ankawa
منتدى الهجرة واللجوء => الهجرة و واللاجئين => الموضوع حرر بواسطة: احمد77 في 20:40 05/07/2009
-
اخواني الاعزاء السلام عليكم ورحمه الله وبركاته.
ارجوا من الاعضاء الكرام المتواجدين بالعراق ايضاح مساله امكانيه الحصول على فيزه للعراقيين الى الاردن.يعني هم صعبه لو سهله؟وشكد تطول؟
اسف اخوان اذا يظن البعض ان السؤال سخيف بس اخوكم خارج العراق من مده مو قصيره وراح ارجع ولازم اروح للاردن لاجراء معاملات طويله عريضه.
الشكر والامنيات بالتوفيق للجميع.
-
اهلا وسهلا بيك اخي و هسة يجاوبوك الشباب
-
أخي
عندي صديق أجه الى عمان جوا قبل اسبوعين يكول حصلت عله الفيزه عن طريق الملكيه خلال اقل من اسبوع!
وأني قدمت طلب فيزه لاثنين من أقاربي سبق ان زاروا عمان في 2005 وبالمعامله ثبتت انهم سياتون برا .وبعد 3 اسابيع انتظار اجه رفض . يبدو انهم يفظلون القدوم عن طريق الجو لأسباب اقتصاديه
سلامي وودي للجميع
-
مشكورين اخوان .والله دوخه تعال هم راح نرجع لهل خربطه. الله لا يحيركم
-
اخي احمد السلام عليكم
التقديم من بغداد عن طريق شركة TNT وبتكلفة 15000 دينار عراقي وهي مصاريف البريد والمدة المعروفة هي بين الشهر او شهرين وربما اقل او اكثر حسب الظروف وحسب بيان سبب الزيارة ولابد ان يكون مقنع قدر الامكان وكلما كان سبب للعمل او الاستثمار كان افضل بالقبول لك ...هناك تعاون من قبل الاردن من ناحية القبول حسب قولهم هذه الايام وربما تساهيل اكثر ولكن نسبة القبول هي 25% من كل 1000 طلب ....
اذا سافرت عن طريق المطار يكون افضل ولكن التكلفة للتكت اعتقد(600$) دولار ذهاب واياب وربما اقل لااتذكر بالظبط ولكن بعد الوصول يعطوك شهر وقابلة للتمديد ان شاء الله
اذا كان سبب الزيارة لاسباب العلاج (عافاكم الله) تكون ايضا من الافضلية في القبول لديهم ويكون مرفق مع الطلب تقرير طبي يوضح بان الحالة تحتاج الى رعاية صحية وربما عمليات لايمكن الحصول عليها في بغداد او عدم وجود اختصاص بها (هذه احد الاسباب التي تضمن بها القبول ان شاء الله
وهناك ايضا .... اذا عندك اي احد من الاقارب ا و الاصدقاء سواء عراقيين (عدهم اقامة أو جواز اردني ) او اردنين يستطيع الحصول لك على موافقة دخول بشرط الكفالة وتقديم اسمك للداخلية لاستحصالها (بيها شوية مراجعات وان شاء الله مضمونة 100% )
واي شي تحتاج اني حاضر وخاصة من سوريا (وللعلم التقديم من سوريا يكون بنوعين اما بريد اعتيادي ومجاني ويتاخر شهرين او بريد سريع يكلف(25$) دولار تقريبا وخلال اسبوعين تحصل على الرد (موافقة او رفض حسب طلبك وجتهادك في كتابة السبب)
انا اليوم كنت عند السفارة الاردنية ... وقرأت ارقام الموافقات والاعتذارات وتقريبا السنبة متقاربة او شوية الرفض اكثر وهذا شي عادي جدا هنا
تحياتي وسلامي
اخوك ابو محمد
تحياتي
-
اخي الكريم
اذا انته تريد تجي من دوله غير العراق الى الاردن فالفيزه تاخذه بالمطار ,, وصديقي قبل مده رجع للعراق من امريكا و كان اخر خط للرحله مالته الاردن فاتصلنا بالسفاره الاردنيه بامريكا كالوا بالمطار ياخذ الفيزه و فعلا انطوا 3 اشهر من المطار و من خلاله برا الى العراق
اما اذا تريد الفيزه من بغداد فشركة TNT
وباي بلد انته اخذ رقم السفاره الاردنيه بهذا البلد للتاكد منهم و للافضل المكتب الي يحجزلك تذاكر الطيران خلي هو يتصل علمود تصير رسميه
-
أخي الكريم اني بالنسبة اللي كنت بسوريا قدمت عن طريق السفارة اللي بالمزة مقابل منظمة الهجرة بالضبط بس من سوريا لازم يكون عندك اقامة اولا وبعدين تكتب اكو فقرة بالاستمارة انه السبب لدخولك الاراضي الاردنية فاني بما انه كانت عندي طفلة عمرها 1 سنه كتبت السبب هو العلاج وحاول ترفق مع الاستمارة فد تقرير طبي اني بوكتها سويتها من دكتور خاص بسوريا و اختمه طبعا الجنسية و شهادة الجنسية والجوازات كلها تستنسخها على ورقة A4 شرط لازم يعني حتى لو الجنسية بوحدها طبعا اقصد الوجهين على ورقة وحدة وهناك راح تكتب عنوان اللي راح تروحله بالاردن يعني بالاستمارة فاذا كان سبب الدخول مرضي حاول تكتب عنوان مستشفى او عنوان قريب من المستشفى حتى تكون يعني مرتبه الاستمارة بعدها راح الموظف يأخذ منك اوراقك ويقول لك اتريها بالبريد لو فاكس انصحك بالفاكس صحيح اغلى بس اسرع لان البريد اغلبهم يجيهم رفض لان المسأله ترة مسألة فلوس فقط
بالفاكس تأخذ منك تقريبا شهر باسوأ الحالات
ارجو ان اكون ساعدتك بالمعلومات
اخوك رافد
-
اشكر كل من اجابني على سؤالي ورحم الله والديكم واسال الله ان يوفق الجميع بمساعيهم ولايحوجكم لهذوله النواقيص وبلدانهم التعبانه.تحياتي وتمنياتي بالتوفيق للجميع.