ankawa
منتدى الهجرة واللجوء => الهجرة و واللاجئين => الموضوع حرر بواسطة: traveler في 13:20 05/07/2009
-
السلام عليكم اخواني الاعزاء
بعد دوخة وجع راس سالفةالكفيل قررت هليوم ان الغي الكفيل بس للعلم اني جانت طالعتلي ولاية بدون كفيل بس اني كلت خلي اروح للولاية الي بيها كفيل بلكي المساعدات راح تكون نفس الشي بس اني انصح كل واحد عنده كفيل خلي يتأكد من جميع الامور كبل ما يسافر تره الامور اتغيرت تدرون شكايلين للكفيل مالتي بخصوص المساعدات كايليله بأن المنظمة الدولية للهجرة حاجيه ابكيفها وهاي الاوراق الي وقعناها بالمقابلات مو صحيحة والله ما تعرف منو اتصدك بعد اني اريد مشاركتكم اخواني انريد نعرف حقيقة الامور وكل واحد خلي يكتب اهنه عن خبرته وشكرا الكم مقدما. للعلم هايه السالفة حدثت كبل يومين وبولاية كاليفورنيا,سان دييكو
traveler
-
اخي العزيز حسب الي اعرفه انه قبل ميوقع كفيلك على كلشي تحجيله المنظمة شراح يوفرولك وهو يقرر يوقع او لا .
طبعا المساعدات تختلف حسب المكان يعني سمعت ناس شهر واحد وسمعت غيرهم 8 اشهر
-
عزيزي المسافر ::
أكيد من يتصلون بالكفيل يحجوله كل التفاصيل قبل ما يوقع الاوراق ...
بالنسبة إلي بعد الفحوصات بعشرة أيام إتصلوا بكفيلنا يوم18 /6/2009 وهي خالتي بولاية نيفادا
مدينة ( لاس فيغاس ) وراحت وحتى گلولها إذا تحبين يسكنون يمج أول فترة لو نحضّرلهُم شقة بوحدهم رجعت إتصلت بينا قبل ما تنطيلهم الجواب وگلناها أكيد بوحدنا لأنهُ عددنا 7 أفراد وصعب نثگل عليهم فگلتلهم يريدون بوحدهم وأخذت الجواب بإنه حضرنالهم شقة 3 غرف نوم وصالة قريبة من المدارس لتعليم اللغة ووقعّت الأوراق والتي تضم المساعدات لــ 8 أشهر حسب قولهم :: الفوت ستام والصحية وما اتذكر بعد ووقعّت وعلى تقاعد الوالد دائمي لأنهُ عمره 65 سنة وأعتقد حسب مدا أقراه بالمنتدى يتراوح بين ::
( 600 - 700 $ ) بالشهر للواصلين حديثاً وفوگ كل هذا من سألتهم شوكت يجون جاوبوها بعد شهر وإذا كلامهم دقيق وصحيح يعني 18/7/2009 .. وإحنا اليوم إتصلوا بينا ويوم الثلاثاء7/7/2009 موعد إستلام المغلف (الظرف) ومو بعيدة يحددون موعد السفر مباشرةً لأنهُ صارت ويا هواية ناس أخذوا الموافقة وموعد السفر بعد أسبوعين تقريباً وهذا الحجي إهنا بسوريـا قبل 3 أيام ....
أتمنى أكون أفدتك ولو بشيء بسيط ومن الله التوفيق .... †
أخـوكـُم / وسـام بهنـام داؤد الخابــوري
-
اخي العزيز
اني كفيلي بولاية كاليفورنيا- سان دييغو
اللي صار ان منظمة الكاثوليك جاريتي اتصلوا بيه وسالوه شنو ممكن اتقدمة والباقي علينا..اللي صار وياية ان صاحبي كلهم استقبلة في شقتي لمدة 10 ايام الى شهر واجيبة من المطار واكون مسؤول عن تسجيله بالدوائر الرسمية ووقع على هالكلام ومن ضمن النقاط اللي وقع عليها انو استلم مبلغ كاش بقيمة 425 دولار حين وصولي وبعدها سوف يكونون "اي وكالة التوطين" مسؤولين عني لمدة 8 اشهر..هذا اللي خبرني بيه الكفيل وارجو ان تكون الفكرة واضحة
بغدادي
-
اخواني الاعزاء اشكركم الشكر الجزيل على التوضيح اني راح اتصل بالمنظمة وافتهم من عدهم احسن
تحياتي..traveler
-
زين هاية ال425 دولار للنفر مال الوصول ميصير الواحد هو يستلمهه بايده؟
يعني لو الكفيل لو المنظمه؟؟
حتى لو كان الواحد عال siv؟؟
-
السلام عليكم
اخويه نصيحه اترك الكفيل وروح بدون كفيل لان الاوضاع تغيرت والامور مو مثل الاول ..بدون كفيل احسن . وقريبآ الاخت ديما راح تكتب على الحصل وياهم بشيكاغو من المنظمه .واني نادم لاني عندي كفيل .لان يتركوك ويه الكفيل ويشلعون . وقريبآ تسمع الاخبار .
ابو انس
-
لا اخي فنجنز قسم ينطوهم ظرف بيه المبلغ بالمطار وقسم المنظمة تجي للبيت ورى كم يوم من وصول الاجئ وقسم اخر اللاجئ يروح للمنظمة بعد وصوله حتى يستلم المبلغ وقسم اخر هم تبقى يم المنظمة الى ان ياجرون شقة للاجئ ويشترون اغراض وكلشي وينطون الباقي للاجئ كل ولاية منظماتها شكل حسب الولاية وحسب قوانينهم 0 بس الكفيل مالا علاقة بالفلوس اللاجئ 0
-
عاشت ايدج اخت انجي الوردة
-
الاخ vincenzo
يمكن كلامي فهم خطا, مبلغ ال 425 دولار كاش تعطى لي حال وصولي الى كاليفورنيا وليس للكفيل وتسمى welcome check وهو يشمل بدل ايجار اول شهر...كوني اعزب فيجب ان اجد شخص يسكن معي حتى نتقاسم الايجار كون مبلغ الايجار المستحق من وكالة التوطين لا يكفي ولا يدفعون ايجار شقة لفرد واحد خصوصا في كاليفورنيا لغلاء الاسعار..
-
يارب تتيسر امور الجميع ان كانو بكفيل او لا المهم اولا الوصول لاارض الاحلام والباقي يكون الحقيقه وسوف نعيشها باذن الله براحه البال وطمئنينه وامان
ياربنا يسر امر الجميع لما هو خير لنا