس اعتقد معظم الموجودين هناك من اخوتنا ياما مالكو شغل او اشتغلو باماكن ماكانو يفكرون بيها وهمه ابلدهم بس لازم يشتغلون بهذه الاعمال حتى يعيشون وهذا مو عيب والعمل عباده بس الناس تخاف دكول لان اكو بعض النفوس المريضه ما عدها غير القيل والقال ويا مكثرهم ولكن اخيsimpe اغلب الاشغال الموجوده في امريكا المقدمه هي اعمال بسيطه وشويه شويه تكدر طور نفسك وتبحث عن الافضل وهناك شغلات جيده وتعتمد على اختصاصك قد تتوفرلك في اول ايام وصولك
-
مرحبه اخواني وخواتي الاحبه . اخوكم ميكانيك عام واختصاص مولدات كهرباء المولدات الضخمه يعني من خمسين KVA فما فوق ومشتغل اكثر من سنه ويل؟؟؟؟؟؟؟؟ وعندي وثائق تثبت هذا الشي. طبعا ما عندي مشكله بي تصليح السيارات .واللوريات . وجميع امور الميكانيك حتى مكائن المعامل الانتاجيه . علمن اني خريج اعدادية صناعه ميكانيك ولاكن تعذر علي تائمين شهادة التخرج من الاعداديه. علمن اني اجريت الفحوصات الطبيه وبنتضار النتيجه . وعندي مستوى الغه . دون الوسط تقريبا . سوئالي .هل بئمكاني الحصول على عمل في الولايات المتحده فيحال قبولي وسفري ان شاء الله وشكرا على الاجابه مقدما واسف على الاطاله . علمن انا حاليا بسوريا . اخوكم ابو مريم.
-
مرحبا شباب
اعذروني لانقطاعي عن المنتدى لفترة طويلة والسبب هو ما جاء في هذا الموضوع بالذات واللي وصلوا اميركا لم يمتنعوا عن الرد بس اعتقد بسبب ان معظمهم لحد الآن بلا عمل وانا منهم ولم يقصر احد منا في البحث عن العمل يعني يمكن انا تجاوزت عدد 125 طلب عمل خلال 4 اشهر وبدأت من العمال التي باختصاصي والآن حتى الآعمال البسيطة وهذا ليس عيبا مثل ما تفضل اخي عكعك ولكن ما باليد حيلة وبالمناسبة هنا العمل يعتمد على الواسطات والمعارف كما في العراق والذي بدون واسطة هي الشركات والمحلات الكبرى ولكن المصيبة انهم لا يعترفوا باي خبرة خارج اميركا وعندما تقدم على عمل تجد العشرات غيرك ينافسوك من الميركان العاطلين ولهم الأفضلية بسبب عملهم السابق بما يعني الخبرة السابقة
تحياتي
-
مشكور اخي العزيز حيدر على نقل الصورة الواقعية مثل ما هسة بدون رتوش ـ نعم هذه الحقيقة نسبة العاطلين عن العمل في امريكيا وصلت 9.5& يعني اكيد اذا اكو وضائف فارغة جان هذولي اتعينوا ، احواني الحقيقة مرة ولكن تختلف من ولاية الى ولاية ، بي ترة اهم شي بموضوع العمل هوة اللغة ، اما موضوغ الخبرة اذا كان بدون شهادات خبرة وشهادات احتراف من امريكا فما اله اي قيمة ، الله ايسهل على الجميع انشاء الله وارجو من اخواني بأمريكا ان يشاركونا بالمعلومات احنة ندري ان اواضعهم كثير صعبة والشغل ما موجود والله يكون ابعونهم ويوفقهم ان شاء الله
-
بسم الله الرحمن الرحيم
العمل متوفر بتكساس بحيث ماكو احد صارله اكثر من شهرين وما مشتغل عدى شخص واحد وهو لايعرف سوى يس ونو ولكن الحياة في تكساس تشبه الجبايش يعني ماتحس بنفسك ببلج غربي
-
بس اخوية النورس وين الحياة اب تكساس تشبه الجبايش ، بس حبيت اعرف يعني وين بدلاس لو بسان انتونيو لو بيهوستن لو بشيرمن لو بأوستن ، بس حبيت اعرف لأن اولاد عمي كلهم بتكساس ومحد كدر يشبه بأي محافظة بالعراق العظيم على الأاقل تكساس بيه كل مستلزمات الحياة ، ونعم الشغل موجود بتكساس لكن الشغلات الزينة تحتاج كرين كارت
وحبيت اعرف انته شايفه الجبايش لو سامع بيه لأن اني شايفه
-
