ankawa
منتدى الهجرة واللجوء => الهجرة و واللاجئين => الموضوع حرر بواسطة: الصابرة في 16:02 06/07/2009
-
السلام عليكم طبعا احب اشكر هذا المنتدى بالبداية على الامور الي يوضحهة النا عن طريق بعض المشتركين .... طبعا احنا هنا مقيمين اني وزوجي في اليمن من فترة وهنا اكو عراقيين طالعين عن طريق اليو ان واحنا رحنا قدمنا بس هنا باليمن بصعوبة شوية التقديم لان ميتجاوبون وية العراقيين ما اريد اطول عليكم بس رحنا وقدمنا والله سهل علينا وقابلتنا وحدة امريكية يمكن على ما اضن بس كالت اني ما اكدر افتيلكم بشي بس هية لجنة تجي اسمهة icmc تجي وتقابلكم وجتي وقابلناهة وهمينة من قابلنا كالت تجي لجنة ثانية وهية تحددالموافقة بس نريد نعرف هية اللجنة الي تجي هية لجنة الي يسموهة محلفين لو شنو بالضبط وارجو من الاخوة الي طلعو من اليمن يفيدونا اذا يقرون هذا الموضوع وهل انو اكو شغلات اخرى ورة هاية اللجنة وشكرا الكم
-
اختي اعتقد المحلفين
وارجوا ان تتصلي بالاخ عراقي من اليمن للاستفسار عن هذا السؤال لانه وصل الى امريكا من اليمن
-
الاخت صابرة
بالنسبة لل icmc فهاي اللجنة بس تكتب المعلموات مالتكم والقصة وتحضرها الى لجنة المحلفين الي هي اللجنة الي راح تقابلكم وباللجنة المحلفين يسئلوج اسئلة عامة بس اهم شي مترتبكون والله يسهل اموركم ان شاء الله وشلونها صنعاء والله اشتاقيتلها بس مو هواية
-
اختي الصابرة السلام عليكم
والله ذكرتينا باليمن العزيز !!!!!
اختي الكريمة اني خرجت من اليمن عن طريق الامم المتحدة من شهر اذار 2009، وكان تقديمي من شهر 9 سنة 2007، المهم لااريد ان اصيبك باليأس ولكن الموضوع يتحرك مثل السلحفاة باليمن
الخطوات بالتسلسل كما يلي:
1- بعد موافقة الامم المتحدة على رفع الملف
2- اللجنة من ICMC وهي تأخذ المعلومات وترتبها الى لجنة المحلفين
3- لجنة المحلفين وفيها تتم الموافقة ام عدمها
4- الموافقة الامنية
5- الفحص الطبي ويكون في نفس الفترة التي تتم فيها انتظار الموافقة الامنية
6- الدورة التثقيفية وتجرى من قبل الـ ICMC وايضاً تجرى في نفس الفترة التي تتم فيها انتظار الموافقة الامنية
7- التبليغ بموعد السفر من قبل الـ IOM بعد استلام الموافقة الامنية من السفارة الامريكية في صنعاء والحصول على الفيزا.
هذا التسلسل بالضبط وتبقى الفترة الزمنية علمها عند الله سبحانه وتعالى في وقتنا كانت اشهر بين خطوة واخرى ولكن يمكن عندكم الان الوضوع احسن يكون وللعلم اللجنة المحلفين سوف لن تقابل عراقيين فقط وانما صوماليين ايضاً وهذا ما يؤدي الى التأخير.
هذه الخطوات بالضبط وربنا يسهل عليكم، وانا حاضر لأي استفسار اخر
اخوكم
اركان - مشيكان (عراقي من اليمن سابقاً)
-
ألاخ اركان
شكرا جزيلا لك على الرد على اسفساري وصنعاء بخير واتسلم عليك بس احنا والله اهنا تعبانين صارلنا اهنا اكثر من 4 سنين . بس اذا ممكن اتوضح النا شنو نوع الاسئلة اللي راح تسئلها المحلفين يعني اكو شئ مخصص
مع العلم اكو اهنا اهواية طلعو من اليمن في فترة اقل من سنه اشلون ما اعرف بالضبط مثل مجموعه الدكاترة وغيرهم وقسم من اخواننا المسيحيين والصابئة .
والعفو اذا طولت عليك واسئلتي الهواية ومنتتظرة منك الرد
واني كلش ممنونه من حضرتك
-
اختي الصابره هذا رابط قد يجيب على سوؤالك
http://www.ankawa.com/forum/index.php/topic,294296.0.html
تحياتي
-
اختي الصابرة عليكي بادعاء والصبر الله يفرج عليكي وعلئ جميع العراقين في كل مكان
اخوكي ابو الجاي
-
اختي الصابرة
الاخ عكعك (فهرس المنتدى) مشكور له كل الجهد والمتابعة قدم لك كل ما يخص المحلفين والمقابلات ارجو ان تقرئيه جيداً
وبخصوص المحلفين فان اهم سؤال لديهم (بخصوص الرجوع الى العراق من عدمه؟) فيجب عليكم اقناعهم بعد التمكن من الرجوع الى العراق والاسباب
وبالنسبة الى الفترة الزمنية من تجربتي الخاصة والله اعلم (كل شخص وحظه فقط)
اركان
-
ان شاء الله خير ومدام عدنا رجال طيب مثل عكعك التطوى وغيره الكثير من الرجال الشرفاء والاخوات الطيبات فان شاء الله هذا المنتدى يبقى خيمة للكل
تقبلوا مروري
حداد السيوف