ankawa
منتدى الهجرة واللجوء => الهجرة و واللاجئين => الموضوع حرر بواسطة: nonakoko في 19:25 06/07/2009
-
الرجاء من الاخوة الاعضاء في المنتدى اصحاب الخبرة في معاملات التوطين الى المانيا من سوريا - نحن قابلنة في السفارة من تاريخ 6- 4 - 2009 وبعد عشرين يوم من المقابلة اكملنة الفحوصات - ولكني اسئل لماذا هذا التاخير في المعاملة هل كل المعاملات تتاخر هكذا - الرجاء من اصحاب الخبرة الجواب على سؤالي ( ترة دخت ) الله يسهل امرنة وامركم انشاء الله
-
السلام عليكم
والله يااخ nonakoko انا نفس الوضع بس نرجع ونقول الله كريم يرحم بحالنا وحال الباقين ويفرح الجميع اصبر ان الله مع الصابرين اختك ام ميسم
-
شكرا اختي ام ميسم على مشاعرج - بس كان عندي استفسار - احنة كان عدنة نقص بالاوراق الرسمية اتاخرنة ثلاثة اسابيع الى ان قدمنة الاوراق الى السفارة وبعد شهرين من المقابلة اتصلو بينة وكالو لازم الوالدة تراجع السفارة لاعادة فحص البصمات لانها مو واضحة حسب كلامهم - سؤالي هو هل البصمات والاوراق الرسمية تاخر المعاملة كثيرا - شكرا على تواصلج والله يفرج علينة وعليكم انشاء الله
-
الاخ nonakoko
التاخير حاليا شي اعتيادي لان اكو زخم كبير على السفارة
بس كون مطمان لانك قابلت السفارة وعملت فحوصات بس مسألة وقت لا اكثر ولا اقل وانشا الله تسافر وترتاح لان المانيا كلش حلوة وامور اللاجئيين العراقيين الي راحو كلش زينة ومرتاحين
واني عندي اكثر من عائلة راحت بالوجبات الفاتت ويكولون هسة حسينة احنا عايشين
والموفقية للجميع
-
الاخت او الاخ نوناكوكو
بنسبة للاوراق نعم ممكن ان تاخر المعاملة الى ان يتاكدون من صحتها هذا من جانب
ومثل ما وضح الاخ دهوكي بما يخص المانيا هي مسالة وقت في حال انت كملت كل شيئ ويا سفارة
لان المانيا ترتب الوجبة الي توصل يلا دز على ثانية وحاليا العدد الكلي الي واصل الى المانيا لنهاية شهر سادس هو حدود 600 من 2500 لكن المانيا تشتغل بهدوء
وتراقب رد فعل الناس الي تتوصل وهل راح تندمج وتعتمد لو راح دور مشاكل وهوسه مثل ما قام البعض بغير دول
اتمنالكم الموافقية وانشاء الله باقرب وقت نرحب بيكم جميعا بالمانيا
-
والله ياأخي نفس موضوعي بس انا لم يرسلوا على اخذ البصمات مره ثانيه لكن اخذوا بس مني الجنسيه والشهاده فقط بعد اسبوعين تاخير وقالوا لي بعد شهر نتصل عليك ولحد الان انتظر الفرج والله قادر على كل شيء ونحنوا نقول الله كريم يفرح كل العالم الي تنتظر وقول يارب ليس لدينا غيره هو ارحم الراحمين ياخي العزيز اختك ام ميسم
-
شكرا اخواتي واخواني على طرح موضوع اللجوء الى المانيا
واتنمى منكم ان تعلمونني ماذا استطيع عمله الان هل اراجع السفاره الالمانية او اراجع المفوضية في كفر سوسة حيث اننا تم مقابلتنا في قسم التوطين بتاريخ 26/5/2009 وتم توقيعنا على اختيار المانيا وفي اليوم التالي اتصلو بنا من قسم التوطين في المفوضية واعلموننا رسميا بان ملفنا سيتم تحويله الى السفارة الالمانية ومنذ ذلك الوقت ولحد الان لم يتصل بنا احد من السفارة ولا من المفوضية وقد مضى من الوقت لحد الان اكثر من شهر ونصف !!!!!!!!!!!!!!!!!!!!!!!!!!!!!!!!!!!