العمل موجود اذا عندك شخص بامريكا مثلا بالشركة اذا اني اشتغل اجيب واحد من اقربائي او صديقتي لانه من يكون المتقدم من اقرباء الي يشتغل راح يشغلوا وخصوصا من تقدمون على شركة اكو فقرة تكون مني دلك على هذا الشغل اذا تكون اسم الشخص الي هم يشتغل يمهم راح يشغلوك اسرع من الغير الي مقدمين وكل الاعمال هنا تكون عن طريق اقرباء او اصدقاء
-
شنو كرايب شنو اصدقاء هههههههههه
اصلا اني عندي صديق استاذ جامعي اشتغل محاضر باحدى الكليات فشغل اخوه اللي هو ابتدائية ما مخلص هم استاذ جامعي بنفس الكلية لان اخوه وصديق لاخ فيتر اشتغل مترجم وية الجيش رغم هو ولا طكه بالانكليزي لان ابن عمه مترجم وياهم
حدث العاقل بما يعقل
بس هاية مال الجبايش قوية اخوية نورس واني راح اكوم اسميك "صدق الله العظيم"
ماجلان اخوية حجيك حلو وخوش تنضير
بس لا باس ان نستانس بالتجارب الشخصية لاخوانا واخواتنا الاعضاء لان شبعنه حكم وامثال وتنضير وياهو اللي تحاجيه يكلك اكو شغل لليريد يشتغل عبالك سائليه يكونلنا جمله مفيده عن الشغل لو يكتبلنا موضوع انشاء حول الشغل
شباب هسه ينعلس الموضوع هههههههههه
-
اخوان المشكله هي مو منو يسولف على العمل ولاكن المشكله بمنو يصدك شنو دنسولف على العمل
يعني مره انطرح موضوع عن العمل استغربت من رد عضو او عضوه ما اذكر كال انوا بميشكن تكدر تشتغل و ما ادري شنو اتسوي و بنهايه الشهر 1000 دولار يطلعلك على صفحه بعد متدفع كل مصاريفك
و الاخوان كله اقتنعت يعني الناس مدا تقبل الواقع الي هوه امريكا هي مو امريكا مال زمان الي هي شغل ب شغل
هسه الشركه الي جانت تشغل 30 موظف بكل شفت والهم حق يشتغلون اوفر تايم كامت تكتفي ب 15 و بدون اي اوفر تايم او يمكن حتى مو 40 ساعه 30 ساعه
مختصر الكلام الشغل هنا يعتمد على الكثير من الامور و شغله وحده العراقي لازم يسويه اول ما يجي اول شغله تجيه يشتغله مهما كانت و لا يدوخ نفسه بالبدايه يكلي شهادتي واعادل وبلكي و يمكن
تره هنا خبراتنا ببلدانا لا توسى شيئ لانوا نظامهم يختلف من الالف الى الياء يعني انته جاي لاجئ لا تتشرط جاجتك شغله اشتغله راح تشتغل 8 ساعات باليوم عندك 16 ساعه باقيه اكعد دور على شغله لخ الي بالك من مهندس او اي عامل او مبرمج و اعرف شنو متطلبات مطلوبه منك علمود يقتنعون بكفائتك من دراسه الى خبر الى غيره
-
اخواني الاعزاء الشغل بامريكا مثل ماذكروا الاخوان ضعيف جدا وبالاساس يعتمد علة الواسطات وخاصة المنضمة مال اللاجئين كلها واسطات يعني العراقي يشغل عراقي والصومالي يشغل صومالي والصيني يشغل صيني والخ. المهم لو تعرفون انه المنضمة مال لاجئين اللي هي مسؤؤلة عن ايجاد شغل مالها صلاحية تشغل ناس عدها جنسية لانه صلاحيتها تجد اشغال لللاجئين فقط تدرون اجوي خمسة ستة اشخاص يمي بالشغل عدهم جنسية وصارلهم 15 سنة بامريكا وال( irco) مشغلتهم كلهم جوة العباية مثل منكول بالعراق ومخلين الجماعة اللاجئين كلهم بدون شغل تصوروا يعني مخلص الحجي كلها رشاوي وفلوس ملاحضة(irco) هي منضمة مال لاجئين تدور شغل لللاجئين اول ميوصلون وهي تابعة لليوان مع تحياتي
-
