ankawa
منتدى الهجرة واللجوء => الهجرة و واللاجئين => الموضوع حرر بواسطة: sukraat في 13:53 06/07/2009
-
مساكم الله بالخير حبايبي
قبل كم يوم كتبت موضوع كنت محتاج مساعدتكم فيه لما كنت متحضر لاول مقابلة
اليوم راح اكتب شحصل وياي بالمقابلة اللي حصلت بمقر منظمة IOM في بغداد
طبعا كان موعدي ساعة وحدة ونص الظهر وتعرفون احنة شغلنة نجي قبل الوقت يعني اني حضرت ساعة 11
طبعا صار الانتضار ولكيت عوائل كلش هواية موجودة بقاعة الانتضار ومنهة مقابلة اولى ومنها مقابلة ثانية
طبعا لابد للاشارة انو المقابلات في بغداد عددهن 2 مقابلتين فقط يعني في الاولة المعلومات والقصة وفي الثانية المحلف وبعدهة يكون الفحص وبعدهة ينطوك موعد الطيارة (هيج بسرعة )
طبعا صاحوا بأسمي ودخلت لغرفة مع موظفة اعتقد انو جنسيتهة مصرية وبدت تسألني
اسمك عمرك سكنك عملك ( بالمكان والتأريخ ) دخلت الجيش لو لا بعثي لو مو بعثي
وبعدين العائلة ( بالمناسبة اني عائلتي ما راح اخذهة وياي لان الحقيقة ما اعرف الوضع شنو هناك بس اذا استقريت هناك راح اسويلهم لم شمل )
طبعا بدت تسألني عن افراد العائلة وتواريخ ولاداتهم وسكنهم وعن كل فرد بالعائلة
بعدهة كالتلي اني راح ابدي وياك القصة مالتك واريدك ترتبهة اللي حتى اكدر اكتبهة بصورة معقولة وجيدة
طبعا لان اني احجيهة بالعربي وهية ترجمهة للانكليزي مع بعض الاضافات من عدهة (التعديلات)
بعدهة من خلصت القصة ضلت تسألني اسئلة مثل شنو اسمك اللي تريدة يكون بأمريكا يعني الرباعي لو الخماسي لو اللقب ويا لو بس اسمك وابوك وجدك
واذا كان عندك كفيل هناك
الحقيقة اني ما اكن عندي احد فكلتلهة ما عندي كفيل وياريت اخوانة يكلولي هذي هم تأثر اذا ما عندي كفيل ؟؟؟؟
بعدهة انطتني مجموعة من الاوراق كل ورقة مكونة من نسختين وحدة عربي وحدة انكليزي اوقع اني على النسخة الانكليزي وينطوني العربي حتى اعرف على شنو وقعت
بعدهة خلصت المقابلة اخذولي صور وكالولي تنتظر شهر حتى يصير موعد المقابلة الثاني مع المحلف
اتمنى هذا الموضوع يفيدكم مثل ما فاتدني مواضيعكم قبل ما اروح للمقابلة
وشكو شي جديد يصير بقضيتي اني راح اكتبة هنا للفائدة العامة
التقديم كان يوم 20/8/2008
ضلوا يتصلون بية بين فترة والثانية علمود التاكد من رب العمل اللي كنت اعمل ويا والمكان اللي اشتغلت بي
المقابلة الاولى حددوهة يوم 5/5/2009 بس اني اجلتهة لان كان عندي ظرف
اعادة المقابلة الاولى يوم 5/7/2009 والحمد لله خلصت
كلولي من شهر الى 45 يوم نتصل بيك على المقابلة الثانية
والله كريم
اخوكم سقراط
-
مبروك اخي sukraat اتمام المقابله الاولى
وشكرا على تفاصيل المقابله ياريت تذكر تواريخ تقديمك حتى تعم الفائده
بالتوفيق للجميع
-
السلام عليكم
أن شاء الله تمشي أمورك وتسهل وتصل لمبتغاك.
رأيي كان من الافضل ان تأخذ عائلتك وياك لان لم الشمل يطول.
أما موضوع الكفيل فهوايه مواضيع رح تلكى عليه لان الاخوان مقصروا مع ذلك رح توصل الى قناعة بأن الكفيل مو فد شي مهم.