-
عيني الشمس الساطعة
طالما اخبروكم بان ملفكم تم تحويله الى السفارة فخلي ابطنكم بطيخة صيفي ولا تفكرون انتو مقبولين
بس مسالة وقت ويتصلون بيكم من السفارة ويحددون الكم مقابلة والرقم الي يتصلون بيكم يكون ارضي
اني صرت صاحب خبرة بمسالة الالمانية شكت ما ابحوش ههههه
والموفقية للجميع انشا الله
-
عزيزي دهوكي
شكرا جزيلا على اجابتك وشعورك الجميل
ولكن انا سأكون بقلق الى حين الاتصال بنا
لأ ن اكو عائلة قابلت التوطين بنفس يوم مقابلتنا واتصلو بيهم السفارة الالمانية من قبل اسبوعين وهسه همه عملو فحوصات طبية
-
ارجو من الاعضاء الموجودين على هذا الموقع الذين عملو فحوصات طبية مال المانيا
توضيح نوع الفحوصات بالتفصيل ؟؟؟؟؟؟؟؟؟؟؟؟؟؟؟؟؟
وكم يوم تستغرق الى ان تطلع النتيحه مال فحص
وهل الفحوصات اتاخر بالسفر
واذا واحد فشل باحدى الفحوصات اشراح ايسوي
وشكرا مقدما لمشاركتكم
-
الاخت الشمس الساطعة
بالنسبة للفحوصات تكون كالاتي
اليوم الاول فحص اشعة للصدر فقط
اليوم الثاني يكون الفحص للنظر والطول والوزن فقط
والنتيجة مالكم علاقة بيهة هية تروح للسفارة فقط اذا تبين شي بالفحص للصدر يبلغوكم باعادة الفحص بعد كم يوم
-
عزيزي دهوكي
اشكرك هوايه على مشاركتك
وارجو من جميع الاعضاء والضيوف اللذين عدهم معلومات اكيدة لتفسير الموضوع التالي
اني البارحة رحت للمفوضيه وراجعت بخصوص الملف وقضية المانيا
خبروني بان الملف مالتكم ما صاير عليه اي تغيير منذ شهر ونصف يعني من اليوم الي قابلناكم بقسم التوطين و الى هسه ما حولنا الملف لاي دوله انتظروا احنا نتصل بيكم وما نعرف اشوكت فد شهرين او ثلاثة
وقالوا لي بان صحيح انكم وقعتم على موافقتكم على التوطين في المانيا بس هذا لا يعني ان ملفكم اتحول الى المانيا
اريد اعرف ان بعد المقابلة مال التوطين بكفرسوسه هل التوطين لازم ايخابرونا مره ثانية وايخبرونا بان الملف استلمته السفاره الالمانية لو بس مجرد توقيعنا على المانيا بقسم التوطين يدل بان الملف صار بالسفارة
-
اختي الشمس الساطعة - احنة بعد ان اجرينة مقابلة التوطين بكفر سوسة باسبوع واحد اتصلو بينة وكالو ملفكم اتحول الى السفارة الالمانية والموظفة بالتلفون كالت انتظرو مكالمة من السفارة وبعد اسبوع اجانة اتصال من السفارة الالمانية وحددولنة موعد مقابلة - بالتوفيق انشاء الله
-
اخواني الاعضاء والضيوف في موقع عين كاوه
السلام عليكم
اشكركم جزيل الشكر للمعلومات القيمة الي دتجاوبوني عليهه ولو دا الح اهواية وياكم بس هاي كلهه من كثره الضوجه والانتظار
بس اريد اعرف اذا كنتم اتعرفون اكو جماعة امقابلين التوطين (ويانه او بعدنه ) بكفر سوسه بعد تاريخ 26/5/2009 وبعدين امخابريهم من السفارة الالمانية وامسوين فحوصات
لان احتمال المفوضيه ما دا ايحولون الملفات الى السفارة بعد هذا التاريخ وجايز ايكون الوفد مو اهناية احتمال عدهم اجازه صيفيه لمدة شهر لان اني البارحه من رحت للمفوضيه كلولي ملفكم بعده ما متحول الى السفاره حتى لو اخذنا موافقتكم وامضائكم فهذا ما يعني شي انتظرو خلال شهرين او ثلاثة واذا ما اتصلنا بيكم راجعونه مره لاخ
-
