ankawa
منتدى الهجرة واللجوء => الهجرة و واللاجئين => الموضوع حرر بواسطة: mohaned1984 في 09:02 05/07/2009
-
السلام عليكم ورحة الله وبركاته
اني مهند من العراق من بغداد اليوم اقيم بالبحرين صارلي 6 شهور (اهلي صارلهم سنتين يدورون قبلي ومواعديهم)
اول يوم وصلت رحت ادور على الامم المتحدة ها بالمناسبة اني وياي عائلتي يعني امي واخوي واختي لان اني ممزوج المهم دورت على اللمم المتحدة من مكان المكان اخر شي كلولي ما كو لدور بالخليج كلا ماكو بس باسعودية اكو بالبجرين المركز الانمائي لامم المتحدة ما لا خص بامور الاجئين بس هلكد ما لحيت وجلبت كلولي نكدر نساعدك ونسق ويا السعودية التنسيق اشون اني اتصل بالتلفون واذا صار لقاء بالمركز يصير اوكي اوكي اخذت الرقم وظليت اتصل ب 1500 دولار لان هذا رقم بدالة طلع ويومية اجرب 10 ارقام لان ال0 للمساعدة ميرد المهم حصلت بنية مصرية وكلتلي اوكي يصير اتقدم ورح نبعثلك وفد للبحرين (طبعا اني مختصر الطردات والاهانات )
المهم والله اسبوع واجا الوفد للبحرين وقابلنا اني واهلي امي كلتلهم اكو هواي عراقين ميدرون اشون كالولها كلولهم خلي يجون بعد شهر نفس التاريخ نجي ونقابلهم المهم خلصت المقابلة الاولى وبعد شهر اتصلو بينا كلولنا الفايل انقبل بامريكا توافقون كلنا اوكي ورا 4 اشهر اجو من مكتب اعادة التوطين والهجرة الامريكية ثلاث اشخاص مصرين كالو احنا نجي قبل المحلفين نقابلكم ونهيئكم وبعدين يجون المحلفين بعد اسبوع من اليوم سالتهم يعني اشكد التاريخ كالو من 10 ايام ال 15 يوم مو اكثر وهاي صار شهرين لا حس ولا خبر .
احنا اليوم منقسمين قسمين قسم يريد يروح وقسم رافض بسبب يكولون الامم المتحدة الي بامريكا متساعد بالسكن والاكل بس شهر واحد وتاخذ من حتى فلوس الطيارة الي جيت بيها ويكولون رفضوا ورحوا قدمو على اوربا حتلو تتاخر احسن واضمن من امريكا بس اخوي كلش متحمس ويريد يطلع لامريكا يكول احسن من الخليج وباقي دول العربية اقلها تضمن حقك محد يطردك لا كفيل ولا اقامة حر والسبع وين مجان يعيش
للي عندا خبرا يجاوبني على الايمل مالتي MOHANED_KIMO@YAHOO.COM
-
اخي العزيز مهند
هناك مواضيع في ارشيف المنتدى تستعرض بالتفصيل وضع وحقوق اللاجيء من اول دخوله امريكا..بصورة عامة يتم صرف بطاقة غذاء+ بدل ايجار سكن+ ضمان صحي ضمن الاشهر الاولى وتختلف المدة باختلاف الولاية فمثلا مدة المساعدات تستمر لغاية 8 اشهر في كاليفورنيا اما في بوسطن ولاية ماسوشيستس فتستمر لمدة 4 اشهر فقط يجب خلالها ايجاد عمل حتى تستطيع اعالة نفسك..بالنسبة للاقامة فستمنح اقامة لمدة سنة "وايت كارد" وبعدها يتم التقديم على الكرين كارد..بالنسبة للعمل انته وحظك ولكن الاعمال المتوفرة فهي البانزين خانات والمولات في البداية حتى تستطيع معرفة الوضع وتحسين لغتك وايجاد عمل افضل..انا كنت في سلطنة عمان, تم سحب جوازي من قبل الشركة ولا يحق لي المغادرة وكاني اشتغل ضمن سجن مفتوح ومتى ما حصل اي تغيرر ايكولولي الله وياك فنصحيحتي فكروا قبل ان ترفضوا السفر الى امريكا....