بالمناسبة نسيت اكللكم انه اني بعد 7 شهور من وصولي لامريكا يلة المنضمة لكتلي شغل بمصنع مال وايرات واني لغتي كلش زينة وخريج هندسة المهم شكد مقدمت استمارات عمل ومحد شغلني حتى كلت معقولة انه اني ما افتهم وبالاخير يلة عرفت انه اكو بيها علاقات وواسطات واول راتب تنطيه يلة يشغلوك ورشاوي ومن نفس الموضفين بالمنضمة توكلة كم فلس وهو يسويلك موعد مقابلة عمل ومقبول 100% شوفو هاي احنا بامريكا بلد الحرية ليش يسموها حرية يعني رشاوي وواسطات تعلموا اخواني الدرب من هسة قبل متوصلون هاي من هسة دا اكككلكم مع تحياتي
-
السلام عليكم
طبعا اني على ابواب السفر والسبونسر مالتي اللي هوه قنعني بالسفر اصلا لاني ممقتنع لعدة اسباب اهمها الغربة عن الاهل وحاجتهم المعنوية على الاقل اللي بس الضابط السبونسر مثل ميكولون دكلي صدر على شغل بقاعدة عسكرية هناك وكلما يدزلي ايميل يكلي حضرتلك غراض وهيج وهيج اردلة واكله والشغل يكول موجود لتهتم طبعا هذا الحجي من بداية تقديمي لل siv قبل 7 اشهر يعني شنو الشغل وخصوصا نوع العمل حساس نوعا ما قابل ينتظر والظاهر من كلامك اي ينتظر لان الواسطة الها دورها والله كريم
-
اخي فنجنزو كلامي ما يستدعي للضحك ولا الاستهزاء فعلا اذا عندك ناس يشتغلون بالشركة وباي مكان تضمن انه هو راح يشغلك او يعرف ناس يشغلوك وهذة هي حقيقة مو كذب إإإإإإ
-
الاخوة الاعزاء تحية طيبة
كلام الاخوة جميعا صحيح
فهناك من يستطيع العمل بحكم العلاقات
هناك من يستطيع العمل بحكم الاقارب والاهل والمعارف
هناك من يستطيع ان يجد العمل عن طريق المنظمة
وهناك من يتعب بنفسه ويجيد اللغة ويجد عملا
وكل هذا يكون بالبداية على الامور البسيطة او العمل الذي لا يحتاج لشهادة وهنا تعتمد ان كان الانسان يقبل او لا
هناك من لا يرضى بنوع من العمل رغم اني مع الاخ عكعك مثلما قال الشغل مهما كان موعيب
وهاي بعض الامثله منها خارج المنتدى ومن ناس اعرفهم ومنها من المنتدى واتمنى يعذروني على ذكرهم
من المنتدى امثال الاخ زاك والي وصل ورتب شغلة بضمن دراسته وكذلك على المنظمة
الاخ بيرج وهو يعمل الان
الاخ ذكي وهو يعمل الان
الاخ سعد توما وهو يعمل الان
الاخت سوسن وهي تعمل
الاخ ابو قمر يعمل الان
وكثير من الاخوة والاخوات وليعذروني لعدم ذكرهم
اما خارج المنتدى
لي صديق وصل قبل 4 اشهر الى شيكاغو اول شهرين لم يشتغل رغم اتقانه الانكليزية بطلاقه وكان غير راضي وكنت اقول له اصبر بعدها عن طريق المنظمة وجد عمل وكان بالبداية ساعات قليلة لكن الان يعمل دوم كامل وعندما اذكره بالايام الاولى يقول يا اخي غير علمى تعودنا اي الصورة تختلف بالفترة الاولى عن مضي كم شهر وتعلم الانسان هناك على الحياة
لي معارف وصلوا كاليفورنيا وكانوا كم شهر بلا عمل والان يعملون
لي معارف لهم شهرين باريزونا والان يعملون بحكم المعارفهم
اقارب في ديترويت والان يعملون
لكن الجميع يقبلون بالاعمال البسيطة بالبداية لغاية ترتيب الوضع وفهم جميع الامور بعدها كل شخص يستطيع ان يحسن وضعه او يستطيع ان يبحث عن فرصه احسن ليغير عمله حتى منهم من يعمل بساعات قليله والان يبحث عن عمل ثاني ليحسن وضعه
وهذا لا يعني اني ابعد شبح الازم الاقتصادية مع العلم انو الازمة اثرت على شريكات الكبرى والمتوسطة اما قطاع الاعمال الصغيرة لم تتاثر بتلك النسبة وبذات الاعمال الخدمية لانها دائما متواجدة
بالاخير ادعو للجميع بالتوفيق والحصول على الفرص التي يرغبون بها
تحياتي
تايكر
-
عيني اني ما شككت بكلام اي واحد
بس مجرد ما عجبتني الفكرة والتعميم
لان مو منطقية الامثلة اللي اني الفتهه من عندي ومو بقصد الاستهزاء وانما للتوضيح
-
هسه سجلت بالمنتدى ...
