ankawa
منتدى الهجرة واللجوء => الهجرة و واللاجئين => الموضوع حرر بواسطة: بغدادي في عمان في 20:19 05/07/2009
-
فقدان جواز قبل السفر؟؟
عند تحضيري وثائق تجديد اقامة اسرتي تبين ان جواز أبنتي الصغيره 11 سنه مفقود وحيث اني سبق وترجيت المنظمه ان تأجل موعد سفرنه لنهاية تموز الحالي
ويبدو اقتنعوا بأسبابنه .لأن ربعي اللي استلموا الموافقه اغلبهم سافروا أرجو المساعده وبيان العمل؟ ما المطلوب لاستخراج بدل ضائع من سفارتنه في عمان؟ وهل في حالة الصعوبة تقبل المنظمه سفر الطفله بدون الجواز؟ علما بانها معي في نفس الكيس.
ممنون
اخوكم البغدادي في عمان
-
اخويه العزيز شغله استخراج جواز سفر من السفاره شغله طويله جدا والاسهل استخراج
جواز من العراق اسرع ومن خلال مواضيع لبعض الاخوه هناك من سافر بدون جواز بواسطه (وثيقه سفر)
ولكن اعتقد كانو حديثي الولاده واكتفو ببيان الولاده واتصور لو تتصل بالمنظمه وهي تبلغك بالمفيد افضل
تحياتي
-
اخي العزيز
تروح للسفارة العراقية وتقدم اوراقك بالحصول على جواز جديد راح السفارة اتفهمك بالاجراءات وليضل بالك اجراءات روتيني وتحصل على جواز s وهو ماشي بالمعاملات واعتقد خلال يومين او ثلاث ايام تحصل على هذا الجواز
-
عيني بغدادي لا تدوخ نفسك روح للسفاره العراقيه و طلع للمحروسه بنتك جواز نوع اس و من توصل امريكا بالسلامه غيره بالسفاره العراقيه الى نوع ج وهذا احسن حل بالنسبه الى ظروفك اما اذا قدرت تطلعلها جواز ج من بغداد فهذا الشي ممتاز بس اتعقد هسه الامور شويه متشدده بالجوازات والله اعلم
-
اخويه العزيز خلي اسولفك سالفتي لانوا قريبه من هالسالفه
اني بنتى انولدة بالاردن العزيز (شكد جذاب لا عزيز و لا شي) فالي صار عندي انوا اني ما عندي جواز
لبنتي فالمقابله مال المحلفين سالت المحلفه الثوله شكلتلي احنا راح انطلعها بكارت مال الصليب الاحمر و هنا طمئنيت لانوا محلفه و عندك الحساب
قبل موعد تسليم الجوازات الي هو جان يوم خميس الساعه 2 الظهر اتصلوا بي الاي او ام كلولي
هذا الحجي الاربعاء العصر كالولي لازم بنتك تجيب جوازه لانوا الاردن مديقبل يطلع لاجئين بعد الا عدهم جواز
اني انلعب بيه طوبه من الساعه 8 الصبح الخميس جنت بالسفاره و عراك و صياح ويا الموظف ساعه يلا قبل يطلعلي جواز s قبل الساعه 1 بنفس اليوم لانوا هو كلي تعال بعد اسبوع استلمه
و وديت الجوازات بنفس الوكت
فنصيحه لا تتماهل من باجر روح طلع الجواز s لانوا ميهمهم شنوه الجواز الي اطلعه المهم جواز تطلع بيه من الاردن والاردن لساعه يقبل جواز اس
-
الاخ hussein5582
الف شكر على ردك . وخفيفة اني عندي جواز الاس مال زوجتي ومرفق بي هاي المكموعه
يعني اكدر استخدمه للفلتان من عمان؟ علما بانهم قد صورورا كل جوازاتنه ال ج بالمنظمه
وعموما اني افضل اتصل بيهم واطلعلهه جواز ال أس وشوف شلون ترهم
ممنون منك ياورد ومن كل الاخوه
سلامي وودي
-
اتصل بالمنظمة احسنلك وشوف شيكولولك
-
محلولة انشالله اخونا ...