تحياتي
-
السلام عليكم
اللي افتهمته انه انت بعدك بالمراحل الاوليه ومع ذلك يا اخي
لتضيع الفرصه من ايدك الرزق على الله وهو مينسى احد.
توكل ولتخاف.
تقبل ردي
عيني بغداد
-
السلام عليكم اخي mohaned1984 الله يسهل طريقك انشاءالله
قال الله عزَّ وجل: " نحن قسمنا بينهم معيشتهم في الحياة الدُّنيا "
وقال: "والله فضَّل بعضكم على بعضٍ في الرِّزق " .
وقال رسول الله صلَّى الله عليه وسلم: " أبى الله أن يجعل أرزاق عباده المؤمنين إلا من حيث لا يحتسبون " .
وقال عليه السلام: " استنزلوا الرِّزق بالصدقة " .
وقال عليه السلام : " لا تكثر همَّك يا عبد الله، ما يقدَّر يكن، وما ترزق يأتك " .
وقال رسول الله صلى الله عليه وسلم: " إن روح القدس نفث في روعي، أنه لن تموت نفس حتى تستكمل رزقها، فاتقوا الله وأجملوا في الطلب " .
قال الحسن البصري
علمت أن عملي لا يقوم به غيري فاشتغلت به .
وعلمت أن رزقي لا يذهب إلى غيري فاطمأن قلبي .
عجبت لمن أنعم الله عليه بنعمة خاف زوالها يا اخي mohaned1984 أفينقص من رزقك شئ قدره الله لك؟ فعلام الهم إذن؟؟ !
تحياتي وتمنياتي لك بالتوفيق
-
اقامة لمدة سنة "وايت كارد"
اخويه بس للعلم i94 اقامه مدى الحياه بامريكا تكدر تغيره من لاجئ الى مقيم او مهاجر بعد سنه وتكدر تبقى لاجئ عمرك كله و بدون ما ينتهي الكرين كارد.
اخويه العزيز صاحب الموضوع يعني انته دا تحجي و كل هالبهذله الي صارتلك و التلفونات والصرف و العراك علمود الوفد و من ومنا وبس علمود معاملة التطوين وبعد هذا كله تحتار لعد ليش تعبت نفسك كل هالتعب و البهذله
و بالنسبه للرفض فانته متكدر ترفض امريكا وتحول علادول الاوربيه علمود المساعدات مالته اكثر ولاكن في حالة رفضتك امريكا يحولوك همه
اخي اذا انته ابالك تريد تجي لامريكا علمود تعيش على المساعدات والمعونات فانصحك من هسه لا تجي
-
و الله يا أخي الأخوة قالوا كل شيء أريد أن أقوله
و بارك الله بأخوي عكعك على ما إختاره من الحكمة و الكلام الرائع
أخوي العزيز أنت صدك دتحجي بعد كل هذا التعب و البهدلة و تريدون ترفضون الفرصة ؟؟؟
هذا كلام غير منطقي
نصيحة ، صلي إستخارة لرب العالمين ، و إسأله من فضله العظيم و إسأله تعالى أن يوفقك لما فيه خيرك و خير عائلتك
و توكل على الله عز و جل و إستمر بالموضوع و لا ترفض الفرصة ، و إذا كان لك بها خير فهي من نصيبك إن شاء الله.
و تذكر قول الله عز و جل " و من يتق الله يجعل له مخرجاً و يرزقه من حيث لا يحتسب"
أسأل الله عز و جل أن يرزقك الخير و التوفيق
تحياتي