جنت دائما أقرأ وما أشارك بس كلت كااااااااااااااااافي ... لازم أخدمهلم لاهل بلدي ولو بحجايه .. تفيدهم ..
ابدي .. من الاخير ..
انا بولايه نيويورك .. وتحديدا .. ألباني ..
شغل موجود وما موجود ...
هسه تكولون شلون .. الشغل عمال نظافه وتنظيف .. موجود ..
شغل مكتبي .. واختصاصات هندسيه ماكووووو ... واذذا اكو فيردون خبرااااااااااااااااات واحنه كلنا ما عدنا ..
اللي يريد يدرس اكو فرص ومنح من الدوله ... يمدرون يستفيدون منها أهل الانكليزيه الزينه ..
واللي أنكليزيته مو تمام .. خلي يقويها .. ويششششد حيله ...
أكو كومة مجالات .. بس محد يشغل الناس الجديده .. الا مكتب الهجره هوه اللي يساعدهم .. وما أريد أحجي .. بعد .. شدو حيلكم والرزق على الرحمن ..
-
اني حاليا ما صارلي فترة فصيرة لمن وصلت بس جاي افكر اذا ماكو عمل بصفة بيتي قريب جدا من المطار اصعد على السطح أشر للطائرات نازل نازل شسوي لعد شغل ماكو
-
اخوتي
بعض الردود تعطي ايحاء بأن هناك من لا يريد الا نوع معين من الشغل!!
الموضوع مو بهذه الصورة طبعا العمل يختلف بين الولايات ولكن لا تنسوا ان الحياة ايضا تختلف بين الولايات فمثلا لا تصح المقارنة بين ولايات مثل تكساس وكنساس واريزونا بولاية مثل كاليفورنيا ونيويورك من حيث عدد السكان وقوة الأقتصاد ولسخرية الوضع اقوى ولاية اقتصاديا وهي كاليفورنيا تعاني من اكبر نسبة بطالة ولكن الحياة في كاليفورنيا لا يمكن ان تقارن بباقي الولايات فهي الأفضل على الأطلاق ولكن العمل مشكلة كبرى هنا وقد يقول البعض نحن قصرنا او تبطرنا ولكن الواقع غير ذلك مثلا انا اتحدث الأنجليزية بطلاقة وخبرتي السابقة طويلة في العراق والأردن في مجال المنظمات الدولية وخبرة في المشاريع الميكانيكية والأنشاءات ولم اترك باب الا وطرقتها فأستعنت بالمعارف وقدمت الى مختلف المجالات وحتى التحميل والتنزيل ومكافحة الحشرات وحاولت الدراسة للحصول على اجازة ممارسة مهنة معينة وقانون كاليفورنيا يحتم علي الأنتظار لمدة سنة من وصولي
ومثال اخر اخي والعضو في المنتدى ابن الرافدين الحاصل على دكتوراه بالكومبيوتر وجاري هنا المهندس المدني وقد درنا على لوس انجلس طولا وعرضا بحثا عن عمل ولكن لم نجد مما سبب لنا احباطا ومع ذلك نحن مستمرون برحلة البحث اليومي وان شاء الله التوفيق لنا وللجميع فانا لدي عائلة وعلي القبول باي عمل واعذروني ان ردي هذا ليس لأحباطكم ولكن اردتم الواقع وليس ما نعانيه ينطبق على غيرنا فكل شيء توفيق من الله تعالى
-
اخي العزيز ماجلان
شكرا لمداخلتك و ثق لم يكن الموضوع تعقيبا على ردك السابق ولكن هناك من يتهم الآخرين بأنهم انتقائيون في نوع العمل وحسب ما يتمنوه وليس ما متوفر
-
شكرا عل موضوع الحلو ..و نشالله الكل تتوفق بحياتها الجديدة..اخواني اني اعتقد انو الي يريد يروح لاميركا لازم يكون عندا حافز قوي و ارادة قوية للشغل..و يشتغل يلي ينعرض عليه سواء كان هو طبيب بالعراق لو مدير شركات لانو انت اذا فعلا تريد تنجح بالحياة لازم تبلش فعلا من الصفر مو بس بالحجي و اذا انت تريد تدرس اشتغل و ادرس و سوو باقصى ما عدكم و اني متاكد اذا كان اكو فعلا هاي الارادة ابد محد راح يموت من الجوع هي صحيح شغلة احنا ما متعودين عليها و الكل يريد يحافظ على مستواه المعيشي ولكن هذا واقع الحال و هذا يلي صار بينا ..لازم نرضى بيه و نمشي الحياة. و لكن بنفس الوقت انت راح تكون عتدرس و تطور نفسك و حياتك مع مرور الوقت راح تتغير يعني يلي صارله 3 سنين باميركا مو مثل يلي صارله 5 شهور لان العافية درجات ;)
و مع الاسف اغلب الاخوان يتعزعزون بالشغل و حسب ما حكتلنا موضفة ال اي او ام يلي انطتنا دورة تثقيفية انو وكالات التوطين دا تواجه مشاكل هواية مع العراقيين لانهم ما يريدون يشتغلون الا الشغلة يلي تناسبهم..و يان يتحججون حتى يضلون ياخذون مساعد و هذا الشي جدا مزعج للشخص نفسا قبل المجتمع لان راح يضل كاعد و يتكائب و تقف عندا الحياة.. فيا اخوان خذو اسوا الاحتمالات و تمنوا للافضل و اكيد راح تختلف الحياة وياكم
انا ما اقصد اي احد بكلامي و لكن هذا رائيي بالوضع العام
تقبلو تحياتي
-
شلونهم اهلنا ...