ختي العزيزة الشمس الساطعة بالنسبة الى سؤالج الاول اني ماعرف احد مقابل بهذيج الفترة وبالنسبة للوفد الالماني ماكو شئ اسمة الوفد الالماني لانه التحويل يصير على السفارة مباشرة مو مثل باقي الدول - والسفارة الالمانية ماعدهم عطلة حاليا لانه همة مستمرين بالمقابلات - انتي طولي بالج وخلي ايمانج بالله قوي والله يسهل علينة وعليج
-
الاخت الشمس الساطعة وباقس الاعضاء
اكو عائلة اهنا يمنة بسورية قابلو التوطين بتاريخ 7\6 \ 2009 وكان ملفهم لالمانيا ولم يتصل بهم اليو يو ان ولم يبلغوهم بان ملفهم قد تحول الى المانيا وبتاريخ 6\7 \2009 اتصلت بهم السفارة الالمانية وابلغتهم عن تاريخ المقابلة
والموفقية للجميع ان شا الله
-
شكرا للاخوة نوناكوكو ودهوكي على المعلومات
راح انحاول نصبر وانشوف تاليهه
-
اخواني نوناكوكو ودهوكي وكافة الاعضاء الي متواصلين ويانا
اريد اكللكم الي دا اسمعة من الناس الي دا التقي بيهم
ايكولون المانيا سدت اللجوء من زمان واكتفت بالملفات الي استلمتهه
ودتمشي الملفات الي وصلتهم سابقا بس
واني من رحت راجعت المفوضية كالولي ملفكم بعده الى هسه ما متحول الى السفاره . راجعونه بعد ثلاثة اشهر اذا ما اتصلنا بيكم .
زين اشلون الملف ما متحول . وشلون لعد احنا وقعنا يمهم على المانيا لمن سوينا معامله التوطين في 26 / 5 معقولة الملف يبقى بالتوطين الى هسه
الفار كام يلعب بعبي وبديت اشك اكو غير ملف تم تبديلة ويانا بس واحد اشلون يكدر يوصل ويتحقق من هذا الموضوع وشنو الفائدة اذا المانيا سدت استلام الملفات حاليا واذا اريد اقدم شكوى وين اروح ارجو مساعدتي باي فكرة تخطر على بالكم
-
اختي العزيزة الشمس الساطعة - اني بحيرة ماعرف شجاوبج لان موضوعج يحير بس ماعتقد احد يكدر يلعب بملفكم ويصعد ملف ثاني بمكانة والاحسن الج انه تراجعين يوم الثلاثاء المقبل بيوم الاستشارة وتسئلين على ملفج وهمة راح يجاوبوج واتمنالج كل توفيق
-
الاخت العزيزة الشمس ساطعة اتمنى ان لا تفكري كثيرا وانشاء الله تسهل الامور اختي العزيزة اذا وقعتوا على توطين لالمانيا فانتم ستحولون على المانيا وفي حال تم تحويل ملفكم لبلد ثاني يتم تبليغكم لكن السلطات الالمانية تعمل بهدوء وتاني
اختي العزيزة لحد هاي اللحظه الي دا اكتبلج بيه عدد الواصلين الى المانيا على برنامجه الي هو 2500 شخص لا يزال عدد الواصلين فقط ما يجوز 600 شخص وهذا شي اكيد
فاصبري اختي لان المانيا تمشي وجبه وجبه وانشاء الله عن قريب يوصلكم الخبر
تحياتي
تايكر
-
عزيزي نوناكوكو
اني رحت يوم الثلاثاء الماضي وكالولي ملفكم ما متحول للسفاره وما ايكولون ليش
بس كالو راجعونه بعد ثلاثة اشهر
تدري الى هسه صارلنه خمسين يوم من قابلنه التوطين
وباقي الناس بعد شهر من المقابله بالتوطين ديخابروهم من السفارة؟؟؟
شكرا على تعبك ويانه ونتمنالك التوفيق
-
اعزائي اعضاء المنتدى ...
احد منكم يجاوبني رجاءاً انا اجالي توطين يوم 2-7 على امريكا وانا عندي اخوان بالمانيا واريد اروح يمهم فمن الممكن انه يجولون الملف مالتي على المانيا لو انسدت خلص ؟لانه ديكولون اكتفوا بالعدد خلص وماكو بعد قبول وها الشكل كالولنا بمقابلة التوطين ...بس داسمع هوايا اشخاص حولوا ملفاتهم بها الفترة من الكانيا الى امريكا والعكس صحيح .... واحنا لهسة ما مخابرينا على تحويل الملف مالتنا على منظمة الهجرة الدولية ولا اي دولة ثانية وحايرة وضايجة ................