ankawa
منتدى الهجرة واللجوء => الهجرة و واللاجئين => الموضوع حرر بواسطة: بلال العاني في 18:12 06/07/2009
-
السلام عليكم ورحمة الله وبركاته
اتصلوا عليّ المفوضية السامية كالولي تعال بعد يومين علمود تملي البطاقة الزرقاء ممكن اعرف شنو هايه البطاقة
مع العلم آني مخلص مقابلات وآخر مقابلة كانت مع الوفد السويدي قبل شهرين تقريبا وكالولي انتظر الموافقة
وشكراً للجميع
-
اهلا وسلاه بيك اخي و هسة يجاوبوك الشباب و الف الف مبروك اتروح للسويد ان شاء الله الحياة المستقرة
-
هلا بيك ياطيب .. الله يبارك بيك ويعزك
-
استاذي العزيز هاي بطاقة تثبت انك لاجى مو طالب لجوء اكو ناس تسافر وبعدها ما مستلمتها
-
اخي العزيز اهلا و سهلا بيك بالمنتدى
و الله اخي العزيز اني ما عندي اي معلومات على الموضوع بس اذا تحب تدخل على موضوع الاخ المتالق مجيد (اداري منتديات) و موضعه حول الهجرة الى السويد اعتقد ان شاء الله راح تستفاد اكثر و هذا اللنك
http://www.ankawa.com/forum/index.php/topic,210465.0.html
اخوك ابو داليا
-
ابو داليا العزيز
اعتقد الاخ يقصد البطاقو الزرقاء الي تصدرها مفوضية شوون اللاجئين لكل المقبولين على برنامج التوطين في الاردن سواء كان سويد اميركا كندا.........الخ والاخ راح يروح يمليها وبعدين تروح للداخلية الاردنية تنختم وترجع حتى يكون موقف اللاجى رسمي بالاردن بس المشكلة مرات اكو ناس تسافر وبعدها ما راجعة من الداخلية الاردنية وعلى العموم هية لا تفيد ولا تضر ولا تاخر ولا تقدم شي تقريبا
-
أخي عبسي ممكن توضيح اكثر ؟
أخي john85 شكراً الك مبين صايره هوسه يم الأخ مجيد حتى قبل فتره راسلته بخصوص موضوع وماردت عليّ الضاهر مشغول
أخي ابو داليا العزيز يعني افهم من كلامك البطاقة تخص الحماية لا اكثر ومالها شغل بالسفر وعادي الواحد يسافر بدون هاي البطاقة حتى لو ماعنده اقامة بالاردن آني اقامتي صار شهرين تقريبا من خلصت ومامددتها لا آني ولا المرافق مالتي للعلم آني عندي اصابة ومصارلي اربعة اشهر من دخلت عمان
شكراً لردكم الكريم وانتظر باقي الأخوه يفيدوني
-
اخي بلال مثل ما شرحتلك هاي البطاقة اعتراف من الداخلية الاردنية انه انتة موقفك رسمي في الاردن بس حتى ولو كان موقفك غير رسمي اي بعدك ما مطلع البطاقة الزرقاء فانتة اليو ان من تسافر تدفع غراماتك بكل الحالات واي سوال اني حاضر
-
اخي العزيز بلال اني قبل يومين استلمت البطاقه الزرقاء اما فوائد البطاقه الزرقاء اعتقد كلام الاخ عبسي مضبوط 100% 0
اخوك 79 النرجس
-
أخوتي عبسي والنجرس اشكركم ياطيبين ... زين آني بعد ثلاثة ايام استلم التمديد ثلاثة اشهر من الخارجية الأردنية
شتنصحوني اروح استلم التمديد لو لا اعتمد على اليو ان وخلص
-
طبعا تستلم التمديد
-
اخي العزيز بلال ليش لا مدد الاقامه مالتك ثلاثه اشهر انت مخصران شي حتى يكون وضعك قانوني اكثر خصوصا انت لحد الان لم تملي الكارت الازرق وبعدين حتى لو مليت الكارت مراح تستلمه الى بعد مرور اكثر من ثلاثه اشهر وانا استلمته يوم السبت علما اني مليت الكارت يوم 22/2 تحياتي0
اخوك 79 النرجس
-
اخي العزيز بلال كلام الاخوان عبسي و النرجس مضبوط مية مية....بس اني من قريت موضوعك و شغلات تخص السويد دورت بالمنتدى على موضوع ممكن ان تستفاد منه و المهم دخلت على موضوع majeed ولكيت شغلات مقاربة و حبيت ارسل اللنك حتى تكون انت على بينه
اخوية الورد عبسي انت و الاخ النرجس ما شاء الله ثنينكم ورود و اعتقد اجوبتكم جانت كلش كافية تحياتي لكم
اخوكم ابو داليا