-
اخويه افضل شي اتصل بالمنظمه وبعدها شوف
بالنسبه للسفاره العراقيه في مصر سالتهم اذا واحد جوازه ال G ضاع شلون طلعوله واحد ثاني كال لا سنتين او ماعرف بالظبط يالله يطلعوله جواز وغرامه كتله زين يكدر واحد يطلع جواز S كال لا ميطلعوله اذا جوازه ضايع كتله شلون لعد اذا واحد يريد يرجع للعراق ينحبس كال انطلعله وثيقه سفر تسخدم مره واحده يرجع بيها للعراق ويجوز تختلف الاجراءات في عمان فاخويه شوف المنظمه وبعدين راجع السفاره
-
السلام عليكم
اخويه العزيز راجع المنظمه واحجيلهم السالفه وشوف شنو ردهم يمكن عدهم طريقه للسفر بدون جواز . ان شاء الله تفرج عليك بأسرع وقت .
ابو انس
-
اخوية العزيز بالنسبة للمنظمة مالهة علاقة بمشكلة الجوازات هذه الشغلة تخص un اذا انت كنت محول من المفوضية لمنظمة الهجرة بس اذا انت مقدم دايركت اكسز للمنظمة فهاي اذن يمهم
واحنه في الدورة التثقيفية كلولنه لازم الجواز يكون نافذ وبي مدة 6 اشهر اقل شي لذلك جواز الاس حاليا يعتبر غير نافذ لانه بنهاية هاي السنه مراح احد بعد يعترف بي خاصة الاردن العزيززززززززززززززززززززززز
واني هم نفس حالتك ابني مولود بالاردن وطلعتله جواز اس ... وهسة هم دايخ شراح اسوي
لانه اني صار 9 اشهر من قدمتله على جواز ج وليهسة ماكو يمكن ديكتبو بمي الذهب لانه تعرف احنه المغتربين النه معزة خاصة من قبل حكومتنه الرشيدة مدشوف ليل ونهار يطالبون بينه وديسوون المستحيل حتى نرجع هلكد ما اعزاز عدهم احنه ...........
-
تعقيبا على كلام اخي منذر المصلحي فانا اشوف انه ماكو مشكله بالجواز اس لانه لا علاقه للسفر الى امريكا بعدم اعتراف الاردن بالجواز اس لانه المهم هو فتره انتهاء الجواز حسب ما مكتوب بالجواز لانه امريكا راح تدخلك ان شاء الله بغض النظر عن نوع جوازك حسب علمي
وارجوا من الاخوه تصحيح معلوماتي اذا كنت على خطأ
-
الاخوه العفرس ومنذر المصلحي
جوازات ال اس مازالت عدنه ونافذه لغاية 12-8-2009 سؤالي هل ممكن نطلع بيهن الى اميركا واحنه مقدمين بالمعامله جوازات ال ج؟
اشكرك أهتمامكم
أخوكم
-
اخي بغداد في عمان اكيد ما تقدر تطلع بغير الجواز اللي دخلت بيه ذيج الدوله الا اذا السفاره العراقيه اعطتك ما يؤيد فقدانك للجواز الاصلي وان الجواز الجديد هو بدل مفقود , و كذلك لا تستطيع ان تسافر بجواز غير الجواز الذي اعطيته للمنظمه .. ولكن انا عندي سؤال للاخوه اصحاب الخبره هو في نهايه هذه السنه الاردن سوف لا تعترف بالجواز س فأذا ابني لديه هذا الجواز وهو نافذ لغايه 2011 فهل يسمحوا له بالمغادره بعد نهايه السنه اي بعد انتهاء تأريخ اعترافهم بهذا الجواز ؟ او انه الاعتراف بالجواز س هو فقط عند الدخول وليس المغادره ؟؟
-
اخي الله يعينك بس اخي اتصل بالمنظمة ولا تضيع وقت وان شاء الله خير.......اختك ايات
-
اخوي عفرس اني نفس مشكلتك عندي جواز أس وتاريخ انتهائه 2011 بس المشكلة هي نهاية السنه محد بعد يعترف بي وخاصة الاردن