تقبل ردي
عيني بغداد
-
الف مبروك و ان شاء الله القبول بعد مقابلة المحلف
-
عاشت ايدك اخوية سقراط (سقراط الفيلفوس جان وياية بالروضة من جنا شباب كبل فد 2000سنة)
بس اكو شغلة ضحكتني بكلامك مع احتراماتي
انته تكول ببغداد مقابلتين وسريعة بينما انت سنة اللا شوية يللا مقابليك اول مقابلة
وين السرعة؟؟؟
يمعود اني عندي اصدقاء عال SIV سافروا ورى شهرين من التقديم
صدك ليش ما مقدم على هالبرنامج ماطولك وحدك مو وية العائلة؟؟؟
-
مبروك اخي
-
مبروك اخي وان شاء الله تقابل المقابله الثانيه
-
شغلة كلش اتضحك .........ز اخوية الله ايخليك ياسرعة هاي اني مقدم من شهر حزيران 2008 ولحد الان ماسافرت!!!!!!!!!!!!!! اتصور انه انتة متفائل كثيرا ولو مااريد اهبط معنوياتك بس بعون الله راح اتشوف بنفسك جماعة بغداد شكد سرييييييييييييييييييييييعيييييييييييييييييييييييييييييييييييييييييييييييييين !!!!!!!!!!!
-
عاشت ايدك اخوية سقراط (سقراط الفيلفوس جان وياية بالروضة من جنا شباب كبل فد 2000سنة)
بس اكو شغلة ضحكتني بكلامك مع احتراماتي
انته تكول ببغداد مقابلتين وسريعة بينما انت سنة اللا شوية يللا مقابليك اول مقابلة
وين السرعة؟؟؟
يمعود اني عندي اصدقاء عال SIV سافروا ورى شهرين من التقديم
صدك ليش ما مقدم على هالبرنامج ماطولك وحدك مو وية العائلة؟؟؟
حبيبي vincenzo مشكور على ردك الجميل الحقيقة يمكن اني متفائل بس اشوف الشغلة سريعة وانشاء الله على الكل
بالنسبة لبرنامج SIV اني سألت علية وكالو فقط للناس اللي اشتغلو بصلة مباشرة وية القوات اما بالنسبة اللي اني عملت وية مؤسسة تاخذ فلوس من الحكومة الامريكية اتصور انو احنة مامشمولين بهذا البرنامج فقدمت على IOM والله كرييم
مشكورين اخوان على مروركم الجميل
اخوكم سقراط
-
عزيزي سقراط اولا حبيت اهنيك على المقابلة الاولى وانشالله يوم الي نشوفك بامريكا .
بس حبيت اكلك بانوا اني وعائلتي كنة موجودين بنفس اليوم الي قابلة بي ( 5 / 7 ) واحنة همين مقابلة اولى .
كنت تسمع البنية الي جانت تبجي وهازة القاعة كلهة . هاي جانت بت اخويه واني جنت واكف يمهة
-
صديقي سقراط هذا خطاء قاتل عندك لان انت اذا مشتغل اكثر من سنة وية هاية المؤسسة فانت مشمول بالاس اي في مليون بالمية
حاول تروح لموقعه وتتاكد
او شوف المواضيع المهمه والمثبته
-
صديقي سقراط هذا خطاء قاتل عندك لان انت اذا مشتغل اكثر من سنة وية هاية المؤسسة فانت مشمول بالاس اي في مليون بالمية
حاول تروح لموقعه وتتاكد
او شوف المواضيع المهمه والمثبته
عزيزي vincenzo
اني اشتغلت وياهم تقريبا سنتين وما اعرف بعد احتمال اكون مشمول بهذا البرنامج بس هسة شأسوي هم اقدم عليه لو اخليهة على الي او ام
اخوكم سقراط
-
صديقي سقراط هذا خطاء قاتل عندك لان انت اذا مشتغل اكثر من سنة وية هاية المؤسسة فانت مشمول بالاس اي في مليون بالمية
حاول تروح لموقعه وتتاكد
او شوف المواضيع المهمه والمثبته
عزيزي
اكيد شلون ما شفت هذي البنية الحلوة خطية كانت بس تبجي وخطية يمكن والدتك كانت حيرانة بيهة كل شوية تطلعهة ليبرة وهية تبجي حتى شافتني وكالت عليه ددداااا
اخوكم سقراط
-
صديقي قدم وين ما واصل باللجوء
لان ما خسران شي
هو ايميل
لان حرامات حقك يضيع
-
مشكور اخي سقراط .... اريد اعرف شكد طولت المقابلة ... يعني ساعه ...ساعتين ... لو اكثر
-
مبروك اخي اكمال المقابلة وان شاء الله موفق بالمقابلة الثانية وتاتي كل الموافقات لك
سلام الله معك
اخوك يوجد امل