من نيويويورك .. الباني ...
هنا أكو .. فرصه للي يريد يتعلم ويطور نفسه .. ويدرس وببلالالالالاش ....
واتصور كل الولايات بيها هذا الشيء ...
الخطوات ...
روحوا للdpartment of labor الموجود بمنطقتكم وسألوا عن المنح ... grants ... وبيها شروط وأشياء ومراجعات وشويه تعب .. بس هيه موجوده للناس اللي عدها طمموح ...
ويارب الجميع يحصل كل اللي يتمناه ..
ولا تنسوني بالدعاء رحمه لوالديكم أني دا أقدم هسه على منحه وماأدري تصير لو لا .. اتمنالكم كلكم الخير ولد وطني الغالي ..
beshanO
-
بارك الله بيك اخي بيشناو .. ويا ريت كل الشباب يتعاونون مثلك .. بصراحة نفسيتك كل طيبة ويا رب يتقبل منك صالح الاعمال.. انا بالنسبة لي بعدني انتظر اوراق الهجرة .. بس عندي وظيفة أمحضريها لي أهلي في شيكاغو ههههههههههههه
يعني امحضرين المهد قبل الولد.. علما اني حصلت على فرصة عمل مع أحد اقاربي في ديترويت قبل سنة بس تأخرت اوراق الهجرة والوظيفة راحت .. كانت في محطة وقود – كاس ستيشن
يلا كلشي بالقسمة
أم يلدا
-
شكرا للدعاء الحلووووو ...
ويارب تجين بالسلامة وتحققين احلامك ...
-
هاي شباب هاي اخوةان هاي خوات اخوية الsimpe عزيز بلل اخص ......................... بنسبة لشغل حمدالله وشكر انفتحت علينا وكمنا نشتغل واخوان العراقين نصها اشتغلت وبدو يشتلغون ورواتب زنية كللللللللللللللللللللش اني بنسبة الي اشتغلت ب6000 دولار وشغل كلش حلو او مريح وكل العراقين تقريبا اشتغلو فا اني بل شغل هذيج لامرة ودا اشتغل وفرحان ومبتسم اشو ما اشوف لا امي كعدتني من النوم طلع حلللللللللللللللللللللللللللم حلللللللللللم يا اخوان حلللللللللللللللم ودعولنا من الله صبحنا وتعالى ينفتح شغل وتحياتي للكل بل ذات الي اخويةsimpe
-
السلام عليكم:
لجميع الاخوة والاخوات المهندسين ارجو الاطلاع على هذاالموقع(http://www.ncees.org) الذي يخص كيفية حصول على اجازة مهندس في الولايات المتحدة لحاملي شهادة اللBS dgree في اي اختصاص .
وانا قد تراسلت معهم وقالوا لي يجب اجراء امتحان TOFEL iBT مع الشهادةالجامعية المصدقة قبل اجاء اختبرات FE and EIT exams.
واتنالكم الموفقية والنجاح في كل خطوة
-
اخواني الاعزاء اني بولاية كاليفرونيا وحاليا اي شغل ماكو بهاي الولايه وخاصة بلنسبه الي ميعرف لغه
فانصح الجميع ان يتعلم اللغه احتمال يلكه عمل بهل الولايه
مع تحياتي