ankawa
منتدى الهجرة واللجوء => الهجرة و واللاجئين => الموضوع حرر بواسطة: حسام العراقي في 00:25 06/07/2009
-
اخواني الاعزاء اني حسام عراقي مقيم بسوريا مقدم على اليو ان وطلعلي امريكا كملت المقابلات كلها
ومقابلة الوفد وخابروني على الفحص الطبي وكملتة علما اني مقابل الوفد بتاريخ 28/5/2009 حبيت
استفسر اكدر اغير الدولة واحول ملفي على غير دولة علما اني مقدم مع والدتي و 2 من خواتي عمرهم
صغير ويعني اني المعيل الوحيد وامريكا اعتقد ابد ماتفيدني وحسب مافتهمت امريكا نسبة الشغل قليلة
وحالتنا على كدنا يعني اذا رحت امريكا لازم اشتغل بالبداية
-
الاخ العزيز حسام اولا اهلا وسهلا بيك بين اخوتك وخواتك
اخي العزيز الله يخليك لاهلك
بنسبة لسؤالك الاول ما تكدر الا ان ترفض سفر لامريكا وبهاي حاله راح بغلق ملفك بعد ما ادري اذا راح تقبل تفتحه الامم المتحدة من جديد واذا فتحته شوف عود شوكت راح تحولك الامم المتحدة لغير بلد وشوف شكيد تريد وقت وانت تكول حالكم بسيط
اما عن وصولك الى امريكا فاخي والدتك راح تكون الراعية لاخوتك وراح يستمر معاشها
اما اخوتك الصغار فرواتبهم ومصاريفهم وتامينهم يستمر الى عمر 18 سنه
اما انت فاول فترة تكون على المنظمة طبعا الاهل كذلك وبعدين على الولفر والي تكون مساعداته اقل ومحدودة وهذا ليس فقط للاجئ وانما حتى للامريكان نفسهم ومن تشتغل تكون مسؤال عن نفسك واذا راتبك يكدر يخطي كل مصاريفكم عود بذيج الحاله يقطوعون الولفر المساعدت عن بقيت اهلك اما اذا لا فتستمر
تحياتي
تايكر
-
اخي العزيز امريكا متنرفض هي الي ترفض
يعني انته اذا رفضته ينغلق ملفك بس اذا امريكا رفضتك ممكن يتحول الى غير ولايه
اخويه انته ذكرتك انته معيل لاهلك الله يخليكم لبعض
زين ليش متريد تشتغل من البدايه يعني اكوا مانع يمنعك انوا تشتغل ,, لانوا حتى اذا غير دوله شنوالي يفرق بيه ؟
اما بالنسبه للشغل فهوا موجود صحيح مو مثل قبل بس المنظمه مسؤوله توفرلك شغل ,,
وسؤال اخير ولو ضوجتك زين انته متريد امريكا و تعرف انوا انته المعيل لاهلك و متكدر تشتغل اول متوصل ليش همه مكلولك انوا هاي المقابلات الاولى و الفحص تخص الهجره الى امريكا ليش اخذت مكان عائله او كم شاب عزابي يتمنون بس يوصلون علمود يبدون رحلة كفاح و ميهمهم لو بس ينطوهم شهر مساعدات بس يشمون نفسهم وحتى لو يغسلون مواعين .
اني اكول اخويه توكل وسافر مهما كانت امريكا احسن بهوايه من بهذلة سوريا الاسد لو الخنازير الاردنين لو حتى البقره الضاحكه و ابده حياتك هنا ومستقبل الصغار لتخاف عليه نظامهم هنا دائما يحمي الحلقه الاضعف بالسلسله والاطفال همه الحلقه الاضعف
-
اخي العزيز
اني ماعندي اي مشكلة بالشغل والحمد لله وما اخجل من اي شغل بس الي اعرفة انو بعد فترة 8 اشهر اني والوالدة بعد مايحقنة اي مساعدة من المال صحيح بس الاطفال يبقى راتب الهم بس ايجار الشقة والمستلزمات الاخرى لازم اني اوفرها طيب اذا اني خلال هاي الفترة مالكيت شغل او شغل مايسد عيشتنا زين بهاي الحالة واحد شنو يسوي مع العلم اني معلوماتي كلش قليلة من ناحية العيشة بامريكا بس الاخ قبل شوي كال ان والدتي تستلم مساعدات حتى بعد 8 اشهر وما اعرف شنو يعني الولفر
-
السلام عليكم
اخويه مااكدر اعلق اكثر من اخواني واعتقد همه نطوك الجواب الوافي مشكورين وكلامهم اكيد 100% . عيوني توكل على الله وربك ماينسى عبده . ان شاء الله توصل بالسلامه وهاي تصير سوالف اعتمد على نفسك وابني حياتكم الجديده . وشايف كل الخير . هاي فرصة عمرك ولاتفوتها وتندم طول عمرك . اتمنالك كل الخير .
ابو انس
-
اخي حسام الولفر يعني هاي المساعدات الي تنطيها الحكومة لكل اللاجيين وحتى الامريكان واي شخص يحتاج مساعدة من الحكومة هذة هي كلمة الولفر
-
توكل علىالله وسافر
يمعود هوة منو محصلهة حتى انت ترفضها
يا اخي اعتبر نفسك رايح للامارات ، اصلا العيش بالامارات اصعب واكو عالم لحد هسة موجودة والله موفقهم وعايشين.
-
معلوماتكم القيمة عن ولاية تكساس ترى اخوكم حاير والافكار اتجرني شمال ويمين اني اول مرة اكتب وارجو الرد السريع
-
اخي العزيز حسام
في حال رفضت السفر الى امريكا فهل لديك حل اخر افضل؟؟ تذكر انك في حال رفضت في هذه المرحلة تكملة الخطوات وسحبت طلبك بالسفر فالله اعلم متى يتم فتح فايلك من جديد كون تم اعطائك الفرصة ورفضتها بمحض ارادتك, طبعا في حال سحبت الطلب ستقول لك موظفة ال IOM بانك لم تفقد حقك في اعادة التوطين وبامكانك الرجوع الى اليو ان واعلامهم بوضعك ولكن الكلام شيء والحقيقة شيء اخر لان اليو ان سترد عليك بانك اخذت فرصتك "وروح واحنه انخابرك يعني انساهم"..
برايي لا اعتقد بان سورية او اي دولة جوار اخرى تعبانة ممكن ان تكون افضل من دولة تعطيك كامل حقوقك وتعاملك بشيء اسمه القانون "والذي نفتقده من فتحنا عيونه عالدنيا ولحد الان" ولا اعتقد بان موظفي الهجرة والجوازات والذين تعرفهم احسن مني واللي ميمشي معاملة اذا مياخذ المقسوم سيكونون افضل من موظفي الاقامة هناك..
اتوكل على الله سبحانه وميصيبك الا اللي الله كاتبه
تحياتي
بغدادي
-
اخي توكل على الله ولاترفض النعمه بالذهاب الى ارض الاحلام ولاتعتمد على المساعدات والذي رزقك في سوريا هوه نفسه الذي يرزقك في كل مكان فتوكل على الله وان شاء الله يكون الخير لك ولعائلتك وتقبل مروري